1 ತಿಮೊ 5:17 - ದೇವ್ನಿ ಖ್ಹಾಚಿ ವಚನ್

¹⁷ ಸಬೇಮ ಅಛ್ಛಿನಿತರ ಕಾಮ್ ಕರಾಸ್ತೆ ಶಾಣ ಅದ್ಮಿನ ಬೇ ಪಟ್ ಮರ್ಯಾದಿ ದೇವ್ಣು. ತದೆ ವಚನ್ ಬೋಲಿದ್ಯವಾಮ ಅಜು಼ ಶಿಕಾಡಾಮ ಯೊ ಮ್ಹಿನತ್ ಕರಾಸ್.

1 ತಿಮೊ 5:17 ပူးပေါင်းရင်းမြစ်များ

ಮತ್ತಾಯ 24:25

ಖ್ಹಮ್‍ಜೊ! ಮೇ ತುಮೂನ ಆ ಖ್ಹಾರು ಚಾ಼ಲಾನ ಅಗಾಡಿಸ್ ಇನಿ ಬಾರೇಮ ಬೋಲಿರಾಖ್ಯೊಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:7

ಯೋಸ್ ಘರ್‌ಮ ರ‍್ಹವಾಕರೊ, ಇವ್ಣೆ ಶಾತ್‌ ದೇಸ್ಕಿ ಯೋ ಖಾವೊ, ಪೀಯೊ. ಕಾಮ್ ಕರಾವಾಳ ಆಳ್‌ ಕೂಲಿನ ಲ್ಹಾಯೇಕ್ ಎತ್ರೇಸ್. ಇನಖ್ಹಾಜೆ ಏಕ್‌ ಘರ್‌ನ ಮ್ಹೆಂದಿನ್ ಬಿಜೇಕ್ ಘರ್‌ಮ ಜೈ಼ನ್ ನಕೊ ರ‍್ಹವೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:42

ಯೇಸುನೆ ಶಾತ್‍ಬೋಲ್ಯೊಕತೊ, ವೇಳ್‍ವೇಳ್ನ ಹೋಣುತೆ ಯೊ ಜಿನಖ್ಹ್‌ನ ಮಾಪಿನ್‌ ದ್ಯವಾನಖ್ಹಾಜೆ ಯಜಮಾನ್ನೆ ಇನ ಘರ್‌ಮ ನೇಮ್‌ಶಾಯೋತೆ ನಿಯತ್‍ವಾಳೊಬಿ ಅಕ್ಲೀಬಿ ಹುಯಿರೋತೆ ಘರ‍್ನೊಸೇವಕ ಕೋಣ್?

ಯೋಹಾನ 4:38

ತುಮೆ ಮ್ಹಿನತ್ ಕರ‍್ಯಾಕೊಂತೆ ಅನಾಜ಼್‌ನ ವ್ಹಾಡಾನಟೇಕೆ ಮೇ ತುಮೂನ ಮೋಕ್‌ಲ್ಯೊ; ಬಿಜಾ಼ನೆ ಮ್ಹಿನತ್ ಕರ‍್ಯು, ಇವ್ಣಿ ಮ್ಹಿನಥ್ಥಿ ತುಮೂನ ಫಾಯಿದೊ ಮಳ್ಯು” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:30

ಇವ್ಣೆ ಪೈಶಾನ ಜ಼ಮಕರೀನ್ ಇನ ಬಾರ್ನಬ ಅಜು಼ ಸೌಲನ ಹಾಥ್ಥಿ ಯುದಾಯಮ ಥೂತೆ ಸಭೆನ ಗಲ್‌ಢಾವ್ನ ಲಯಿನ್ ದಿದಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:35

ಅಖ್ಖೀಸ್ ಬಾರೇಮ ಮೇಸ್ ತುಮೂನ ಚಾ಼ಲಿನ್ ವತಾಳಿರಾಖ್ಯೊಸ್. ತುಮೇಬಿ ಇಮ್ಮಸ್ ಮ್ಹಿನತ್‌ಕರಿನ್ ತಾಖತ್‌ಕೊಂತೆ ಇವ್ಣುನ ಮದತ್ ಕರ‍್ನು ಅಜು಼ ಲ್ಯಾವಥೀಬಿ ದೇವಾಮ ಘಣು ವಾರ್‌ಖ್ಹೊ ಛಾ಼ಕರಿ ಪ್ರಭು ಹುಯಿರ‍್ಹೋತೆ ಯೇಸುನಿ ವಾತೆನ ಅಪ್ಣೆ ಖ್ಹಯಾಲ್ಮ ರಾಖೊಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:10

ಇವ್ಣೆ ಹಮೂನ ಜಾ಼ಖ್ಹತ್ ಮರ್ಯಾದಿ ದಿದು. ಹಮೆ ಹಿಜ್ಜಾ಼ಥು ಜಾ಼ವನ ಖ್ಹವಾರನಿ ವಖ್ಹ್‌ತೆ ಹಮೂನ ಜ಼ರೂರತ್‌ಥೂತೆ ಖ್ಹಾರು ಚೀಜ಼್ ಲಯಿನ್ ದಿದು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:8

ಯೊ ಹುಮ್ಮಖ್ಹ್‌ ದೆವಾಳೊ ಉಷೇತೆ, ಹುಮ್ಮಖ್ಹ್‌ ದ್ಯವಾದೆ. ಧರಮ್ ದ್ಯವಾನು ವರ ಉಷೇತೊ ಯೋ ಛು಼ಟಾದಿಲ್‍ಥಿ ದ್ಯವಾದೆ. ಅದಿಕಾರಿ ಉಶೇತೊ, ಯೋ ನಿಯ್ಯಥ್ಥಿ ಚಾ಼ಲದೆ, ಗೋರ್‌ ವತಾಳವಾಳೊ, ಇನ ಖುಷಿಥಿಬಿ ಕರಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:27

ಇವ್ಣೆ ಯೋ ಕರಾನ ಆಖ್ಹ್ ಕರಿರಾಖ್ಯುಸ್ ಏತ್ರೇಸ್ ಕಾಹೆತೆ, ಯೆಹೂದ್ಯರ್‌ಕಾಹೆತೆ ಅದ್ಮಿ ಯೆಹೂದ್ಯರ್‌ನ ಆತ್ಮೀಕ ಆಶೀರ್ವಾದ್‌ಮ ಭಾಗ್‌ ಲೀರಾಖ್ಯುತೆ ಇನಖ್ಹಾಜೆ ಇವ್ಣೆ ಜಗತ್ನ ಸಂಬಂಧನಿ ಕಾಮ್ಮ ಇವ್ಣುನ ಸೇವೆಕರಾನಿ ಫರಜ಼್‌ಮ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:12

ಪ್ರಭುನಿ ಸೇವೆಮ ಮ್ಹಿನತ್‍ಕರವಾಳಿಯೇ ಹುಯಿರ‍್ಹಿಯೇತೆ ತ್ರುಫೈನನಾಬಿ, ತ್ರುಫೋಸನಾಬಿ ಮಾರಿ ಖ್ಹಲಾಮ್. ಪ್ರಭುಮ ಘಣು ವದೇಖ್ಹ್‌ಕರೀನ್ ಮ್ಹಿನತ್ ಕರಿರಾಖಿತೆ ಪ್ಯಾರ್‌ನಿ ಪೆರ್ಸೀಸನ ಮಾರಿ ಖ್ಹಲಾಮ್.

1 ಕೊರಿಂಥ 15:10

ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು.

1 ಕೊರಿಂಥ 16:16

ತುಮೆ ಅಥ್ರನವಾಳನಾಬಿ ಚಾ಼ಕ್ರಿಕರಾವಾಳ ಹರೇಕ್‍ನಾಬಿ, ಪೀಠೆಜಾ಼ವ್ಣುಕರಿ ತುಮೂನ ಗಿಂಗೈಲೆವುಸ್.

1 ಕೊರಿಂಥ 3:9

ಶನಕತೊ ಹಮೆ ದೇವ್ನಖ್ಹಾಜೆ ಜೋ಼ಡ್ಮಕಾಮ್‍ ಕರಾವಾಳ. ತುಮೆ ದೇವ್ನು ಖೇತರ್‌ ಹುಯಿರ‍್ಹಾಸ್. ದೇವ್ನು ಪ್ರಾರ್ಥನೇನಿ ಮಂದಿರ್‌ ಹುಯಿರ‍್ಹಾಸ್.

2 ಕೊರಿಂಥ 6:1

ಹಮೆ ದೇವ್ನಿ ಜೋ಼ಡ್ಮ ಕಾಮ್ ಕರಾವಾಳ ಹುಯಿರ‍್ಹಾಸ್.ಇನಾಖ್ಹಾಜೆ ತುಮೂನ ಶಾತ್ ಬೋಲಿಲಿಯೇಸ್ ಕತೊ,ತುಮೆ ದೇವ್‍ಥಿ ಲೀರಾಖ್ಯಾತೆ ವಾರ್‌ಖ್ಹಾನ ಗುಮೈನಕೊಲಿಶು ಕರಿ ಗಿಂಗೈಲಿಯೇಸ್

ಗಲಾತ್ಯ 6:6

ಕ್ರಿಸ್ತನು ಬೋಧನೆನ ಶಿಕವಾಳೊ ಇನ ಶಿಕಾಡವಾಳಮ ಛಾ಼ತೆ ಅಖ್ಖಾಸ್ ಅಛ್ಛಾ಼ಮಾಥು ವಾಟಪಾಡಿಲ್ಯವಾದೆ.

ಫಿಲಿಪ್ಪಿ 2:16

ಅವ್ಣ ಮಹಿ ತುಮೆ ಹರೇಕ್‌ನಾಬಿ ಜಾನ್‌ರ‍್ಹವಾನು ವಚನ್ನ ವತಾಳವಾಳ ಹುಯಿರ‍್ಹಿನ್, ಜಗತ್‌ಮ ಝ಼ಮ್ಕಾನ ಶುಕ್ಕರ್‌ನಿಮತ್ ದೆಖಾವ್‌ಶು. ತುಮೆ ಅಮ್‍ಚಾ಼ಲ್ಯಾತೊ ಮಾರಿ ಸೇವೆ ಬಿಣ್‌ಫಾಯಿದಾನು ಕಾಹೆ, ಮೇ ವದೇಖ್ಹ್‌ ಪಡ್ಯೋತೆ ಫಾಯಿದೊಸ್‌ಕರಿ ಬೋಲಾನಿ ಖ್ಹರಾವ್ಣಿ ಕ್ರಿಸ್ತಾನ ದನ್ಮ ಮನಮಳ್‌ಷೆ.

ಫಿಲಿಪ್ಪಿ 2:29

ಇನಖ್ಹಾಜೆ ಪ್ರಭುಮ ಭೈನಿ ಘೋಣಿ ಶಂತೋಖ್ಹ್‌ಥಿ ಸ್ವೀಕಾರ್ ಕರಿಲೆವೊ. ಎಥ್ರಾನವಾಳನ ಅದ್ಮಿವ್‌ನ ಸ್ವಾಗತ್ ಕರೊ.

ಫಿಲಿಪ್ಪಿ 4:3

ಮಾರೊ ಖ್ಹಾಚೊ಼ ಸಾಥಿನೊ ಸೇವಕ್, ಯೊ ತಯೇಡಾವ್ನ ಮದತ್ ಹುಯಿರ‍್ಹೇವ್ಣುಕರಿ ತುನ ಬೋಲಿಲೆವುಸ್. ಇವ್ಣೆ ಜಿನು ಕ್ಲೇಮೆನ್ಸ್ ಅಜು಼ ಥೋಡ ಜೋ಼ಡ್ಮಕಾಮ್‍ ಕರವಾಳನ ಖ್ಹಮೇದ್ ಮಾರ ಜೋ಼ಡೆ ಸುವಾರ್ತೆನಖ್ಹಾಜೆ ಖ್ಹತ್ಯು. ಅವ್ಣು ನಾಮ್‌ಅಖ್ಖು ಜಾನ್ನ ಹಕ್‌ವಾಳಾನಿ ಪಟ್ಟಿಮ ಛಾ಼.

1 ತಿಮೊ 3:5

ಶೊಂತ್ ಘರ್‌ವಾಳಾನಸ್ ಚ಼ಲಾವಾನ ಇನ ನಾ ಹುಯೂತೊ, ದೇವ್ನಿ ಸಬೆನ ಯೋ ಕಿಮ್ ಚ಼ಲಾವ್‌ಷೆ?

1 ತಿಮೊ 4:10

ಅಜು಼ ಹಮೆ ಕಠಣ್‍ಥಿ ಖ್ಹಮಾಳಿನ್ ವಾಖ್ಯೊ ಪಡುಕರ‍್ಯೇಸ್. ಹಮೆ ಹಮಾರ ಭರೋಖ್ಹಾನ ಜಿವ್ತ ದೇವ್ನ ಉಪ್ಪರ್ ರಾಖಿಮ್ಹೇಲ್ಯಸ್. ಯೋ ಅಖ್ಖಾನ ಬಚಾ಼ಡವಾಳೊ ಅಜು಼ ಜಾ಼ಖ್ಹತ್ ವಿಶ್ವಾಸ್ ಕರವಾಳನ ರಕ್ಷಕ್ ಹುಯಿರೋಸ್.

1 ತಿಮೊ 4:14

ತುನ ಮಳಿರ‍್ಹೀತೆ ಕೃಪೆನ ಝಿಟ್ಕಾರ್‌ ನಕೊ, ಯೋ ವರ ಸಬೇನು ಘಲ್ಡುಖ್ಹಾರು ಪ್ರವಾದನೇನಿ ಜೋಡ್ಮ ತಾರಪರ್ ಹಾತ್ ಮ್ಹೇಲಾಥಿ ಯೋ ತುನ ಮಳಿರ‍್ಹೂಸ್‌.

1 ತಿಮೊ 4:16

ತಾರಿ ಜಿವ್ಣು ಅಜು಼ ಬೋಧನೆಪರ್ ವಿಶೇಷ್‌ಥಿ ಖ್ಹಯಾಲ್ ರಾಕ್. ಆ ಅಖ್ಖಾನ ಕರ್ತೊಸ್ ರ‍್ಹೇ, ಶನಕತೊ ತೂ ಕರ್ತೊ ರ‍್ಹಿಯೋತೊ ಅನೇಥಿ ತೂ ತುನಾಸ್ ಅಜು಼ ಕೋಣ್ ಆ ವಾತ್ನ ಖ್ಹಮ್‌ಜಾ಼ಸ್ಕಿ ಇವ್ಣುನಾಬಿ ಬಚಾ಼ಡಿಶ್.

1 ತಿಮೊ 4:6

ಏಕ್‌ ವೇಳ್ಮ ಹಿಜ಼್ಜಾನು ವಿಶ್ವಾಸಿ ಭೇನೆಭೈಯೇವ್‌ನ ಬೋಲಿದೆವ್ಣುಕತೊ ತೂ ಕ್ರಿಸ್ತಯೇಸುನೊ ಅಛ್ಛೊ಼ ಸೇವಕ್ ಹುಯಿರ‍್ಹೀಶ್. ಇನ ಪಾಳಿ ಪರ್ವೇಶಿ ಕರಾನು ವಿಶ್ವಾಸ್‍ಥಿ ಖ್ಹಾಚಿ ಬೋಧನೆಥಿ ಹುವಾಸ್. ಇನ ತೂ ಲೀರಾಖ್ಯೊಸ್.

1 ತಿಮೊ 5:19

ಸಭೆನ ಶಾಣಾವ್‌ಪರ್ ಕೋಣ್‌ತೋಬಿ ಗಲತ್‌ ಬೋಲ್ಯೂತೊ, ಬೇ ನತರ್‌ಕಿ ತೀನ್ ಅದ್ಮಿನ ಮ್ಹೋಡೇಥಿ ಸಾಕ್ಷಿ ನಾಬೋಲ್ಯುತೊ, ಇನ ನಂಬಿಶ್ ನಕೊ.

1 ತಿಮೊ 5:3

ದಿಕ್‌ದೆಶಾರ್‌ಕೊಂತೆ ಮುಂಡಚ್ಚಿ ತಯೇಡಾವ್‌ನ ಖ್ಹದ್ದರ್‌ ಕರೊ, ಶನಕತೊ ಇವ್ಣುನ ಖ್ಹಾಚಮಾಬಿ ಇನು ಜ಼ರೂರತ್ ಛಾ಼.

2 ತಿಮೊ 2:6

ಪಿಕಾವಸ್ತೆ ಅನಾಜ಼್‌ಮ ಪಹಿಲು ಭಾಗ್‌ ಮ್ಹಿನತ್ ಕೋಣ್ ಕರಾಸ್ಕಿ ಇವ್ಣುನಸ್ ಜಾ಼ವ್ಣು.

2 ತಿಮೊ 4:2

ದೇವ್ನಿ ಸುವಾರ್ತೆ ಅದ್ಮಿವೋನ ಅಛ್ಛಿ ವಖ್ಹತ್‌ಮ ಖಬರ್ ವಖ್ಹತ್‌ಮ ಬೋಲಿದೆ. ಅದ್ಮಿಖ್ಹಾರು ಕರ್ನುತೆ ಇನ ಇವ್ಣುನ ಬೋಲಿದೆ. ಇವ್ಣೆ ಗಲತ್‌ ಕರಾನಿ ವಖ್ಹ್‌ತೆ ಯೋ ಇನ ಒತಾಳ್, ಇವ್ಣುನ ಗುರ್‌ಕಾವ್, ಹುಮ್ಮಖ್ಹ್‌ರ‍್ಹಿನ್ ಘಣು ಖ್ಹಮಾಳಿರ‍್ಹೀನ್‌ ಅಜು಼ ಹೊಷಾರ್‌ಥಿ ಕರ್‌.

ಇಬ್ರಿ 13:17

ತುಮಾರು ಸಬೆನ ಮೋಟಾವ್ನಿ ವಾತೆನ ಖ್ಹಮ್‌ಜೊ಼, ಇವ್ಣ ದಾಬುಕ್ಮ ರ‍್ಹವೊ. ಇವ್ಣೆ ಗಣ್ತಿ ದೇವ್ಣುತೆ ಖ್ಹಾಜೇಥಿ ತುಮಾರ ಆತ್ಮವ್‌ನ ಕಾವ್ಲಿ ಕರಾವಾಳ ಹುಯಿರ‍್ಹಾಸ್. ಇವ್ಣೆ ದುಖ್ ನಾಕರ‍್ನುತೆ ಖ್ಹುಶಿಥಿ ಅನ ಕರಾನಿಘೋಣಿ ಚಾ಼ಲಿಲೆವೊ. ಶನಕತೊ ಇವ್ಣೆ ದಿಲ್‌ ದುಖ್‌ಕರೀನ್ ಕರಾನಿ ಸೇವೇಥಿ ತುಮುನ ಫಾಯಿದೊ ಹುವಾನುಕಾಹೆ.

ಇಬ್ರಿ 13:24

ತುಮಾರ ಅಖ್ಖಾಸ್ ಸಬೇನಿ ಮೋಟಾವ್ನ ಅಜು಼ ಪವಿತ್ರ ದೇವ್ನ ಅದ್ಮಿವ್‌ನಾಬಿ ಖ್ಹಲಾಮ್ ಬೋಲೊ. ಇಟಲಿ ದೇಖ್ಹ್‌ನು ಬೇನೆ ಭೈಯೇಬಿ ಇವ್ಣೇಬಿ ತುಮುನ ಖ್ಹಲಾಮ್ ಬೋಲಸ್.

ಇಬ್ರಿ 13:7

ತುನ ಕೋಣ್ ದೇವ್ನಿ ವಚನ್ನ ಭೋದನ್ ಕರಸ್ಕಿ ಯೊ ತುಮಾರ ಸಬೆನ ಮೋಟಾವ್ನ ಖ್ಹಯಾಲ್ ಕರಿಲೆವೊ. ಅಜು಼ ಜಿವ್ಣನ ಖ್ಹರ್ತಿಲಗು ಖಿವಿ ಪರಕ್ಮ ಚಾ಼ಲಿಲಿದುಕರಿ ಖ್ಹಯಾಲ್ ಕರೀನ್ ಇವ್ಣ ವಿಶ್ವಾಸ್ ಪಾಡಿಚಾ಼ಲೊ.