1 ಥೆಸ 5:27 - ದೇವ್ನಿ ಖ್ಹಾಚಿ ವಚನ್

²⁷ ಆ ಚಿಟ್ಟಿನ ಭೈಯೆಖ್ಹಾರನ ಪಢೀನ್‌ ಬೋಲ್ನುಕರಿ ಪ್ರಭುಮ ಬಿಂತಿಕರಿನ್ ತುಮೂನ ಬೋಲುಕರುಸ್.

1 ಥೆಸ 5:27 ပူးပေါင်းရင်းမြစ်များ

ಮತ್ತಾಯ 26:63

ಕತೋಬಿ ಯೇಸು ಖ್ಹೊಪ್ ಥೊ. ತದೆ ಮಹಾಯಾಜಕ್‌ನೆ ಪಾಛೊ಼, “ತುನ ಜಿವ್ತೊ ದೇವ್ನ ನಾಮ್‌ಪರ್‌ ಆಣ್‍ಲೀನ್, ಪುಛಾ಼ವುಸ್, ತೂ ದೇವ್‌ನೊ ಛಿಯ್ಯೊ ಕ್ರಿಸ್ತಸ್‌ಕಿಶು? ಹಮೂನ ಬೋಲ್” ಕರಿ ಬೋಲ್ಯೊ.

ಮಾರ್ಕ 5:7

ಊಚಿ ಆವಾಜ಼್‌ಮ ಚಿಕ್ರಿನ್, “ಪರಮಂಡಲ್‌ನೊ ದೇವ್ನ ಛಿಯ್ಯಾ ಯೇಸು, ಮಾರೇಥಿ ತುನ ಶಾತ್‌ ಛಾ಼? ದೇವ್ನ ಖ್ಹಾಮ್‌ಬಿ, ಮನ ಖ್ಹತಾವ್ ನಕೊ” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:15

ಥೋಡದನ್ ಬಾದ್‌ಮ, ವಿಶ್ವಾಸಿಮ ಖ್ಹುಮಾರ್ ಏಕ್‌ಖ್ಹೊ ವೀಖ್ಹ್‌ ಜ಼ಣು ಸಭೆಮ ಮಳೀನ್‍ ಅಯಿರ‍್ಹವಾಮ, ಪೇತ್ರನೆ ಬೀಚ್ಮ ಉಠಿ ಭೀರಿನ್:

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:13

ಭೂತ್ ನಖ್ಹಾಡವಾಳ, ಕರಿ ಬೋಲಿಲಿನ್ ಫರುಕರ್ತುಥೂತೆ ಥೋಡು ಯೆಹೂದ್ಯರ್‌ಬಿ ಪ್ರಭು ಯೇಸುನ ನಾಮ್‍ಥಿ ಭೂತ್ ಛೋ಼ಡಾವನ ಕೋಶಿಶ್ ಕರ‍್ಯು. ಅಜು಼ ಅವ್ಣೆ ಭೂತ್‌ನ, “ಪೌಲ ಬೋಲುಕರಸ್ತೆ ಯೇಸುನ ನಾಮ್‍ಥಿ ಹುಕುಮ್ ದೆವುಕರೇಸ್ ಕರಿ ಬೋಲುಕರ್ತುಥು.

ಕೊಲೊಸ್ಸೆ 4:16

ಆ ಚಿಟ್ಟಿನ ತುಮೆ ಪಢಾನ ಬಾದ್ಮ ಲವೊದಿಕೀಯವಾಳನಿ ಸಬೆಮಾಬಿ ಪಢಾವೊ. ಇಮ್ಮಸ್ ಲವೊದಿಕೀಯಾಥು ಆಯುತೆ ಚಿಟ್ಟಿನ ಮಂಗೈನ್ ತುಮೇಬಿ ಪಢೊ.

1 ಥೆಸ 2:11

ಬಾ ಇನ ಶೊಂತ್ ಲಡ್ಕಾನ ಜೋ಼ಡೆ ಕಿಮ್ ಚಾ಼ಲಿಲೇಸ್ಕಿ ಇಮ್ಮಸ್, ಹಮೆ ತುಮಾರ ಜೋ಼ಡೆ ಚಾ಼ಲಿಲಿದಾ.

2 ಥೆಸ 3:14

ಆ ಚಿಟ್ಟೀಮ ಹಮೆ ತುಮೂನ ಬೋಲುಕರೇತೆ ಕೋಣ್ ಇನ ಮಾನಕೊಯ್ನಿಕಿ, ಇಮ್‌ನಾನಿ ಖ್ಹಣೇದ್ ಕರೀನ್, ಇನ ಖ್ಹರಮ್‌ ಲಾಗಾನಿಘೋಣಿ ಕೋಣ್‌ಬಿ ಇನಿ ಖ್ಹಂಗ್ ನಕೊ ಕರೊ.

1 ತಿಮೊ 1:18

ತಿಮೊಥೆ, ಮಾರ ಛಿಯ್ಯಾ, ಮೇ ತುನ ಹುಕುಮ್‌ ದೆವ್‍ಕರೂಸ್ ವಚನ್ನಿಘೋಣಿ ಪಹಿಲೇಥುಸ್ ತಾರಿ ಬಾರೇಮ ಪ್ರವಾದನೆ ಹುಯಿರುಸ್. ಯೋ ಅವಾಜ಼್‌ನ ತಾರಿ ಕಫ್ಫನ್ ಬಣೈಲೆ, ಅನೇಥಿ ತೂ ಮೋಟಿ ಜಂಗ್ ಭೀಡಾನಿತರ ಹುವಾದೆ.

1 ತಿಮೊ 1:3

ಮೇ ಮೆಕೆದೋನ್ಯನ ಜಾ಼ವಾನಿ ವಖ್ಹತ್‌ಮ, ತೂ ಎಫೆಸಮಸ್ ರ‍್ಹೆಕರಿ ಗಿಂಗೈಲಿದೊ, ಹಿಜ಼್ಜಾ ಥೋಡು ಜ಼ಣು ಝೂ಼ಟಿ ಭೋತಿ ಬೋಲಿದೆವ್‌ಕರ್ತುಥೂತೆ ಇವ್ಣುನ ಹುಕುಮ್‌ ದೀನ್ ಭೀರಾಕ್‌ಣು ಕರೀಬಿ,

1 ತಿಮೊ 5:21

ತೂ ಬೋಲಿ ಖ್ಹಮ್‌ಜಾ಼ನ ಅಗಾಡಿಸ್ ಗಲತ್‌ ನಾಲಗಾಡ್ನುತೇಬಿ, ಏಕ್‌ಬಾಜು಼ಸ್ ಶಾತ್ಬಿ ನಾಕರ‍್ನುತೇಬಿ, ಮೇ ಬೋಲ್ಯೊತೆ ತಿಮ್ ಚಾ಼ಲ್ನುಕರಿ ದೇವ್ನ ಖ್ಹಾಮ್ಣೆಬಿ ಅಜು಼ ಕ್ರಿಸ್ತಯೇಸು ಖ್ಹಾಮ್ಣೆಬಿ, ಚೂ಼ಣೈರ‍್ಹುತೆ ಪರಿಶುದ್ ದೂತರ್‌ನ ಖ್ಹಾಮ್ಣೆಬಿ ಮೇ ತುನ ಖ್ಹಾಚಾಥಿ ಬೋಲುಕರುಸ್. ಖಿವೂಬಿ ಅಜು಼ ಖ್ಹಾಚಿ ಪರ್ಖಾನ ಅಗಾಡಿ ಕಿನಭಣಿಥೂಬಿ ನಾ ರ‍್ಹೇವ್ಣುತೆ ಆ ಖ್ಹಾರು ಕಾಮ್ ಕರ‍್ನು.

1 ತಿಮೊ 5:7

ಇನಖ್ಹಾಜೆ ವಿಶ್ವಾಸಿವೋನ ಹುಕುಮ್ ದೇ ಅನೇಥಿ ಕೋಣ್‌ಬಿ ಇವ್ಣಾಪರ್ ಗಲತ್‌ ನಾ ಲಗಾಡ್‌ಣು.

1 ತಿಮೊ 6:13

ದೇವ್ನ ಖ್ಹಾಮೆ ತಮಾಮ್‌ನ ಜಾನ್‌ಹುಯಿನ್ ರ‍್ಹವಾಳೊ ಹುಯಿರ‍್ಹೋಸ್ ಅಜು಼ ಕ್ರಿಸ್ತ ಯೇಸುನ ಖ್ಹಾಮ್ಣೆ, ಮೇ ತುನ ಹುಕುಮ್ ದೆವುಸ್. ಪೊಂತ್ಯ ಪಿಲಾತನ ಖ್ಹಾಮೆ ಭಾಲ್‌ಥಿ ಸಾಕ್ಷಿ ದಿದೋತೆ ಯೋ ಶಾತ್‌ಕತೊ,

1 ತಿಮೊ 6:17

ಆ ಜಗತ್‌ಮ ಶೌಕಾರ್ ಹುಯಿರ‍್ಹವಾಳನ ಹುಕುಮ್‌ ದೇಕಿ, ಇವ್ಣೆ ಹಂಕಾರ್ ನಾ ಕರ‍್ನು ಕರಿ, ಅಜು಼ ಇವ್ಣಿ ಧನ್‌-ದೌಲತ್‌ಪರ್ ಭರೋಖ್ಹೊ ನಾರಾಕ್ಣುತೆ, ದೇವ್‌ಪರ್‌ ಭರೋಖ್ಹೊ ನಾಖಾದೆ ಕರಿ, ಯೋ ಅಪ್ಣೆ ಹಕ್ಲಾಲ್‌ಥಿ ರ‍್ಹವಾನಟೇಕೆ ಖ್ಹಾರುಸ್ ದ್ಯವಾಳೊ ಹುಯಿರ‍್ಹೋಸ್.

2 ತಿಮೊ 4:1

ದೇವ್ನ ಖ್ಹಾಮ್ಣೆ ಸಾಕ್ಷಿ ಹುಯಿರಿನ್ ಅಜು಼ ಕ್ರಿಸ್ತಯೇಸುನ ಸಾಕ್ಷಿಕರೀನ್ ಯೋ ಜಿವ್ತುರ‍್ಹವಾಳನ ಅಜು಼ ಮರ‍್ಯಹುಯಾನ ನ್ಯಾವ್‌ನ ತೀರ್ಪ್ ಕರಾವಾಳೊ. ಶನಕತೊ ಯೊ ದೆಖಾವ್‌ಶೆ ಅಜು಼ ಇನಿ ರಾಜ್ಯ ಖನ್ನೆ ಛಾ಼. ಮೆ ತುನ ಕೋಲ್‌ನಾಮ್ ಕರೀನ್ ಹುಕುಮ್ ದೆವುಸ್.

ಇಬ್ರಿ 3:1

ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ.