1 ಥೆಸ 5:15 - ದೇವ್ನಿ ಖ್ಹಾಚಿ ವಚನ್

¹⁵ ಕೋಣ್‌ಬಿ ಖರಾಬ್‌ನ ಬದಲ್ ಖರಾಬ್ ನಾ ಕರ್ನುತೆ ಇಮ್‌ ದೇಖಿಲೆವೊ. ಕತೋಬಿ ತುಮೆ ಏಕ್‌ಥಿಏಕ್ ಅಜು಼ ಹರೇಕ್ ಅದ್ಮಿನಾಬಿ ಅಛ಼್ಛುಕರೊ.

1 ಥೆಸ 5:15 ပူးပေါင်းရင်းမြစ်များ

ಮತ್ತಾಯ 5:39

ಕತೋಬಿ ಮೇ ತುಮೂನ ಬೋಲಾನು ಶಾತ್‍ಕತೊ, ಕೋಣ್‌ತೋಬಿ ತುನ ಖರಾಬ್ ಕರ‍್ಯುತೊ, ಯೋ ಅದ್ಮಿನ ಬದ್‌ಲಾ ನಕೊ ಲೀಶ್‌. ಕೋಣ್‌ತೋಬಿ ಏಕ್‌ಜ಼ಣು ತಾರ ಖಾವಕಲ್ಲಪರ್ ಮಾರ‍್ಯುತೊ, ಇನ ಬಿಜೇಕ್ ಕಲ್ಲು ವತಾಳ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:35

ಇನಖ್ಹಾಜೆ, ತುಮಾರ ದುಶ್‌ಮನ್ನ ಲಾಡ್‍ಪ್ರೀತ್ ಕರೊ ಅಜು಼ ಇವ್ಣುನ ಅಛ್ಛು಼ಕರೊ. ತುಮೆ ಇವ್ಣುನ ಉಧಾರ್ ದ್ಯವಾನಿ ವಖ್ಹತ್‌ಮ, ಫಾಛು಼ ಇವ್ಣೇಥಿ ಮಳ್‌ಶೆ ಕರಿ ಬೋಲಾನಿ ಆಖ್ಹ್‌ನ ಮ್ಹೆಂದಿನ್, ಉಧಾರ್ ದೆವೊ. ತದೆ ತುಮುನ ಘಣು ಇನಾಮ್ ಮಳ್‍ಶೆ ಅಜು಼ ತುಮೆ ಪರಮಂಡಲ್‌ನೊ ದೇವ್ನ ಲಡ್ಕಾಉಶು. ಯೋತೊ ಕರ್ಮಿಷ್ಟಿನಾಬಿ, ಖರಾಬ್‌ನಾಬಿ ಅಛ್ಛೊ಼ ಹುಯಿರ‍್ಹೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:28

ಕತೋಬಿ ಪೌಲನೆ ಊಚಿ ಆವಾಜ಼್‌ಥಿ ಚಿಕ್ರಿನ್ ಇನ; ತೂ ಶಾತ್ಬಿ ಲುಕ್ಷಾನ್‌ ನಕೊ ಕರಿಲಿಶ್‌. ಹಮೆ ಅಖ್ಖಾಸ್‍ಜ಼ಣ ಹಜ್ಜಾ಼ಸ್ ಛಿಯೆ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:9

ತುಮಾರಿ ಪ್ಯಾರ್ ಪಾಕ್‌ ದಿಲ್‌ಥಿ ರ‍್ಹವಾದೆ. ಖರಾಬ್‍ಕಾಮ್ನ ವಹೇರ್‌ಕರೀನ್, ಅಛ್ಛಾ಼ನ ಧರಿರಾಖೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:19

ಇನಖ್ಹಾಜೆ ಖೆವು ಅಪ್ಣುನ ಸಮಾಧಾನ್ನಾಬಿ ಏಕ್‌ಥಿಏಕ್ ಭಾಲ್ ದೆವಾಮ ಭಡಾವಮಾಬಿ ಅಗಾಡಿ ಚ಼ಲಾವಸ್ಕಿ ಇನಾಸ್ ಕರಿಯೆ.

1 ಕೊರಿಂಥ 14:1

ಪ್ಯಾರ್‌ನ ಮಾರಗ್‌ಪರ್ ಚಾ಼ಲೊ. ನಾಹುಯಿನ್ ಪವಿತ್ರಾತ್ಮನ ವರಖ್ಹಾರು ಲೀಲ್ಯಾವಾನ ವಿಶೇಷ್‌ಥಿ ಪ್ರವಾದ್‌ನೇನು ವರಾನ ಘಣು ಆಖ್ಹ್ ಕರೊ.

1 ಕೊರಿಂಥ 16:10

ಮಾರಿನಿತರ ತಿಮೊಥೆಬಿ ಪ್ರಭುನಿಸೇವೆ ಕರುಕರಸ್. ಯೋ ತುಮಾರಕನ ಆಯೋತೊ ಶನೂಬಿ ಡರಕೊಂತೆ ರ‍್ಹಾವನಿತರ ದೇಖಿಲೇವೊ.

1 ಕೊರಿಂಥ 6:7

ಖ್ಹಾಚಮಾಬಿ ತುಮಾರಮ ಛಾ಼ತೆ ಖೋಟ್ನು ವಿವಾದ್ ರ‍್ಹಿಯುತೊ ತುಮೆ ಹರಿಗಾಕರಿ ಅಸ್‌ ಖ್ಹಣೇದ್ ಹುಯಿರ‍್ಹುಸ್. ಇನೇಥಿಬಿ ಶನ ಗಲ್ತಿನ ಖ್ಹಮಾಳ್‌ಣು ನಾ? ಠಗಾವಮ ಶನ ಖ್ಹಮಾಳ್‌ಣು ನಾ?

ಗಲಾತ್ಯ 6:10

ಇನಖ್ಹಾಜೆ ವಖ್ಹತ್ ರ‍್ಹವಾನಿಸ್ ವಖ್ಹ್‌ತೆ ಅಖ್ಖಾನ ಅಛ಼್ಛು ಕರಿಯೆ. ವಿಶೇಷ್‌ಥಿ ಎಕ್ಕಸ್ ಘರ್‌ವಾಳನಿತರ ವಿಶ್ವಾಸಿ ಭೈಯೇನ ಕರಿಯೆ.

ಎಫೆಸ 5:15

ಇನಖ್ಹಾಜೆ ತುಮೆ ಚಾ಼ಲ್ ಚ಼ಲಣ್ಣಿ ಬಾರೇಮ ಹೊಷಾರ್‌ಥಿ ರ‍್ಹವೊ. ಬಿಣ್‍ಅಕ್ಲಿ ನಾ ಹುಯಿರ‍್ಹೇಣುತೆ ಅಕ್ಲಿ ಹುಯಿನ್ ಜಿವೊ.

ಎಫೆಸ 5:33

ಯೊ ತುಮುನಾಬಿ ಹುವಾಸ್, ತುಮಾರಮ ಹರೇಕ್ ಬಾವ್ರಿ ಇನುಯೋ ಪ್ಯಾರ್ ಕರಾನಿತರಸ್ ಇವ್ಣಿ ಬಾವ್ಣೆನ ಪ್ಯಾರ್ ಕರ‍್ನು. ಅಖ್ಖಿ ಬಾವಣ್‍ ಇವ್ಣ ಬಾವ್ರಿಯೇನ ಇಜ಼್ಜಥ್ಥಿ ಚಾ಼ಲಿಲೇವ್ಣು.

1 ಥೆಸ 2:12

ಇನಿ ರಾಜ್ಯ ಅಜು಼ ಮಹಿಮೆಮ ವಾಟೊಲ್ಯವಾನಖ್ಹಾಜೆ ಬುಲೈರಾಖ್ಯೊಸ್ತೆ ದೇವ್ನಖ್ಹಾಮ್ಣೆ ಬರೋಬರ್‌ಥಿ ಜಿವ್ಣು ಕರ‍್ನುಕರಿ ಬೋಲಿದಿದಾ. ಆ ಅಖ್ಖು ತುಮುನ ಮಾಲುಮ್.

1 ಥೆಸ 5:21

ಅಖ್ಖಾಸ್ನ ತರೀಪ್‌ಶ ಕರಿನ್, ಅಛ್ಛಾ಼ನ ಘಟ್ ಧರಿಲೆವೊ.

1 ತಿಮೊ 6:11

ಕತೋಬಿ ದೇವ್‌ನು ಅದ್ಮಿ ಹುಯಿರ‍್ಹೋತೆ ತೂತೊ, ಆ ಖ್ಹಾರೇಥಿ ದೂರ್ ರ‍್ಹೇ. ನೀತಿಮ, ಭಕ್ತಿಮ, ವಿಶ್ವಾಸ್‌ಮ, ಪ್ಯಾರ್‌ಮ, ಖ್ಹಮಾಳಾಮ ಅಜು಼ ಚಾ಼ಲ್ಚ಼ಲಣ್‌ಮ ಅಛ್ಛೊ಼ ರ‍್ಹವಾನಟೇಕೆ ಅಖ್ಖಾ ಮನ್‌ಥಿ ಕೋಶಿಶ್ ಕರ್‌.

2 ತಿಮೊ 2:24

ಪ್ರಭುನೊ ಸೇವಕ್ ಲಗಾತ್‌ ನಾಸ್ ಕರ‍್ನು. ಯೋ ಹರೇಕ್‌ನ ಗೋರ್‌ ಕರಾವಾಳೊ ಹುಯಿರ‍್ಹೇಣು, ವಚನ್ ಬೋಲಿದ್ಯವಾಮ ಚಾ಼ತುರ್ ಹುಯಿರ‍್ಹೇಣು ಅಜು಼ ಖ್ಹಮಾಳಿಲ್ಯವಾಳೊ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:2

ಇವ್ಣುನ ಬೋಲ್, ಇವ್ಣೆ ಕಿನಿ ಬಾರೇಮಾಬಿ ದೂಷಣೆ ನಾ ಬೋಲ್‌ನು, ಕತೋಬಿ ಕಿನ ಜೋ಼ಡೇಬಿ ಸಮಾಧಾನ್‌ಥಿ, ದೋಸ್ತಿಥಿ ಅಜು಼ ತಮಾಮ್‌ನ ಜೋ಼ಡೆ ಶೇದೇವ್‌ನಿ ಮತ್‌ರ‍್ಹೇಣು.

ಇಬ್ರಿ 12:14

ಅಖ್ಖಾನಿ ಜೋ಼ಡ್ಮ ಸಮಾಧಾನ್‌ಥೀಬಿ ಜಿವ್ಣುಕರಾನ ಅಜು಼ ಸಮಾಧಾನ್‌ಥಿ ರ‍್ಹವಾನ ಕೋಶಿಶ್ ಕರೊ. ಪರಿಶುದ್ಧಕೊಂತೆ ಕೋಣ್‌ಬಿ ಪ್ರಭುನ ದೇಖಾನ ಕೊಹೊಯ್ನಿ.

1 ಪೇತ್ರ 1:22

ತುಮೆ ಖ್ಹಾಚ ಉಪದೇಶ್‍ನ ವಿಧೇಯ ಹುಯಿರ‍್ಹಿನ್ ತುಮಾರ ಆತ್ಮಾನ ಪಾಕ್‍ ಕರಿಲಿದಾತೆ ಇನಾಖ್ಹಾಜೆ ಪಾಕ್‌ಮನ್‌ಥಿ ಭೈಯೆಭೇನೆನಿ ಪ್ಯಾರ್‌ವಾಳ ಹುಯಿರ‍್ಹೇವ್ಣು. ಅಮ್‍ರ‍್ಹವಾಪರ್, ಏಕ್‌ಥಿಏಕ್ ಪಾಕ್‍ದಿಲ್‍ಥೀಬಿ, ಛು಼ಟ ದಿಲ್‌ಥಿ ಪ್ಯಾರ್‌ಕರೊ.

1 ಪೇತ್ರ 2:17

ಖ್ಹಾರಸ್ನ ಮರ್ಯಾದಿ ಕರೊ ವಿಶ್ವಾಸಿ ಭೇನೆ ಭೈಯೇವೊನ ಪ್ಯಾರ್‌ಕರೊ. ದೇವ್ನ ಡರೊ. ಅಜು಼ ರಾಜಾ಼ನಬಿ ಮರ್ಯಾದಿ ದೆವೊ.

1 ಪೇತ್ರ 3:9

ಖರಾಬ್‌ನ ಖರಾಬ್, ಚಾ಼ವ್‍ಣ್ಯನ ಚಾ಼ವ್‌ಣ್ಯ ನಾಕರ‍್ನುತೆ ಆಶೀರ್ವಾದ್‌ ಕರೊ ಅನಖ್ಹಾಜೆಸ್ ದೇವ್ನೆ ತುಮುನ ಬುಲೈರಾಖ್ಯೋಸ್ನಿ. ಅಮ್ ಕರಾವಾಳ ಹುಯಿರ‍್ಹಾತೊ ತುಮೆ ಆಶೀರ್ವಾದ್‌ನ ಹಕ್‌ಥಿ ಲೀಲಿಶು.

3 ಯೋಹಾ 1:11

ಮಾರ ಪ್ಯಾರ್‌ನೊ ಭೈ ತು ಖರಾಬ್ ಚಾ಼ಲ್ ನಾ ಚಾ಼ಲ್ನುತೆ, ಅಛ್ಛಿ ಚಾ಼ಲ್‍ಚ಼ಲಣ್‍ ಚಾ಼ಲವಾಳೊ ಹುಯಿರ‍್ಹೆ; ಅಛ್ಛಾ಼ನ ಕರಾವಾಳೊ ದೇವ್‌ಭಣಿವಾಳೊ ಹುಯಿರೋಸ್. ಖರಾಬ್‌ನ ಕರಾವಾಳೊ ಕದೇಬಿ ದೇವ್ನ ದೇಖ್ಯೊಕೊಯ್ನಿ.

ಪ್ರಕಾಶಿತ್ 19:10

ತದೆ ಮೇ ಇನ ಆರಾದನೆ ಕರ್ನುಕರಿ ಇನ ಪಗ್‍ಪರ್ ಅಡ್‌ಪಡ್ಯೊ. ಕತೋಬಿ ದೇವ್ನ ದೂತಾನೆ, ಮನ ಅಮ್ ಆರಾದನೆ ನಕೊಕರ್. ಯೇಸುನ ಖ್ಹಾಚ಼ನ ಲೀರಾಖ್ಯಾಸ್ತೆ ತಾರಿನಿತರಾಬಿ ತಾರ ಭೈಯೇನಿತರಬಿ ಮೇಬಿ ಏಕ್‌ ಚಾ಼ಕ್ರಿವಾಳೊ. ಇನಖ್ಹಾಜೆ ದೇವ್ನ ಆರಾದನೆಕರ್, ಯೇಸುನಿ ಸಾಕ್ಷಿಸ್‌ ಪ್ರವಾದನೆನು ಆತ್ಮಕರಿ ಬೋಲ್ಯೊ.

ಪ್ರಕಾಶಿತ್ 22:9

ಕತೋಬಿ ಯೋ ದೇವ್ನದೂತನೆ, “ಮನ ಖ್ಹಲಾಮ್ ನಕೊಕರ್. ಮೇಬಿ ತಾರಿನಿತರಾಸ್ ಆ ಪುಸ್ತಕ್‌ಮ ಛಾ಼ತೆ ಅಖ್ಖಿ ವಚನ್ನ ಪಾಡಿ ಚಾ಼ಲ್ಯಹುಯ ಅದ್ಮಿನಿತರಸ್. ಅಜು಼ ತಾರ ಭೈಯೇ ಹುಯಿರ‍್ಹಾತೆ ಪ್ರವಾದಿನಿ ಘೋಣಿ ಮೇಬಿ ಖಲಿ ಏಕ್‌ ಸೇವಕ್ ಹುಯಿರ‍್ಹೊಸ್. ತೂ ದೇವ್ನ ಖ್ಹಲಾಮ್ ಕರ್‌” ಕರಿ ಬೋಲ್ಯೊ.