2 ಕೊರಿಂಥ 12:10 - ದೇವ್ನಿ ಖ್ಹಾಚಿ ವಚನ್

¹⁰ ಇನಖ್ಹಾಜೇಥಿ ಕ್ರಿಸ್ತನಖ್ಹಾಜೆ ಮನ ಕಮ್‍ಜೋ಼ರಿಬಿ, ಝಿಟ್ಕಾರ್‌ನಬಿ, ಶಾತ್‍ಕೊಂತೇಬಿ, ಖ್ಹತಾಪ್ಣಿಬಿ, ವದೇಖ್ಹ್‌ಬಿ ಆಯೂತೆ ಖ್ಹುಶಿಕರೂಸ್. ಮೇ ಕೆದೆ ಕಮ್‍ಜೋ಼ರಿ ರ‍್ಹೆವುಸ್‍ಕಿ ತದೇಸ್‌ ತಾಖತ್‌ವಾಳೊ ಹುಯಿರ‍್ಹೇವುಸ್.

2 ಕೊರಿಂಥ 12:10 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:22

ಅದ್ಮಿನ ಛಿಯ್ಯಾನ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್‌ ಕಾಡಿನ್, ದಾವೊ ಕರೀನ್, ಭಾರ್ ಕಾಡಿನಾಖಿನ್, ತುಮಾರು ನಾಮ್ ಬೋಲಾನುಬಿ ಖರಾಬ್‌ಕರಿ ಝಿಟ್ಕಾರ‍್ಯುತೊ, ತುಮೆ ಧನ್ಯ ಹುಯಿರ‍್ಹಾಸ್.

ಯೋಹಾನ 15:21

ಕತೋಬಿ ಇವ್ಣೆ ಮನ ಮೋಕ್ಲಿರಾಖ್ಯೊತೆ ಇನ ಮಾಲುಮ್ ಕರ‍್ಯುಕೊಂತೆ ಇನಖ್ಹಾಜೆ ಆ ಖ್ಹಾರುಮಾರ ನಾಮ್‍ಥಿ ತುಮೂನ ಕರ್ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:41

ಅಪೊಸ್ತಲರ್ ನ್ಯಾವ್‍ನಿ ಘಲ್ಡಾನಿ ಸಭೆಮಾಥು ನಿಕ್ಳಿನ್ ಚ಼ಲೇಗಯ. ಯೇಸುನ ನಾಮ್ನಖ್ಹಾಜೆ ಖ್ಹರಮ್‌ ಕಡೈಲ್ಯಾವಾನ ಹಮೆಯೋಗ್ಯರ್ ಹುಯಾಕರಿ ಖುಷಿಕರ‍್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:3

ಎತ್ರೇಸ್ ಖಲಿಕಾಹೆ, ಅಪ್ಣುನ ಆವಸ್ತೆ ಖ್ಹತಾಪ್ಣಿಮಾಬಿ ಖುಷಿಥಿ ಛಿಯೆ. ಕತೋಬಿ ಖ್ಹತಾಪ್ಣಿ ಖ್ಹಮಾಳಿ ರ‍್ಹವಾನ ಶಿಕಾಡಸ್‌ಕರಿ ಅಪ್ಣುನ ಮಾಲುಮ್‌ ಛಾ಼.

1 ಕೊರಿಂಥ 4:10

ಹಮೆ ಕ್ರಿಸ್ತನಖ್ಹಾಜೆ ಖ್ಹೈಲು ಹುಯಿರಾಸ್. ಕತೋಬಿ ಕ್ರಿಸ್ತಮ ತುಮೆ ಜಾ಼ಖ್ಹತ್ ಅಕ್ಲಿಕರಿ ಲಹಿರಾಖ್ಯಸ್. ಹಮೆ ಶಕತ್‌ಕೊಂತೆ ಹುಯಿರಾಸ್. ಕತೋಬಿ ತುಮಾರು ತುಮೇಸ್ ತಾಖತ್ತಿಕರಿ ಲಹಿರಾಖ್ಯಸ್! ಹಮೆ ಚಿಂಘೈಲಿದಹುಯ, ತುಮುನ ಮರ್ಯಾದಿವಾಳ ಹುಯಿರ‍್ಹಾಸ್.

2 ಕೊರಿಂಥ 1:4

ಅಪ್ಣುನ ಖ್ಹತಾಪ್ಣಿ ಹುವಾನಿ ವಖ್ಹತ್‌ಮ ಯೋ ಅಪ್ಣುನ ಸಮಾಧಾನ್‍ ಕರಸ್; ಖ್ಹತಾಪ್ಣಿಮ ರ‍್ಹೇಯ್ತೆ ಬಿಜ಼ ಅದ್ಮಿನ ಸಮಾಧಾನ್ ಕರಾನ ಅನೇಥಿ ಅಪ್ಣೆ ಜಿನುಬಿ ಶಕತ್‌ವಾಳ ಹುಯೆಸ್. ದೇವ್ ಅಪ್ಣುನ ಸಮಾಧಾನ್‍ ಕರಾತೆ ತಿಮ್ಮಸ್ ಅಪ್ಣೆ ಜಿನುಬಿ ಇವ್ಣುನ ಸಮಾಧಾನ್ ಕರಾವಾಳ ಹುಯಿರ‍್ಹಿಯೇಸ್.

2 ಕೊರಿಂಥ 10:18

ತಿನುತ್ಯೋಸ್ ಖ್ಹರೈಲ್ಯಾವಾಳೊ ಯೋಗ್ಯಕಾಹೆ. ಪ್ರಭು ಕಿನ ಖ್ಹರಾವಸ್ಕಿ ಯೋಸ್ ಖ್ಹಾಚಾಮ ಯೋಗ್ಯ.

2 ಕೊರಿಂಥ 12:9

ಇನಖ್ಹಾಜೆ ಯೋ ಮನ, “ಮಾರಿ ವಾರ್‌ಖ್ಹೊ ತುನ ಬಶ್‌” ತಾರಿ ಕಮ್‍ಜೋ಼ರಿಮಾಸ್ ಮಾರಿ ಶಕತ್ ತಾರಾಮ ಪೂರ ಹುಯಿರ‍್ಹಿಶೆ ಕರಿ ಮನ ಬೋಲ್ಯೊ. ಇನಖ್ಹಾಜೇಥಿ ಕ್ರಿಸ್ತನಿ ತಾಖತ್ ಮಾರಪರ್ ಢಪೈರ‍್ಹೇವ್ಣುಕರಿ ಮನಹುಯಿತೆ ಕಮ್‍ಜೋ಼ರಿನಿ ಬಾರೇಮಸ್ ಜಾ಼ಖ್ಹತ್ ಖುಷಿಕರುಸ್.

2 ಕೊರಿಂಥ 13:4

ಕ್ರಿಸ್ತ ಕಮ್‍ಜೋ಼ರಿಮ ಶಿಲ್‌ಬೇಪರ್ ಟಂಗೈಘೊ ಖ್ಹಾಚಿಸ್. ಕತೋಬಿ ಯೋ ದೇವ್ನಿ ತಾಖಥೀಸ್ ಬಚಾ಼ವಾಳೊ ಹುಯಿರ‍್ಹೊಸ್. ಹಮೇಬಿ ಇನೀನಿತರಸ್ ಕಮ್‌ಜೋ಼ರಿವಾಳ ಹುಯಿರ‍್ಹಾಸ್. ಕತೋಬಿ ಇನಿಜೋ಼ಡ್ಮ ದೇವ್ನಿ ಶಕಥ್ಥಿ ಜಿವವಾಳ ಹುಯಿನ್ ತುಮಾರಿ ಶಕಥ್ಥಿ ಜಿವಿಯೇಸ್.

2 ಕೊರಿಂಥ 13:9

ಹಮೆ ಕಮ್‍ಜೋ಼ರಿ ರ‍್ಹಯಾತೋಬಿ ತುಮೆ ತಾಖತ್‌ವಾಳ ಹುಯಿರ‍್ಹಾತೊ ಹಮೆ ಖ್ಹುಶಿಕರ್‌ಶು. ಆ ನಾಹುಯಿನ್ ತುಮೆ ಪೂರಪರಕ್‍ಥಿ ಬರೋಬರ್ ರ‍್ಹೇವ್ಣುಕರಿ ಪ್ರಾರ್ಥನೆ ಕರಿಯೇಸ್.

2 ಕೊರಿಂಥ 4:17

ಥೋಡ ದನ್‌ಲಗು ಹಮೂನ ನ್ಹಾನಿಮೋಟಿ ಖ್ಹತಾಪ್ಣಿ ರ‍್ಹಿಶೆ. ಕತೋಬಿ ಹರ್‌ಹಮೇಶಾನಿ ಮಹಿಮೆನ ಲೀಲ್ಯಾವಾನ ಯೋ, ಅಪ್ಣುನ ಮದತ್ಉಶೇ. ಯೊ ಮಹಿಮೆ ಹಮ್ಕೇನಿ ಖ್ಹತಾಪ್ಣಿಥೀಬಿ ಮಹಾನ್ ಹುಯಿರ‍್ಹಿಶೆ.

2 ಕೊರಿಂಥ 4:5

ಅಪ್ಣುನ ಅಪ್ಣೆಸ್ ಪ್ರಚಾರ್ ನಾಕರ‍್ನುತೆ ಅಪ್ಣುನ ಯೇಸುನ ಖ್ಹಾಜೆ ತುಮಾರ ದಾಸಕರಿ ಬೋಲಿನ್ ಕ್ರಿಸ್ತ ಯೇಸುನಾಸ್ ಪ್ರಭುಕರಿ ಬೋಲೆಸ್.

2 ಕೊರಿಂಥ 5:15

ಜಿವಾವಾಳು ಅನಾಪರ್ ಇವ್ಣಖ್ಹಾಜೆ ನಾ ಜಿವ್ಣುಕರಿ ಕ್ರಿಸ್ತನೆ ಅಖ್ಖಾಸ್ ಅದ್ಮಿನಖ್ಹಾಜೆ ಮರ‍್ಯೊ. ಯೋ ಅದ್ಮಿಖ್ಹಾರು ಇನಖ್ಹಾಜೆ ಜಿವ್ಣುಕರಿ ಯೋ ಇವ್ಣಖ್ಹಾಜೆ ಮರ‍್ಯೊ. ಬಿಜು಼ ಮರ‍್ಯಾಹುಯಾಮಾಥು ಜಿವಿನ್ ಉಠಿ ಆಯೋ.

2 ಕೊರಿಂಥ 5:20

ದೇವಸ್ ಹಮಾರೇಥಿ ತುಮೂನಾಬಿ ಗಿಂಗೈಲ್ಯವಾನಿಮತ್ ಹಮೆ ಹಮ್ಕೆ ಕ್ರಿಸ್ತ ಭಣೀಥು ವಾತೆ ಬೋಲವಾಳ ಹುಯಿರ‍್ಹಾಸ್ ದೇವ್ನಿಜೋ಼ಡೆ ಹಮೆ ರ‍್ಹೇವ್ಣುಕರಿ ಕ್ರಿಸ್ತನ ಬದಲ್ ಹಮೆ ತುಮೂನ ಗಿಂಗೈಲಿಯೇಸ್.

2 ಕೊರಿಂಥ 6:4

ಕತೋಬಿ ಹರೇಕ್ ಚಾ಼ಲ್‍ಮಾಬಿ ಹಮೆ ದೇವ್ನ ಸೇವೆಕರಾವಾಳ ಕರಿ ವತಾಳಿಲಿಯೆಸ್, ಹಮೆ ಖ್ಹತಾಪ್ಣಿಮಾಬಿ, ಶಾತ್‍ಕೊಂತೆ ತದೆಬಿ, ಝಂಝಟ್‍ಮಾಬಿ, ಮಾರೊಮಾರ್‌ಮಾಬಿ,

2 ಕೊರಿಂಥ 7:4

ತುಮಾರಿ ಜೋ಼ಡ್ಮ ವಾತ್‍ಬೋಲನ ಘಣು ಧಿಲ್‍ಪತ್‍ಬಿ ತುಮಾರಿ ಬಾರೇಮ ಮನ ಘಣು ಭರೋಖ್ಹೊ ಛಾ಼; ಮೇ ಧಿಲ್‌ಪತ್‌ಥಿ ಭರೈನ್ ಅಪ್ಣುನ ಉಶೆತೆ ಖ್ಹಾರೀಸ್‍ ಖ್ಹತಾಪ್ಣಿಮ ಘಣೇಥಿ ಘಣು ಖ್ಹುಶಿಮ ಛೂ಼.

ಎಫೆಸ 6:10

ಖ್ಹರ್ತಿಮ, ತುಮೆ ಪ್ರಭುಮಾಬಿ ಇನಿ ಘಣಿ ಮೋಟಿ ಶಕತ್‍ಮಾಬಿ ತಾಖತ್‍ವಾಳ ಹುವೊ.

ಫಿಲಿಪ್ಪಿ 1:29

ಕ್ರಿಸ್ತನವಾಳಾನ ಹಾತ್‌ ಫೈಲೈನ್ ದ್ಯವಾಳ ಹುಯಿರೇವೊ. ಕ್ರಿಸ್ತಪರ್ ವಿಶ್ವಾಸ್‌ರಾಖಾನು ಖಲಿ ಕಾಹೆ ಇನಖ್ಹಾಜೆ ವದೇಖ್ಹ್‌ಪಡಾನುಬಿ ಅಛ್ಛು಼ ವರ ಮಳಿರ‍್ಹೂಸ್‌.

ಕೊಲೊಸ್ಸೆ 1:24

ಹಮ್ಕೆ ಮೇ ತುಮಾರಖ್ಹಾಜೆ ಪಡುಕರೂತೆ ಖ್ಹತಾಪ್ಣಿಮ ಮನ ಖುಷಿ ಛಾ಼. ಕ್ರಿಸ್ತನು ವದೇಖ್ಹ್‌ಮ ಜ಼ರೂರತ್ ಛಾತೆ ಇನ ಸಬೆಕರಿ ಬೋಲಾನ ಶರೀರ್‌ನಖ್ಹಾಜೆ ಮೆ ಮಾರ ಶರೀರ್‌ಮ ಖ್ಹರ್ತಿಕರೂಸ್.

2 ಥೆಸ 1:4

ಶನಕತೊ ತುಮೆ ಖ್ಹಮಾಳಮಾಬಿ ಖ್ಹತಾಪ್ಣಿಮಾಬಿ ತುಮಾರಮ ದೆಖಾಯುತೆ ವಿಶ್ವಾಸ್ನಖ್ಹಾಜೆಥಿ ದೇವ್ನಿ ಅದ್ಮಿನಿ ಸಬೇಮ ಕಮ್‌ಠೋಕಿ ವಾತೆ ಬೋಲಿಯೇಸ್.

2 ತಿಮೊ 3:11

ಮನ ಹುಯೂತೆ ವದೇಖ್ಹೊ ಅಜು಼ ಖ್ಹತಾಪ್ಣಿನಿ ಬಾರೇಮಾಬಿ ತುನ ಮಾಲುಮ್‌ ಛಾ಼. ಅಂತಿಯೋಕ್ಯ, ಇಕೋನ್ಯ ಅಜು಼ ಲುಸ್ತ್ರಾಮ ಮೇ ಕೆತ್ರೆ ಮೋಟಿ ವದೇಖ್ಹೊ ದಿದೂಥು ಇನ ಮೆ ಖ್ಹಮಾಳ್ಯೊ, ಕತೋಬಿ ಪ್ರಭುನೆ ಯೋ ಅಖ್ಖಾಮಾಥು ಬಚಾ಼ಡ್ಯೊ.

ಯಾಕೋಬ 1:2

ಮಾರ ಭೈಯೇ ಭೇನೆವೊ, ತುಮೆ ಥರಥರಾನು ವದೇಖ್ಹ್‌ ಝೇಲಾನಿ ವಖ್ಹ್‌ತೆ ಇನ ತುಮೆ ಹೈರುತೆ ಖಲಿ ಖ್ಹುಶಿಕರಿ ಬೋಲಿನ್ ಖ್ಹಮಾಳಿಲೇವೊ.

ಪ್ರಕಾಶಿತ್ 2:3

ತೂ ಧೀರ್‌ವಾಳೊ ಹುಯಿನ್ ಮಾರ ನಾಮ್ನಖ್ಹಾಜೆ ಖ್ಹತಾಪ್ಣಿನ ಖ್ಹಮಾಳಿನ್ ಲಡ್‌ಕ್ಯೊಕೊಂತೆ ಥೋತೆ ಮನಮಾಲುಮ್‌.