1 ತಿಮೊ 6:11 - ದೇವ್ನಿ ಖ್ಹಾಚಿ ವಚನ್

¹¹ ಕತೋಬಿ ದೇವ್‌ನು ಅದ್ಮಿ ಹುಯಿರ‍್ಹೋತೆ ತೂತೊ, ಆ ಖ್ಹಾರೇಥಿ ದೂರ್ ರ‍್ಹೇ. ನೀತಿಮ, ಭಕ್ತಿಮ, ವಿಶ್ವಾಸ್‌ಮ, ಪ್ಯಾರ್‌ಮ, ಖ್ಹಮಾಳಾಮ ಅಜು಼ ಚಾ಼ಲ್ಚ಼ಲಣ್‌ಮ ಅಛ್ಛೊ಼ ರ‍್ಹವಾನಟೇಕೆ ಅಖ್ಖಾ ಮನ್‌ಥಿ ಕೋಶಿಶ್ ಕರ್‌.

1 ತಿಮೊ 6:11 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:19

ಇನಖ್ಹಾಜೆ ಖೆವು ಅಪ್ಣುನ ಸಮಾಧಾನ್ನಾಬಿ ಏಕ್‌ಥಿಏಕ್ ಭಾಲ್ ದೆವಾಮ ಭಡಾವಮಾಬಿ ಅಗಾಡಿ ಚ಼ಲಾವಸ್ಕಿ ಇನಾಸ್ ಕರಿಯೆ.

1 ಕೊರಿಂಥ 10:14

ಇನಖ್ಹಾಜೆ ಮಾರ ಪ್ಯಾರ್‌ನ ಭೈಯೇ ಭೇನೆವೊ, ಮೂರತ್ನಿಆರಾಧನೆ ಮ್ಹೇಲಿನ್ ನಿಕ್ಳೊ.

1 ಕೊರಿಂಥ 14:1

ಪ್ಯಾರ್‌ನ ಮಾರಗ್‌ಪರ್ ಚಾ಼ಲೊ. ನಾಹುಯಿನ್ ಪವಿತ್ರಾತ್ಮನ ವರಖ್ಹಾರು ಲೀಲ್ಯಾವಾನ ವಿಶೇಷ್‌ಥಿ ಪ್ರವಾದ್‌ನೇನು ವರಾನ ಘಣು ಆಖ್ಹ್ ಕರೊ.

1 ಕೊರಿಂಥ 6:18

ವ್ಯಬಿಚಾರ್‌ನ ಮ್ಹೇಲಿನ್ ದೂರ್ ಮಿಲೈಜಾ಼ವೊ. ಅದ್ಮಿಖ್ಹಾರು ಕರಾನು ಅಖ್ಖೂಸ್ ಪಾಪ್ನು ಕಾಮ್‌ಖ್ಹಾರು ಶರೀರ್‌ನ ಭಾರ್‌ ಹುಯಿರುಸ್. ಕತೋಬಿ ವ್ಯಬಿಚಾರ‍್ನು ಪಾಪ್‌ಕರವಾಳೊ ಏಕ್‍ಜ಼ಣೊ ಇನು ಶೊಂತ್ ಶರೀರ್‌ನು ವಿರೋದ್ ಪಾಪ್ ಕರಾವಾಳೊ ಹುಯಿರ‍್ಹೇಸ್.

1 ತಿಮೊ 1:14

ಪ್ರಭುನೆ ಇನಿ ಕೃಪೆನ ಕೆತ್ರೇಕ್ಕಿ ಜಾ಼ಖ್ಹತ್ ಮಾರಪರ್ ರಂಚ್ಯೊ. ಇನಿ ವಿಶ್ವಾಸ್ ಅಜು಼ ಪ್ಯಾರ್‌ನ ದಿದೊ. ಯೋ ಅಪ್ಣೊ ಯೇಸುಕ್ರಿಸ್ತನ ಮಳಿರ‍್ಹವಾಮ ಛಾ಼.

1 ತಿಮೊ 4:12

ತೂ ಜಾ಼ನ್ಜ಼ಮಾನ್ ಹುಯಿರೋಸ್ ಇನಖ್ಹಾಜೆ ತುನ ಕೀಳ್‍ಥಿ ನಕೊ ದೇಖಾದೆ. ಕತೋಬಿ ವಿಶ್ವಾಸಿಖ್ಹಾರನ ವಾತೆಚೀತೇಮ, ಚಾ಼ಲ್ ಚ಼ಲಣ್‌ಮ, ಪ್ಯಾರ್ ಅಜು಼ ವಿಶ್ವಾಸ್‌ನ ಪರಿಶುದ್ ಜೀವನ್‍ಥಿ ಮತಲಬ್ ಹುಯಿರ‍್ಹೆ.

1 ತಿಮೊ 5:10

ಅಜು಼ ಇನು ಗುಣ್ ಅಛ್ಛು಼ ಕಾಮ್ ಕರಾಮಸ್ ರ‍್ಹೇಣು. ಅಜು಼ ಇನ ಲಡ್ಕಾವ್ನ ಅಛ್ಛಿನಿತರ ಪಾಳಿರಾಕ್ಣು, ಘರ್‌ಕನ ಆವವಾಳಾನ ಸ್ವಾಗತ್ ಕರಾವಾಳಿ ಹುಯಿರ‍್ಹೇಣು. ಬಿಜು಼ ರ‍್ಹೇಸ್ತೆ ವಿಶ್ವಾಸಿನಿ ಜೋ಼ಡ್ಮ ಧೋಬೆಡಿನಿತ್ರ ಚಾ಼ಲಿಲೇವ್ಣು. ಖ್ಹತಾಪ್ಣಿಮ ರ‍್ಹೇಸ್ತೆ ಅದ್ಮಿವ್‌ನ ಮದತ್ ಕರಾವಾಳಿ ಹುಯಿರ‍್ಹೇಣು. ಅಜು಼ ಅಛ್ಛು಼ಕಾಮ್ನ ಸಮರ್ಪಣ್‌ ಕರಿರಾಖವಾಳಿ ಹುಯಿರ‍್ಹೇಣು.

1 ತಿಮೊ 6:20

ತಿಮೊಥೆ, ತುನ ಶಾತ್ ದೀರಾಖ್ಯೋಸ್ತೆ ಇನ ಜ಼ತನ್‌ಥಿ ರಾಕ್‌, ಅಜು಼ ಹೋಣುಕೊಂತೆ ವಾತೇಥಿ ಥೋಡುಜ಼ಣು ಗಲತ್‌ಥಿ ಅಕ್ಕಲ್ ಬೋಲಾಸ್ತೆ ಫಾಲ್ತು ವಾತೇಥಿ ದೂರ್ ರ‍್ಹೇ.

2 ತಿಮೊ 2:21

ಕೋಣ್‌ಬಿ ಏಕ್‌ ಜ಼ಣು ಖ್ಹಾರುಸ್ ಖರಾಬ್‌ಕಾಮ್ ಮ್ಹೆಂದಿನ್, ಇನು ಯೋ ಪಾಕ್‌ ಹುಯಿಜಾ಼ಸ್ಕಿ ಇನ ವಿಶೇಷ್ ಕಾಮ್ಮ ಉಪಯೋಗ್ ಕರ್ಶೆ. ಶನಕತೊ ಇವ್ಣೆ ದೇವ್ನಿ ಸೇವೆ ಕರಾನ ಒಪ್‌ಶೈದೀನ್, ಪ್ರಭುನ ಉಪಯೋಗ್ ಹುವಾನಖ್ಹಾಜೆ, ಖ್ಹಾರುಸ್ ಅಛ಼್ಛುಕಾಮ್ ಕರಾನ ತೈಯಾರ್ ಹುಯಿರ‍್ಹಿಶೆ.

2 ತಿಮೊ 2:22

ಜ಼ವಾನೀನಿ ಖರಾಬ್ ಲಾಲಚ್‌ಥಿ ದೂರ್ ರ‍್ಹೇ. ನೀತಿಥಿ, ವಿಶ್ವಾಸ್‍ಥಿ, ಪ್ಯಾರ್ ಅಜು಼ ಸಮಾಧಾನ್‌ಥಿ ಜಿವಾನಖ್ಹಾಜೆ, ಪಾಕ್‌ ಮನ್‌ಥಿ ಪ್ರಭುನ ಪುಕಾರವಾಳಾನ ಜೋ಼ಡೆ ರ‍್ಹಾವನ ಕೋಶಿಶ್ ಕರ್‌.

2 ತಿಮೊ 3:10

ಕತೋಬಿ ತೂ, ಮಾರಿ ಜೀವನ್ನಿ ತರೀಕ,ಮಾರಿ ಜೀವನ್ನಿ ಉದ್ದೇಶ್,ಮಾರು ವಿಶ್ವಾಸ್ ಅಜು಼ ಮೆ ಖ್ಹಮಾಳಿಲ್ಯವಾನು,ಮಾರಿ ಪ್ಯಾರ್, ಮಾರಿ ಭಾಲಿ ಆ ಅಖ್ಖು ತುನೆ ಚ಼ಲೈರಾಖ್ಯೊಸ್.

2 ತಿಮೊ 3:17

ಅನಖ್ಹಾಜೆ ದೇವ್ನು ಅದ್ಮಿ ಧರ್ಮಶಾಸ್ತ್ರಥಿ ಚಾ಼ತುರ್‌ಹುಯಿನ್, ಅಮ್ನಿ ಪರಕ್ಮ ಅಖ್ಖೀಸ್ ತರ‍್ಹಾನು ಅಛ಼್ಛುಕಾಮ್ ಕರಾನ ಶಿಕಾಸ್.

ಇಬ್ರಿ 12:14

ಅಖ್ಖಾನಿ ಜೋ಼ಡ್ಮ ಸಮಾಧಾನ್‌ಥೀಬಿ ಜಿವ್ಣುಕರಾನ ಅಜು಼ ಸಮಾಧಾನ್‌ಥಿ ರ‍್ಹವಾನ ಕೋಶಿಶ್ ಕರೊ. ಪರಿಶುದ್ಧಕೊಂತೆ ಕೋಣ್‌ಬಿ ಪ್ರಭುನ ದೇಖಾನ ಕೊಹೊಯ್ನಿ.

1 ಪೇತ್ರ 3:11

ಇವ್ಣೆ ಯೊ ಖರಾಬ್‌ನ ಮ್ಹೇಲಿನ್ ಅಛ್ಛಾ಼ನ ಕರಾದೆ ಸಮಾಧಾನ್ನ ಢೂಂಡಿನ್ ಇನಾಖ್ಹಾಜೆ ಕೋಶಿಶ್ ಕರಾದೆ.