2 ಕೊರಿಂಥ 11:15 - ದೇವ್ನಿ ಖ್ಹಾಚಿ ವಚನ್

¹⁵ ಇನಾಖ್ಹಾಜೆ ಇನ ಸೇವಕರ್‌ಬಿ ನೀತಿನ ಸೇವಕರ‍್ನಿತರ ದೆಖೈಲ್ಯಾವಾನ ಇವ್ಣುನ ಬದ್‍ಲೈಲ್ಯಾವಾನು ಆಶ್ಚರ್ಯ ಶಾತ್‍ಬಿಕೊಯ್ನಿ. ಇವ್ಣ ಕಾಮ್ನ ತಕ್ಕಾದ್‍ನ ಇವ್ಣು ಖ್ಹರ್ತಿಬಿ ರ‍್ಹಿಶೆ.

2 ಕೊರಿಂಥ 11:15 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:10

ಇನೆ “ತೂ ಶೈತಾನ್ನೊ ಛಿಯ್ಯೊ! ಹರ್ ಏಕ್‍ ಅಛ್ಛಾ಼ನಾಬಿ ತೂ ವಹೇರ‍್ಯೊ” ತು ಖರಾಬ್ ಚಾ಼ಲ್‌ಥೀಬಿ ಝೂ಼ಟೆಥೀಬಿ ಭರೈರ‍್ಹೋಸ್. ಅಖ್ಖಿ ನೀತಿನಾಬಿ ವಿರೋದ್ ಕರವಾಳೋಸ್ ತೂ, ಪ್ರಭುನ ಖ್ಹಾಚಾನ, ಝೂ಼ಟಿಕರಿ ಬದ್ಲಾವನ ತೂ ಕದೇಬಿ ಕೋಶಿಶ್ ಕರ್ತೊರ‍್ಹೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:6

ಶನಕತೊ ದೇವ್ ಹರೇಕ್ ಜ಼ಣಾನಾಬಿ ಇವ್ಣ ಇವ್ಣ ಕಾಮ್ನ ದೇವ್ಣುತೆ ಇನಾಮ್ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:8

ಅಮ್ ರ‍್ಹವಾಪರ್ ಅಛ಼್ಛುಕರಿ ದೆಖಾವನು ರ‍್ಹಿಯುತೊ ಅಪ್ಣೆ ಖರಾಬ್‍ನಾ ಕರೇಜಾ಼ಯ್‍ಕರಿ ಶನ ನಾಬೋಲ್ನು. ಇನಖ್ಹಾಜೆ ಥೋಡುಜ಼ಣು ಮನ ದೂಷಣೆ ಕರೀನ್ ಮಾರಪರ್ ಕೈಏಕ್ ವಾತೆ ಬೋಲ್ತುಹುಯಿನ್ ಝಿಟ್ಕಾರುಕರಾಸ್. ಎಥ್ರಾನವಾಳನ ನಿಶತ್‌ ಹುವಾನು ನ್ಯಾವಸ್‌.

1 ಕೊರಿಂಥ 9:11

ಹಮೆ ತುಮಾರಮ ಆತ್ಮೀಕ್ ಹುಯಿರ‍್ಹುತೆ ಪಂಡಾನ ನಾಖ್ಯಾತೊ ಇನ ಬದಲ್ ತುಮಾರೇಥಿ ಜಗತ್ನ ಉಬ್‍ಜಾ಼ವ್ಣಿನ ಜಿನಖ್ಹ್‌ನ ವ್ಹಾಡನು ಮೋಟಿ ವಾತ್‍ಕಿಶು?

2 ಕೊರಿಂಥ 11:13

ಎಥ್ರಾನು ಅದ್ಮಿಖ್ಹಾರು ಝೂ಼ಟುಅಪೊಸ್ತಲರ್, ಧೋಕಕರವವಾಳು, ಕ್ರಿಸ್ತನು ಅಪೊಸ್ತಲರ್‌ಕರಿ ವೇಷಬದ್ಲವವಾಳು ಹುಯಿರ‍್ಹೂಸ್.

2 ಕೊರಿಂಥ 11:23

ಇವ್ಣೆ ಕ್ರಿಸ್ತನ ಸೇವಕರ್‌ಕಿಶು? ಇವ್ಣೇಥಿ ಜಾ಼ಖ್ಹತ್ ಮೇ ಸೇವೆ ಕರಾವಾಳೊ ಹುಯಿರೋಸ್. ಮೇ ಪಗ್‍ಲ್ಯಾನಿತರ ವಾತೆಬೋಲುಕರುಸ್, ಮೇ ಘಣು ಖ್ಹತಿರ‍್ಹೋಸ್ ಘಡಿಕೇಡೆ ಜೇಲ್‌ಮ ಘಲೈಲಿಧೋಥೊ. ಕಠಣ್ಣಿ ಪರಕ್ಮ ಮಾರ್‌ಖೈರಾಖ್ಯೋಸ್. ಕೈಯೇಕ್ ವಖ್ಹತ್ ಮರಣ್‍ಮ ಖ್ಹಪ್‍ಡಿಗಯೋಥೊ.

2 ಕೊರಿಂಥ 3:9

ಅನಿ ಅರ್ಥ ಶಾತ್‍ಕತೊ; ಯೋ ಸೇವೆ ಅದ್ಮಿನ ಅಪರಾದಿಕರಿ ತೀರ್ಪ್‍ದಿದು, ಕತೋಬಿ ಯೋ ಮಹಿಮೆನ ಲೀರಾಖ್ಯುಥು. ಅನಖ್ಹಾಜೆ, ನೀತಿನ ಕಫ್ಫನ್ ಹುಯಿರ‍್ಹುತೆ ಸೇವೆ ಬಿಜೂ಼ಬಿ ಘಣು ಮಹಿಮೆನ ಉಬ್‍ಜಾ಼ವಾನು ಕೆತ್ರೇಕ್ಕಿ ಖ್ಹಾಚಹುಯಿರೂಸ್.

ಎಫೆಸ 6:12

ಶನಕತೊ ಅಪ್ಣೆ ಲಡಾನು ಖಲಿ ಅದ್ಮಿನ ಜೋ಼ಡೆ ಕಾಹೆ. ಕತೋಬಿ ಅಪ್ಣಿ ಖ್ಹೂಜ಼್‌ ರಾಜ಼್‌ನ ಉಪ್ಪರ್‌ಬಿ, ಅದಿಕಾರಿನ ಉಪ್ಪರ್‌ಬಿ, ಆ ಅಂಧಾರನಿ ಜಗತ್ನಿ ಅದಿಪತಿನ ಉಪ್ಪರ್‌ಬಿ, ಆಸ್ಮಾನ್ನ ಗೋಳಾಮ ಛಾ಼ತೆ ನಾಶ್ ಕರಾನಿ ಆತ್ಮಾನಿ ದಂಡ್ ಉಪ್ಪರ್‌ಬಿ, ಅಪ್ಣೆ ಲಡವಾಳ ಹುಯಿರ‍್ಹಾಸ್.

ಫಿಲಿಪ್ಪಿ 3:19

ಪೇಟಸ್ ಇವ್ಣು ದೇವ್, ಖ್ಹರಮ್‌ಕಾಡಾನು ಕಾಮಸ್ ಇವ್ಣುನ ಮರ್ಯಾದಿನು. ಇವ್ಣೆ ಜಗತ್ನಿ ಬಾರೇಮಸ್ ಸೋಚವಾಳು, ಅನಖ್ಹಾಜೆ ವಿನಾಶಥೀಸ್ ಇವ್ಣೆ ಖ್ಹರ್ತಿಉಷೆ.

2 ಪೇತ್ರ 2:3

ಇವ್ಣೆ ಪೈಶಾನಿ ಲಾಲ್‍ಛಿವಾಳು ಹುಯಿರ‍್ಹಿನ್, ಬಣೈಹುಯ್ ಖೇಣಿನ ಬೋಲ್ತುಹುಯಿನ್‌, ತುಮಾರೇಥಿ ನಫ್ಫೊ ಕರಿಲ್ಯಾವಾಳು ಹುಯಿರ‍್ಹಿಶೆ.ಇನಖ್ಹಾಜೆ ಘಣಾದನ್‍ಥು ಇವ್ಣುನ ಛಾ಼ತೆ ನಿಶತ್ನು ತೀರ್ಪ್ ಇವ್ಣುನ ಟಿವೈರ‍್ಹುಸ್. ಇವ್ಣುನ ಆವನಿ ನಾಶನ ಇವ್ಣೇಥಿ ಛು಼ಕಿಜಾ಼ಶೇಸ್ ಕೊಯ್ನಿ.

ಯೂದನೆ ಲೀಖ್ಯೋತೆ ಚಿಟ್ಟಿ 1:4

ಶನಕತೊ ಭಕ್ತಿಕೊಂತೆ, ಅಪ್ಣ ದೇವ್ನ ವಾರ್‌ಖ್ಹಾನ ಭಾಣುಕರಿಲೀನ್‍ ಖ್ಹರಮ್‌ಕೊಂತೆ ಕಾಮ್ನ ಕರವಾಳುಬಿ, ಅಪ್ಣೊ ಎಕ್ಕಸ್ ಯಜಮಾನ್‌ಬಿ ಪ್ರಭು ಯೇಸುಕ್ರಿಸ್ತನ ಝಿಟ್ಕಾರವಾಳು ಥೋಡುಜ಼ಣು ಗಪ್ಲಥ್ಥಿ ಸಬೆಮ ಮಹಿ ಪೇಶಿರ‍್ಹುಸ್. ಅವ್ಣೆ ಅಗಾಡಿಥೂಸ್ ನಿಶತ್‌ನ ನೇಮಕ್‍ಹುಯಿರ‍್ಹುಸ್‍ ಕರಿ ಪವಿತ್ರ ವಚನ್‌ಮ ಲೀಖೈರುಸ್.

ಪ್ರಕಾಶಿತ್ 13:14

ಯೊ ಪಹಿಲ ಜಾನ್ವರ್‌ನ ಖ್ಹಾಮ್ಣೆ ಅದ್ಭುತ್‌ಖ್ಹಾರು ಕರಾನು ಅದಿಕಾರ್ ಛಾ಼ತೆ ಇನಖ್ಹಾಜೆ ಧರ್ತಿನ ಅದ್ಮಿಖ್ಹಾರನ ಖ್ಹೈಲು ಕರ‍್ಯು. ಇವ್ಣುನ ತಲ್ವಾರ್‌ಥಿ ಘಾವ್‌ಹುಯಿನ್ ಮರ‍್ಯುಕೊಂತೆ ಬಚಿರ‍್ಹುತೆ ಜಾನ್ವರ್‌ನ ಮರ್ಯಾದಿ ದ್ಯವಾನಖ್ಹಾಜೆ ಮೂರತ್ ಬಣಾವ್ಣುಕರಿ ಹುಕುಮ್ ಕರ‍್ಯು.

ಪ್ರಕಾಶಿತ್ 13:2

ಮೇ ದೇಖ್ಯೋತೆ ಜಾನ್ವರ್‌ ಅದೋಗಾನಿತರಾಬಿ ಇನ ಗೋಡ ರೀಚ಼್‌ನ ಗೋಡಾನಿಘೋಣಿಬಿ ಥು. ಇನು ಬಾಕು ಶುಂಭಾನ ಡಾಚ಼ನಿತರಾಬಿ ಥು. ಅರ್ಝ಼ನ ಇನ ಶಕತ್‌ಬಿ, ಸಿಂಹಾಸನ್‌ಬಿ, ಮೋಟಿ ಅದಿಕಾರ್‌ನ ದಿದು.

ಪ್ರಕಾಶಿತ್ 9:11

ಪಾತಾಳ್‌ನೊ ಮುಖ್ಯ ಹುಯಿರ‍್ಹೋತೆ ದೂತಾಸ್ ಯೋ ಚಿಡ್ಡಾವ್ನ ರಾಜ಼ ಹುಯಿರೋಥೊ. ಇನ ಹಿಬ್ರು ವಾತೇಮ ಅಬದ್ದೋನ್‌ ಕರೀಬಿ, ಗ್ರೀಕ್ ಬೋಲಿಮ ಅಪೊಲ್ಲುವೋನ ಕರೀಬಿ ನಾಮ್‌ಥು.