2 ಕೊರಿಂಥ 10:10 - ದೇವ್ನಿ ಖ್ಹಾಚಿ ವಚನ್

¹⁰ “ಇನೇಥಿ ಆಯುತೆ ಚಿಟ್ಟಿ ಖ್ಹಾರು ಕಠಣ್‍ನುಬಿ ತಾಖತ್‍ವಾಳುಬಿ ಹುಯಿರ‍್ಹೂಸ್. ಕತೋಬಿ ಶರೀರ್‌ಥಿ ಯೊ ಕಮ್‌ಜೋ಼ರಿಹುಯಿನ್ ಇನಿ ವಾತೆ ಖ್ಹಾರಿ ಕಾಮ್ನಕೊಯ್ನಿತೇಬಿ ಹುಯಿರ‍್ಹಿಶೆ” ಕರಿ ಥೋಡು ಜ಼ಣು ಬೋಲಸ್.

2 ಕೊರಿಂಥ 10:10 ပူးပေါင်းရင်းမြစ်များ

1 ಕೊರಿಂಥ 1:17

ಕ್ರಿಸ್ತನೆ ಮನ ಮೋಕ್‍ಲ್ಯೊತೆ ಬ್ಯಾಪ್ತಿಸ್ಮ ದ್ಯವಾನ ಕಾಹೆ. ಸುವಾರ್ತೆನ ಖ್ಹಮ್‍ಜಾ಼ಡನಖ್ಹಾಜೆ ಎತ್ರೇಸ್. ಕತೋಬಿ ಖಾಲಿ ಅದ್ಮಿನಿ ಅಕ್ಕಲ್‍ಥಿ ಬೋಲಿ ಖ್ಹಮ್‌ಜಾ಼ಡನ ಮನ ಮೋಕ್‌ಲ್ಯೊ ಕೊಯ್ನಿ. ಮೇ ಕಾಯ್‌ತೋಬಿ ಲೋಕ್‌ನಿ ಗ್ಯಾನ್‌ಥಿ ಸುವಾರ್ತೆ ಬೋಲ್ಯೊಹೊತ್ತೊ ಕ್ರಿಸ್ತನಿ ಶಿಲ್‌ಬೇನಿ ಶಕತ್ ಫಾಯಿದೊಕೊಂತೆ ಹುಯುಹೊತ್ತ್.

1 ಕೊರಿಂಥ 1:21

ಹೈರೂತೆ ದೇವ್ನಿ ಗ್ಯಾನ್ನಿ ಖ್ಹೂಜ಼್ ಹುಯಿರ‍್ಹುಥು. ಜಗತ್‌ ಇನಿ ಶೊಂತ್ ಗ್ಯಾನ್‌ಥಿ ದೇವ್ನ ಖ್ಹಮ್‍ಜಿರಾಖ್ಯುಥು ಕೊಯ್ನಿ. ಇನಖ್ಹಾಜೆ ಘೈಲಾನಿತರ ದೆಖಾವತೆ ಬೋಧನ್‍ಥಿ ವಿಶ್ವಾಸ್ ಕರವಾಳನಿ ರಕ್ಷಣೆ ಕರಾನು ದೇವ್ನ ಅಛ್ಛು಼ಕರಿ ದೆಖಾಯು.

2 ಕೊರಿಂಥ 10:1

ಪೌಲ ಅಪ್ಣಕನ ರ‍್ಹಾವಾನಿ ವಖ್ಹತ್‌ಮ ಶೇದೆವ್‌ನಿತರ ಚಾ಼ಲಿಲ್ಯವಾಳೊಬಿ, ತುಮಾರೇಥಿ ದೂರ್‌ರ‍್ಹಾವಾನಿ ವಖ್ಹತ್‌ಮ ಕಠಣ್‌ಥಿಬಿ ಚಾ಼ಲಿಲ್ಯವಾಳೊ ಹುಯಿರ್‍ಹೊಸ್ ಕರಿ ಬೋಲೈಲ್ಯಾವಳೊ ಯೋ ಪೌಲ ಕರಿ ಮೇ ಕ್ರಿಸ್ತನಿ ಶಾಂತಿನದಿಲ್‍ನಾಬಿ ಗೋರ್‌ನಾಬಿ ಯಾದ್‍ಕರ‍್ಲಿನ್,

2 ಕೊರಿಂಥ 10:11

ಅಥ್ರಾನವಾಳು, ಹಮೆ ದೂರ್ ರ‍್ಹಾವಾನಿ ವಖ್ಹತ್‌ಮ, ಚಿಟ್ಟಿಯೇಮ ಲೀಖೈರ‍್ಹಿತೆ ವಾತ್ಮ ಕಿಮ್ ಛಿಯೇಕಿ ಖನ್ನೆ ರ‍್ಹವಾನಿವಖ್ಹ್‌ತೆ, ಕಾಮ್ಮಾಬಿ ಎಥ್ರಾನಸ್‍ವಾಳಕರಿ ಮಾಲುಮ್‌ ಕರಿಲ್ಯಾವಾದೆ.

2 ಕೊರಿಂಥ 10:9

ಮೇ ಚಿಟ್ಟಿಲೀಖಿನ್ ತುಮುನ ಡರವ್‌ಕರುಸ್ ಕರಿ ನಕೊ ಲಾಜ಼್‌ಶು.

2 ಕೊರಿಂಥ 11:21

ಅಮ್ ಅಖ್ಖುಕರಾನ ಮಾರೇಥಿ ಕಮ್‌ಜೋ಼ರಿಕರಿ ಮಾನಿಲ್ಯಾವಾನ ಮನ ಖ್ಹರಮ್‌ಲಾಗಸ್. ಖಿವು ಬಿಜು಼ ಜ಼ಣು ಖ್ಹರೈಲ್ಯಾವಾನ ಧಿಲ್‌ಪತ್‌ ಕರಸ್ಕಿ ಇನ ಮೇ ಪಗ್‍ಲ್ಯಾನಿತರ ಖ್ಹರೈಲ್ಯಾವಾನ ಹುಮ್ಮಖ್ಹ್‌ ಕರುಸ್.

2 ಕೊರಿಂಥ 11:6

ಮೇ ವಾತ್ಮ ಚಾ಼ತುರ್‌ನಾರ‍್ಹಯೊ ತೋಬಿ ಗ್ಯಾನ್‌ಮ ಕಮ್ ಕಾಹೆ. ಅನ ಮೇ ಹರೇಕ್ ಹಾಲತ್ಮಾಬಿ ಛೋ಼ಡಿವತಾಳಿ ರಾಖುಸ್.

2 ಕೊರಿಂಥ 13:3

ಕ್ರಿಸ್ತ ಮಾರಾಮ ರ‍್ಹೀನ್ ವಾತ್‍ಬೋಲಸ್‍ಕರಿ, ತುಮುನ ಹೋಣುತೆ ಸಾಕ್ಷಿನ ಢೂಂಢಾಥಿ ಯೋ ತುಮಾರಿ ಬಾರೇಮ ಕಮ್‍ಜೋ಼ರಿ ರ‍್ಹಯೋತೊಬಿ ತುಮಾರಮ ಶಕತ್‌ವಾಳೊ ಹುಯಿರ‍್ಹೊಸ್.