2 ಕೊರಿಂಥ 10:9 - ದೇವ್ನಿ ಖ್ಹಾಚಿ ವಚನ್

⁹ ಮೇ ಚಿಟ್ಟಿಲೀಖಿನ್ ತುಮುನ ಡರವ್‌ಕರುಸ್ ಕರಿ ನಕೊ ಲಾಜ಼್‌ಶು.

2 ಕೊರಿಂಥ 10:9 ပူးပေါင်းရင်းမြစ်များ

1 ಕೊರಿಂಥ 4:5

ಅನಖ್ಹಾಜೆ ಕಬ್ಲಗು ಪ್ರಭು ಕೊ ಆವಾನಿಕಿ ಯೊ ವಖ್ಹತ್‌ನ ಅಗ್ಗಳಸ್ ಶನುಬಾರೇಮಾಬಿ ನ್ಯಾವ್‌ನು ತೀರ್ಪ್ ನಕೊಕರ್ಷು; ಇನೆ ಅಂಧಾರಮಾನು ಲಪಿಹುಯು ಕಾಮ್‌ಖ್ಹಾರು ಉಜಾ಼ಳಾಮ ಲೀನ್‌ ಆವ್‌ಶೆ. ಅದ್ಮಿನಿ ದಿಲ್ನಿಖ್ಹಾರಿ ಸೋಚ್ನ ಭಾರ್‌ ಕಾಡ್‌ಶೆ. ತದೆ ಹರೇಕ್‍ಜ಼ಣಾನ ಆವ್ಣುತೆ ಖ್ಹರಾವ್ಣಿ ದೇವ್‍ಥೀಸ್‍ ಮಳ್‌ಶೆ.

2 ಕೊರಿಂಥ 10:10

“ಇನೇಥಿ ಆಯುತೆ ಚಿಟ್ಟಿ ಖ್ಹಾರು ಕಠಣ್‍ನುಬಿ ತಾಖತ್‍ವಾಳುಬಿ ಹುಯಿರ‍್ಹೂಸ್. ಕತೋಬಿ ಶರೀರ್‌ಥಿ ಯೊ ಕಮ್‌ಜೋ಼ರಿಹುಯಿನ್ ಇನಿ ವಾತೆ ಖ್ಹಾರಿ ಕಾಮ್ನಕೊಯ್ನಿತೇಬಿ ಹುಯಿರ‍್ಹಿಶೆ” ಕರಿ ಥೋಡು ಜ಼ಣು ಬೋಲಸ್.

2 ಕೊರಿಂಥ 10:8

ಹಮೂನ ಛಾ಼ತೆ ಅದಿಕಾರ್‌ನಿ ಬಾರೇಮ ಹಮೆ ಏಕ್‌ ಘಡಿ ಜಾ಼ಖ್ಹತ್ ಖ್ಹರೈಲಿದಾತೋಬಿ ಇಮ್‌ ಖ್ಹರೈಲ್ಯಾವಾಮ ಮೇ ಖ್ಹರ್‌ಮವ್‌ಕೊಯ್ನಿ. ಕತೋಬಿ ಯೋ, ತುಮುನ ರಡ್‍ಕೈನಾಕ್ಣುಕರಿ ಕಾಹೆ. ಭಾಂದ್‍ಣುಕರಿ ಪ್ರಭು ಆ ಅಧಿಕಾರ‍್ನ ಮನ ದೀರಾಖ್ಯೊಸ್.