2 ಕೊರಿಂಥ 11:23 - ದೇವ್ನಿ ಖ್ಹಾಚಿ ವಚನ್

²³ ಇವ್ಣೆ ಕ್ರಿಸ್ತನ ಸೇವಕರ್‌ಕಿಶು? ಇವ್ಣೇಥಿ ಜಾ಼ಖ್ಹತ್ ಮೇ ಸೇವೆ ಕರಾವಾಳೊ ಹುಯಿರೋಸ್. ಮೇ ಪಗ್‍ಲ್ಯಾನಿತರ ವಾತೆಬೋಲುಕರುಸ್, ಮೇ ಘಣು ಖ್ಹತಿರ‍್ಹೋಸ್ ಘಡಿಕೇಡೆ ಜೇಲ್‌ಮ ಘಲೈಲಿಧೋಥೊ. ಕಠಣ್ಣಿ ಪರಕ್ಮ ಮಾರ್‌ಖೈರಾಖ್ಯೋಸ್. ಕೈಯೇಕ್ ವಖ್ಹತ್ ಮರಣ್‍ಮ ಖ್ಹಪ್‍ಡಿಗಯೋಥೊ.

2 ಕೊರಿಂಥ 11:23 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:19

ಇನಕೇಡೆಥು ಥೋಡು ಯೆಹೂದ್ಯರ್, ಅಂತಿಯೋಕ್ಯಥೂಬಿ ಅಜು಼ ಇಕೋನ್ಯಥು ಐನ್ ಪೌಲನ ವಿರೋದ್ ಅದ್ಮಿಖ್ಹಾರಾನ ಭೀರಾಖಿನ್, ಪೌಲನಪರ್ ಬಂಡೊಫೇಕಿನ್ ಯೋ ಮರಿಗಯೊಕರಿ ಲಾಝಿನ್ ಖ್ಹಯೇರ್‌ಥಿ ಭಾರ್‌ ಖೇಚಿಲಾಯಿ ನಾಖೀದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:23

ತುನ ಬೇಡಿಬಿ ಖ್ಹತಾಪ್ಣಿಖ್ಹಾರು ಮಾರಖ್ಹಾಜೆ ಟಿವೈರ‍್ಹೂಸ್‍ಕರಿ ಪವಿತ್ರಾತ್ಮನೆ ಝೇತೈನ್‌ ಹರೇಕ್ ಖ್ಹಯೇರ್‌ಮಾಬಿ ಮನ ಬೋಲುಕರಸ್ತೆ, ಮಾಲುಮ್ ಪಡುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:11

ಯೊ ಹಮಾರಕನ ಐನ್ ಪೌಲನು ಕಂಬರ್‌ನು ಕಷ್‍ಬಂದ್‍ನ ಪಾಡಿನ್ ಇನ ಹಾತ್‌ಗೋಡಕೇಡೆ ಭಾಂಧಿಲೀನ್; ಆ ಕಷ್‌ಬಂದ್‌ ಕಿನೂಕಿ ಇನ ಯೆಹೂದ್ಯರ್‌ನ ಖ್ಹಾರು ಅಮ್ಮಸ್ ಯೆರೂಸಲೇಮ್ಮ ಭಾಂದಿನ್ ಯೆಹೂದ್ಯರ್‌ಕಾಹೆತೆ ಇವ್ಣ ಹಾತ್ಮ ದಿಶೆಕರಿ ಪವಿತ್ರಾತ್ಮ ಬೋಲುಕರಸ್ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:14

ಇವ್ಣೆ ಖ್ಹುಮಾರ್‌ದನ್ ಹಿಜ್ಜಾ಼ಸ್ ರಹಿಗು. ಇನಖ್ಹಾಜೆ ಫೆಸ್ತನೆ ಪೌಲನಿ ಬಾರೇಮ ರಾಜ಼ನ ಖ್ಹಮ್‌ಜಾ಼ಡ್ಯೊ ಶಾತ್‌ಕತೊ, “ಫೇಲಿಕ್ಸನೆ ಖ್ಹಾರ್ಕೊಟ್‌ಮಾಸ್ ಮ್ಹೇಲಿನ್ ಗಯೋತೆ ಏಕ್‍ಜ಼ಣೊ ಛಾ಼.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:1

ಹಮೆ ದರ‍್ಯಾವ್ನ ಮಾರಗ್‍ಥಿ ಇಟಲಿನ ಜಾ಼ವ್ಣುಕರಿ ತೀರ್ಮಾನ್ ಹುಯು. ಪೌಲನಾಬಿ ಬಿಜು಼ ಥೋಡು ಖೈದಿಖ್ಹಾರಾನ ಯೂಲ್ಯ ಕರಿ ಏಕ್‍ಜ಼ಣೊ ಖ್ಹೋಶಿಪಾಯಿನೊ ಮೋಟೊ ಹುಯಿರ‍್ಹೋಥೊ. ಯೋ ರಾಜ಼ನಿ ಡಂಡ್ಮ ಕಾಮ್ ಕರಾವಾಳೊ ಹುಯಿರ‍್ಹೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:16

ಇನಕೇಡೆಥು ಹಮೆ ರೋಮ್‍ನ ಪೋಚಾ಼ನಿವಖ್ಹತೆ, ಪೌಲ ಇನ ದೇಖಿಲ್ಯವಾಳೊ ಏಕ್‍ಶಿಪಾಯಿ ಇನಿ ಜೋ಼ಡ್ಮ ರ‍್ಹಿಯೇಜಾ಼ಯ್ ಕರಿ ಬೋಲಾನು ಹುಕುಮ್‌ ಲಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:30

ಇನಕೇಡೆಥು ಯೋಸ್ ಭಾಡು ಲೀರಾಖ್ಯೊಥೊತೆ ಘರ್‌ಮ ಬೇ ವರಖ್ಹ್‌ಲಗು ರ‍್ಹೀನ್, ಇನಕನ ಆವಾಳಾನ ಖ್ಹಾರಸ್ನ ಸ್ವಾಗತ್ ಕರೀನ್ ಬುಲೈಲೇತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:16

ಯೊ ಮಾರ ನಾಮ್ನಖ್ಹಾಜೆ ಕೆತ್ರು ಲತಾಡ ಲಿಶೆಕರಿ ಮೇಸ್ ಇನ ವತಾಳಿಶ್.” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:36

ಆ ಖ್ಹಾರು ಪರಿಶುದ್ ದಪ್ತರ್‌ಮ ಲೀಖೈರುತೆ ಇಮ್ಮಸ್ ಛಾ಼, “ತಾರಾಖ್ಹಾಜೆ ಹಮೆ ಅಖ್ಖೋದನ್ ಮರಣ್‍ಮ ಛಿಯ್ಯೆ಼; ರ‍್ಹೇಖ್ಹಾವನ ಆಯೂತೆ ಮೇಂಢವ್‌ನಿ ತರ ಹಮೆ ರ‍್ಹೇಖ್ಹಾವನಿತರಾಬಿ ಹುಯಿರ‍್ಹಿಯೇಸ್.

1 ಕೊರಿಂಥ 15:10

ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು.

1 ಕೊರಿಂಥ 3:5

ಇಮ್‍ಕತೊ ಅಪೊಲ್ಲೋಸ ಕೋಣ್? ಪೌಲ ಕೋಣ್? ಇವ್ಣಿ ಸೇವಾಥಿ ತುಮೆ ಕ್ರಿಸ್ತಾನ ವಿಶ್ವಾಸ್ ಕರಾನಿ ಘೋಣಿಹುಯು. ಪ್ರಭು ಹರೇಕ್‌ಥಿ ಜ಼ಣಾನ ದೆವೈರ‍್ಹೂತೆ ಇನ ಅಪ್ಣೆ ಸೇವೆ ಕರಾವಾಳ ಹುಯಿರ‍್ಹಾಸ್.

1 ಕೊರಿಂಥ 4:1

ಅಪ್ಣೊ ಕ್ರಿಸ್ತ ಯೇಸುನೊ ಸೇವಕ್ ಕರೀಬಿ ದೇವ್ನೆ ಇನು ಲಪಿರ‍್ಹವಾನು ಖ್ಹಾಚ಼ನ ಅಪ್ಣುನ ದೇಖಿಲ್ಯವಾಳಾಬಿ ಕರೀಬಿ ಗಣ್ತಿಮಲೆವ್ಣು.

1 ಕೊರಿಂಥ 4:11

ಹಮ್ಕೆಲಗೂಬಿ ಹಮೆ ಭುಕ್ಯಛಿಯ್ಯೆ಼; ಠೋಖ್ಹ್‌ಲಾಗ್ಯಹುಯ ಹುಯಿರ‍್ಹಾಸ್; ಫೆರಾನಖ್ಹಾಜೆ ಹೋಣುತೆ ಎತ್ರು ಲುಂಗ್ಡು ಕೊಯ್ನಿ; ಕದೆಕದೆ ಮಾರ್ ಖಾವವಾಳ; ಹಮುನ ಘರ್‌ಬಿಕೊಯ್ನಿ.

1 ಕೊರಿಂಥ 4:9

ಇಮ್‌ ನಾಹುಯಿನ್ ದೇವ್ನೆ ಅಪೊಸ್ತಲರ್ ಹುಯಿರ‍್ಹಾಸ್ತೆ ಅಪ್ಣುನ ಮರಣ್ಣಿ ತೀರ್ಪ್ ಲೀಲ್ಯಾವಳಾನಿತರ ಕಡ್‌ಶೀನೊ ಟಪ್ಪೊ ದೀರಾಖ್ಯೊಸ್‍ಕರಿ ಮನ ದೇಖಾವಸ್. ಅಪ್ಣೆ ಜಗತ್‌ಮ ದೇವ್ ದೂತರ್‌ನಾಬಿ ಅದ್ಮಿನಾಬಿ ಕತೊ ಜಗತ್‌ವಾಳನ ಖ್ಹಾಮ್ಣೆಸ್ ಚಿಂಘಾವ್ಣಿ ಕಡೈಲಿದ.

2 ಕೊರಿಂಥ 10:7

ತುಮೆ ಖಲಿ ಭಾರ್‌ ದೆಖಾವನು ದೇಖೊಸ್‍, ಕೋಣ್ ತೋಬಿ ಇನ ಕ್ರಿಸ್ತವಾಳೋಕಿ ಇಮ್ಮಸ್ ಹಮೇಬಿ ಕ್ರಿಸ್ತವಾಳಕರಿ ಮಾಲುಮ್‌ ಕರಿಲ್ಯಾವಾದೆ.

2 ಕೊರಿಂಥ 11:5

ಮೋಟ ಅಪೊಸ್ತಲರ್‌ಕರಿ ಬೋಲೈಲ್ಯಾವಾಳ ಏಕ್‍ಥೀಬಿ, ಮೇ ಕಮ್ ಕಾಹೆ ಕರಿ ಲಾಝು಼ಸ್.

2 ಕೊರಿಂಥ 3:6

ದೇವ್ ನವಿ ಒಪ್ಪಂದಾನನ ಸೇವೆಕರಾವಾಳ ಹುಯಿರಾವಾನಿ ತಾಖತ್ನ ದೇವ್ನೆಸ್ ಹಮೂನ ದಿದೊ. ಆ ನವಿ ಒಪ್ಪಂದಾನ ಲೀಖಾವನಿ ರೂಪ್‍ಮಛಾ಼ತೆ ಧರ್ಮಶಾಸ್ತ್ರ ಕಾಹೆ. ಆ ಹುಯಿರ‍್ಹುತೆ ಪವಿತ್ರಾತ್ಮ ಹುಯಿರುಸ್. ಲಿಖಾವಟ್‌ನ ರೂಪ್‍ಮಛಾ಼ತೆ ಧರ್ಮಶಾಸ್ತ್ರ ಮರಣ್ಣ ಲ್ಯಾವ್‌ಶೆ, ಕತೋಬಿ ಪವಿತ್ರಾತ್ಮ ಜಾನ್‌ ದ್ಯಾವಾಳೊ ಹುಯಿರೋಸ್.

2 ಕೊರಿಂಥ 4:11

ಯೇಸುನೊ ಜಾನ್ನ ಅಪ್ಣೆ ಮರ‍್ಯಹುಯ ಶರೀರ್‌ಮ ಛಾ಼ಕರಿ ವತಾಳನಖ್ಹಾಜೆ ಜಿವ್ತಛಿಯೇತೆ ಅಪ್ಣೆ ಯೇಸುನಖ್ಹಾಜೆ ಕದೇಬಿ ಮರಣ್ಣ ದೇತಾ ಛಿಯೆ.

2 ಕೊರಿಂಥ 6:9

ಮಾಲುಮ್‌ ರ‍್ಹವಾಳು ಮರವಾಳುಹುಯಿನ್ ದೇಖಾಯುತೋಬಿ ಹಂದೇಖೊ ಹಮೆ ಬಚಿರ‍್ಹಿಶು. ಮಾರ್‌ಪೀಟ್ಮ ಪಡ್ಯತೋಬಿ ಮರಿಜಾ಼ಶುಕೊಂತೆ ರ‍್ಹಿಶು.

ಗಲಾತ್ಯ 6:17

ಅನೇಥಿ ಪಾರ್ ಮನ ಕೋಣ್‌ಬಿ ಖ್ಹತಾವ್ಣುನಾ. ಮಾರ ಶರೀರ್‌ಮ ಯೇಸು ಕ್ರಿಸ್ತನು ಖ್ಹಣೇದ್ನ ನಖೈರಾಖ್ಯೊಸ್.

ಎಫೆಸ 3:1

ಅಮ್‍ರ‍್ಹವಾಪರ್ ಪೌಲ ಹುಯಿರ‍್ಹೋತೆ ಮೆ ಯೆಹೂದ್ಯರ್‌ಕಾಹೆತೆ ತುಮಾರ ಖ್ಹಾಜೇಥಿ ಕ್ರಿಸ್ತ ಯೇಸುನಖ್ಹಾಜೆ ಖ್ಹಾರ್ಕೊಟ್‌ಮ ರ‍್ಹವಾಳೊ ಹುಯಿರ‍್ಹೋಸ್.

ಎಫೆಸ 4:1

ಇನಖ್ಹಾಜೆ ಪ್ರಭುನ ಸೇವೆನಖ್ಹಾಜೆ ಖೈದಿ ಹುಯಿರ‍್ಹೊಸ್ತೆ ಮೆ ತುಮೂನ ಬೋಲಿಲೆವ್‌ಸ್ ಶಾತ್‌ಕತೊ ದೇವ್ ತುಮುನ ಬುಲಾವನಿವಖ್ಹ್‌ತೆ ತುಮೆ ದೇವ್‍ಥಿ ಬುಲೈರಾಸ್ತೆಖ್ಹಾಜೆ ಯೊ ಬುಲಾವ್ಣಿನ ಲ್ಹಾಯೇಕ್ ಹುಯಿನ್ ಜಿವ್ಣು ಕರೊ.

ಎಫೆಸ 6:20

ಯೊ ಅಛ್ಛಿ ಸಂದೇಶ್ನ ಲೀಜಾ಼ವಳೊ ಹುಯಿರ‍್ಹೋತೆ ಮೆ ಜೇಲ್‌ಮ ಖ್ಹಂಕಳ್‌ಥಿ ಬಂಧಿಹುಯಿನ್ ಪಡ್ಯೊಸ್. ಇನಿ ಬಾರೇಮ ಮೆ ಬೋಲ್ನುತೆ ಇಮ್ಮಸ್ ಭಾಲಿಥಿ ಮೆ ಬೋಲಾನಿತರ ಮಾರ ಖ್ಹಾಜೆ ಬಿಂತಿಕರೊ.

ಫಿಲಿಪ್ಪಿ 1:13

ಕಿಮ್‌ಕತೊ ಮೆ ಜೇಲ್‌ಮ ರ‍್ಹವಾನು ಕ್ರಿಸ್ತನ ಖ್ಹಾಜೆಸ್ ಕರಿ ಮಹೇಲ್‌ನ ಕಾವ್ಲಿ ಕರಾವಾಳ ಖ್ಹಾರನಾಬಿ ಬಿಜು಼ಖ್ಹಾರನಾಬಿ ಮಾಲುಮ್‌ಪಡ್ಯು.

ಫಿಲಿಪ್ಪಿ 2:17

ತುಮಾರಿ ವಿಶ್ವಾಸ್ ಕರಿ ಬಲೀನ ಕಾಣ್ಕೆಮ ದೇವ್ನ ಮೇ ಅರ್ಪಣ್‌ಕರಾಮ ಮಾರ ಲೋಹಿನ ವವ್ಹಾಡನಿತರ ಹುಯುತೋಬಿ ಮನ ಖುಷಿ, ತುಮಾರ ಜೋ಼ಡೇಬಿ ಶಂತೋಖ್ಹ್‌ ಪಡುಸ್.

ಕೊಲೊಸ್ಸೆ 1:24

ಹಮ್ಕೆ ಮೇ ತುಮಾರಖ್ಹಾಜೆ ಪಡುಕರೂತೆ ಖ್ಹತಾಪ್ಣಿಮ ಮನ ಖುಷಿ ಛಾ಼. ಕ್ರಿಸ್ತನು ವದೇಖ್ಹ್‌ಮ ಜ಼ರೂರತ್ ಛಾತೆ ಇನ ಸಬೆಕರಿ ಬೋಲಾನ ಶರೀರ್‌ನಖ್ಹಾಜೆ ಮೆ ಮಾರ ಶರೀರ್‌ಮ ಖ್ಹರ್ತಿಕರೂಸ್.

ಕೊಲೊಸ್ಸೆ 1:29

ಮಾರಾಮ ಕಾಮ್‍ ಕರಾನಿ ದೇವ್ನಿ ಶಕಥ್ಥಿ ಅನಖ್ಹಾಜೆಸ್ ಮ್ಹಿನತ್ ಕರೀನ್ ಲಡೂಸ್.

1 ಥೆಸ 3:2

ಹಮೆ ಹಮಾರ ವಿಶ್ವಾಸ್‌ಮ ಅಜು಼ ದೇವ್ನಖ್ಹಾಜೆ ಕ್ರಿಸ್ತನಿ ಸುವಾರ್ತೆನ ಬೋಧನೆಮ ಮಾರ ಜೋ಼ಡ್ಮ ರ‍್ಹವಾಳೊ ತಿಮೊಥೆನ, ತುಮೂನ ಹುಮ್ಮಖ್ಹ್ ದ್ಯವಾನ ಅಜು಼ ವಿಶ್ವಾಸ್ಮ ಹುಮ್ಮಖ್ಹ್‌ ಕರಾನಖ್ಹಾಜೆ ತುಮಾರಕನ ಮೋಕ್‍ಲ್ಯಾಥ.

1 ತಿಮೊ 4:6

ಏಕ್‌ ವೇಳ್ಮ ಹಿಜ಼್ಜಾನು ವಿಶ್ವಾಸಿ ಭೇನೆಭೈಯೇವ್‌ನ ಬೋಲಿದೆವ್ಣುಕತೊ ತೂ ಕ್ರಿಸ್ತಯೇಸುನೊ ಅಛ್ಛೊ಼ ಸೇವಕ್ ಹುಯಿರ‍್ಹೀಶ್. ಇನ ಪಾಳಿ ಪರ್ವೇಶಿ ಕರಾನು ವಿಶ್ವಾಸ್‍ಥಿ ಖ್ಹಾಚಿ ಬೋಧನೆಥಿ ಹುವಾಸ್. ಇನ ತೂ ಲೀರಾಖ್ಯೊಸ್.

2 ತಿಮೊ 1:16

ಒನೇಸಿಪೊರನ ಘರ್‌ವಾಳಾನ ಪ್ರಭು ಗೋರ್‌ ವತಾಳದೆ, ಇನೆ ಘಣಿ ಹಲ್ಲ ಮನ ಖುಷಿ ಕರಾಯೊ. ಮೇ ಜೇಲ್‌ಮ ರ‍್ಹೀನ್ ಖ್ಹಂಕ್‌ಳಿನ ಖ್ಹರ್‌ಮಾಯೊ ಕೊಂತೆ,

2 ತಿಮೊ 1:8

ಅನಖ್ಹಾಜೆ ಅಪ್ಣೊ ಪ್ರಭುನಿ ಬಾರೇಮ ಸಾಕ್ಷಿ ಬೋಲಾನ, ಕ್ರಿಸ್ತನಖ್ಹಾಜೆ ಜೇಲ್‌ಮ ಛೂ಼ತೆ ಮಾರಿಬಾರೇಮ ಖ್ಹರ್‌ಮೈಶ್ ನಕೊ.ತುನ ಹೋಣುತೆ ಶಕತ್ನ ದೇವಸ್ ದಿಶೆ. ಇನ ಬದಲ್ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ ಮಾರ ಜೋ಼ಡೆ ಲತಾಡ ಪಡ್.

2 ತಿಮೊ 2:9

ಶನಕತೊ ಮೇ ಅಛ್ಛಿ ಖಬರ್‌ನ ಬೋಲುಸ್ತೆ ಇನಖ್ಹಾಜೇಸ್, ಮೇ ಖ್ಹತುಕರೂಸ್ತೆ ಅಜು಼ ಮನ ಖೈದಿನಿಘೋಣಿ ಖ್ಹಂಕಳ್‌ಥೀಬಿ ಭಾಂದಿರಾಖ್ಯುಸ್. ಕತೋಬಿ ದೇವ್ನಿ ವಚನ್ ಭಂದೈರ‍್ಹಿ ಕೊಯ್ನಿ.

2 ತಿಮೊ 3:11

ಮನ ಹುಯೂತೆ ವದೇಖ್ಹೊ ಅಜು಼ ಖ್ಹತಾಪ್ಣಿನಿ ಬಾರೇಮಾಬಿ ತುನ ಮಾಲುಮ್‌ ಛಾ಼. ಅಂತಿಯೋಕ್ಯ, ಇಕೋನ್ಯ ಅಜು಼ ಲುಸ್ತ್ರಾಮ ಮೇ ಕೆತ್ರೆ ಮೋಟಿ ವದೇಖ್ಹೊ ದಿದೂಥು ಇನ ಮೆ ಖ್ಹಮಾಳ್ಯೊ, ಕತೋಬಿ ಪ್ರಭುನೆ ಯೋ ಅಖ್ಖಾಮಾಥು ಬಚಾ಼ಡ್ಯೊ.

ಫಿಲೆಮೋನ 1:9

ಕತೋಬಿ ಪ್ಯಾರ್‌ನಿ ಆಧಾರ್‌ಪರ್ ಮೇ ತುಮೂನ ಗಿಂಗೈಲೆವುಸ್, ಏಕ್‌ ಬುಢೊ ಹುಯಿರೋತೆ ಪೌಲಹುಯಿರೋತೆ ಅಜು಼ ಕ್ರಿಸ್ತನಖ್ಹಾಜೆ ಜೇಲ್‌ಮ ಘಲೈರೋತೆ ಮೇ ಅನ ಕರುಕರೂಸ್.

ಇಬ್ರಿ 10:34

ತುಮೆ ಜೇಲ್‌ಮ ರ‍್ಹವಾಳನ ಆರ್‌ಗೋರ್‌ ಒತಾಳ್ಯ. ಅನೇಥಿ ಊಚು಼ ಹುಯಿರ‍್ಹುತೆ ಹಮೇಶಾನಿ ಆಸ್ತಿ ಛಾ಼ಕರಿ ಮಾಲುಮ್ ಕರಿಲಿದ ತುಮಾರಿ ಶೊತ್ನ ಛಿನೈಲ್ಯವಾಳಾನ ಶಂತೋಖ್ಹ್‌ಥಿ ಮ್ಹೇಲಿರಾಖ್ಯಸ್.