17 ಹರ್‌ ವಖ್ಹತ್‌ಮ ಪ್ರಾರ್ಥನೆ ಕರೊ,
ತದೆ ಯೇಸುನೆ ಖಟು ನಾ ಖಾಣುತೆ, ಹಮೇಶ ಪ್ರಾರ್ಥನೆ ಕರ್ತುರ‍್ಹೇವ್ಣು ಕರಿ ವತಾಳಾನಟೇಕೆ, ಇನ ಶಿಷ್ಯರ್‌ನ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ.
ಇನಖ್ಹಾಜೇಸ್, ಖ್ಹಾರಿಸ್ ವಖ್ಹತ್‌ಮ ತೈಯಾರ್ ರ‍್ಹವೊ, ಚಾ಼ಲ್‌ಶೇತೆ ಆ ಖ್ಹಾರಾಮ ಬಚಿನ್, ಅದ್ಮಿನೊ ಛಿಯ್ಯಾನ ಖ್ಹಾಮ್ಣೆ ಭೀರ‍್ಯಾವನ ತುಮೆ ಶಕತ್‌ವಾಳ ಹುವಾನಟೇಕೆ, ಖ್ಹಾರಿಸ್ ವಖ್ಹತ್‌ಮ ದೇವ್ನ ಪ್ರಾರ್ಥನೆ ಕರ್ತಾಹುಯಿನ್ ಜ಼ತನ್‌ಥಿ ರ‍್ಹವೊ” ಕರಿ ಬೋಲ್ಯೊ.
ಕ್ರಿಸ್ತವಾಳು ಭರೋಖ್ಹಾನಿ ಮಹಾ ಇನಾಮ್ನ ಖ್ಹಯಾಲ್ ಕರೀನ್ ಖುಷಿಥಿರ‍್ಹವಾಳಾಬಿ, ಖ್ಹತಾಪ್ಣಿಮ ಖ್ಹಮಾಳಿಲ್ಯಾವಾಳಾಬಿ, ಅಖ್ಖಿ ವೇಳ್ಮ ಘಟ್‍ದಿಲ್‌ಥಿ ಪ್ರಾರ್ಥನೆ ಕರ್ತರ‍್ಹೇವೊ.
ತುಮೆ ಪವಿತ್ರಾತ್ಮಥಿ ಭರೈನ್ ಖ್ಹಾರಿ ವಖ್ಹತ್‌ಮ ಹರೇಕ್ ತರಿಕಾನಿ ಪ್ರಾರ್ಥನೆಥಿಬಿ ಬಿಂತೀನಿವ್ಹಾರ್ಥೀಬಿ ದೇವ್ನ ಪ್ರಾರ್ಥನೆ ಕರೊ. ಅನಾಮ ಏಕ್‌ ಖ್ಹಯಾಲ್‌ವಾಳು ಹುಯಿನ್ ದೇವ್ನ ಅದ್ಮಿ ಖ್ಹಾರಾನಿ ಬಾರೇಮ ಬಿಂತಿಕರ‍್ತಹುಯಿನ್ ಜ಼ತನ್‌ಥಿ ರ‍್ಹವೊ. ಅಖ್ಖಾಸ್ ಅದ್ಮಿನಖ್ಹಾಜೆ ಹಮೇಶ ಪ್ರಾರ್ಥನೆ ಕರಾನು ನಕೊ ಮ್ಹೇಲೊ.
ಹೊಷಾರ್‌ಥಿ ರ‍್ಹೀನ್ ಧನ್ಯವಾದ್‍ಕರಾವಾಳ ಹುಯಿರ‍್ಹಿನ್ ಕದೇಬಿ ಪ್ರಾರ್ಥನೆ ಕರ್ತರ‍್ಹೇವೊ.
ಖ್ಹಾರಸ್‌ನು ಖ್ಹರ್ತಿನು ಹಗಾಮ್ ಖನ್ನೆ ಹುಯಿರ‍್ಹುಸ್. ಅನಖ್ಹಾಜೇಥಿ ತುಮಾರು ತುಮೆ ದಾಬುಕ್ಮ ರ‍್ಹವಾಳ ಹುಯಿನ್ ಪ್ರಾರ್ಥನೆ ಕರಾನ ತಾಖತ್‍ವಾಳ ಹುಯಿ‍ರ‍್ಹೆವೊ.
