2 ಕೊರಿಂಥ 11:22 - ದೇವ್ನಿ ಖ್ಹಾಚಿ ವಚನ್

²² ಇವ್ಣೆ ಹಿಬ್ರುವಾಳಕಿ ಶು? ಮೇಬಿ ಇವ್ಣಿನಿತರ ಹುಯಿರೋಸ್, ಇವ್ಣೆ ಇಸ್ರಾಯೇಲ್‌ವಾಳ? ಮೇಬಿ ಇವ್ಣಿನಿತರಸ್ ಹುಯಿರ‍್ಹೆವುಸ್‌; ಇವ್ಣೆ ಅಬ್ರಹಾಮ್‌ನಿ ಖೂಮ್‍ವಾಳ? ಮೇಬಿ ಇನಿ ಖೂಮ್‌ವಾಳೊ.

2 ಕೊರಿಂಥ 11:22 ပူးပေါင်းရင်းမြစ်များ

ಮತ್ತಾಯ 3:9

ಅಬ್ರಹಾಮ್‌ ಹಮಾರೊ ಗುರು ಕರಿ ಬೋಲಾಥಿ ತುಮೆ ದೇವ್ನ ನಿಶಥ್ಥಿ ಬಚಿಜಾ಼ಶು ಕರಿ ನಕೊ ಸೋಚೊ, ಮೇ ತುಮೂನ ಬೋಲುಸ್ಕಿ, ದೇವ್ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:3

ಮೇ ಕಿಲಿಕ್ಯಾನು ತಾರ್ಸ ಖ್ಹಯೇರ್‌ಮ ಪೈದಹುಯೊತೆ ಯೆಹೂದ್ಯವಾಳೊ. ಕತೋಬಿ ಆಸ್ ಖ್ಹಯೇರ್‌ಮ ಪಳ್ಯೊಹುಯೊ.ಯೆರೂಸಲೇಮ್ಮ ಮೇ ಗಮಲಿಯೇಲನೊ ಶಿಷ್ಯಹುಯಿನ್, ಹಮಾರ ಗುರುಗುರಬ್‌ಲ್ಯನು ಧರ್ಮಶಾಸ್ತ್ರನು ಖ್ಹಾರೂಸ್ ಶಿಕಿರಾಖ್ಯೊಸ್; ಹಮ್ಕೆ ತುಮೆಖ್ಹಾರು ಛಾ಼ತೆ ತಿಮ್ಮಸ್ ಮೇಬಿ ದೇವ್‌ನೊ ದಿಲ್‌ಲಾಗ್ಯೊತೆ ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:1

ಯೋ ದನ್ಮ ಯೇಸುನ ಶಿಷ್ಯರ್‌ನಿ ಗಣ್ತಿ ಜಾ಼ಖ್ಹತ್ ಹೋತು ಆಯು, ಕತೋಬಿ ಯೊ ವಖ್ಹತ್‌ಮ ಗ್ರೀಕ್ ಬೋಲವಾಳ ಯೆಹೂದಿ ಶಿಷ್ಯರ‍್ನೆ, ಇಬ್ರಿಯ ಬೋಲವಾಳ ಯೆಹೂದಿನಿ ಬಾರೇಮ ಹರೇಕ್ ರೋಜ಼್ ಶಿಷ್ಯರ‍್ನ ದೇವ್ಣುಥೂತೆ ತಿನಮಾಥು ಹಮಾರಿ ಮುಂಡಚ್ಚಿಯೆನ ಮಳ್‌ಣುತೆ ಮದತ್ ಬರೋಬರ್‌ಥಿ ಮಳುಕರಕೊಯ್ನಿ ಕರಿ ಭಣ್‌ಕ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:1

ಇಮ್‍ಕತೊ, ದೇವ್ ಇನ ಅದ್ಮೆವ್‍ನ ಝಿಟ್ಕಾರ್‌ದಿದೊಕಿ ಶು? ಕರಿ ಮೇ ಬೋಲುಸ್. ಕದೇಬಿ ಕೊಯ್ನಿ, ಮೇ ಏಕ್‌ ಇಸ್ರಾಯೇಲ್‌ವಾಳೊ ಹುಯಿರ‍್ಹೋಸ್. ಅಬ್ರಹಾಮ್‌ನಿ ಖಾನ್‌ದಾನ್‌ವಾಳೊ, ಬೆನ್ಯಾಮೀನ್ನ ಖೂಮ್‍ವಾಳೋಬಿ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:4

ಇಸ್ರಾಯೇಲ್‌ವಾಳು ಹುಯಿರ‍್ಹುತೆ ಇವ್ಣುನ ಇನಿ ಲಡ್ಕಾವ್‌ನಿ ಘೋಣಿಬಿ ಮಹಿಮೆನ ವತಾಳಿರಾಖ್ಯುಸ್, ಒಪ್ಪಂದಾನ ಅಖ್ಖೂಬಿ, ಧರ್ಮಶಾಸ್ತ್ರ ದೇವವಾನುಬಿ, ಮಂದಿರ್‌ನಿ ಸೇವೆಬಿ ಅಜು಼ ವಾಗ್ದಾನ್‌ಬಿ ಲೀರಾಖ್ಯುಸ್.

ಗಲಾತ್ಯ 3:16

ಇಮ್ಮಸ್ ದೇವ್ನೆ ಅಬ್ರಹಾಮ್‌ನಾಬಿ ಇನಿ ಪಿಳ್ಗಿನಾಬಿ ವಾಗ್ದಾನ್‌ ಕರ‍್ಯೊ. ಕತೋಬಿ ಯೋ ಖೂಮ್ಮ ರ‍್ಹವಾಳ ಅಖ್ಖಾಸ್ನ ಬೋಲ್ಯೊಕೊಂತೆ ಅಬ್ರಹಾಮ್‌ನು ಪಿಳ್ಗಿನ ಛಾ಼ತೆ ಎಕ್ಕಸ್ ಜ಼ಣಾನ ವತಾಳಸ್‍. ಯೋ ಏಕ್‌ ಜ಼ಣೋಸ್ ಯೇಸು ಕ್ರಿಸ್ತ.

ಫಿಲಿಪ್ಪಿ 3:5

ಪೈದಹುಯಿನ್ ಆಟ್ನ ದನ್ಮ ಮನ ಖ್ಹತ್ನಹುಯು, ಮೆ ಇಸ್ರಾಯೇಲ್‌ನು ಖಾನ್‌ದಾನ್‌ವಾಳೊ, ಬೆನ್ಯಾಮೀನ್ನು ಖೂಮ್‌ವಾಳೊ, ಅಫೂಟ್ ಇಬ್ರಿಯವಾಳೊ, ಧರ್ಮಶಾಸ್ತ್ರನಿ ನಿಘ್ಯಾಥಿ ದೇಖ್ಯೂತೆ, ಮೆ ಫರಿಸಾಯವಾಳೊ,