2 ಕೊರಿಂಥ 11:6 - ದೇವ್ನಿ ಖ್ಹಾಚಿ ವಚನ್

⁶ ಮೇ ವಾತ್ಮ ಚಾ಼ತುರ್‌ನಾರ‍್ಹಯೊ ತೋಬಿ ಗ್ಯಾನ್‌ಮ ಕಮ್ ಕಾಹೆ. ಅನ ಮೇ ಹರೇಕ್ ಹಾಲತ್ಮಾಬಿ ಛೋ಼ಡಿವತಾಳಿ ರಾಖುಸ್.

2 ಕೊರಿಂಥ 11:6 ပူးပေါင်းရင်းမြစ်များ

1 ಕೊರಿಂಥ 1:17

ಕ್ರಿಸ್ತನೆ ಮನ ಮೋಕ್‍ಲ್ಯೊತೆ ಬ್ಯಾಪ್ತಿಸ್ಮ ದ್ಯವಾನ ಕಾಹೆ. ಸುವಾರ್ತೆನ ಖ್ಹಮ್‍ಜಾ಼ಡನಖ್ಹಾಜೆ ಎತ್ರೇಸ್. ಕತೋಬಿ ಖಾಲಿ ಅದ್ಮಿನಿ ಅಕ್ಕಲ್‍ಥಿ ಬೋಲಿ ಖ್ಹಮ್‌ಜಾ಼ಡನ ಮನ ಮೋಕ್‌ಲ್ಯೊ ಕೊಯ್ನಿ. ಮೇ ಕಾಯ್‌ತೋಬಿ ಲೋಕ್‌ನಿ ಗ್ಯಾನ್‌ಥಿ ಸುವಾರ್ತೆ ಬೋಲ್ಯೊಹೊತ್ತೊ ಕ್ರಿಸ್ತನಿ ಶಿಲ್‌ಬೇನಿ ಶಕತ್ ಫಾಯಿದೊಕೊಂತೆ ಹುಯುಹೊತ್ತ್.

1 ಕೊರಿಂಥ 1:21

ಹೈರೂತೆ ದೇವ್ನಿ ಗ್ಯಾನ್ನಿ ಖ್ಹೂಜ಼್ ಹುಯಿರ‍್ಹುಥು. ಜಗತ್‌ ಇನಿ ಶೊಂತ್ ಗ್ಯಾನ್‌ಥಿ ದೇವ್ನ ಖ್ಹಮ್‍ಜಿರಾಖ್ಯುಥು ಕೊಯ್ನಿ. ಇನಖ್ಹಾಜೆ ಘೈಲಾನಿತರ ದೆಖಾವತೆ ಬೋಧನ್‍ಥಿ ವಿಶ್ವಾಸ್ ಕರವಾಳನಿ ರಕ್ಷಣೆ ಕರಾನು ದೇವ್ನ ಅಛ್ಛು಼ಕರಿ ದೆಖಾಯು.

1 ಕೊರಿಂಥ 12:8

ಕಿಮ್‌ಕತೊ,ಪವಿತ್ರಾತ್ಮ ಏಕ್‍ಜ಼ಣಾನ ಗ್ಯಾನ್‌ಥಿ ಭರೈರ‍್ಹಾವನಿ ಸಂದೇಶ್‌ಬಿ ಬಿಜೇಕ್ ಜ಼ಣಾನ ಅಕ್ಕಲ್‍ಥಿ ಭರೈರ‍್ಹಾವನಿ ಸಂದೇಶ್‌ಬಿ ದೇಸ್.

1 ಕೊರಿಂಥ 2:13

ಅನಖ್ಹಾರು ಬೋಲಾನಿವಖ್ಹ್‌ತೆ ಅದ್ಮಿನಿ ಅಕ್ಕಲ್‍ಥಿ ಶಿಕಿಹುಯಿ ವಾತೆಖ್ಹಾರು ಕೋಬೊಲ್ಯೊಂತೆ ಪವಿತ್ರಾತ್ಮನೆಸ್ ಶಿಕಾಡಿದಿದೋತೆ ವಾತೆನಾಸ್ ಬೋಲಿಲ್ಯವಾಳ ಹುಯಿರಾಸ್. ಅಮ್ ಆತ್ಮೀಕಥಿ ರ‍್ಹೇಸ್ತೆ ಖ್ಹಾಚ಼ನ ಆತ್ಮಾಮ ರ‍್ಹವಾಳನ ರಹಾಥಿ ಬೋಲಿವತಾಳಸ್.

2 ಕೊರಿಂಥ 10:10

“ಇನೇಥಿ ಆಯುತೆ ಚಿಟ್ಟಿ ಖ್ಹಾರು ಕಠಣ್‍ನುಬಿ ತಾಖತ್‍ವಾಳುಬಿ ಹುಯಿರ‍್ಹೂಸ್. ಕತೋಬಿ ಶರೀರ್‌ಥಿ ಯೊ ಕಮ್‌ಜೋ಼ರಿಹುಯಿನ್ ಇನಿ ವಾತೆ ಖ್ಹಾರಿ ಕಾಮ್ನಕೊಯ್ನಿತೇಬಿ ಹುಯಿರ‍್ಹಿಶೆ” ಕರಿ ಥೋಡು ಜ಼ಣು ಬೋಲಸ್.

2 ಕೊರಿಂಥ 12:12

ಮೇ ಖ್ಹಾರಸ್ನ ಖ್ಹಮಾಳಿಲ್ಯವಾಮಾಬಿ, ಖ್ಹಣೇದ್‍ನು ಕಾಮ್ನಾಬಿ ಅದ್ಬುತ್‌ಕಾಮ್‌ನಾಬಿ, ಮಹಾನ್ ಕಾಮ್ನ, ಚ಼ಲಾವಮಾಬಿ, ಅಪೊಸ್ತಲನ ರ‍್ಹೇವ್ಣುತೆಲಖಣ್‌ ತುಮಾರ ಇಚ಼್‌ಮ ವತಾಳ್ಯೊ.

2 ಕೊರಿಂಥ 4:2

ಗಪ್ಲತ್‍ನು ಬಿಜು಼ ಖ್ಹರಮ್‌ ಕಡೈಲ್ಯಾವಾನ ಖ್ಹಾರ ಮಾರಗ್‍ಥಿ ಹಮೆ ದೂರ್ ಹುಯಿರಾಸ್‍. ಬಿಜು಼ ಹಮೆ ಮಶ್ಲತ್ ಭಂದೈಯೇ಼ ಕೊಯ್ನಿ. ದೇವ್ನಿ ವಚನ್‍ಮ ಮಿಲಾವಟ್ ಕರಿಯೆಕೊಯ್ನಿ. ಹಮೆ ಖ್ಹಾಚ಼ನ ಛೋ಼ಡಿನ್ ಬೋಲ್ಯೆಸ್‍. ಹಮೆ ನೀತಿವಾಳಕರಿ ಹರೇಕ್ ಅದ್ಮಿನಿ ದಿಲ್ನಿಸಾಕ್ಷಿ ದೇವ್ನ ಖ್ಹಾಮ್ಣೆ ಮಾನಿಲ್ಯವಾನಿ ಪರಕ್ಮ ಚಾ಼ಲೆಯೇಸ್.

2 ಕೊರಿಂಥ 5:11

ಪ್ರಭುನೊ ಡರ್‌ಕತೊ ಶಾತ್‌ಕರಿ ಹಮೂನ ಮಾಲುಮ್‌ಛಾ಼. ಇನಾಖ್ಹಾಜೆ ಅದ್ಮಿವೋನ ಮಾಲುಮ್ ಕರಿಯೇಸ್. ಕತೋಬಿ ಅಪ್ಣೆ ದೇವ್ನ ಮಾಲುಮ್‌ ಹುಯಿರುಸ್. ಯೊ ತುಮಾರಿ ದಿಲ್ನಿಸಾಕ್ಷಿನಾಬಿ ಮಾಲುಮ್ ಹುಯಿರ‍್ಹುಸ್‌ಕರಿ ಮೆ ವಿಶ್ವಾಸ್ ಕರಾವಾಳೊ ಹುಯಿರೊಸ್.

2 ಕೊರಿಂಥ 6:6

ಹಮೆ ದೇವ್ನ ಸೇವೆ ಕರಾವಾಳಕರಿ ಹಮಾರಿ‍‍ ಶುದ್ಧಮನ್‌ಥೀಬಿ, ಗ್ಯಾನ್‍ಥಿಬಿ, ಖ್ಹಮಾಳಿನ್‌ಚಾ಼ಲಥೀಬಿ, ಗೋರ್‌ಥೀಬಿ, ಬಿಜು಼ ಪರಿಶುದ್ ಜೀವಿತ್‍ಥಿಬಿ ವತಾಳಿಲಿದ. ಹಮೆ ಅನ ಪವಿತ್ರಾತ್ಮಥಿಬಿ, ಖ್ಹಾಚಿ ಪ್ಯಾರ್‌ಥೀಬಿ,

2 ಕೊರಿಂಥ 7:2

ತುಮಾರ ದಿಲ್ಮ ಹಮೂನ ಝ಼ಗೊದೆವೋ; ಹಮೆ ತುಮಾರಮ ಕಿನಾಬಿ ಅನ್ಯಾಯ್‌ ಕರ‍್ಯಾಕೊಯ್ನಿ, ಕಿನಾಬಿ ಕೇಡ್ ಕರ‍್ಯಾಕೊಯ್ನಿ, ಕಿನಾಬಿ ಠಗಾಯಕೊಯ್ನಿ.

ಎಫೆಸ 3:4

ಅಜು಼ ಮೆ ಲೀಖಿರಾಖ್ಯೊಸ್ತೆ ಇನ ತುಮೆ ಬರಾಬರ್‌ಥಿ ಫಡೀನ್ ದೇಖ್ಯಾತೊ ಮಾರಮ ಕ್ರಿಸ್ತನಿ ಬಾರೇನು ಮಾಯ್ನನ ತುಮೇಬಿ ಮಾಲುಮ್ ಕರ‍್ಲಿಶು.