22 ಹಮೆ ಇನವಾಳಕರಿ ವತಾಳನಖ್ಹಾಜೆ ಇನೆ ಹಮಾರಪರ್ ಮುದ್ರೊ ನಾಖಿರಾಖ್ಯೋಸ್. ಯೋ ಹಮೂನ ಕರ್ಯೊತೆ ವಾಗ್ದಾನ್ನ ಚ಼ಲಾವ್ಷೆ ಕರಿ ಬೋಲಾನ ಪವಿತ್ರಾತ್ಮನಾಸ್ ಅಪ್ಣ ದಿಲ್ಮ ದೀರಾಖ್ಯೊಸ್.
ಕತೋಬಿ ಕೋಣ್ ಇನಿ ಸಾಕ್ಷಿನ ಮಾನಿಲೇಸ್ಕಿ, ಯೋ ಅಮ್ ಕರಾಥಿ ದೇವ್ ಖ್ಹಾಚು಼ ಕರಿ ಸಾಬಿತ್ ಕರಸ್.
ಖ್ಹಡಿಜಾ಼ಸ್ತೆ ಖಾಣಾನಖ್ಹಾಜೆ ನಕೊ ರಾಬೊ; ತುಮೂನ ಹರ್ಹಮೇಶಾನಿ ಜಿ಼ಂದ್ಗಿ ದ್ಯವಾನ ಹುವಾಸ್ತೆ ಖಾಣಾನಖ್ಹಾಜೆ ರಾಬೊ, ಅಮ್ನು ಖಾಣನ ಅದ್ಮಿನೊ ಛಿಯ್ಯೊ ತುಮೂನ ದಿಶೆ, ಅನಖ್ಹಾಜೆಸ್ ಬಾ ಹುಯಿರ್ಹೋತೆ ದೇವ್ನೆ ಇನ ನೇಮಕ್ ಕರ್ಯೊ, ಶಾಸನ್ನೊ ಮುದ್ರೊ ಮಾರಿರಾಖ್ಯೋಸ್” ಕರಿ ಬೋಲ್ಯೊ.
ಒಹೊ, ಖ್ಹತ್ನಹುವಾನ ಪಹಿಲೇಸ್ ಇನಥೂತೆ ವಿಶ್ವಾಸ್ನು ಖ್ಹಣೇದ್ ಹುಯಿನ್, ನೀತಿನು ಮುದ್ರಾನ ಲೀಲಿದೊ. ಅಮ್ರ್ಹವಾಪರ್ ಯೊ ವಿಶ್ವಾಸ್ಕರವಾಳ ಅಖ್ಖಾನಾಬಿ, ಇವ್ಣುನ ಖ್ಹತ್ನ ನಾ ಹುಯುತೋಬಿ ಅಬ್ರಹಾಮ್ ಅಖ್ಖಾಸ್ನ ಆತ್ಮೀಕ ಬಾಹುಯೊ. ಇನಖ್ಹಾಜೆ ಇವ್ಣೆ ನೀತಿವಾಳಕರಿ ಗಣ್ತಿಮಹುಯು.
ಖಲಿ ಉಬ್ಜಾ಼ವ್ಣಿಸ್ ಕಾಹೆತೆ ಪಹಿಲು ಫಲ್ಹುಯಿರಾತೆ ಅಜು಼ ಪವಿತ್ರಾತ್ಮನಿ ವರಾನ ಲೀರಾಖ್ಯಾತೆ ಅಪ್ಣೇಬಿ ದೇವ್ನಲಡ್ಕಾನು ಇನಾಮ್ನಾಬಿ ಕತೊ ಶರೀರ್ನ ಆವ್ಣುತೆ ಛುಟ್ಕಾರ್ನ ಆವಾನು ದೇಕ್ತಹುಯಿನ್ ಅಪ್ಣಾಮಸ್ ಕುರ್ಲವ್ಕರೆಯೇಸ್.
ಕತೋಬಿ ದೇವ್ನು ಆತ್ಮ ತುಮಾರಮ ರ್ಹವಾನು ಖ್ಹಾಚಸ್ ಉಶೇತೊ ತುಮೆ ಶರೀರ್ನ ಖ್ಹಯಾಲ್ನ ಮಹಿ ರ್ಹವಾಳಕಾಹೆ, ದೇವ್ನ ಆತ್ಮಾನ ಮಹಿರ್ಹೇಸ್. ಕ್ರಿಸ್ತನು ಆತ್ಮ ಕೋರ್ಹೆಯಿನಿತೆ ಯೊ ಕ್ರಿಸ್ತಮ ಮಳ್ಯೊಹುಯೊ ಕಾಹೆ.
ಅನಾಖ್ಹಾಜೆಥೀಸ್ ದೇವ್ ಅಪ್ಣುನ ಬದಲಾವ್ ಹುವಾನಖ್ಹಾಜೆ ತಯಾರ್ ಕರಿರಾಖ್ಯೋಸ್ ಬಿಜು಼ ಅನ ಸಾಬಿತ್ ಕರಾನ ಪವಿತ್ರಾತ್ಮನಾಸ್ ಅಪ್ಣುನ ದಿರಾಖ್ಯೊಸ್.
ದೇವ್ನ ಪವಿತ್ರಾತ್ಮನ ದುಖ್ ನಕೊ ಕರೊ. ಇನಾಮಸ್ ಛುಟ್ಕಾರ್ನ ದನ್ನಖ್ಹಾಜೆ ಮುದ್ರೊ ಲೀರಾಖ್ಯಾಸ್ನಿ.
ಅನಖ್ಹಾಜೆಸ್ ಆ ವಾತೇನ ಝಿಟ್ಕಾರವಾಳು ಅದ್ಮಿನಾಸ್ ಕಾಹೆತೆ ಪವಿತ್ರಾತ್ಮನ ದಿದೋತೆ ದೇವ್ನಾಬಿ ಝಿಟ್ಕಾರವಾಳು ಹುಯಿರ್ಹೂಸ್.
ಶಾತ್ಬಿ ರ್ಹವೊ ದೇವ್ನೆ ನಾಖ್ಯೋತೆ ಹದಿಪಾಯ ಯೊ ಘಟ್ ಭೀಯೂಸ್. ಇನಾಪರ್ ಲಿಖೈರ್ಹುಸ್ “ಯೋ ಹದಿಪಾಯಪರ್, “ಪ್ರಭು ಇನ ಅದ್ಮಿನ ಮಾಲುಮ್ ಕರಿರಾಖ್ಯೋಸ್”. ಅಜು಼ ಯೋ ಹರೇಕ್ ಜ಼ಣಾನ ಬೋಲಾಸ್ ಹೈರೋತೆ ಪ್ರಭುವಾಳೊ ಹುಯಿರ್ಹೋಸ್ಕರಿ ಯೊ ಖರಾಬ್ ಕಾಮ್ಥಿ ಬಚಾ಼ಡಸ್ ಅಜು಼ ಪ್ರಭುವಾಳೊಕರಿ ಬೋಲಿಲೇಸ್ ಯೊ ಖರಾಬಿಥಿ ಬಚಾ಼ಡಿಲೇವ್ಣು.
ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್ರ್ಹವಾಳು ಖ್ಹಮ್ಜಾ಼ದೆ. ಕೋಣ್ ಜೂತಾಸ್ಕಿ ಇನ ಲಪಾಡಿರಾಖ್ಯೊಸ್ತೆ ಮನ್ನ ಕರಿ ಖಾಣನ ದಿಶ್. ಅತ್ರೇಸ್ ಕಾಹೆತೆ ಮೆ ಇನ ಏಕ್ ಧೋಳ ಬಂಡಾನ ದಿಶ್, ಯೋ ಬಂಡಾಪರ್ ನವು ನಾಮ್ನ ಟಕೈನ್ಲೀಖೈಷ್ ಯೋ ನಾಮ್ ಲೀರಾಖವಾಳನ ಮಾಲುಮ್ ಪಡ್ಶೆ, ಪಣ್ಕಿ ಯೋ ಬಿಜು಼ ಕಿನಾಬಿ ಮಾಲುಮ್ ಕೋಪಡ್ಷೇನಿ.
“ಹಮೆ ಹಮಾರ ದೇವ್ನ ದಾಸರ್ನ ತಾಳ್ವಪರ್ ಮುದ್ರೊ ಮಾರ್ವಲಗೂಬಿ ಜ಼ಮೀನ್ನರ್ಹವೊ, ದರ್ಯಾವ್ನರ್ಹವೊ, ಝಾ಼ಡಾವ್ನರ್ಹವೊ, ನಾಶ್ ನಾಕರ್ನು ಕರಿಬೋಲ್ಯೊ.
ಜ಼ಮೀನ್ಪರ್ ಛಾ಼ತೆ ಘಾಖ್ಹ್ನ ರ್ಹವೊ ಪಂಡು ಫಲ್ನ ರ್ಹವೊ, ಝಾ಼ಡನ ರ್ಹವೊ, ನಾಶ್ನಾಕರ್ನುತೆ, ತಾಳ್ವಪರ್ ದೇವ್ನೊ ಮುದ್ರೊಕೊಂತೆ ಅದ್ಮಿವ್ನಖಲಿ ನಾಶ್ಕರ್ನುಕರಿ ಯೊ ಚಿಡ್ಡಾವ್ನ ಹುಕುಮ್ಹುಯು.