1 ತಿಮೊ 4:16 - ದೇವ್ನಿ ಖ್ಹಾಚಿ ವಚನ್

¹⁶ ತಾರಿ ಜಿವ್ಣು ಅಜು಼ ಬೋಧನೆಪರ್ ವಿಶೇಷ್‌ಥಿ ಖ್ಹಯಾಲ್ ರಾಕ್. ಆ ಅಖ್ಖಾನ ಕರ್ತೊಸ್ ರ‍್ಹೇ, ಶನಕತೊ ತೂ ಕರ್ತೊ ರ‍್ಹಿಯೋತೊ ಅನೇಥಿ ತೂ ತುನಾಸ್ ಅಜು಼ ಕೋಣ್ ಆ ವಾತ್ನ ಖ್ಹಮ್‌ಜಾ಼ಸ್ಕಿ ಇವ್ಣುನಾಬಿ ಬಚಾ಼ಡಿಶ್.

1 ತಿಮೊ 4:16 ပူးပေါင်းရင်းမြစ်များ

ಮಾರ್ಕ 13:9

ಕತೋಬಿ ತುಮೆ ತುಮಾರಿ ಬಾರೇಮ ಹೊಷಾರ್‌ಥಿ ದೇಖಿಲೆವ್ಣು. ತುಮೂನ ಧರೀನ್ ನ್ಯಾವ್ ಕರಾನಿ ಸಭೆಮ ಖೇಚಿಲಿಜಾ಼ಶೆ. ತುಮುನ ಸಬೆ ಭರಾವಾನು ಮಂದಿರ್‌ಮ ಮಾರ್‌ಶೆ; ಮಾರಖ್ಹಾಜೆ ತುಮೆ ರಾಜ಼್‌ಭಾರ್‌ ದೇಖಿಲೆವಾಳಾನ ಖ್ಹಾಮ್ಣೆಬಿ ಅಜು಼ ರಾಜಾ಼ನ ಖ್ಹಾಮ್ಣೆ ಸಾಕ್ಷಿಕರಿನ್ ಭೀರಾಕ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:34

“ತುಮಾರಿ ಬಾರೇಮ ಜ಼ತನ್‌ಥಿ ರ‍್ಹವೊ! ಜಾ಼ಖ್ಹತ್ ಖಾವಾಣ್‌ಪಿವಾಣ್ಣಿ ಅಹಂಕಾರ್‌ಥೀಬಿ ಕಯೇಪ್‍ಥೀಬಿ ಜಗತ್ನಿ ಸೋಚ್‍಼ಥೀಬಿ ತುಮಾರು ಮನ್‌ ವಜ಼ನ್‍ಹುಯಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:22

ಕತೋಬಿ ದೇವ್ನೆ ಮನ ಯೋ ದನ್ಮ ಮದತ್ ಕರ‍್ಯೊ. ಯೊ ಹಮ್ಕೆಲಗೂಬಿ ಮನ ಮದತ್ ಕರುಕರಸ್. ಇನಾಖ್ಹಾಜೆಸ್ ಆಜ಼್ ಹಜ್ಜಾ಼ ಭಿಯೋಸ್ ಅಜು಼ ಮೆ ದೇಖ್ಯೋತೆ ಘಟನೇನಿ ಬಾರೇಮ ಅದ್ಮಿಖ್ಹಾರನ ಸಾಕ್ಷಿ ಬೋಲುಕರುಸ್. ಮೋಶೆ ಅಜು಼ ಪ್ರವಾದಿಖ್ಹಾರು ಖ್ಹಾಮೆ ಹುವಾನು ಬಾರೇಮ ಖ್ಹಮ್‌ಜಾ಼ಡ್ಯುತೆ ವಾತೇಸ್‌ ಪಣ್ಕಿ ಖಿವೂಬಿ ನವು ಕೊಬೋಲ್ಯೋನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:4

ತದೆ ಹಮಾರಿ ಖ್ಹಾರೀಸ್‍ ವೇಳ್ನ ಪ್ರಾರ್ಥನೆ ಕರಾನಬಿ ವಚನ್ನ ಬೋಧನೆ ಕರಾನು ಕಾಮ್ ದಿಶು” ಕರಿ ಬೋಲ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:14

ಕಿಮ್‌ಕತೊ ಮೆ ಮಾರಶೊಂತ್ ಅದ್ಮಿಯೆವ್‌ಮ ಬಳಾಪನ ಜಾ಼ಖ್ಹತ್ ಕರೀನ್ ಇವ್ಣಮ ಥೋಡಜ಼ಣಾನ ತೋಬಿ ರಕ್ಷಣೆಮ ಲ್ಯಾವ್ಣು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:17

ಭೇನ್ ಭೈಯೇವೊ, ತುಮೆ ಶಿಕಿರಾಖ್ಯಾತೆ ಬೋಧನೆನ ವಿರೋದ್ ಹುವಾಳೂಬಿ ತುಮಾರಿ ಒಗ್ಗಟ್ ಫುಟಾಖ್ಹರ್ಕು ತುಮಾರಮ ಕಚ಼್ಚರ್‌ ಹುವಾನಿತರ ಕರವಾಳನಿ ಬಾರೇಮ ಹೊಷಾರ್‌ಥಿ ರ‍್ಹವೊ. ಎಥ್ರಾನವಾಳಥಿ ದೂರ್ ರ‍್ಹೇವೊಕರಿ ಗಿಂಗೈಲೆವುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7

ಥೋಡುಜ಼ಣು ಅಛ್ಛಾ಼ನ ಕರ್ತುಹುಯಿನ್. ಮಹಿಮೆ, ಇಜ಼್ಜತ್‌, ಹಮೇಶನಜಾನ್ನ ಜಿವ್ಣನ ಢೂಂಡಸ್. ಇವ್ಣುನ ದೇವ್ ಹರ್‌ಹಮೇಶಾನಿ ಜಿ಼ಂದ್‌ಗಿ ದಿಶೆ.

1 ಕೊರಿಂಥ 1:21

ಹೈರೂತೆ ದೇವ್ನಿ ಗ್ಯಾನ್ನಿ ಖ್ಹೂಜ಼್ ಹುಯಿರ‍್ಹುಥು. ಜಗತ್‌ ಇನಿ ಶೊಂತ್ ಗ್ಯಾನ್‌ಥಿ ದೇವ್ನ ಖ್ಹಮ್‍ಜಿರಾಖ್ಯುಥು ಕೊಯ್ನಿ. ಇನಖ್ಹಾಜೆ ಘೈಲಾನಿತರ ದೆಖಾವತೆ ಬೋಧನ್‍ಥಿ ವಿಶ್ವಾಸ್ ಕರವಾಳನಿ ರಕ್ಷಣೆ ಕರಾನು ದೇವ್ನ ಅಛ್ಛು಼ಕರಿ ದೆಖಾಯು.

1 ಕೊರಿಂಥ 9:22

ಕಮ್‌ಜೋ಼ರಿವಾಳಾಮ ಇವ್ಣುನ ಕಮೈಕರಾನಖ್ಹಾಜೆ ಕಮ್‌ಜೋ಼ರಿವಾಳಾನಿ ಬೀಚ್ಮ ಮೇಬಿ ಕಮ್‌ಜೋ಼ರಿವಾಳೊ ಹುಯೊ. ಖಿವಿ ತರೀ‌ಖಾಮತೋಬಿ ಥೋಡಾನ ಬಚಾ಼ಡ್‌ಣುಕರಿ ಖ್ಹಾರನಖ್ಹಾಜೆ ಖ್ಹಾರನಿಘೋಣಿ ಹುಯೊ.

1 ಕೊರಿಂಥ 9:27

ಬಿಜ಼ಖ್ಹಾರನಿ ಜೋ಼ಡ್ಮ ಬೋಧನೆ ಕರಾನ ಪಾರ್ ತದೆ ಮೇಸ್ ನಾಲಾಯಕ್‌ ನಾ ಹುವಾನಖ್ಹಾಜೆ ಶರೀರ್‌ನ ನಿಶತ್ ದೀನ್ ಮಾರಿ ಚಪ್ಪಣ್‌ಮಾಸ್ ರಾಖುಸ್.

ಎಫೆಸ 4:14

ಇನಾಖ್ಹಾಜೆ ಬೋಲಿಲಾವನು ಶಾತ್‌ಕತೊ ಅಪ್ಣೆ ಹಂಕೇಥು ಅಡ್ಡಾಣಿ ನಾ ಹುಯಿರ‍್ಹೇವ್ಣುತೆ, ಖರಾಬ್ ಅದ್ಮಿನ ಠಗಾವ್ಣಿಮಾಬಿ, ಗಲ್ತಿಸೋಚ್‌ಮ ಪಡೀನ್, ಅಲಕ್ ಅಲಕ್ ಭೋದನ್‌ಥಿ ಧೋಕಹುಯಿನ್ ವಹಿರೊ ಕೀಕಡ್‌ಕಿ ತೀಕಡ್‌ ನಾಜಾ಼ವಾಳ ಹುಯಿರ‍್ಹೇಣು.

ಕೊಲೊಸ್ಸೆ 4:17

ಅರ್ಖಿಪ್ಪನ, “ತೂ ಪ್ರಭುಥಿ ಲೀಲಿದೋತೆ ಸೇವೆನ ಚ಼ಲಾವನ ಹುಷಾರ್‌ಥಿ ರ‍್ಹೀನ್ ಪೂರಹೊಣು” ಕರಿ ಬೋಲೊ.

1 ಥೆಸ 2:16

ಯೆಹೂದ್ಯರ್‌ಕಾಹೆತೆ ಅದ್ಮಿನ ರಕ್ಷಣೆ ಮಳಾದೆ ಕರಿ ಸುವಾರ್ತೆನ ಬೋಲ್‍ಯೇಸ್ತೆ ಹಮುನಾಬಿ ಭೀರಾಕ್‌ಣು ಕರಿ ಕರ‍್ಯು. ಅಮ್ ಕರಾಥಿ ಇವ್ಣು ಪಾಪ್ನು ಕಾಮ್‌ಖ್ಹಾರು ಭರೈನ್ ಉಛ಼್‌ಳಾಯು. ಕತೋಬಿ ದೇವ್‌ನೊ ಇರಾದೊ ಇವ್ಣಾಪರ್ ಪೂರ ಹೋತುಹುಯಿನ್ ಆಯೊ!

1 ತಿಮೊ 1:3

ಮೇ ಮೆಕೆದೋನ್ಯನ ಜಾ಼ವಾನಿ ವಖ್ಹತ್‌ಮ, ತೂ ಎಫೆಸಮಸ್ ರ‍್ಹೆಕರಿ ಗಿಂಗೈಲಿದೊ, ಹಿಜ಼್ಜಾ ಥೋಡು ಜ಼ಣು ಝೂ಼ಟಿ ಭೋತಿ ಬೋಲಿದೆವ್‌ಕರ್ತುಥೂತೆ ಇವ್ಣುನ ಹುಕುಮ್‌ ದೀನ್ ಭೀರಾಕ್‌ಣು ಕರೀಬಿ,

1 ತಿಮೊ 4:15

ಆ ವಾತೆವ್ಮ ತೂ ಮಳೀರ‍್ಹೆ ಅನೇಥಿ ಭಡಾನು ಅಖ್ಖಾ ಅದ್ಮಿವ್‍ನ ಖ್ಹಾಮ್ಣೆ ದೆಖಾವ್‌ಶೆ.

1 ತಿಮೊ 4:6

ಏಕ್‌ ವೇಳ್ಮ ಹಿಜ಼್ಜಾನು ವಿಶ್ವಾಸಿ ಭೇನೆಭೈಯೇವ್‌ನ ಬೋಲಿದೆವ್ಣುಕತೊ ತೂ ಕ್ರಿಸ್ತಯೇಸುನೊ ಅಛ್ಛೊ಼ ಸೇವಕ್ ಹುಯಿರ‍್ಹೀಶ್. ಇನ ಪಾಳಿ ಪರ್ವೇಶಿ ಕರಾನು ವಿಶ್ವಾಸ್‍ಥಿ ಖ್ಹಾಚಿ ಬೋಧನೆಥಿ ಹುವಾಸ್. ಇನ ತೂ ಲೀರಾಖ್ಯೊಸ್.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

2 ತಿಮೊ 3:14

ಕತೋಬಿ ತಾರಿ ಬಾರೇಮ ಬೋಲ್ನುಕತೊ ಯೊ ಖ್ಹಾಚಾಮ ಘಟ್‌ರ‍್ಹೆ. ಆ ತುನ ಶಿಕಡೈರ‍್ಹೂಸ್ ಅಜು಼ ವಿಶ್ವಾಸ್ ಧರಿಲೆ. ಅನಿಬಾರೇಮ ತುನ ಕಿನೆ ಶಿಕಾಡ್ಯೂಕರಿ ತುನ ಮಾಲುಮ್ ಛಾ಼ನಿ.

2 ತಿಮೊ 4:2

ದೇವ್ನಿ ಸುವಾರ್ತೆ ಅದ್ಮಿವೋನ ಅಛ್ಛಿ ವಖ್ಹತ್‌ಮ ಖಬರ್ ವಖ್ಹತ್‌ಮ ಬೋಲಿದೆ. ಅದ್ಮಿಖ್ಹಾರು ಕರ್ನುತೆ ಇನ ಇವ್ಣುನ ಬೋಲಿದೆ. ಇವ್ಣೆ ಗಲತ್‌ ಕರಾನಿ ವಖ್ಹ್‌ತೆ ಯೋ ಇನ ಒತಾಳ್, ಇವ್ಣುನ ಗುರ್‌ಕಾವ್, ಹುಮ್ಮಖ್ಹ್‌ರ‍್ಹಿನ್ ಘಣು ಖ್ಹಮಾಳಿರ‍್ಹೀನ್‌ ಅಜು಼ ಹೊಷಾರ್‌ಥಿ ಕರ್‌.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:9

ಯೊ ಇನಿ ಭರೋಖ್ಹಾನಿ ಸಂದೇಶ್ನ ಘಟ್ ಧರಿಲ್ಯವಾಳೊ ಹುಯಿರ‍್ಹೇಣು, ಅನಿ ಬಾರೇಮ ಇನ ಬೋಲೈರ‍್ಹುಸ್. ಇನಖ್ಹಾಜೇಥಿ ಯೊ ಅದ್ಮಿ ಖ್ಹಾಚಿ ಬೋಲಿದೇತೊಹುಯಿನ್ ಭಾಲಿ ದ್ಯವಾಳೊ ಹುಯಿರ‍್ಹೇಣು. ಹಮೆ ಬೋಲೇತೆ ಖ್ಹಾಚಾ಼ನ ವಿಶ್ವಾಸ್‍ಥಿ ಪಾಲನ್‍ ಕರ‍್ನು. ಯೊ ಖ್ಹಾಚಾಥಿಬಿ ಲ್ಹಾಯೇಕ್‌ನಿ ಉಪದೇಶ್‌ಥಿ ಯೊ ಅದ್ಮಿನ ಮದತ್ ಕರಾವಾಳೊ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:15

ಆ ಖ್ಹಾರಿ ವಾತೆ ಶಿಕಾಡ್. ತಾರಿ ಅಖ್ಖೀಸ್ ಅದಿಕಾರ್‌ಥಿ ಇವ್ಣುನ ಭಾಲಿಬೋಲ್ ಅಜು಼ ಗುರ್‌ಕಾವ್ ಶನಕತೊ ಕೋಣ್‌ಬಿ ತುನ ‍ತಿರಸ್ಕಾರ್ ನಾ ಕರ್ನುತೆ ಇಮ್‌ ದೇಖಿಲೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:7

ತುಮಾರ ಭೋದನ್ ಕಾಮ್ ಖ್ಹಾರಾಮ, ತೂ ಕಿಮ್ ರ‍್ಹೇಸ್ಕಿ ತಿಮ್ ಬಿಜೇಕ್ ಜ಼ಣಾನ ಬರಾಬರ್‌ಥಿ ವತಾಳಿಲೆ. ತೂ ಶಿಕಾನ ಹಗಾಮ್ಮ ಇಮಾನ್‌ದಾರ್ ಅಜು಼ ಗ್ರಿಸ್ತಿಥಿ ರ‍್ಹೇ.

ಫಿಲೆಮೋನ 1:19

ಪೌಲಕರಿ ಮೇ ಶೊಂತ್ ಹಾತೇಥಿ ಲೀಖಿರಾಖ್ಯೊಸ್, ಮೇಸ್ ಇನ ಫೇಡಿಶ್, ತಾರಿ ಶೊಂತ್ನಿ ಬಾರೇಮ ಮನಛಾ಼ತೆ ಕರ್ನಿನಿ ಬಾರೇಮ ಮೇ ಶಾತ್ಬಿ ಬೋಲುಕೊಯ್ನಿ.

ಇಬ್ರಿ 12:15

ತುಮಾರಮ ಕೋಣ್‌ಬಿ ದೇವ್ನಿ ವಾರ್‌ಖ್ಹೇಥಿ ಛು಼ಕಿನ್ ನಾಜಾ಼ವ್ಣುತೇಬಿ, ಖಿವು ಕಡಿಹುಯಿರೀತೆ ಜ಼ಡ್‌ ಕುಡಿಪಾಡಿನ್ ಅಸಮಧಾನ್‌ ಕರೀನ್ ಕೈಏಕ್ ಜ಼ಣಾನ ಮೈಲು ನಾಕರ‍್ನುತೆ ದೇಖಿಲೆವೊ.

ಇಬ್ರಿ 13:9

ಹರೇಕ್ ಥರಾನು ಅಲಕ್ ಅಲಕ್ ಜ಼ಣಾನಿ ವಾತ್ಮ ಖ್ಹಪ್‌ಡಿನಾಜಾ಼ವ್ಣುತೆ ಬರಬರ‍್ನಿ ವಾಟ್ಮಚಾ಼ಲೊ. ಶನಕತೊ ದೇವ್ನಿ ವಾರ್‌ಖ್ಹೇಥಿ ದಿಲ್ನ ಘಟ್ ಕರಿಲ್ಯಾವನು ಅಛ್ಛು಼. ಖಾಣಾನಿ ಜಿನಖ್ಹ್‌ನಿ ಬಾರೇನು ನಿಯಮ್‌ಖ್ಹಾರು ಪಾಡಿ ಚಾ಼ಲವಾಳಥಿ ಶನು ಫಾಯಿದೊಬಿ ಕೊಹುವಾನಿ.

ಯಾಕೋಬ 5:20

ಏಕ್‌ ಪಾಪಿನ ಗಲತ್‌ ಮಾರಗ್‍ಪರ್‌ಥು ಛು಼ಕೈನ್, ಬದ್‍ಲೈನ್ ಇನ ಆತ್ಮಾನ ಮರಣ್‌ಥು ಬಚಾ಼ಡೀನ್ ಘಣ ಪಾಪ್ನ ಯೋ ಕ್ಷಮಾ ದ್ಯವಾಡವಾಳೊಕರಿ ಮಾಲುಮ್‌ ಕರಿಲ್ಯಾವಾದೆ.