1 ತಿಮೊ 2:6 - ದೇವ್ನಿ ಖ್ಹಾಚಿ ವಚನ್

⁶ ಇನೆ ಹರೇಕ್ ಜ಼ಗ್‌ಜಾ಼ತ್ನ ಅದ್ಮಿನ ಬಚಾ಼ಡಾನಖ್ಹಾಜೆ ಛೋ಼ಡಾವನಟೇಕೆ ಇನ ಯೋಸ್ ಒಪ್‌ಶೈದಿದೊ. ಯೋ ಹರೇಕ್ ಅದ್ಮಿನ ಬಚಾ಼ಡನ ಹರ್ಖ್ಹಾಸ್. ಆಸ್ ಬರೋಬರ್‌ನಿ ವಖ್ಹತ್‌ಮ ಬೋಲ್ನುತೆ ಸಬೂತ್ ಹುಯಿರುಸ್.

1 ತಿಮೊ 2:6 ပူးပေါင်းရင်းမြစ်များ

ಮತ್ತಾಯ 20:28

ಅಮ್ಮಸ್ ಅದ್ಮಿನೊ ಛಿಯ್ಯೋಬಿ ಸೇವೆ ಕರೈಲ್ಯವಾನಖ್ಹಾಜೆ ಕೋ ಆಯೋನಿ, ಪಣ್ಕಿ ಸೇವೆ ಕರಾನ ಅಜು಼ ಇನೊ ಜಾನ್ನ ದೀನ್, ಕೈಯೆಕ್ಕಿ ಅದ್ಮಿನ ಛೋ಼ಡೈಲ್ಯವಾನಖ್ಹಾಜೆ ಆಯೊ” ಕರಿ ಬೋಲ್ಯೊ.

ಮಾರ್ಕ 1:15

“ದನ್‌ಖ್ಹಾರ ಭರೈಗ, ದೇವ್ನಿ ರಾಜ್ಯ ಖನ್ನೆ ಐಗು! ತುಮಾರು ಪಾಪ್ನ ಖ್ಹಾರು ಮ್ಹೇಲಿನ್ ದೇವ್‌ಭಣಿ ಫರಿನ್, ದೇವ್ನಿ ಅಛ್ಛಿ ಸಮಾಚಾರ‍್ನ ನಂಬೊ!” ಕರಿ ಬೋಲ್ಯೊ.

ಮಾರ್ಕ 10:45

ಅದ್ಮಿನೊ ಛಿಯ್ಯೋಬಿ ಸೇವೆ ಕರೈಲ್ಯವಾನಖ್ಹಾಜೆ ಕೋ ಆಯೋನಿ; ಬಿಜಾ಼ನಿ ಸೇವೆ ಕರಾನ ಅಜು಼ ಇನೊ ಜಾನ್ನ ದೀನ್ ಕೈಯೆಕ್ಕಿ ಅದ್ಮಿನ ಛೋ಼ಡೈಲ್ಯವಾನಖ್ಹಾಜೆ ಆಯೊ” ಕರಿ ಬೋಲ್ಯೊ.

ಯೋಹಾನ 6:51

ಕತೋಬಿ ಸೊರ್ಗಾಥು ಉತ್ರಿ ಆಯೋತೆ ರೋಟೊ ಕೋಣ್ ಖಾಸ್ಕಿ ಯೊ ಮರಕೊಯ್ನಿ. ಹರ್‌ಹಮೇಶ ಜಿವ್ತು ರ‍್ಹಿಶೆ; ಅಜು಼ ಮೇ ದೆವ್‍ಸ್ತೆ ರೋಟೊ ಮಾರಿ ಬೋಟಿಸ್‌, ಆ ಜಗತ್‌ ಜಿವಾದೆ ಕರಿ ಮೇ ಅನ ದೀಶ್‌ತೆ” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:26

ಹಮ್ಕೆ ಯೋ ಖ್ಹಾಚು಼ ಪ್ರವಾದ್‍ನೆನು ನಿಯಮ್‌ಥಿ ಹಮ್ಕೆ ಭಡ್‍ಕೈನ್ ಲೈರಾಖ್ಯುಸ್; ಅಜು಼ ಹರ್‌ಹಮೇಶ ರ‍್ಹವಾಳ ದೇವ್ನಿ ಹುಕುಮ್‌ನಿಮತ್ ಅಖ್ಖಾಸ್ ಜ಼ಗ್‌ಜಾ಼ತ್ನ ಅದ್ಮಿವೋನ ಮಾಲುಮ್‍ಪಡಾನಿ ಘೋಣಿ ಕರಿರಾಖ್ಯುಸ್, ಅಮ್ ವಿಧೇಯ ಹೋಣು ಅಜು಼ ವಿಶ್ವಾಸ್‌ ಕರ‍್ನು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:6

ಅಪ್ಣೆ ಪಾಪ್‌ಥಿ ಬಿಣ್‍ ಶಕತ್‌ವಾಳ ಹುಯಿರಾತೆ ತದೇಸ್‌ ದೇವ್ನೆ ಚೂ಼ಣಿಲಿದೊತೆ ವೇಳ್ಮ ಕ್ರಿಸ್ತನೆ ಖರಾಬ್ ಅದ್ಮಿವೋನಖ್ಹಾಜೆ ಮರ‍್ಯೊ.

1 ಕೊರಿಂಥ 1:6

ಕ್ರಿಸ್ತನು ಬಾರೇಮಾನಿ ಸಾಕ್ಷಿ ತುಮಾರಮ ಘಟ್ ಛಾ಼.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಗಲಾತ್ಯ 1:4

ಯೊ ಅಪ್ಣುನ ಹಮ್ಕೇನ ಖರಾಬ್ ಹಗಾಮ್‌ಥು ಛೋ಼ಡಾವ್ಣುಕರಿ ಅಪ್ಣೊ ಬಾ ಅಜು಼ ದೇವ್ನಿ ಖ್ಹೂಜ಼್‌ನಿ ಘೋಣಿ ಅಪ್ಣ ಪಾಪ್ನಖ್ಹಾಜೆ ಇನುಯೋಸ್ ಮರಣ್ಣ ದಿನಾಖ್ಯೊ.

ಗಲಾತ್ಯ 4:4

ಕತೋಬಿ ಬರಬರ‍್ನಿ ವಖ್ಹತ್ ಆವಖ್ಹತರ್ ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊ.ಯೊ ಏಕ್‌ ತಯೇಡಾಮ ಪೈದಹುಯಿನ್ ಧರ್ಮಶಾಸ್ತ್ರನಿ ಅಧೀನ್‍ಮ ಆಯೊ.

ಎಫೆಸ 1:17

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ದೇವ್‌ಬಿ ಮಹಿಮೆನೊ ಬಾಬಿ ಇನಿ ಇನಿ ಬಾರೇಮ ಪೂರ ಅಕ್ಕಲ್‍ನ ತುಮುನ ದೀನ್ ದರ್ಶನಾನು ಆತ್ಮನ ದ್ಯವಾದೆಕರಿ ಪ್ರಾರ್ಥನೆ ಕರುಸ್.

ಎಫೆಸ 1:7

ಯೇಸು ಕ್ರಿಸ್ತನೆ ಅಪ್ಣಖ್ಹಾಜೆ ರಂಚ್ಯೊತೆ ಲ್ಹೋಯಿಥೀಸ್‍ ಛುಟ್ಕಾರ್‌ಹುಯು, ಕತೊ ದೇವ್ನಿ ಮಹಾ ವಾರ್‌ಖ್ಹೇಥಿಸ್ ಅಪ್ಣು ಪಾಪ್‌ಖ್ಹಾರು ಮಾಪಿ ಹುಯಿಗು.

ಎಫೆಸ 3:5

ಗಯೋತೆ ಹಗಾಮ್ಮ ಅದ್ಮಿವೊನ ಆ ಮಾಯ್ನೊ ಕೊಬೋಲಾಯುನಿ ಕತೋಬಿ ದೇವ್ನೆ ಇನ ಪವಿತ್ರಾತ್ಮಥಿ ಅಪೊಸ್ತಲರ‍್ನ ಅಜು಼ ಪ್ರವಾದಿಖ್ಹಾರನ ಮಾಲುಮ್ ಕರೈರಾಖ್ಯೋಸ್.

ಎಫೆಸ 5:2

ಕ್ರಿಸ್ತನೆ ಅಪ್ಣುನ ಪ್ಯಾರ್‌ಕರೀನ್ ಅಪ್ಣಖ್ಹಾಜೆ ಇನುಯೋಸ್ ದೇವ್ನ ಢಪ್ಕಾರಬಿ ಕಾಣ್‌ಕೆ ಹುಯಿನ್, ಬಲಿ ಸಮರ್ಪಣ್‌ ಹುಯೋತೆ ಪರಕ್ಮಸ್ ತುಮೇಬಿ ಪ್ಯಾರ್‌ಥಿ ಜಿವೊ.

2 ಥೆಸ 1:10

ಇನೆ ಯೋ ದನ್ಮ ಇನ ಪರಿಶುದ್ ಅದ್ಮಿವ್‌ಥಿ ಮಹಿಮೆಬಿ ಅಜು಼ ವಿಶ್ವಾಸ್‌ಮ ರ‍್ಹೇಯ್ತೆ ಇವ್ಣೇಥಿ ಮರ‍್ಯಾದಿಲೀನ್ ಆವಾಸ್ಕಿ ಯೊ ಅದ್ಮಿನಿ ಬೀಚ್ಮ ತುಮೇಬಿ ರ‍್ಹಿಶು. ಶನಕತೊ ಹಮೆ ತುಮುನ ಬೋಲ್ಯಾತೆ ಸಾಕ್ಷಿನ ತುಮೆ ನಂಬಿರಾಖ್ಯಾಸ್.

1 ತಿಮೊ 6:15

ದೇವ್‍ಥಿ ಇನಿ ಬರಾಬರ್‌ನಿ ವಖ್ಹತ್‌ಮ ಇನ ದೇಖಾವನಿತ್ರ ಕರ್ಶೆ. ಯೋ ಧನ್ಯ ಅಜು಼ ಎಕ್ಕಸ್‍ಜ಼ಣೊ ಹಕ್ ಚ಼ಲಾವವಾಳೊ, ರಾಜಾ಼ನೊ ರಾಜಾ಼ಬಿ, ಪ್ರಭುನೊ ಪ್ರಭುಬಿ ಹುಯಿರ‍್ಹೋಸ್.

2 ತಿಮೊ 1:8

ಅನಖ್ಹಾಜೆ ಅಪ್ಣೊ ಪ್ರಭುನಿ ಬಾರೇಮ ಸಾಕ್ಷಿ ಬೋಲಾನ, ಕ್ರಿಸ್ತನಖ್ಹಾಜೆ ಜೇಲ್‌ಮ ಛೂ಼ತೆ ಮಾರಿಬಾರೇಮ ಖ್ಹರ್‌ಮೈಶ್ ನಕೊ.ತುನ ಹೋಣುತೆ ಶಕತ್ನ ದೇವಸ್ ದಿಶೆ. ಇನ ಬದಲ್ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ ಮಾರ ಜೋ಼ಡೆ ಲತಾಡ ಪಡ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:3

ಅಜು಼ ಬರಾಬರ್‌ನಿ ವಖ್ಹತ್‌ಮ, ದೇವ್ನೆ ಇನಿ ಉಪದೇಶ್‍ನ ಪ್ರಕಟ್‌ಕರ‍್ಯೊ. ಅಜು಼ ಯೊ ಮನ ದೆವೈರ‍್ಹೂಥು. ಅಜು಼ ರಕ್ಷಣೆ ದ್ಯವಾನಿ ದೇವ್ನಿ ಹುಕುಮ್‌ನಿಮತ್ ಮೇ ಬೋಲಿರಖ್ಯೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಇಬ್ರಿ 9:12

ಖ್ಹಾರಸ್‌ನಖ್ಹಾಜೆ ಮಹಾ ಪರಿಶುದ್ ಝ಼ಗೋಮ ಪ್ರವೇಶ್‌ ಕರ‍್ಯೊಕೊಯ್ನಿ. ಕೆಲ್ಡೊ ಬೋಕ್‌ಡಾನ ಲ್ಹೊಯಿಥಿ ಕಾಹೆ ಅಪ್ಣುನ ಕ್ರಿಸ್ತನೆ ಎಕ್ಕಸ್ ಬಾರ್ ಇನ ಶೊಂತ್ ಲ್ಹೋಯಿಥಿ ಹಮೇಶಾನಿ ರಕ್ಷಣೆಮ ಗಯೊ.

1 ಪೇತ್ರ 2:24

ಅಪ್ಣೆ ಅಪ್ಣ ಪಾಪ್ನ ಭಾಗ್ನ ಮರೀನ್ ನೀತಿವಾಳ ಹುಯಿನ್ ಬಚಾ಼ನಿತರ ಅಪ್ಣ ಪಾಪ್ನ ಯೋಸ್ ಇನ ಶರೀರ್‌ಪರ್‌ ಢೊಯ್ಲಿನ್ ಶಿಲ್‌ಬೆಪರ್ ಮರಿಗೊ. ಇನ ಘಾವ್‍ಥಿ ತುಮುನ ಅಛ್ಛು಼ಹುಯು.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

1 ಯೋಹಾನ 4:10

ಅಪ್ಣೆ ದೇವ್ನ ಪ್ಯಾರ್ ಕರ‍್ಯಕೊಯ್ನಿ, ಕತೋಬಿ ಯೋ ಅಪ್ಣುನ ಪ್ಯಾರ್ ಕರೀನ್ ಅಜು಼ ಅಪ್ಣ ಪಾಪ್ನ ಪರಿಹಾರ‍್ನಖ್ಹಾಜೆ ಇನ ಛಿಯ್ಯಾನ ಮೋಕ್‍ಲ್ಯೊತೆ ಇನಾಮಸ್ ಪ್ಯಾರ್‌ನಿ ಖ್ಹಾಚಿಗುಣ್‍ ದೆಖೈಜಾ಼ಸ್.

ಪ್ರಕಾಶಿತ್ 1:5

ಯೇಸು ವಿಶ್ವಾಸ್‌ನಿ ಸಾಕ್ಷಿ ಹುಯಿರ್‍ಹೊಸ್, ಮರ‍್ಯಹುಯಾಮಥು ಪಹಿಲೆ ಉಠ್ಯೊತೆ ಧರ್ತಿನ ರಾಜಾ಼ವ್ನೊ ಮಾಲಿಕ್ ಹುಯಿರ‍್ಹವವಾಳೊ ಯೇಸು ಕ್ರಿಸ್ತಥಿ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ. ಅಪ್ಣುನ ಪ್ಯಾರ್‌ಕರವಾಳೊ ಇನು ಪವಿತ್ರ ಲ್ಹೋಯಿಥಿ ಅಪ್ಣುನ ಪಾಪ್‌ಥಿ ಛೋ಼ಡಾಯೊ.

ಪ್ರಕಾಶಿತ್ 5:9

ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.