25 ಭೇನೆ ಭೈಯೇವೊ, ಹಮಾರಖ್ಹಾಜೆ ಪ್ರಾರ್ಥನೆ ಕರೊ.
ಭೇನ್ ಭೈಯೇವೊ, ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತಬಿ, ಪವಿತ್ರಾತ್ಮನಿ ಪ್ಯಾರ್‌ಥೀಬಿ, ಮೇ ಗಿಂಗೈಲ್ಯವಾನು ಶಾತ್‍ಕತೊ, ಮಾರಖ್ಹಾಜೆ ದೇವ್‌ಮ ಪ್ರಾರ್ಥನೆಥಿ ಮಾರಿ ಜೋ಼ಡ್ಮರ‍್ಹವೊ.
ಆ ನಾಹುಯಿನ್ ತುಮೆ ತುಮಾರಿ ಪ್ರಾರ್ಥನೆಥಿ ಹಮೂನ ಮದತ್ ಕರುಕರಸ್. ತದೆ ತುಮಾರಿ ಪ್ರಾರ್ಥನೆಥಿ ದೇವ್ ಹಮೂನ ಆಶೀರ್ವಾದ್‌ ಕರಿರಾಖ್ಯೋತೆ ದೇಖಿನ್ ಕೈಏಕ್ ಜ಼ಣು ಹಮಾರ ಭಣೀಥು ದೇವ್ನ ಧನ್ಯವಾದ್‍ನಿ ಸ್ತುತಿ ಕರ್ಶೆ.
ಶನಕತೊ ತುಮಾರಿ ಬಿಂತಿಥಿಬಿ ಅಜು಼ ಯೇಸು ಕ್ರಿಸ್ತನು ಆತ್ಮನಿ ಮದತ್‌ಥೀಬಿ ಆ ಹೈರುತೆ ಮಾರು ಛುಟ್ಕಾರ್‌ನ ಶುಲ್ಬ ಉಷೆಕರಿ ಮಾಲುಮ್ ಛಾ಼.
ಯೋಸ್ ವೇಳ್ಮ ಹಮೆ ಕ್ರಿಸ್ತನಿ ಮಾಯ್ನನಿ ವಾತೆ ಬೋಲಾನ ದೇವ್ ಹಮಾರಖ್ಹಾಜೆ ಬಾಕಲ್ ಉಖ್ಡಾನಿತರ ಪ್ರಾರ್ಥನೆಕರೊ. ಅನಖ್ಹಾಜೆಸ್ ಮೇ ಜೇಲ್‌ಮ ಛೂ಼ತೆ.
ಆ ನಾಹುಯಿನ್, ತುಮಾರಿ ಪ್ರಾರ್ಥನೆನ ಖ್ಹಮ್‌ಜಿನ್‌ ಮೇ ತುಮಾರಕನ ಆವಾನ ದಯಕರ್‌ಶೆ ಕರಿ ಮನ ವಿಶ್ವಾಸ್ ಛಾ಼. ಇನಾಖ್ಹಾಜೆ ಮನ ಏಕ್‌ ರ‍್ಹವಾನ ಕೋಣಾನ ತಯಾರ್‌ಕರ್‌.
