20 ಪ್ರವಾದ್‌ನೇನ ಝಿಟ್ಕಾರೊ ನಕೊ.
ಅಂತಿಯೋಕ್ಯಮ ಥೂತೆ ಸಬೆಮ ಖ್ಹಾರು ಪ್ರವಾದಿಬಿ ಬೋಧಕರ್‌ಬಿ ಥೂ; ಇವ್ಣೆ ಕೋಣ್‌ಕತೊ, ಬಾರ್ನಬ, ನೀಗರ್‌ಕರಿ ಬೋಲೈಲಾವಳೊ ಸಿಮೆಯೋನ್‌, ಕುರೇನ್ಯನೊ ಲೂಕ್ಯ,ಹೆರೋದ ರಾಜ಼ನಿ ಜೋ಼ಡ್ಮ ಪಳ್ಯೊತೆ ಮೆನಹೇನ, ಅಜು಼ ಸೌಲ.
ಪೌಲನೆ ಇವ್ಣಪರ್ ಹಾತ್‍ಮ್ಹೇಲಾಮ ಪವಿತ್ರಾತ್ಮ ಇವ್ಣಪರ್ ಉತ್ರಿನ್ ಆಯೊ. ಇವ್ಣೆ ಕೈಏಕ್ ಥರಾನಿ ಬೋಲಿನಬೋಲಲಗ್ಯು, ಪ್ರವಾದ್‌ನೆಬೋಲ್ಯು.
ಸಬೇಮ ಇನ ಮುಡ್‌ಕ್ಯಾನ ಮೂಚಿಲೀನ್ ಪ್ರಾರ್ಥನೆ ರ‍್ಹವೊ ಪ್ರವಾದ್‌ನೆ ರ‍್ಹವೊ ಕರಾವಾಳೊ ಪರ್ಖ್ಹೊ, ಯೊ ಇನ ಮುಡ್‌ಕ್ಯಾನ ಖ್ಹರಮ್‌ ಕಾಡಿಲೇಸ್.
ಏಕ್ಜ಼ಣಾನ ಅದ್ಭುತ್ ಕಾಮ್‌ಕರಾನಿ ಶಕತ್‍ನಾಬಿ ಅಜೇಕ್ ಜ಼ಣಾನ ಪ್ರವಾದನೆನಾಬಿ, ಏಕ್ಜ಼ಣಾನ ಆತ್ಮಾನ ಸೋಚ್‌ಸಮಜ್‌ಕರಾನಿ ವರಾಬಿ, ಬಿಜೇಕ್‍ಜ಼ಣಾನ ಹರೇಕ್ ತರೀಖಾನಿ ಬೋಲಿ ಬೋಲಾನಿ ವರಾಬಿ, ಏಕ್ಜ಼ಣಾನ ಬೋಲಿನಿ ಮತಲಬ್‌ನ ಛೋ಼ಡಿನ್ ಬೋಲಾನಿ ವರಾಬಿ ದೇವಾವ್‌ಶೆ.
ದೇವ್ ಇನಿ ಸಬೆಮ ಪಹಿಲೆ ಅಪೊಸ್ತಲರ‍್ನ, ಬೇನು ಪ್ರವಾದಿಖ್ಹಾರನ, ತೀನ್ನು ಸಂದೇಶ್ ಶಿಕಾಡವಳನ ಮಿಛಾ಼ಣ್ಯೋಸ್. ಪಾಛ಼ಳ್‍ಥು ಅದ್ಭುತ್ ಕಾಮ್ನ ಕರಾವಾಳನ, ರೋಗ್ ಅಖ್ಖು ಅಛ್ಛು಼ ಕರವಾಳನ, ಅಲಕ್‌ನ ಮದತ್ ಕರವಾಳನ,ವಾಟ್‌ವತಾಳವಾಳನ, ಥರಥರಾನಿ ಬೋಲಿ ಬೋಲಾನಿ ವರಾನ ದೀರಾಖ್ಯೊಸ್.
ಮನ ಪ್ರವಾದನೆ ವರ ರ‍್ಹಯುತೋಬಿ, ಮೇ ಖ್ಹಾರುಸ್ ಗಪ್ಲಥ್ಥಿ ರ‍್ಹೆಯಿತೇಬಿ ಅಖ್ಖಿಥರಾನು ಪಢಂತ್‍ನ ಮಾಲುಮ್ ಕರಿರಾಖ್ಯೊತೋಬಿ, ಪಹಾಡ್ನ ಖ್ಹರ್ಕಾವಯೆತ್ರೆ ವಿಶ್ವಾಸ್ ರ‍್ಹೀತೊಬಿ ಮನ ಪ್ಯಾರ್ ನಾರ‍್ಹಯುತೊ, ಶಾತ್ಬಿ ನಾ ರ‍್ಹವಾಳೊ ಹುಯಿರೋಸ್.
ಅಪ್ಣೆ ಆಧು ಖ್ಹಮ್‌ಜಿನ್‌ ಆಧು ಪ್ರವಾದ್‌ನೆ ಕರೇಸ್.
ಪ್ಯಾರ್‌ನ ಮಾರಗ್‌ಪರ್ ಚಾ಼ಲೊ. ನಾಹುಯಿನ್ ಪವಿತ್ರಾತ್ಮನ ವರಖ್ಹಾರು ಲೀಲ್ಯಾವಾನ ವಿಶೇಷ್‌ಥಿ ಪ್ರವಾದ್‌ನೇನು ವರಾನ ಘಣು ಆಖ್ಹ್ ಕರೊ.
ಅನಖ್ಹಾಜೆಸ್ ಆ ವಾತೇನ ಝಿಟ್ಕಾರವಾಳು ಅದ್ಮಿನಾಸ್ ಕಾಹೆತೆ ಪವಿತ್ರಾತ್ಮನ ದಿದೋತೆ ದೇವ್‍ನಾಬಿ ಝಿಟ್ಕಾರವಾಳು ಹುಯಿರ‍್ಹೂಸ್.
ಪ್ಯಾರ್‌ನ ಅದ್ಮಿವೊ “ಅಪ್ಣಾಮ ಪವಿತ್ರಾತ್ಮ ಛಾ಼” ಕರಿ ಬೋಲಿಲ್ಯಾವಾಳ ಅಖ್ಖಾಸ್ನ ವಿಶ್ವಾಸ್ ನಾಕರ‍್ನು. ಯೊ ಹುಮ್ಮಖ್ಹ್‌ ದೇವ್‍ಥಿ ಆಯು ಕಿಶು ಕರಿ ತರೀಪ್‌ಶ ಕರಿನ್ ದೇಖೊ. ಶನಕತೊ ಜಗತ್‌ಮ ಕೆತ್ರುಕ್ಕಿ ಝೂ಼ಟು ದೇವ್ನಿ ಸಮಾಚಾರ್ ಬೋಲವಾಳು ಕಿಜ಼್ಜ ಕಿಜ್ಜಾ಼ಬಿ ಫೈಲೈಗು.
