2 ಕೊರಿಂಥ 12:19 - ದೇವ್ನಿ ಖ್ಹಾಚಿ ವಚನ್

¹⁹ ಹಮೆ ಅವ್ಡಿ ವಖ್ಹತ್ ತುಮಾರ ಖ್ಹಾಮ್ಣೆ ಆಡ್‌ಫೇಡ್ ಬೋಲುಕರಿಯೇಸ್‍ಕರಿ ಲಾಝ್ಯಾಕಿ ಶು? ದೇವ್ನ ಖ್ಹಾಮ್ಣೇಸ್ ಹಮೆ ಕ್ರಿಸ್ತಮರ‍್ಹೀನ್, ವಾತ್ ಬೋಲಾವಾಳ ಹುಯಿರ‍್ಹಾಸ್. ಪ್ಯಾರ್‌ನ ದೋಸ್ತಿವೊ, ಹಮೆ ಕರಾನು ಅಖ್ಖೂಬಿ ತುಮಾರಿ ಭಕ್ತಿನ ಜಾ಼ಖ್ಹತ್ ಕರಾನಸ್‍ ಹುಯಿರ‍್ಹೂಸ್.

2 ಕೊರಿಂಥ 12:19 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:19

ಮಾರ ಪ್ಯಾರ್‌ನ ದೋಸ್ತಿವೊ, ಬದಲ್‌ನ ಬದಲ್ ನಾಕಾಡ್ನುತೆ, ಇನ ದೇವ್ನ ಇರಾದಕನ ಮ್ಹೇಲಿದೆವೊ. ಶನಕತೊ, “ಫೇಡವಾನು ಮಾರು ಕಾಮ್. ಮೇಸ್ ಪ್ರತಿಫಲ್‌ ದಿಶ್ ಕರಿ ಪ್ರಭು ಬೋಲಿರಾಖ್ಯಸ್‌ಕರಿ ಪವಿತ್ರ ಪುಸ್ತಕ್‌ಮ ಲಿಖೈರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:19

ಇನಖ್ಹಾಜೆ ಖೆವು ಅಪ್ಣುನ ಸಮಾಧಾನ್ನಾಬಿ ಏಕ್‌ಥಿಏಕ್ ಭಾಲ್ ದೆವಾಮ ಭಡಾವಮಾಬಿ ಅಗಾಡಿ ಚ಼ಲಾವಸ್ಕಿ ಇನಾಸ್ ಕರಿಯೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:2

ಅಪ್ಣಾಮ ಹರೇಕ್‍ಜ಼ಣು ಇನ ಭೀಡೆವಾಳನು ಭಕ್ತಿನ ಭಡಾವಾನಖ್ಹಾಜೆ, ಆಖ್ಹ್‌ಕರಿನ್ ಅಪ್ಣ ಭೈಯೇ ಭೇನೇನ ಅಛ್ಛಾ಼ನಖ್ಹಾಜೆ ಕಮ್‍ಠೋಕವಾಳ ಹುಯಿರ‍್ಹೇಣು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:1

ಮೇ ಕ್ರಿಸ್ತಮ ಖ್ಹಾಚ ಬೋಲುಸ್, ಮೇ ಜ್ಹೂ಼ಟು ಬೋಲುಕರುಕೊಯ್ನಿ. ಮಾರ ದಿಲ್ನಿಸಾಕ್ಷಿ ಅನ ಪವಿತ್ರಾತ್ಮಥಿ ಘಟ್ ಬಣಾವಸ್.

1 ಕೊರಿಂಥ 10:14

ಇನಖ್ಹಾಜೆ ಮಾರ ಪ್ಯಾರ್‌ನ ಭೈಯೇ ಭೇನೆವೊ, ಮೂರತ್ನಿಆರಾಧನೆ ಮ್ಹೇಲಿನ್ ನಿಕ್ಳೊ.

1 ಕೊರಿಂಥ 10:33

ಮೇತೊ ಮಾರಿ ಶೊಂತ್‍ ನಫ್ಫಾನಖ್ಹಾಜೆ ಢೂಂಡುಕೊಂತೆ ಖ್ಹಾರುಸ್ಜ಼ಣು ರಕ್ಷಣೆ ಲೇವ್ಣುಕರಿ ಇವ್ಣಿ ನಫ್ಫಾನಖ್ಹಾಜೆ ಅಖ್ಖಜ಼ಣಾಮ ಅಖ್ಖೀಸ್ ವಾತೇಮ ಖ್ಹರೈಲೆವುಸ್.

1 ಕೊರಿಂಥ 14:26

ಇನಖ್ಹಾಜೇಥಿ ಭೈಯೇ ಭೇನೆವೊ ಅಪ್ಣೆ ಶಾತ್‌ ಬೋಲೆಜಾ಼ಯ್‍? ತುಮೆ ಸಬೆಮಳಾದೀನ್, ಹರೇಕ್‌ಜ಼ಣಾನ ಕೀರ್ತನೆ ರ‍್ಹವೊ, ಉಪದೇಶ್ ಕರಾನುರ‍್ಹೇವೊ ದೇವ್‍ಥಿ ನವು ಖ್ಹಾಚ಼ನ ಖ್ಹಮ್‍ಜಾ಼ಡಾನ ರ‍್ಹವೊ, ಅಲಕ್ ಬೋಲಿಮ ಬೋಲಾನು ರ‍್ಹವೊ, ಇನಿ ಮತಲಬ್‍ನ ಬೋಲಾನು ರ‍್ಹವೊ, ಆ ಖ್ಹಾರೂಸ್ ಸಬೆನ ಭಾಂದಾನು ರ‍್ಹವೊ ಆತ್ಮಮ ಭಡಾವಾನಖ್ಹಾಜೆ ಹುವಾದೆ.

2 ಕೊರಿಂಥ 10:8

ಹಮೂನ ಛಾ಼ತೆ ಅದಿಕಾರ್‌ನಿ ಬಾರೇಮ ಹಮೆ ಏಕ್‌ ಘಡಿ ಜಾ಼ಖ್ಹತ್ ಖ್ಹರೈಲಿದಾತೋಬಿ ಇಮ್‌ ಖ್ಹರೈಲ್ಯಾವಾಮ ಮೇ ಖ್ಹರ್‌ಮವ್‌ಕೊಯ್ನಿ. ಕತೋಬಿ ಯೋ, ತುಮುನ ರಡ್‍ಕೈನಾಕ್ಣುಕರಿ ಕಾಹೆ. ಭಾಂದ್‍ಣುಕರಿ ಪ್ರಭು ಆ ಅಧಿಕಾರ‍್ನ ಮನ ದೀರಾಖ್ಯೊಸ್.

2 ಕೊರಿಂಥ 11:10

ಆ ಮಾರಿ ಖ್ಹರಾವ್ಣಿನ ಅಖಾಯ ತಬರ್‌ಖಾನು ಕೋಣ್‌ಬಿ ಆ ಮಾರಿ ಖ್ಹರಾವ್ಣಿನ ಕಮ್‌ಠೋಕಖ್ಹರ್ಕು ಕೊಯ್ನಿ ಕರಿ ಕ್ರಿಸ್ತ ಯೇಸುನ ಖ್ಹಾಮ್ಣೆ ಖ್ಹಾಚಾಮ ಬೋಲುಸ್.

2 ಕೊರಿಂಥ 11:31

ಕದೆ ಕದೇಬಿ ಸ್ತುತಿಹುವಾಳೊ ಪ್ರಭು ಯೇಸುನೊ ಬಾಬಿ, ದೇವ್‌ಬಿ ಹುಯಿರಾವಳೊ ಮೇ ಝೂ಼ಟಿ ಕೋಬೋಲುನಿ ಕರಿ ಮಾಲುಮ್ ಕರಿರಾಖ್ಯೋಸ್.

2 ಕೊರಿಂಥ 12:15

ಇನಖ್ಹಾಜೆ ಮಾರಾಕನ ರ‍್ಹೇಸ್ತೆ ಅಖ್ಖು ತುಮುನ ದ್ಯವಾನು ಖುಷಿಕರುಸ್. ಮನಾಸ್ ತುಮುನ ದಿನಾಖುಸ್. ಮೇ ತುಮುನ ಘಣು ಪ್ಯಾರ್ ಕರ‍್ಯೋತೊ, ತುಮೆ ಮನ ಕಮ್ ಪ್ಯಾರ್ ಕರ್ಶುಕಿಶು?

2 ಕೊರಿಂಥ 13:10

ಅನಾಖ್ಹಾಜೇಸ್ ಮೇ ತುಮಾರಕನಕೊಂತೆ ವಖ್ಹತ್ ಆ ವಾತೆಖ್ಹಾರಿ ಲೀಖುಕರುಸ್. ತುಮುನ ರಡ್‍ಕೈನಾಖಾನ ಕಾಹೆ. ಭಾಂದಾನಖ್ಹಾಜೆ ಪ್ರಭು ಮನ ದೀರಾಖ್ಯೋತೆ ಅದಿಕಾರ್‌ಥಿ ತುಮೆ ಕಠಣ್‍ನ ವತಾಳನ ವಖ್ಹತ್‌ನ ರ‍್ಹೇವ್ಣುಕರಿ ಆಖ್ಹ್‌ಕರುಸ್.

2 ಕೊರಿಂಥ 2:17

ಕೈಏಕ್ ಜ಼ಣು ದೇವ್ನಿವಚನ್ನ ಮಿಲಾವಟ್ ಕರಿ ಬೇಪಾರ್ ಕರಾಸ್. ಹಮೆತೋಬಿ ಇಮ್‌ಕಾಹೆ ದೇವ್‌ಮ ರ‍್ಹೀನ್, ದೇವ್ನಖ್ಹಾಮ್ಣೆ ಕ್ರಿಸ್ತಯೇಸುನಿ ಗಳ್‌ಜೋ಼ಡ್ಮ ಬರೋಬರ್ ಖೀವೂಕಿ ತೀನಸ್ ಹಮೆ ಬೋಧನೆ ಕರೇಸ್.

2 ಕೊರಿಂಥ 3:1

ಹಮೆ ಹಮಾರಿ ಬಾರೇಮ ಬಿಜು಼ಪಾಛ಼ ಖ್ಹರೈಲ್ಯಾವಾನ ಶುರು ಕರ‍್ಯಾಕಿಶು? ಕೊಯ್ನಿ, ಥೋಡ ಜ಼ಣನ ಹೋಣುತೆ ತಿಮ್ ತುಮಾರಕನ ಆವಾನ ಮನ ಯೋಗ್ಯತೆನು ಚಿಟ್ಟಿ ಮಾಂಗಿಲೆವ್ಣು ಕಿಶು? ಕೊಯ್ನಿ, ಬಿಜಿ ಆಡಿ ಜಾ಼ವಾನಿ ವಖ್ಹತ್‌ಮ ತುಮಾರೇಥಿ ಯೋಗ್ಯತೆನಿ ಚಿಟ್ಟಿ ಮಾಂಗಿಲೆವ್ಣುಕಿಶು?

2 ಕೊರಿಂಥ 7:1

ಪ್ಯಾರ್‌ನ ದೋಸ್ತಿವೊ ಅಪ್ಣೆ ದೇವ್‍ಥಿ ವಾಗ್ದಾನ್ ಲೀರಾಖ್ಯಾತೆ ಇನಾಖ್ಹಾಜೆ ಶರೀರ್ ಆತ್ಮಮಾಥು ಗಲೀಜ಼್‌ನ ಕಾಡಿನಾಖಿನ್ ಅಪ್ಣುನ ಶುದ್ದ ಕರಿಲಿನ್ ಬಿಜು಼ ದೇವ್‍ಮಾ ಡರ್‌ಥಿ ರ‍್ಹೀನ್ ಪರಿಶುದ್ದ ಜಿವ್ಣು ಚ಼ಲಾವಾನ ಕೋಶಿಶ್ ಕರೀಯೆ.

ಫಿಲಿಪ್ಪಿ 4:1

ಅಮ್‌ರ‍್ಹವಾಪರ್, ಮಾರ ಪ್ಯಾರ್‌ನ ಭೇನೆ ಭೈಯೇವೊ ಅಜು಼ ಸಾಥಿವೊ, ಮನ ಶಂತೋಖ್ಹ್‌ಬಿ ಕಿರೀಟ್‌ಬಿ ಹುಯಿರ‍್ಹವವಾಳವೊ, ಮೇ ಬೋಲಾನಿತರ ಪ್ರಭುಮ ಘಟ್‍ಥಿ ಭೀರ‍್ಹೆವೊ.

1 ಥೆಸ 5:11

ಇನಖ್ಹಾಜೆ ತುಮೆ ಹಮ್ಕೆ ಕರುಕರಸ್ತೆ ಇಮ್ಮಸ್, ಏಕ್‌ನ ಏಕ್‌ ಭಾಲಿ ದೇವೊ. ಅಜು಼ ಹುಮ್ಮಖ್ಹ್‌ ದೇತಹುಯಿನ್ ಏಕ್‌ನ ಭಕ್ತಿನ ಬಿಜೇಕ್‌ ಜ಼ಣು ಭಡಾವ್ತರ‍್ಹೆವೊ.

ಇಬ್ರಿ 6:9

ಕತೋಬಿ ಪ್ಯಾರ್‌ನ ದೋಸ್ತಿವೊ ಅಮ್ನಿ ಪರಕ್‍ಥಿ ಹಮೆ ವಾತೆಬೋಲ್ಯತೋಬಿ ತುಮಾರಿ ವಿಚಾರ್‌ಮ ರಕ್ಷಣೆನ ಹೋಣುತೆ ಯೋ ಖ್ಹಾರಾಮ ತುಮೆ ಛಾ಼ಕರಿ, ಹಮೇ ಖ್ಹಾಚಾಮ ವಿಶ್ವಾಸ್ ಕರಿಯೇಸ್;