1 ಥೆಸ 2:3 - ದೇವ್ನಿ ಖ್ಹಾಚಿ ವಚನ್

³ ಹಮಾರಿ ಸಮಾಚಾರ್ ಹುಮ್ಮಖ್ಹ್‌ನು ಹುಯಿರ‍್ಹುಸ್. ಮೈಲುಬಿ ಕಾಹೆ, ಅಜು಼ ತುಮೂನ ಠಗಾವ಼್ಣು ಕರಿ ಕಾಹೆ.

1 ಥೆಸ 2:3 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:15

ಮೋಶೆನ ಧರ್ಮಶಾಸ್ತ್ರಕನ ಅಜು಼ ಪ್ರವಾದಿಖ್ಹಾರನ ದಪ್ತರ್‌ನ ಪಢೈ ಹುಯಿಜಾ಼ವಾದಿನ್ ಸಬಾಮಂದಿರ್‌ನೊ ಗಲ್‍ಢಖ್ಹಾರಾನೆ ಪೌಲ ಬಾರ್ನಬ, “ಭೈಯೇ ಭೇನೆವೊ, ಅದ್ಮಿಖ್ಹಾರಾನ ಮದತ್ ಹುವಾನಿತರ ಶಾತ್ತೋಬಿ ಭಾಲಿನಿವಾತೆ ಬೋಲ್ನುಕರಿ ಉಷೇತೊ ತುಮೆ ಬೋಲೊ” ಕರಿ ಇವ್ಣಕನ ಬೋಲಿ ಮೋಕ್‍ಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:36

ಅಮ್ನಿಸ್ ಪರಕ್ಮ ಸೈಪ್ರಸ್ ಗಾಮ್ಮ ಪೈದಹುಯೊತೆ ಲೇವಿ ಹುಯಿರೊಥೋತೆ ಯೋಸೇಫಕರಿ ಏಕ್‍ಜ಼ಣೊ ಥೊ. ಇನ ಅಪೊಸ್ತಲ್‌ಖ್ಹಾರು ಬಾರ್ನಬ ಕರಿ ಬೋಲ್ತುಥು. ಇಮ್‍ಕತೊ “ಏಕ್‌ನ ಭಾಲಿ ದ್ಯವವಾಳೊ” ಕರಿ ಅರ್ಥ.

2 ಕೊರಿಂಥ 11:13

ಎಥ್ರಾನು ಅದ್ಮಿಖ್ಹಾರು ಝೂ಼ಟುಅಪೊಸ್ತಲರ್, ಧೋಕಕರವವಾಳು, ಕ್ರಿಸ್ತನು ಅಪೊಸ್ತಲರ್‌ಕರಿ ವೇಷಬದ್ಲವವಾಳು ಹುಯಿರ‍್ಹೂಸ್.

2 ಕೊರಿಂಥ 2:17

ಕೈಏಕ್ ಜ಼ಣು ದೇವ್ನಿವಚನ್ನ ಮಿಲಾವಟ್ ಕರಿ ಬೇಪಾರ್ ಕರಾಸ್. ಹಮೆತೋಬಿ ಇಮ್‌ಕಾಹೆ ದೇವ್‌ಮ ರ‍್ಹೀನ್, ದೇವ್ನಖ್ಹಾಮ್ಣೆ ಕ್ರಿಸ್ತಯೇಸುನಿ ಗಳ್‌ಜೋ಼ಡ್ಮ ಬರೋಬರ್ ಖೀವೂಕಿ ತೀನಸ್ ಹಮೆ ಬೋಧನೆ ಕರೇಸ್.

2 ಕೊರಿಂಥ 4:2

ಗಪ್ಲತ್‍ನು ಬಿಜು಼ ಖ್ಹರಮ್‌ ಕಡೈಲ್ಯಾವಾನ ಖ್ಹಾರ ಮಾರಗ್‍ಥಿ ಹಮೆ ದೂರ್ ಹುಯಿರಾಸ್‍. ಬಿಜು಼ ಹಮೆ ಮಶ್ಲತ್ ಭಂದೈಯೇ಼ ಕೊಯ್ನಿ. ದೇವ್ನಿ ವಚನ್‍ಮ ಮಿಲಾವಟ್ ಕರಿಯೆಕೊಯ್ನಿ. ಹಮೆ ಖ್ಹಾಚ಼ನ ಛೋ಼ಡಿನ್ ಬೋಲ್ಯೆಸ್‍. ಹಮೆ ನೀತಿವಾಳಕರಿ ಹರೇಕ್ ಅದ್ಮಿನಿ ದಿಲ್ನಿಸಾಕ್ಷಿ ದೇವ್ನ ಖ್ಹಾಮ್ಣೆ ಮಾನಿಲ್ಯವಾನಿ ಪರಕ್ಮ ಚಾ಼ಲೆಯೇಸ್.

2 ಕೊರಿಂಥ 4:5

ಅಪ್ಣುನ ಅಪ್ಣೆಸ್ ಪ್ರಚಾರ್ ನಾಕರ‍್ನುತೆ ಅಪ್ಣುನ ಯೇಸುನ ಖ್ಹಾಜೆ ತುಮಾರ ದಾಸಕರಿ ಬೋಲಿನ್ ಕ್ರಿಸ್ತ ಯೇಸುನಾಸ್ ಪ್ರಭುಕರಿ ಬೋಲೆಸ್.

2 ಕೊರಿಂಥ 6:8

ಥೋಡು ಜ಼ಣು ಹಮೂನ ಸನ್ಮಾನ್‍ಕರಸ್, ಬಿಜು಼ ಥೋಡು ಜ಼ಣು ಹಮೂನ ಖ್ಹರಮ್‍ಕಾಡಸ್, ಥೋಡುಜ಼ಣು ಖ್ಹರಾವ್ಣಿಕಾಡಸ್ ಬಿಜು಼ಥೋಡು ಜ಼ಣು ಹಮಾರಿ ಬಾರೇಮ ಖರಾಬ್ ವಾತೆ ಬೋಲಾಸ್, ಥೋಡುಜ಼ಣು ಹಮೂನ ಝೂ಼ಟ ಕರಿ ಬೋಲಸ್, ಕತೋಬಿ ಹಮೆ ಖ್ಹಾಚಿಸ್ ಬೊಲಿಯೇಸ್.

2 ಕೊರಿಂಥ 7:2

ತುಮಾರ ದಿಲ್ಮ ಹಮೂನ ಝ಼ಗೊದೆವೋ; ಹಮೆ ತುಮಾರಮ ಕಿನಾಬಿ ಅನ್ಯಾಯ್‌ ಕರ‍್ಯಾಕೊಯ್ನಿ, ಕಿನಾಬಿ ಕೇಡ್ ಕರ‍್ಯಾಕೊಯ್ನಿ, ಕಿನಾಬಿ ಠಗಾಯಕೊಯ್ನಿ.

1 ಥೆಸ 2:11

ಬಾ ಇನ ಶೊಂತ್ ಲಡ್ಕಾನ ಜೋ಼ಡೆ ಕಿಮ್ ಚಾ಼ಲಿಲೇಸ್ಕಿ ಇಮ್ಮಸ್, ಹಮೆ ತುಮಾರ ಜೋ಼ಡೆ ಚಾ಼ಲಿಲಿದಾ.

1 ಥೆಸ 4:7

ದೇವ್ನೆ ಅಪ್ಣುನ ಮೈಲುಹುವಾನಖ್ಹಾಜೆ ಬುಲಾಯೊಕೊಯ್ನಿ, ಪರಿಶುದ್ ಜಿವ್ಣುಕರಾನಖ್ಹಾಜೆ ಬುಲಾಯೋತೆ.

2 ಥೆಸ 2:11

ಇನಖ್ಹಾಜೇಸ್ ದೇವ್ ಇವ್ಣುನ ಘಣಿ ಮೈಕಮ್ಮ ನಾಖಿನ್ ಇವ್ಣೆ ಯೋ ಝೂ಼ಟಿನ ನಂಬಾನಿಘೋಣಿ ಕರ್ಷೆ .

2 ಪೇತ್ರ 1:16

ಅಪ್ಣೊ ಪ್ರಭು ಯೇಸು ಕ್ರಿಸ್ತನಿ ಶಕತ್ನಿ ಬಾರೇಮ ಅಜು಼ ಯೋ ಆವ್‌ಶೇತೆ ಬಾರೇಮ ತುಮೂನ ಬೋಲಿವತಾಳಿ ರಾಖ್ಯಸ್‌. ಯೋ ಅದ್ಮಿಥಿ ಬೋಲೈಹುಯಿ ಖೇಣಿಯೇನಿ ಆಧಾರ್‌ಪರ್ ಬೋಲಿವತಾಳ್ಯಾತೆ ಕಾಹೆ ಯೋ ಕೆತ್ರ ಮಹಾನ್ ಕರಿ ಹಮೆ ಖ್ಹುದ್ ಹಮಾರ ಡೋಳೆಖ್ಹು ದೇಖಿರಾಖ್ಯಸ್.