1 ಥೆಸ 5:12 - ದೇವ್ನಿ ಖ್ಹಾಚಿ ವಚನ್

¹² ಮಾರ ಭೈಯೆ ಭೇನೇವೊ ಕ್ರಿಸ್ತಮ ಮೆ ತುಮುನ ಬಿಂತಿ ಕರುಸ್, ಖಿವು ಅದ್ಮಿ ಪ್ರಭುನ ಕಾಮ್ಮ ತುಮಾರಖ್ಹಾಜೆ ಮ್ಹಿನತ್ ಕರವಾಳು ಹುಯಿನ್ ತುಮೂನ ಅಕ್ಕಲ್ ಬೋಲಸ್ಕಿ,

1 ಥೆಸ 5:12 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:7

ಯೋಸ್ ಘರ್‌ಮ ರ‍್ಹವಾಕರೊ, ಇವ್ಣೆ ಶಾತ್‌ ದೇಸ್ಕಿ ಯೋ ಖಾವೊ, ಪೀಯೊ. ಕಾಮ್ ಕರಾವಾಳ ಆಳ್‌ ಕೂಲಿನ ಲ್ಹಾಯೇಕ್ ಎತ್ರೇಸ್. ಇನಖ್ಹಾಜೆ ಏಕ್‌ ಘರ್‌ನ ಮ್ಹೆಂದಿನ್ ಬಿಜೇಕ್ ಘರ್‌ಮ ಜೈ಼ನ್ ನಕೊ ರ‍್ಹವೊ.

ಯೋಹಾನ 4:38

ತುಮೆ ಮ್ಹಿನತ್ ಕರ‍್ಯಾಕೊಂತೆ ಅನಾಜ಼್‌ನ ವ್ಹಾಡಾನಟೇಕೆ ಮೇ ತುಮೂನ ಮೋಕ್‌ಲ್ಯೊ; ಬಿಜಾ಼ನೆ ಮ್ಹಿನತ್ ಕರ‍್ಯು, ಇವ್ಣಿ ಮ್ಹಿನಥ್ಥಿ ತುಮೂನ ಫಾಯಿದೊ ಮಳ್ಯು” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:28

ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:35

ಅಖ್ಖೀಸ್ ಬಾರೇಮ ಮೇಸ್ ತುಮೂನ ಚಾ಼ಲಿನ್ ವತಾಳಿರಾಖ್ಯೊಸ್. ತುಮೇಬಿ ಇಮ್ಮಸ್ ಮ್ಹಿನತ್‌ಕರಿನ್ ತಾಖತ್‌ಕೊಂತೆ ಇವ್ಣುನ ಮದತ್ ಕರ‍್ನು ಅಜು಼ ಲ್ಯಾವಥೀಬಿ ದೇವಾಮ ಘಣು ವಾರ್‌ಖ್ಹೊ ಛಾ಼ಕರಿ ಪ್ರಭು ಹುಯಿರ‍್ಹೋತೆ ಯೇಸುನಿ ವಾತೆನ ಅಪ್ಣೆ ಖ್ಹಯಾಲ್ಮ ರಾಖೊಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:12

ಪ್ರಭುನಿ ಸೇವೆಮ ಮ್ಹಿನತ್‍ಕರವಾಳಿಯೇ ಹುಯಿರ‍್ಹಿಯೇತೆ ತ್ರುಫೈನನಾಬಿ, ತ್ರುಫೋಸನಾಬಿ ಮಾರಿ ಖ್ಹಲಾಮ್. ಪ್ರಭುಮ ಘಣು ವದೇಖ್ಹ್‌ಕರೀನ್ ಮ್ಹಿನತ್ ಕರಿರಾಖಿತೆ ಪ್ಯಾರ್‌ನಿ ಪೆರ್ಸೀಸನ ಮಾರಿ ಖ್ಹಲಾಮ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:6

ತುಮಾರಖ್ಹಾಜೆ ಘಣು ವಾಖ್ಯೊ ಪಡೀತೆ ಮರಿಯನ ಮಾರಿ ಖ್ಹಲಾಮ್.

1 ಕೊರಿಂಥ 12:28

ದೇವ್ ಇನಿ ಸಬೆಮ ಪಹಿಲೆ ಅಪೊಸ್ತಲರ‍್ನ, ಬೇನು ಪ್ರವಾದಿಖ್ಹಾರನ, ತೀನ್ನು ಸಂದೇಶ್ ಶಿಕಾಡವಳನ ಮಿಛಾ಼ಣ್ಯೋಸ್. ಪಾಛ಼ಳ್‍ಥು ಅದ್ಭುತ್‌ ಕಾಮ್ನ ಕರಾವಾಳನ, ರೋಗ್ ಅಖ್ಖು ಅಛ್ಛು಼ ಕರವಾಳನ, ಅಲಕ್‌ನ ಮದತ್ ಕರವಾಳನ,ವಾಟ್‌ವತಾಳವಾಳನ, ಥರಥರಾನಿ ಬೋಲಿ ಬೋಲಾನಿ ವರಾನ ದೀರಾಖ್ಯೊಸ್.

1 ಕೊರಿಂಥ 15:10

ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು.

1 ಕೊರಿಂಥ 16:16

ತುಮೆ ಅಥ್ರನವಾಳನಾಬಿ ಚಾ಼ಕ್ರಿಕರಾವಾಳ ಹರೇಕ್‍ನಾಬಿ, ಪೀಠೆಜಾ಼ವ್ಣುಕರಿ ತುಮೂನ ಗಿಂಗೈಲೆವುಸ್.

1 ಕೊರಿಂಥ 16:18

ಇವ್ಣೆ ಮಾರ ಆತ್ಮನಾಬಿ ತುಮಾರ ಆತ್ಮ ಅಖ್ಖಾನಾಬಿ ಛು಼ಟುಕರ‍್ಯ. ಅಥ್ರಾನ ಅದ್ಮಿನ ತುಮೆ ಖ್ಹಣೇದ್ ರಾಖೊ.

1 ಕೊರಿಂಥ 3:9

ಶನಕತೊ ಹಮೆ ದೇವ್ನಖ್ಹಾಜೆ ಜೋ಼ಡ್ಮಕಾಮ್‍ ಕರಾವಾಳ. ತುಮೆ ದೇವ್ನು ಖೇತರ್‌ ಹುಯಿರ‍್ಹಾಸ್. ದೇವ್ನು ಪ್ರಾರ್ಥನೇನಿ ಮಂದಿರ್‌ ಹುಯಿರ‍್ಹಾಸ್.

2 ಕೊರಿಂಥ 11:23

ಇವ್ಣೆ ಕ್ರಿಸ್ತನ ಸೇವಕರ್‌ಕಿಶು? ಇವ್ಣೇಥಿ ಜಾ಼ಖ್ಹತ್ ಮೇ ಸೇವೆ ಕರಾವಾಳೊ ಹುಯಿರೋಸ್. ಮೇ ಪಗ್‍ಲ್ಯಾನಿತರ ವಾತೆಬೋಲುಕರುಸ್, ಮೇ ಘಣು ಖ್ಹತಿರ‍್ಹೋಸ್ ಘಡಿಕೇಡೆ ಜೇಲ್‌ಮ ಘಲೈಲಿಧೋಥೊ. ಕಠಣ್ಣಿ ಪರಕ್ಮ ಮಾರ್‌ಖೈರಾಖ್ಯೋಸ್. ಕೈಯೇಕ್ ವಖ್ಹತ್ ಮರಣ್‍ಮ ಖ್ಹಪ್‍ಡಿಗಯೋಥೊ.

2 ಕೊರಿಂಥ 5:9

ದೇವ್ನ ಪಸಂದ್ ಕರಾವಾನೂಸ್ ಹಮೂನ ಛಾ಼ತೆ ಖ್ಹಯಾಲ್, ಹಮೆ ಹಮಾರ ಶರೀರ್‌ಮ ಹಜ್ಜಾ಼ ಜಿವಿರ‍್ಹಾವಾನಿ ವಖ್ಹತ್‍ಬಿ ಪ್ರಭುನಿ ಜೋ಼ಡ್ಮ ಹಿಜ್ಜಾ಼ ಜಿವಿರ‍್ಹಾವಾನಿ ವಖ್ಹತ್‍ಮಾಬಿ ದೇವ್ನ ಪಸಂದ್ ಕರಾವಾನೂಸ್ ಹಮಾರಿ ಹರಖ್ಹ್ ಹುಯಿರ‍್ಹೀಸ್.

2 ಕೊರಿಂಥ 6:1

ಹಮೆ ದೇವ್ನಿ ಜೋ಼ಡ್ಮ ಕಾಮ್ ಕರಾವಾಳ ಹುಯಿರ‍್ಹಾಸ್.ಇನಾಖ್ಹಾಜೆ ತುಮೂನ ಶಾತ್ ಬೋಲಿಲಿಯೇಸ್ ಕತೊ,ತುಮೆ ದೇವ್‍ಥಿ ಲೀರಾಖ್ಯಾತೆ ವಾರ್‌ಖ್ಹಾನ ಗುಮೈನಕೊಲಿಶು ಕರಿ ಗಿಂಗೈಲಿಯೇಸ್

ಗಲಾತ್ಯ 4:11

ಮೇ ತುಮಾರಖ್ಹಾಜೆ ಮ್ಹಿನತ್ ಕರ‍್ಯೊತೆ ಫಲ್‌ಕೊಂತೆ ಹುಯ್ಗುಕಿಶುಕಿ ಕರಿ ತುಮಾರಿ ಬಾರೇಮ ಡರ್‌ ಹುವಾಸ್.

ಫಿಲಿಪ್ಪಿ 2:16

ಅವ್ಣ ಮಹಿ ತುಮೆ ಹರೇಕ್‌ನಾಬಿ ಜಾನ್‌ರ‍್ಹವಾನು ವಚನ್ನ ವತಾಳವಾಳ ಹುಯಿರ‍್ಹಿನ್, ಜಗತ್‌ಮ ಝ಼ಮ್ಕಾನ ಶುಕ್ಕರ್‌ನಿಮತ್ ದೆಖಾವ್‌ಶು. ತುಮೆ ಅಮ್‍ಚಾ಼ಲ್ಯಾತೊ ಮಾರಿ ಸೇವೆ ಬಿಣ್‌ಫಾಯಿದಾನು ಕಾಹೆ, ಮೇ ವದೇಖ್ಹ್‌ ಪಡ್ಯೋತೆ ಫಾಯಿದೊಸ್‌ಕರಿ ಬೋಲಾನಿ ಖ್ಹರಾವ್ಣಿ ಕ್ರಿಸ್ತಾನ ದನ್ಮ ಮನಮಳ್‌ಷೆ.

ಫಿಲಿಪ್ಪಿ 2:19

ಕತೋಬಿ ಪ್ರಭು ಯೇಸುನಿ ಮರ್ಜಿ ಹುಯೂತೊ ಮೆ ತಿಮೊಥೆನ ಜ಼ಲ್ದೀಥಿ ತುಮಾರಕನ ಮೋಕಲ್ನುಕರಿ ಭರೋಖ್ಹೊ ಛಾ಼. ಇನೇಥಿ ತುಮಾರಿ ಬಾರೇನಿ ಸಮಾಚಾರ‍್ನ ಖ್ಹಮ್‌ಜಿನ್‌ ಮೆ ಭಾಲ್‌ ಹುಯಿಶ್.

ಕೊಲೊಸ್ಸೆ 1:29

ಮಾರಾಮ ಕಾಮ್‍ ಕರಾನಿ ದೇವ್ನಿ ಶಕಥ್ಥಿ ಅನಖ್ಹಾಜೆಸ್ ಮ್ಹಿನತ್ ಕರೀನ್ ಲಡೂಸ್.

1 ಥೆಸ 2:9

ಭೈ ಭೇನೊ ಹಮೆ ತುಮಾರಾಮ ಕಿನಾಪರ್‌ಬಿ ಭಾರೊ ನಾ ನಾಕ್ಣು ಕರಿ ರಾತ್-ದನ್ ಕಾಮ್ ಕರೀನ್, ಜಿವ್ಣು ಚ಼ಲಾವ್ತಹುಯಿನ್, ದೇವ್ನಿ ಸುವಾರ್ತೆನ ತುಮೂನ ಬೋಲಿವತಾಳ್ಯ, ಯೋ ಹಮಾರಿ ಲತಾಡಬಿ ಮ್ಹಿನತ್ ಖ್ಹಾರು ತುಮಾರಿ ಯಾದ್ಮ ರ‍್ಹವಾದೆ.

1 ಥೆಸ 4:1

ಖ್ಹರ್ತಿನಿ ವಾತ್ ಶಾತ್‌ಕತೊ, ಹಮಾರ ಭೈಯೇ ಭೇನೆವೊ ಯೇಸು ಪ್ರಭುನ ಅದಿಕಾರ್‌ಥಿ ತುಮೂನ ಶಾತ್ ಹುಕುಮ್ ದಿದಾಥ ಕರಿ ತುಮೂನ ಮಾಲುಮ್ ಛಾ಼. ತುಮೂನ ಬಿಜು಼ ಥೋಡಿ ವಾತೆ ಬೋಲಾನು ಛಾ಼.

1 ಥೆಸ 5:14

ಹಮಾರ ಭೈಯೆ ಭೇನೇವೊ, ಶೊಂಬೇರಿನ ಝೇತಾವೊ, ದಿಲ್ಮ ಹೇಬತ್ ರ‍್ಹವಾಳನ ಭಾಲಿದೇವೊ, ಕಮ್‌ಜೋ಼ರಿ ರ‍್ಹವಾಳನ ಆಧಾರ್ ರ‍್ಹವೊ, ಖ್ಹಾರಾನ ಜೋ಼ಡೆ ಘಣಿ ಸಮಾಧಾನ್‌ಥಿ ರ‍್ಹವೊ ಕರಿ ತುಮುನ ಉಪದೇಶ್ ಕರುಸ್.

1 ತಿಮೊ 5:1

ಬುಢಾ ಅದ್ಮಿನ ಗುರ್‌ಕಾವ್‍ನಕೋತೆ, ಇವ್ಣುನ ತಾರ ಬಾನಿಮತ್ ಕರಿ ಸೋಚೊ, ಜಾ಼ನ್ಜ಼ಮಾನ್ ಪರ್ಖ್ಹಾವ್‌ನ ಭೈಯೇನಿಘೋಣಿ ಇವ್ಣುನ ಅಕ್ಕಲ್ ಬೋಲಿಒತಾಳ್‌.

1 ತಿಮೊ 5:20

ಪಾಪ್ ಕರಾವಾಳನ ಖ್ಹಾರಾನ ಖ್ಹಾಮ್ಣೇಸ್ ಗುರ್‌ಕಾವ್, ಅನೇಥಿ ಬಿಜು಼ ಅದ್ಮಿ ಖ್ಹಾರುಬಿ ಡರ್‌ಶೆ.

2 ತಿಮೊ 2:6

ಪಿಕಾವಸ್ತೆ ಅನಾಜ಼್‌ಮ ಪಹಿಲು ಭಾಗ್‌ ಮ್ಹಿನತ್ ಕೋಣ್ ಕರಾಸ್ಕಿ ಇವ್ಣುನಸ್ ಜಾ಼ವ್ಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:3

ಅಜು಼ ಬರಾಬರ್‌ನಿ ವಖ್ಹತ್‌ಮ, ದೇವ್ನೆ ಇನಿ ಉಪದೇಶ್‍ನ ಪ್ರಕಟ್‌ಕರ‍್ಯೊ. ಅಜು಼ ಯೊ ಮನ ದೆವೈರ‍್ಹೂಥು. ಅಜು಼ ರಕ್ಷಣೆ ದ್ಯವಾನಿ ದೇವ್ನಿ ಹುಕುಮ್‌ನಿಮತ್ ಮೇ ಬೋಲಿರಖ್ಯೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:5

ತೂ ಕ್ರೇಟ್‌ಮ ಬಿಜೂ಼ಬಿ ಬರಾಬರ್‌ ಹುಯುಕೊಂತೆ ಕಾಮ್ನ ಖ್ಹಾರು ಬರಾಬರ್‌ ಕರಾನಖ್ಹಾಜೆಬಿ, ಅಜು಼ ಹರೇಕ್ ಖ್ಹಯೇರ್‌ಮ ಸಬೇನು ಶಾಣಾವ್ನ ನೇಮಕ್ ಕರ್ನುಕರಿ ಮೇ ತುನ ಹಿಜ಼್ಜಾಸ್ ಹುಕುಮ್ ದೀನ್ ಮ್ಹೆಂದಿನ್ ಆಯೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:15

ಆ ಖ್ಹಾರಿ ವಾತೆ ಶಿಕಾಡ್. ತಾರಿ ಅಖ್ಖೀಸ್ ಅದಿಕಾರ್‌ಥಿ ಇವ್ಣುನ ಭಾಲಿಬೋಲ್ ಅಜು಼ ಗುರ್‌ಕಾವ್ ಶನಕತೊ ಕೋಣ್‌ಬಿ ತುನ ‍ತಿರಸ್ಕಾರ್ ನಾ ಕರ್ನುತೆ ಇಮ್‌ ದೇಖಿಲೆ.

ಇಬ್ರಿ 13:17

ತುಮಾರು ಸಬೆನ ಮೋಟಾವ್ನಿ ವಾತೆನ ಖ್ಹಮ್‌ಜೊ಼, ಇವ್ಣ ದಾಬುಕ್ಮ ರ‍್ಹವೊ. ಇವ್ಣೆ ಗಣ್ತಿ ದೇವ್ಣುತೆ ಖ್ಹಾಜೇಥಿ ತುಮಾರ ಆತ್ಮವ್‌ನ ಕಾವ್ಲಿ ಕರಾವಾಳ ಹುಯಿರ‍್ಹಾಸ್. ಇವ್ಣೆ ದುಖ್ ನಾಕರ‍್ನುತೆ ಖ್ಹುಶಿಥಿ ಅನ ಕರಾನಿಘೋಣಿ ಚಾ಼ಲಿಲೆವೊ. ಶನಕತೊ ಇವ್ಣೆ ದಿಲ್‌ ದುಖ್‌ಕರೀನ್ ಕರಾನಿ ಸೇವೇಥಿ ತುಮುನ ಫಾಯಿದೊ ಹುವಾನುಕಾಹೆ.

ಇಬ್ರಿ 13:7

ತುನ ಕೋಣ್ ದೇವ್ನಿ ವಚನ್ನ ಭೋದನ್ ಕರಸ್ಕಿ ಯೊ ತುಮಾರ ಸಬೆನ ಮೋಟಾವ್ನ ಖ್ಹಯಾಲ್ ಕರಿಲೆವೊ. ಅಜು಼ ಜಿವ್ಣನ ಖ್ಹರ್ತಿಲಗು ಖಿವಿ ಪರಕ್ಮ ಚಾ಼ಲಿಲಿದುಕರಿ ಖ್ಹಯಾಲ್ ಕರೀನ್ ಇವ್ಣ ವಿಶ್ವಾಸ್ ಪಾಡಿಚಾ಼ಲೊ.

ಪ್ರಕಾಶಿತ್ 1:20

ಮಾರ ಖಾವಹಾತ್ಮ ತುನೆ ದೇಖ್ಯೊತೆ ಖ್ಹಾತ್ ತಾರವ್ನ ಅಜು಼ ಖ್ಹಾತ್ ಖ್ಹೊನ್ನಾನು ದಿವಳ್ಗಿನು ಖಂಬಾನು ಮತ್ಲಬ್ ಬೋಲಿವತಾಳುಸ್, ಯೋ ಖ್ಹಾತ್ ತಾರೊ ಕತೊ ಖ್ಹಾತ್ ಸಬೇನು ದೂತರ್, ಯೋ ಖ್ಹಾತ್ ದಿವಳ್ಗಿನು ಖಂಬಖ್ಹಾರು ಕತೊ ಯೋ ಖ್ಹಾತ್ ಸಬೆಖ್ಹಾರಿ ಹುಯಿರ‍್ಹೀಸ್.

ಪ್ರಕಾಶಿತ್ 2:12

ಪೆರ್ಗಮಾನು ಸಬೆನ ದೂತನ ಅಮ್‍ಲೀಕ್; ಬೇ ಮ್ಹೋಡಾನು ಚಾ಼ಲ್ತಿ ತಲ್ವಾರ್‌ನ ಧರಿರಾಖವಾಳೊ ಶಾತ್‌ ಬೋಲಾಸ್‍ಕತೊ,

ಪ್ರಕಾಶಿತ್ 2:18

ಥುವತೈರಾಮ ಛಾ಼ತೆ ಸಬೇನು ದೂತಾನ ಅಮ್‍ಲೀಕ್, ಆಗ್‍ನಿ ಝ಼ಲ್‌ಪಟ್‌ನಿತರನ ಡೋಳಾ, ಝ಼ಮ್ಕಾಸ್‌ತೆ ತಾಂಬಾನಿತರನೊ ಪಂಜ಼ ರ‍್ಹವಾಳೊ ದೇವ್‌ನೊ ಛಿಯ್ಯೊ ಶಾತ್‌ ಬೋಲಾಸ್‍ಕತೊ,

ಪ್ರಕಾಶಿತ್ 2:3

ತೂ ಧೀರ್‌ವಾಳೊ ಹುಯಿನ್ ಮಾರ ನಾಮ್ನಖ್ಹಾಜೆ ಖ್ಹತಾಪ್ಣಿನ ಖ್ಹಮಾಳಿನ್ ಲಡ್‌ಕ್ಯೊಕೊಂತೆ ಥೋತೆ ಮನಮಾಲುಮ್‌.

ಪ್ರಕಾಶಿತ್ 2:8

ಸ್ಮುರ್ನಮ ಛಾ಼ತೆ ಸಬೆನ ದೂತಾನ ಅಮ್‍ಲೀಕ್, ಶುರುವಾತ್‍ಬಿ ಖ್ಹರ್ತಿಬಿ ಹುಯಿರ‍್ಹಾವಳೊ, ಮರಿಜೈನ್ ಪಾಛೊ಼ ಜಿವ್ತೊ ಉಠೀನ್ ಆಯೊಹುಯೊ ಬೋಲಾಸ್ ಶಾತ್‌ಕತೊ

ಪ್ರಕಾಶಿತ್ 3:1

ಸಾರ್ದಿಸ್‌ಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ದೇವ್ನು ಖ್ಹಾತ್ ಆತ್ಮಾನ ಅಜು಼ ಖ್ಹಾತ್ ಶುಕ್ಕರ್‌ನ ಲೀರಾಖವಾಳು ಯೋ ಬೋಲಸ್ ಶಾತ್‌ಕತೊ, ತಾರು ಕಾಮ್‌ಖ್ಹಾರು ಮನ ಮಾಲುಮ್ ಛಾ಼. ಜಿವ್ತೊಕರಿ ನಾಮ್ ತುನ ರ‍್ಹಯುತೋಬಿ, ತೂ ಮರ‍್ಯೊಹುಯೊ ಹುಯಿರೊಸ್.

ಪ್ರಕಾಶಿತ್ 3:14

ಲವೊದಿಕೀಯಮ ಛಾ಼ತೆ ಸಬೆನ ದೂತನ ಲೀಕ್, ವಿಶ್ವಾಸ್ ಯೋಗ್ಯಬಿ, ಖ್ಹಾಚಿ ಸಾಕ್ಷಿಬಿ, ದೇವ್ನಿ ಬಣಾವಟ್ನ ರಾಜ಼ ಹುಯಿರೋತೆ ‘ಆಮೆನ್’ ಕರಿ ರ‍್ಹವಾಳೊ ಶಾತ್‌ ಬೋಲಸ್‍ಕತೊ,

ಪ್ರಕಾಶಿತ್ 3:7

ಫಿಲಿಡೇಲ್ಫಿಯಾಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ಪರಿಶುದ್ಧಬಿ, ಖ್ಹಾಚೊ಼ಹುಯಿರ‍್ಯವಾಳೊಬಿ, ದಾವೀದನು ಬೀಗಾನು ಕೀಲಿ ಲೀರಾಖವಾಳೋಬಿ, ಕಿನೇಥೀಬಿ ನಾ ಮೂಚ಼ನಹೋಣುತೆ ಇಮ್‌ ಕಾಡವಾಳೊ, ಖೆವಾಥೀಬಿ ಉಖ್ಡಾನ ನಾ ಹೋಣುತೆ ಇಮ್‌ ಮೂಚಾ಼ವಾಳೊ ಹುಯಿರೋತೆ ಶಾತ್‌ ಬೋಲಾಸ್‍ಕತೊ,