1 ತಿಮೊ 5:19 - ದೇವ್ನಿ ಖ್ಹಾಚಿ ವಚನ್

¹⁹ ಸಭೆನ ಶಾಣಾವ್‌ಪರ್ ಕೋಣ್‌ತೋಬಿ ಗಲತ್‌ ಬೋಲ್ಯೂತೊ, ಬೇ ನತರ್‌ಕಿ ತೀನ್ ಅದ್ಮಿನ ಮ್ಹೋಡೇಥಿ ಸಾಕ್ಷಿ ನಾಬೋಲ್ಯುತೊ, ಇನ ನಂಬಿಶ್ ನಕೊ.

1 ತಿಮೊ 5:19 ပူးပေါင်းရင်းမြစ်များ

ಮತ್ತಾಯ 18:16

ಕತೋಬಿ ಯೊ ತಾರಿ ವಾತೆನ ನಾ ಖ್ಹಮ್‌ಜ್ಯೋತೊ, ತಾರ ಜೋ಼ಡೆ ಬಿಜು಼ ಏಕ್‌ ನತರ್‌ಕಿ ಬೇ ಜ಼ಣಾನ ಬುಲೈಲಿ ಇನಾಕನ ಜಾ಼, ಶನಕತೊ ‘ಹರೇಕ್ ವಾತೇನ ಬೇ ನತರ್‌ಕಿ ತೀನ್ ಅದ್ಮಿನಿ ಸಾಕ್ಷಿ ರ‍್ಹೇಣು.

ಯೋಹಾನ 18:29

ಇನಖ್ಹಾಜೆ ಪಿಲಾತ ಭಾರ್‌ ಇವ್ಣಾಕನ ಜೈ಼ನ್‌, “ಆ ಅದ್ಮಿಪರ್ ತುಮೆ ಶಾತ್‌ ಗಲತ್‌ ಲಾಗಡೋಸ್?” ಕರಿ ಇವ್ಣ ಪುಛಾ಼ಯು.

ಯೋಹಾನ 8:17

ಬೇ ಜ಼ಣು ಬೋಲಾಸ್ತೆ ಸಾಕ್ಷಿ ಖ್ಹಾಚಿಕರಿ ತುಮಾರಿ ಧರ್ಮಶಾಸ್ತ್ರಮಾಸ್ ಬೋಲಾಸ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:30

ಇವ್ಣೆ ಪೈಶಾನ ಜ಼ಮಕರೀನ್ ಇನ ಬಾರ್ನಬ ಅಜು಼ ಸೌಲನ ಹಾಥ್ಥಿ ಯುದಾಯಮ ಥೂತೆ ಸಭೆನ ಗಲ್‌ಢಾವ್ನ ಲಯಿನ್ ದಿದಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:16

ಮೆ ಇವ್ಣುನ; ಅಪರಾದಿಬಿನ್ ಅಪರಾದ್ ಲಗಾಡವಾಳು ಆಮಖ್ಹಾಮೆ ಭೀರೆವ್ಣು; ಇನಾಪರ್ ಲಗಾಡಿರಾಖ್ಯುತೆ ಅಪರಾದ್ನ ವಿರೋದ್ ಜ಼ವಾಬ್‍ದ್ಯವಾನ ಅಪರಾದಿನ ಅವಕಾಶ್ ಕರಿದೇವ್ಣು. ಇಮ್‌ ಕರ‍್ಯುಕೊಂತೆ ಹಾತ್ಮ ನೇರ್ ದೀನಾಖನು ರೋಮ್ನಿ ಪದತ್ತಿಕಾಹೆ ಕರಿ ಬೋಲ್ಯೊ.

2 ಕೊರಿಂಥ 13:1

ಮೇ ತುಮಾರಕನ ಖ್ಹಲಾಮ್ ಕರಾನ ವಳ್ಯಾವ್‌ಸ್ತೆ ಆ ತೀನ್ನಿ ವಖ್ಹತ್. ಬೇ ತೀನ್ ಜ಼ಣ ಸಾಕ್ಷಿನ ಮ್ಹೋಡೆಥಿ ಹರೇಕ್ ವಾತ್‍ಬಿ ಬೋಲಾವ್ಣು ಕರಿ ಪವಿತ್ರ ದಪ್ತರ್‌ಮ ಲೀಖೈರ‍್ಹೂಸ್‍ನಿ.

1 ತಿಮೊ 4:14

ತುನ ಮಳಿರ‍್ಹೀತೆ ಕೃಪೆನ ಝಿಟ್ಕಾರ್‌ ನಕೊ, ಯೋ ವರ ಸಬೇನು ಘಲ್ಡುಖ್ಹಾರು ಪ್ರವಾದನೇನಿ ಜೋಡ್ಮ ತಾರಪರ್ ಹಾತ್ ಮ್ಹೇಲಾಥಿ ಯೋ ತುನ ಮಳಿರ‍್ಹೂಸ್‌.

1 ತಿಮೊ 5:17

ಸಬೇಮ ಅಛ್ಛಿನಿತರ ಕಾಮ್ ಕರಾಸ್ತೆ ಶಾಣ ಅದ್ಮಿನ ಬೇ ಪಟ್ ಮರ್ಯಾದಿ ದೇವ್ಣು. ತದೆ ವಚನ್ ಬೋಲಿದ್ಯವಾಮ ಅಜು಼ ಶಿಕಾಡಾಮ ಯೊ ಮ್ಹಿನತ್ ಕರಾಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:6

ಸಬೇನೊ ಮೋಟೊ ರ‍್ಹವಾಳೊ ನಿರ್ದೋಷಿ ಹುಯಿರ‍್ಹೇಣು, ಇನ ಎಕ್ಕಸ್ ಬಾವಣ್‍ ರ‍್ಹೇವ್ಣು, ಇನ ಲಡ್ಕಾ ವಿಶ್ವಾಸಿ ಹುಯಿರ‍್ಹೇಣು,ಅಜು಼ ಇವ್ಣೆ ಖರಾಬ್ ರ‍್ಹವೊ, ಲಗಾತಿರ‍್ಹೇವೊ ನಾ ಹುಯಿರ‍್ಹೇಣು.

ಇಬ್ರಿ 10:28

ಮೋಶೇನು ಧರ್ಮಶಾಸ್ತ್ರನ ಝಿಟ್ಕಾರ‍್ಯ ಹುಯಾನ ಬೇಜ಼ಣು ನತರ್ ತೀನ್ ಜ಼ಣಾನಿ ಸಾಕ್ಷಿನಿ ಆಧಾರ್‌ಪರ್ ಗೋರ್‌ಕೊಂತೆ ಮರಣ್ಣಿ ದಂಡನೆ ದೇತೂಥು.