2 ಕೊರಿಂಥ 12:4 - ದೇವ್ನಿ ಖ್ಹಾಚಿ ವಚನ್

⁴ ಯೋ ಸೊರ್ಗಲಗು ಉಡಿಜೈ಼ನ್ ಅದ್ಮಿವೋಥಿ ಬೋಲ್ನುನಾತೆ ವಾತೆನ ಖ್ಹಮ್‌ಜ್ಯೊಕರಿ ಮಾಲುಮ್. ಯೋ ವೇಳ್ಮ ಇನೆ ಶರೀರ್‌ನ ಲೀರಾಖ್ಯೊಥೋಕಿ ಕೊಯ್ನಿ ಶರೀರ್ ಕೋಲಿರಾಖ್ಯೊಥೋನಿಕಿ ಮನ ಮಾಲುಮ್‌ಕೊಯ್ನಿ. ದೇವ್ನಾಸ್ ಮಾಲುಮ್‌.

2 ಕೊರಿಂಥ 12:4 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:43

ತದೆ ಯೇಸುನೆ ಇನ, “ಮೇ ತುನ ಖ್ಹಾಚ ಬೋಲುಸ್ಕಿ, ಹಮ್ಕೇಸ್ ತೂ ಮಾರ ಜೋ಼ಡೆ ಸೊರ್ಗಾಮ ರ‍್ಹೀಶ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:39

ಇವ್ಣೆ ಪಾಣಿಮಾಥು ಉಪ್ಪರ್ ಆವಾದಿನ್, ಪ್ರಭುನ ಆತ್ಮನೆ ಫಿಲಿಪ್ಪನ ಲೀನ್‍ ಗಯೊ. ಅದಿಕಾರಿನೆ ಫಿಲಿಪ್ಪನ ಬಿಜು಼ ಕದೇಬಿ ದೇಖ್ಯೊಸ್‍ ಕೊಯ್ನಿ. ಯೋ ಘಣು ಖುಷಿಥಿ ಇನಿ ವಾಟ್‍ಧರಿನ್‍ ಚ಼ಲಿಗಯು.

1 ಕೊರಿಂಥ 13:1

ಮೇ ಅದ್ಮಿವೋನಿ ವಾತೆಖ್ಹಾರಿಬಿ ದೇವ್ನ ದೂತರ್‌ನಿ ವಾತೆ ಬೋಲವಾಳೊ ರ‍್ಹಿಯೊತೋಬಿ ಮನ ಪ್ಯಾರ್ ನಾರ‍್ಹಯುತೊ ವಾಜ಼್ ದ್ಯವಾಳೊ ಘಾಟೊಬಿ, ಘಣಘಣ ಕರಾನು ಕಖ್ಹಾಳಿಬಿ ಹುಯಿರುಸ್.

2 ಕೊರಿಂಥ 12:2

ಕ್ರಿಸ್ತಮ ಛಾ಼ತೆ ಏಕ್‍ಜ಼ಣೊ ಮನ ಮಾಲುಮ್ ಚೌ಼ಧ ವರಖ್ಹ್‌ನ ಪೀಠೆ ಯೊ ತೀನ್ನೊ ಆಕಾಶ್‌ಪರ್ ಪಡೈಗಯೊ. ಯೋ ಶರೀರ್ ಖ್ಹಮ್‍ದೆ ಗಯೋಕಿ, ಶರೀರ್ ಕೊಯ್ನಿತೇಸ್ ಗಯೋಕಿ ಮನ ಮಾಲುಮ್‌ಕೊಯ್ನಿ ದೇವ್ನಾಸ್‍ಮಾಲುಮ್‌.

1 ಥೆಸ 4:17

ಅನ ಬಾದ್‌ಮ ಜಿವ್ತಾ ಛಿಯೇತೆ ಅಪ್ಣೆ ಪ್ರಭುನ ವಾದ್‍ಳಾನ ವಹಿರಾಮ ಮಳಾನಖ್ಹಾಜೆ ಇವ್ಣಿ ಜೋ಼ಡೆಸ್ ಏಕ್‌ದಮ್ ವಾದ್‍ಳಾಮ ಪಡೈಜಾ಼ಶು. ಅಮ್ ಹುಯಿನ್ ಅಪ್ಣೆ ಹಮೇಶಾನಖ್ಹಾಜೆ ಪ್ರಭುನ ಜೋ಼ಡೆ ರ‍್ಹಿಶು.

ಪ್ರಕಾಶಿತ್ 12:5

ಇನೆ ಜ಼ಗ್‌ಜಾ಼ತ್ನ ಲ್ಹೋಡಾನ ಲಠ್ಠೇಥಿ ಚ಼ಲಾವ್‌ಣೂತೆ ಏಕ್‌ ಪರ್ಖ್ಹಾ ಲಡ್ಕಾನ ಜ಼ಣಿ. ಯೋ ಲಡ್ಕು ತದೇಸ್‌ ದೇವ್‌ಕನಾಬಿ ಇನ ಸಿಂಹಾಸನ್‌ಕನಬಿ ಪಡೈಗಯು.

ಪ್ರಕಾಶಿತ್ 2:7

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಕೋಣ್ ಜೂತಾಸ್ಕಿ ಇನ ದೇವ್ನ ಸೊರ್ಗಾಮ ಛಾ಼ತೆ ಜಾನ್ನ ಝಾ಼ಡ್‌ಣ ಪಂಡಾನ ಖಾವಾನ ಹುಕುಮ್‌ ದಿಶ್.