2 ಕೊರಿಂಥ 10:11 - ದೇವ್ನಿ ಖ್ಹಾಚಿ ವಚನ್

¹¹ ಅಥ್ರಾನವಾಳು, ಹಮೆ ದೂರ್ ರ‍್ಹಾವಾನಿ ವಖ್ಹತ್‌ಮ, ಚಿಟ್ಟಿಯೇಮ ಲೀಖೈರ‍್ಹಿತೆ ವಾತ್ಮ ಕಿಮ್ ಛಿಯೇಕಿ ಖನ್ನೆ ರ‍್ಹವಾನಿವಖ್ಹ್‌ತೆ, ಕಾಮ್ಮಾಬಿ ಎಥ್ರಾನಸ್‍ವಾಳಕರಿ ಮಾಲುಮ್‌ ಕರಿಲ್ಯಾವಾದೆ.

2 ಕೊರಿಂಥ 10:11 ပူးပေါင်းရင်းမြစ်များ

2 ಕೊರಿಂಥ 10:10

“ಇನೇಥಿ ಆಯುತೆ ಚಿಟ್ಟಿ ಖ್ಹಾರು ಕಠಣ್‍ನುಬಿ ತಾಖತ್‍ವಾಳುಬಿ ಹುಯಿರ‍್ಹೂಸ್. ಕತೋಬಿ ಶರೀರ್‌ಥಿ ಯೊ ಕಮ್‌ಜೋ಼ರಿಹುಯಿನ್ ಇನಿ ವಾತೆ ಖ್ಹಾರಿ ಕಾಮ್ನಕೊಯ್ನಿತೇಬಿ ಹುಯಿರ‍್ಹಿಶೆ” ಕರಿ ಥೋಡು ಜ಼ಣು ಬೋಲಸ್.

2 ಕೊರಿಂಥ 10:12

ಇವ್ಣು ಇವ್ಣೇಸ್ ಖ್ಹರೈಲ್ಯಾವಾಳನಿ ಜೋ಼ಡ್ಮ ಹಮೆ ಸಮಾನ್ ಕರಿಲ್ಯಾವಾನ ಕೋಶಿಶ್ ಕರುಕೊಯ್ನಿ. ಇವ್ಣಾಸ್‍ಮ ಇವ್ಣೆ ಆಳ್ತಿ ಕರೀನ್, ಇವ್ಣುನ ಇವ್ಣೇಸ್ ಸಮಾನ್ ಕರಿಲೇಸ್, ಇವ್ಣುನ ಶಾತ್ಬಿ ಮಾಲುಮ್ ಕೊಯ್ನಿಕರಿ, ಆಸ್ ಅಖ್ಖು ಓತಾಳಸ್‍.

2 ಕೊರಿಂಥ 12:20

ಶನಕತೊ ಮೇ ಆವಾದಿನ್, ಏಕ್‌ ಘಡಿ ತುಮೆ ಮಾರಿ ಆಖ್ಹ್‌ನಿ ತರಸ್ ತುಮೆ ರ‍್ಹೇಸ್ಕಿ ಕೊಯ್ನಿಕಿ ಕರಿ ಮನ ಡರ್‌ ಛಾ಼. ಮೇ ತುಮಾರಿ ಆಖ್ಹ್‌ನಿ ಪರಕ್ ದೆಖಾವ್ಣುನಾತೆ ರ‍್ಹವೊ ತೋಬಿ, ಏಕ್‌ ಘಡಿ ತುಮಾರಾಮ, ಲಡೈ ಪೇಟ್ನೊ ಬಳಾಪೊ, ಇರಾದೊ, ಅಲ್ಹಾವ್‍ನಿತರ ಛಾ಼ಡ್ ಬೋಲಾನು ಮಶ್ಲ ಮಾರಾನು ಮೋಟೊಕರಿ ಬೋಲಿಲ್ಯಾವಾನು, ಲಡೈ ನಖಾವನು, ಆಖ್ಹಾರು ದೆಖಾವ್‍ಶೆಕಿ ಶುಕಿ ಕರಿ ಡರ್‌ ಮನ ಛಾ಼.

2 ಕೊರಿಂಥ 13:10

ಅನಾಖ್ಹಾಜೇಸ್ ಮೇ ತುಮಾರಕನಕೊಂತೆ ವಖ್ಹತ್ ಆ ವಾತೆಖ್ಹಾರಿ ಲೀಖುಕರುಸ್. ತುಮುನ ರಡ್‍ಕೈನಾಖಾನ ಕಾಹೆ. ಭಾಂದಾನಖ್ಹಾಜೆ ಪ್ರಭು ಮನ ದೀರಾಖ್ಯೋತೆ ಅದಿಕಾರ್‌ಥಿ ತುಮೆ ಕಠಣ್‍ನ ವತಾಳನ ವಖ್ಹತ್‌ನ ರ‍್ಹೇವ್ಣುಕರಿ ಆಖ್ಹ್‌ಕರುಸ್.