2 ಕೊರಿಂಥ 12:7 - ದೇವ್ನಿ ಖ್ಹಾಚಿ ವಚನ್

⁷ ಕತೋಬಿ ಮೇ ಅದ್ಮಿರ‍್ಹೀನ್ ಖ್ಹರೈನಾಲೇವ್ಣುಕರಿ ಮನ ಭಾಲೇಥಿ ಟೋಚ಼ನಖ್ಹಾಜೆ ಶೈತಾನ್ನ ದೂತನಿತರ ಮನ ಘುಖ್ಹ್‌ತೊ ಮಾರ‍್ಯೊ ಶನಕತೊ ಮೇ ಫುಲಿ ನಾಜಾ಼ವ್ಣು ಕರಿ ಅಮ್ ಹುಯುತೆ.

2 ಕೊರಿಂಥ 12:7 ပူးပေါင်းရင်းမြစ်များ

ಮತ್ತಾಯ 26:67

ಅಜು಼ ಇವ್ಣೆ ಯೇಸುನ ಮ್ಹೋಡಾಪರ್ ಥೂಕಿನ್, ಇನ ಗುಖ್ಹ್‌ತೊ ದಿದು; ಥೋಡು ಜ಼ಣು ಇನ ಕಲ್ಲಪರ್ ಮಾರಿನ್,

ಮತ್ತಾಯ 4:10

ತದೆ ಯೇಸುನೆ, “ಇನ, ಶೈತಾನ್‍ ತೂ ಹಟಿಜಾ಼! ‘ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ ಎಕ್ಕಸ್ ಜ಼ಣಾನ ಆರಾದನೆ ಕರ‍್ನು ಅಜು಼ ಸೇವೆ ಕರ‍್ನು ಕರಿ ವಚನ್‌ಮ ಲೀಖೈರ‍್ಹುಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:16

ಇಮ್‍ಕತೊ, ಅಠಾರ ವರಖ್ಹ್‌ಥು ಶೈತಾನ್ನೆ ಭಾಂದಿರಾಖ್ಯೋತೆ, ಆ ಅಬ್ರಹಾಮ್‌ನಿ ಪಿಳ್ಗಿವಾಳಿನ ಸಬ್ಬತ್‌ನ ದನ್ಮ ಭಂದಣ್‍ಮಾಥು ಛೋ಼ಡಾವ್‍ಣು ನಾಕಿಶು?” ಕರಿ ಜವಾಬ್‌ ದಿದೊ.

1 ಕೊರಿಂಥ 4:11

ಹಮ್ಕೆಲಗೂಬಿ ಹಮೆ ಭುಕ್ಯಛಿಯ್ಯೆ಼; ಠೋಖ್ಹ್‌ಲಾಗ್ಯಹುಯ ಹುಯಿರ‍್ಹಾಸ್; ಫೆರಾನಖ್ಹಾಜೆ ಹೋಣುತೆ ಎತ್ರು ಲುಂಗ್ಡು ಕೊಯ್ನಿ; ಕದೆಕದೆ ಮಾರ್ ಖಾವವಾಳ; ಹಮುನ ಘರ್‌ಬಿಕೊಯ್ನಿ.

1 ಕೊರಿಂಥ 5:5

ಅಜು಼ ಯೋ ಅದ್ಮಿನು ಶರೀರ‍್ನು ಸ್ವಭಾವ್ ನಾಶ್ ಹುವಾನಖ್ಹಾಜೆ ಇನ ಶೈತಾನ್ನ ಹಾತ್ಮ ಖ್ಹಪ್‍ಡಾವೊ ಶನಕತೊ ಪ್ರಭು ಯೇಸುನ ದನ್ಮ ಇನು ಆತ್ಮ ಬಚಾ಼ವನಖ್ಹಾಜೆ ಅಮ್‍ಕರ‍್ನು.

2 ಕೊರಿಂಥ 10:10

“ಇನೇಥಿ ಆಯುತೆ ಚಿಟ್ಟಿ ಖ್ಹಾರು ಕಠಣ್‍ನುಬಿ ತಾಖತ್‍ವಾಳುಬಿ ಹುಯಿರ‍್ಹೂಸ್. ಕತೋಬಿ ಶರೀರ್‌ಥಿ ಯೊ ಕಮ್‌ಜೋ಼ರಿಹುಯಿನ್ ಇನಿ ವಾತೆ ಖ್ಹಾರಿ ಕಾಮ್ನಕೊಯ್ನಿತೇಬಿ ಹುಯಿರ‍್ಹಿಶೆ” ಕರಿ ಥೋಡು ಜ಼ಣು ಬೋಲಸ್.

2 ಕೊರಿಂಥ 10:5

ಅಪ್ಣಿ ದೇವ್ನಿ ಗ್ಯಾನ್ನ ವಿರೋದ್ ಉಠಾತೆ ಅಹಂಕಾರ್‌ನ ಅಪ್ಣೆ ನಾಶ್‍ಕರಿನ್, ಹರೇಕ್ ಖ್ಹೂಜ್‍ನಾಬಿ ಕ್ರಿಸ್ತನ ಸಮರ್ಪಣ್‌ ಹುವಾನಿತರ ಯೋ ಅಖ್ಖಾನ ಕೊಂಡಿಲಿಯೇ.

2 ಕೊರಿಂಥ 11:20

ಖ್ಹಾಚ಼ಮ ಬೋಲ್ನುಕತೊ ಕೋಣ್‌ತೋಬಿ ತುಮುನ ಕಬ್‌ಜಾ಼ಮ ಕರ‍್ಯುತೋಬಿ, ತುಮುನ ಕಡ್‌ತೆಲ್ ದೇಖಸ್ ಇವ್ಣು ಫಾಯಿದೊ ಕರಿಲೇಸ್ ತೋಬಿ ತುಮಾರ ಕಲ್ಲಪರ್ ಮಾರ‍್ಯುತೋಬಿ ತುಮೆ ಖ್ಹಮಾಳಿ ಲೆವೋಸ್‍ನಿ.

2 ಕೊರಿಂಥ 12:1

ಮೇ ಖ್ಹರೈಲ್ಯಾವಾನು ಅಛ್ಛು಼ ಕಾಹೆ, ಕತೋಬಿ ಖ್ಹರೈಲ್ಯಾವಾನು ಮನ ಜ಼ರೂರತ್ ಛಾ಼. ಇನಖ್ಹಾಜೆ ಪ್ರಭುನೆ ಮನ ದಿದೋತೆ ದರ್ಶನನಾಬಿ ಅಜು಼ ಮಾಲುಮ್‌ಕರಾಯೊತೆ ಪ್ರಕಟಣೆನಿ ಬಾರೇಮ ಬೋಲುಸ್.

ಗಲಾತ್ಯ 4:13

ಮನ ಶರೀರ್‌ಮ ಅಛ್ಛು಼ ಕೋಥುಂತೆ ಇನಖ್ಹಾಜೆ ತುಮಾರಮ ರ‍್ಹೀನ್ ಪಹಿಲಿ ಬಾರ್‌ಮ ತುಮುನ ಸುವಾರ್ತೆ ಬೋಲಿ ವತಾಳ್ಯೊಥೋತೆ ತುಮುನ ಮಾಲುಮ್‌ ಛಾ಼.

1 ತಿಮೊ 3:6

ಯೋ ನವೇಥಿ ದೇವ್ನ ನಂಬ್ಯೂತೆ ಅದ್ಮಿ ನಾ ಹುಯಿರ‍್ಹೇಣು, ನವೇಥಿ ನಂಬವಾಳಾನ ಸಬೆ ಚ಼ಲಾವಾನು ಕಾಮ್ ದಿದಾತೊ, ಇನಾಮ ಹಂಕಾರ್ ಐನ್, ಶೈತಾನ್ನ ಹುಯೂತೆ ಇಮ್ನಿ ದಂಡನೆ ಇನಾಬಿ ಹುಯಿಜಾ಼ಶೆ.