2 ಕೊರಿಂಥ 1:17 - ದೇವ್ನಿ ಖ್ಹಾಚಿ ವಚನ್

¹⁷ ಅಮ್‍ ಸೋಚ್ಯೊತೆ ಇನಖ್ಹಾಜೆ ಮೇ ಘುಂಜ್‍ಳಾವ್ಣಿನೊ ಖ್ಹಯಾಲ್ನೊ ಥೋಕಿಶು? ಇವ್ಣೆತೊ ಜಗತ್ನಿ ಖ್ಹೂಜ಼್‌ಮ ಸೋಚಾನಿ ವಖ್ಹತ್‌ಮ “ಓಹೊ, ಓಹೊ” ಕರಿಬಿ ಯೋಸ್ ವಖ್ಹತ್‌ಮ “ಕೊಯ್ನಿ, ಕೊಯ್ನಿ” ಕರಿಬಿ ಬೋಲಸ್ ಕೊಯ್ನಿಕಿ ಶು?

2 ಕೊರಿಂಥ 1:17 ပူးပေါင်းရင်းမြစ်များ

ಮತ್ತಾಯ 1:19

ಯೋಸೇಫ ಏಕ್‌ ನೀತಿವಾಳೊ ಅದ್ಮಿ ಹುಯಿರ‍್ಹೋಥೊ, ಇನಖ್ಹಾಜೆ ಯೋಸೇಫ ಅದ್ಮಿನ ಖ್ಹಾಮ್ಣೆ ಮರಿಯನಿ ಖ್ಹರಮ್‌ ನಾ ಕಾಡ್ಣು ಕರಿ, ಕಿನಾಬಿ ಮಾಲುಮ್‌ಪಡ್ಣುನಾತೆ ಇಮ್‌, ಖ್ಹಗೈನ ತೋಡಿನಾಕ್‌ಣು ಕರಿ ಥೊ.

ಮತ್ತಾಯ 5:37

ಕತೋಬಿ ತುಮಾರಿ ವಾತೆ ಹೋ ಕತೊ ಹೋ, ಕೊಯ್ನಿಕತೊ, ಕೊಯ್ನಿ ಕರಿ ರ‍್ಹೇವಾದೆ. ಅನೇಥಿ ಜಾ಼ಖ್ಹತ್ ಬೋಲ್ಯಾತೊ, ಯೋ ಶೈತಾನ್‌ಥಿ ಆಯುಹುಯು ಕರಿ.

ಯೋಹಾನ 8:15

ತುಮೆ ಅದ್ಮಿ ತೀರ್ಪ್‌ ಕರಾನಿತರ ಕರೋಸ್; ಕತೋಬಿ ಮೇ ಕಿನಾಬಿ ತೀರ್ಪ್ ಕೋ ಕರೂನಿ.

2 ಕೊರಿಂಥ 1:12

ಹಮೆ ಆ ವಾತ್ನಿ ಬಾರೇಮ ಕಂಡಿ ಛ಼ಡೈಲಿಯೇಸ್ಕಿ, ಹಮೆ ಖಲಿ ಅದ್ಮಿವೋನಿ ಅಕ್ಕಲ್‍ನ ಲಿದಾಕೊಂತೆ ದೇವ್ನ ವಾರ್‌ಖ್ಹಾನ ಆಖ್ಹ್‌ರಾಮ ಪರಿಶುದ್ಧಬಿ ನಿಯತ್‍ವಾಳಾಬಿ ಹುಯಿನ್ ಆ ಜಗತ್ಮ ತುಮಾರಿ ಬಾರೇಮ ಚಾ಼ಲಿಲಿದಾಕರಿ ಹಮಾರು ದಿಲ್‌ ಹಮೂನ ಸಾಕ್ಷಿ ಬೋಲಸ್.

2 ಕೊರಿಂಥ 11:18

ಕತೋಬಿ ಕೈಏಕ್ ಜ಼ಣು ಜಗತ್ನಿ ಸಂಬಂದ್‌ನಿ ಬಾರೇಮ ಇವ್ಣೆ ಖ್ಹರೈಲೇಯಿತೆತಿಮ್ ಮೇಬಿ ಖ್ಹರೈಲೆವುಸ್.

ಗಲಾತ್ಯ 1:16

ಅಮ್ ಮೇ ಯೆಹೂದ್ಯರ್‌ಕಾಹೆತೆ ಅದ್ಮಿವ್‌ನ ಇನಿ ಛಿಯ್ಯಾನಿ ಬಾರೇಮ ಸುವಾರ್ತೆನ ಖ್ಹಮ್‌ಜಾ಼ಡ್ನುಕರಿ ದೇವ್ನಿ ಮರ್ಜಿ ಹುಯಿರ‍್ಹೀಥಿ. ಇನಖ್ಹಾಜೆ ದೇವ್ನೆ ಇನ ಛಿಯ್ಯಾನ ಮನ ವತಾಳ್ಯೊ. ಯೊ ಮನ ಬುಲಾವಖ್ಹತರ್ ಮೆ ಅದ್ಮಿಯೇವ್‌ನಿ ಖ್ಹೂಜ಼್‌ನ ಫುಛಾ಼ಯೊ ಕೊಯ್ನಿ.

ಗಲಾತ್ಯ 2:2

ದೇವ್ನಿ ಖ್ಹೂಜ಼್‌ನಿತರ ಜಾ಼ವ್ಣುಥೂತೆ ಇನಖ್ಹಾಜೆ ಯೆಹೂದ್ಯರ್‌ಕಾಹೆತೆ ಅದ್ಮಿಮ ಮೆ ಬೋಲಿವತಾಳನು ಸುವಾರ್ತೆ ಶಾತ್‌ಕರಿ ಹಿಜ಼್ಜಾಥೂತೆ ಗಲ್‌ಢಾವ್‌ನಾಸ್ ಖ್ಹಮ್‌ಜಾ಼ಡ್ಯೊ. ಶನಕತೊ ಮೆ ಸುವಾರ್ತೆನಖ್ಹಾಜೆ ಪಡ್ಯೋತೆ ಕಾಮ್‍ರ‍್ಹೆವೊ, ಮೇ ಹಮ್ಕೆ ಕರುಕರುಸ್ತೆ ಕಾಮ್‌ಖ್ಹಾರು ಬಿಣ್‌ಫಾಯಿದಾನು ನಾಹೊಣುಕರಿ ಮಾರಿ ಆಖ್ಹ್.

1 ಥೆಸ 2:18

ಶನಕತೊ ಆವಾನ ಹಮೂನ ಮನ್ ಥೂ, ಪೌಲ ಹುಯಿರ‍್ಹೋತೆ ಮೇಸ್ ಕೆತ್ರೇಕಿಹಲ್ಲ ಪಾಛು಼ ತುಮಾರಕನ ಆವ್ಣುಕರಿ ಕರ‍್ಯೊ, ಕತೋಬಿ ಶೈತಾನ್ನೆ ಆವಾನ ಮ್ಹೇಲ್ಯೊಕೊಯ್ನಿ.

ಯಾಕೋಬ 5:12

ಮುಖ್ಯಥಿ ಮಾರೆ ಭೈಯೇ ಭೇನೆವೊ, ಆಣ್ ಕರೋಸ್ ನಕೊ ಆಬ್‌ಪರ್‌ ರ‍್ಹವೊ. ಧರ್ತಿಪರ್ ರ‍್ಹವೊ. ಬಿಜ಼಼ ಶನಾಪರ್‌ಬಿ ರ‍್ಹವೊ ಆಣ್ ಕರೋನಕೊ ಒಹೊ ಕರಿ ಬೋಲಾನು ರ‍್ಹಯಾತೊ ಒಹೊಕರಿ ಬೋಲೊ; ಕೊಯ್ನಿಕರಿ ಬೋಲಾನು ರ‍್ಹಯಾತೊ ಕೊಯ್ನಿಕರಿ ಬೋಲೊ; ಅಮ್‍ರ‍್ಹಯಾತೊ ತುಮೆ ನ್ಯಾವ್‍ನಿ ಖ್ಹಣೇದ್ ಉಶುಕೊಯ್ನಿ.