2 ಕೊರಿಂಥ 12:1 - ದೇವ್ನಿ ಖ್ಹಾಚಿ ವಚನ್

¹ ಮೇ ಖ್ಹರೈಲ್ಯಾವಾನು ಅಛ್ಛು಼ ಕಾಹೆ, ಕತೋಬಿ ಖ್ಹರೈಲ್ಯಾವಾನು ಮನ ಜ಼ರೂರತ್ ಛಾ಼. ಇನಖ್ಹಾಜೆ ಪ್ರಭುನೆ ಮನ ದಿದೋತೆ ದರ್ಶನನಾಬಿ ಅಜು಼ ಮಾಲುಮ್‌ಕರಾಯೊತೆ ಪ್ರಕಟಣೆನಿ ಬಾರೇಮ ಬೋಲುಸ್.

2 ಕೊರಿಂಥ 12:1 ပူးပေါင်းရင်းမြစ်များ

ಯೋಹಾನ 16:7

ಕತೋಬಿ ಮೇ ತುಮೂನ ಖ್ಹಾಚ ಬೋಲುಕರುಸ್, ಮೇ ಜಾ಼ವಾನು ತುಮೂನ ಅಛ್ಛು಼ ಹುಯಿರ‍್ಹುಸ್‍, ಶನಕತೊ ಮೇ ನಾ ಗಯೋತೊ, ಯೋ ಮದತ್‌ ಕರವಾಳೊ ತುಮಾರಕನ ಕೋ ಆವ್‌ಶೇನಿ.ಕತೋಬಿ ಮೇ ಗಯೋತೊ, ಇನ ತುಮಾರಕನ ಬೋಲಿ ಮೋಕ್ಲೀಶ್.

ಯೋಹಾನ 18:14

ಆ ಕಾಯಫಾನೇಸ್, ‘ಏಕ್‌ ಅದ್ಮಿ ತಮಾಮ್‌ ಅದ್ಮಿನಖ್ಹಾಜೆ ಮರ್‌ವಾನುಸ್‌ ಅಛ್ಛು಼’ ಕರಿ ಯೆಹೂದ್ಯರ್‌ನ ಬೋಲಿದಿದೋತೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:9

ಏಕ್‍ದನ್ ರಾತ್ಮ ಪೌಲನ ದರ್ಶನ್ ಹುಯು. ಪ್ರಭುನೆ ಇನ, “ಡರ್‌ನಕೊ ಬೋಲ್ತೋಸ್‍ ರ‍್ಹೆ ಶೊಪ್‌ನಕೊ ರ‍್ಹೀಶ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:11

ಯೋ ದನ್ನಿ ರಾತ್ಮ ಪ್ರಭು ಪೌಲಕನ ಭೀರಿನ್, “ಭಾಲಿಥಿ ರ‍್ಹೇ; ತೂ ಯೆರೂಸಲೇಮ್ಮ ಮಾರಿಬಾರೇಮ ಬೋಲ್ಯೊತೆ ಇಮ್ಮಸ್ ರೋಮ್‍ನ ಅದ್ಮಿನಾಬಿ ಸಾಕ್ಷಿ ಬೋಲ್ನುಕರಿ ಬೋಲ್ಯೊ.

1 ಕೊರಿಂಥ 10:23

“ಅಖ್ಖಾಸ್ ಕಾಮ್ನಾಬಿ ಕರಾನ ಛುಟ್ಕಾರ್ ಛಾ಼” ಕತೋಬಿ ಅಪ್ಣೆ ಕರಿಯೇತೆ ಖ್ಹಾರು ಕಾಮ್‍ಬಿ ಅಛ್ಛು಼ಕರಿ ಬೋಲಾನು ಬರೋಬರ್ ಕೊಯ್ನಿ.” ಖ್ಹಾರುಸ್ ಕಾಮ್ ಕರಾನ ಅದಿಕಾರ್‌ಛಾ಼ ಕತೋಬಿ ಅಖ್ಖೂಬಿ ಅದ್ಮಿವೋನ ಫಾಯಿದೊ ಕೊಹುಯಿರ‍್ಹೇಯ್ನಿ.

1 ಕೊರಿಂಥ 14:6

ಅಮ್‍ರ‍್ಹವಾಪರ್ ಭೇನೆ ಭೈಯೇವೊ, ಮೇ ತುಮಾರಕನ ಐನ್ ಪಢಂತ್‍ಥಿರ‍್ಹೇವೊ, ಪ್ರವಾದನೆಥಿರ‍್ಹೇವೊ, ವಾಟ್‌ ವತಾಳನುರ‍್ಹೇವೊ ಬೋಲವಾಳ ನಾಹುಯಿರಿನ್ ಅಲ್ಹಾವ್‌ಬೋಲಿಥಿ ಬೋಲವಾಳ ಹುಯಿರ‍್ಹಾತೊ ಮಾರೇಥಿ ತುಮೂನ ಶನು ಫಾಯಿದೊ?

1 ಕೊರಿಂಥ 6:12

ತುಮಾರ ಕೋಣ್‌ಬಿ ಬೋಲೆಜಾ಼ಯ್, “ಖ್ಹಾರಕಾಮ್ನ ಕರಾನ ಮನ ಹಕ್‌ ಛಾ಼”. ಕತೋಬಿ ಯೋ ಖ್ಹಾರು ಫಾಯಿದೊಕಾಹೆ. ಕತೋಬಿ ಅಖ್ಖಾನಾಬಿ ಕರಾನ ಮನ ಹುಕುಮ್‍ಛಾ಼ ಕತೋಬಿ ಮೆ ಖೆವಾನಬಿ ಚ಼ಪ್ಪಣ್‌ಮ ಕೊಯ್ನಿ.

2 ಕೊರಿಂಥ 12:11

ಮೇ ಅಮ್‍ ಖ್ಹರಾವ್ಣಿ ಕಾಡಿಲ್ಯವಾಮ ದೀವಾನೊ ಹುಯಿರೋಸ್, ಇನ ತುಮೇಸ್ ಮನ ಜು಼ಲಮ್‌ ಕರ‍್ಯಾ. ತುಮಾರೇಥಿ ಮನ ಖ್ಹರಾವ್ಣಿ ಹೋಣುಪಡ್ಯುಥು. ಶನಕತೊ ಮೆ ಶಾತ್ಬಿ ರ‍್ಹಿಯೊನಾತೋಬಿ ಘಣೊ ಮಹಾನ್ ಹುಯಿರೋತೆ ಅಪೊಸ್ತಲರ್‌ಮಾಬಿ ಶನಾಮಬಿ ಮೇ ಕಮ್‍ಕೊಯ್ನಿ.

2 ಕೊರಿಂಥ 12:5

ಯೋ ಅದ್ಮಿನಿ ಬಾರೇಮ ಮೇ ಖ್ಹರವುಸ್. ಕತೋಬಿ ಮಾರಿ ಬಾರೇಮ ಖ್ಹರವ್‍ಕೊಯ್ನಿ, ಮಾರಿ ಕಮ್‍ಜೋ಼ರಿನಿ ಬಾರೇಮ ಖ್ಹರೈಲೆವುಸ್.

2 ಕೊರಿಂಥ 12:7

ಕತೋಬಿ ಮೇ ಅದ್ಮಿರ‍್ಹೀನ್ ಖ್ಹರೈನಾಲೇವ್ಣುಕರಿ ಮನ ಭಾಲೇಥಿ ಟೋಚ಼ನಖ್ಹಾಜೆ ಶೈತಾನ್ನ ದೂತನಿತರ ಮನ ಘುಖ್ಹ್‌ತೊ ಮಾರ‍್ಯೊ ಶನಕತೊ ಮೇ ಫುಲಿ ನಾಜಾ಼ವ್ಣು ಕರಿ ಅಮ್ ಹುಯುತೆ.

2 ಕೊರಿಂಥ 12:9

ಇನಖ್ಹಾಜೆ ಯೋ ಮನ, “ಮಾರಿ ವಾರ್‌ಖ್ಹೊ ತುನ ಬಶ್‌” ತಾರಿ ಕಮ್‍ಜೋ಼ರಿಮಾಸ್ ಮಾರಿ ಶಕತ್ ತಾರಾಮ ಪೂರ ಹುಯಿರ‍್ಹಿಶೆ ಕರಿ ಮನ ಬೋಲ್ಯೊ. ಇನಖ್ಹಾಜೇಥಿ ಕ್ರಿಸ್ತನಿ ತಾಖತ್ ಮಾರಪರ್ ಢಪೈರ‍್ಹೇವ್ಣುಕರಿ ಮನಹುಯಿತೆ ಕಮ್‍ಜೋ಼ರಿನಿ ಬಾರೇಮಸ್ ಜಾ಼ಖ್ಹತ್ ಖುಷಿಕರುಸ್.

2 ಕೊರಿಂಥ 8:10

ಆ ಕಾಮ್ನಿ ಬಾರೇಮ ಮಾರಿ ಖ್ಹೂಜ಼್‌ನ ತುಮುನ ಖ್ಹಮ್‌ಜಾ಼ಡುಸ್, ಆ ಕಾಮ್ನ ಏಕ್‌ ವರಖ್ಹ್‌ನ ಪಾಛ಼ಳ್ ಚ಼ಲಾವನಖ್ಹಾಜೆ ಶುರು ಕರಾಥಿಸ್ ಇನ ಚ಼ಲಾವ್ಣು ಕರಿ ಕರಮಾಬಿ ತುಮೆ ಖ್ಹಾಮೆ ಹುಯಿರ‍್ಹಾತೆ ಇನಖ್ಹಾಜೆ ಯೋ ತುಮುನ ಅಛ್ಛು಼ಹುಯಿರ‍್ಹುಸ್‍.

ಗಲಾತ್ಯ 1:12

ಮೇ ಇನ ಅದ್ಮಿಥಿ ಲಿದೊಕೊಯ್ನಿ, ಮನ ಕೋಣ್ ಭೋಧನ್‌ಬಿ ಕರ‍್ಯುಕೊಯ್ನಿ ಬದಲ್‍ಥಿ ಯೇಸು ಕ್ರಿಸ್ತಾಥೀಸ್ ಯೊ ಮನ ಬೋಲಿವತಾಳಯು.

ಗಲಾತ್ಯ 2:2

ದೇವ್ನಿ ಖ್ಹೂಜ಼್‌ನಿತರ ಜಾ಼ವ್ಣುಥೂತೆ ಇನಖ್ಹಾಜೆ ಯೆಹೂದ್ಯರ್‌ಕಾಹೆತೆ ಅದ್ಮಿಮ ಮೆ ಬೋಲಿವತಾಳನು ಸುವಾರ್ತೆ ಶಾತ್‌ಕರಿ ಹಿಜ಼್ಜಾಥೂತೆ ಗಲ್‌ಢಾವ್‌ನಾಸ್ ಖ್ಹಮ್‌ಜಾ಼ಡ್ಯೊ. ಶನಕತೊ ಮೆ ಸುವಾರ್ತೆನಖ್ಹಾಜೆ ಪಡ್ಯೋತೆ ಕಾಮ್‍ರ‍್ಹೆವೊ, ಮೇ ಹಮ್ಕೆ ಕರುಕರುಸ್ತೆ ಕಾಮ್‌ಖ್ಹಾರು ಬಿಣ್‌ಫಾಯಿದಾನು ನಾಹೊಣುಕರಿ ಮಾರಿ ಆಖ್ಹ್.

ಎಫೆಸ 3:3

ದೇವ್ನೆ ಇನ ದಿಲ್ನ ಮಾಯ್ನನ ಬೋಲಿದಿದೊ. ಅನಿಬಾರೇಮ ಮೆ ಪಹಿಲೆಸ್ ತುಮುನ ಥೋಡಿ ವಾತೆಥಿ ಲೀಖಿನ್ ಮೋಕ್ಲಿರಾಖ್ಯೊಸ್.

1 ಥೆಸ 4:15

ಹಮ್ಕೆ ಹಮೆ ಶಿಕಾಡುಕರೇತೆ ಆ ವಾತೆ ಪ್ರಭೂನೀಸ್ ಉಪದೇಶ್ ಹುಯಿರ‍್ಹೀಸ್. ಪ್ರಭು ಪಾಛೊ಼ ಆವ್‌ಶೇತೆ ವಖ್ಹತ್‌ಮ, ಜಿವ್ತಾ ಛಿಯ್ಯೇತೆ ಅಪ್ಣೆ ಮರಿಗಯೂತೆ ಇವ್ಣೇಥಿ ಪಹಿಲೆ ಕೋ ಜಾ಼ಶುನಿ.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.