1 ಥೆಸ 2:19 - ದೇವ್ನಿ ಖ್ಹಾಚಿ ವಚನ್

¹⁹ ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಆವಾನಿ ವಖ್ಹತ್‌ಮ, ಇನಖ್ಹಾಮ್ಣೆ ಹಮಾರಿ ಭರೋಖ್ಹೊ, ಲ್ಹಾಯಕ್, ಖ್ಹುಶಿ, ಅಜು಼ ಹಮೆ ಖ್ಹರಾವನಿ ಕಿರೀಟ್‌ಬಿ ಕೋಣ್? ತುಮೇಸ್ ಕಾಹೆಕಿ ಶು.

1 ಥೆಸ 2:19 ပူးပေါင်းရင်းမြစ်များ

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಮಾರ್ಕ 8:38

ವ್ಯಭಿಚಾರಣಿ ಘೋಣಿ ಛಾ಼ತೆ, ಆ ಪಾಪ್‍ಭರಿ ಪಿಳ್ಗಿಮ ಕೋಣ್‌ತೋಬಿ, ಮಾರಖ್ಹಾಜೆ ಅಜು಼ ಮೇ ಬೋಲಿಶಿಕಾಡುತೆ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಅದ್ಮಿನೊ ಛಿಯ್ಯೋಬಿ ಇನ ಬಾನಿ ಶಕತ್‌ಥೀಬಿ ಅಜು಼ ಉಜಾ಼ಖ್ಹ್‌ಥಿ ಭರೈನ್, ಅದಿಕಾರ್‌ಥಿ ಪವಿತ್ರ ದೇವ್‌ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಅದ್ಮಿನಿ ಬಾರೇಮ ಖ್ಹರ್‌ಮಾವ್‌ಶೆ” ಕರಿ ಬೋಲ್ಯೊ.

ಯೋಹಾನ 21:22

ಯೇಸುನೆ ಇನ, “ಮೇ ಆವಾತೋಡಿ, ಆ ಜಿವ್ತೊ ರ‍್ಹೇವ್ಣುಕರಿ ಮನ ಮನ್ ರ‍್ಹಯೂತೊ, ಇನೇಥಿ ತುನ ಶಾತ್‌? ತೂ ಮಾರ ಪೀಠೆ ಆವ್” ಕರಿ ಜವಾಬ್‌ ದಿದೊ.

1 ಕೊರಿಂಥ 15:23

ಕತೋಬಿ ಕ್ರಿಸ್ತ ಖ್ಹಾರೇಥಿ ಪಹಿಲೆ ಇನಪಾರ್ ಕ್ರಿಸ್ತ ಆವಾನಿ ವಖ್ಹ್‌ತೆ ಇನು ಅದ್ಮಿಖ್ಹಾರು ಏಕ್‌ನ ಕೇಡೆಥು ಏಕ್‌ ಬರೋಬರ್‌ನಿ ಪರಕ್ಮ ಉಠೀನ್ ಆವ್‌ಶೆ.

1 ಕೊರಿಂಥ 4:5

ಅನಖ್ಹಾಜೆ ಕಬ್ಲಗು ಪ್ರಭು ಕೊ ಆವಾನಿಕಿ ಯೊ ವಖ್ಹತ್‌ನ ಅಗ್ಗಳಸ್ ಶನುಬಾರೇಮಾಬಿ ನ್ಯಾವ್‌ನು ತೀರ್ಪ್ ನಕೊಕರ್ಷು; ಇನೆ ಅಂಧಾರಮಾನು ಲಪಿಹುಯು ಕಾಮ್‌ಖ್ಹಾರು ಉಜಾ಼ಳಾಮ ಲೀನ್‌ ಆವ್‌ಶೆ. ಅದ್ಮಿನಿ ದಿಲ್ನಿಖ್ಹಾರಿ ಸೋಚ್ನ ಭಾರ್‌ ಕಾಡ್‌ಶೆ. ತದೆ ಹರೇಕ್‍ಜ಼ಣಾನ ಆವ್ಣುತೆ ಖ್ಹರಾವ್ಣಿ ದೇವ್‍ಥೀಸ್‍ ಮಳ್‌ಶೆ.

2 ಕೊರಿಂಥ 1:14

ತುಮೆ ಪಹಿಲೇಸ್ ಹಮೂನ ಮಾಲುಮ್ ಕರಿರಾಖ್ಯಸ್. ಹಮೆ ಪ್ರಭು ಯೇಸುಮ ಕಂಡಿಚ಼ಡೈಲ್ಯವಾನ ಕಾರಣ್ ಹುಯಿರ‍್ಹಿಯೇಸ್. ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತ ಪಾಛೊ಼ ಆವಾನ ದನ್ಮ ತುಮೆ ಹಮಾರಿ ಭರೋಖ್ಹಾಮ ಛಾ಼ತೆ ತಿಮ್ ಹಮೆ ತುಮಾರಿ ಭರೋಖ್ಹಾಮ ರ‍್ಹಿಶುಕರಿ ತುಮೆ ಮಾನಿಲೇವೊಸ್.

ಫಿಲಿಪ್ಪಿ 2:16

ಅವ್ಣ ಮಹಿ ತುಮೆ ಹರೇಕ್‌ನಾಬಿ ಜಾನ್‌ರ‍್ಹವಾನು ವಚನ್ನ ವತಾಳವಾಳ ಹುಯಿರ‍್ಹಿನ್, ಜಗತ್‌ಮ ಝ಼ಮ್ಕಾನ ಶುಕ್ಕರ್‌ನಿಮತ್ ದೆಖಾವ್‌ಶು. ತುಮೆ ಅಮ್‍ಚಾ಼ಲ್ಯಾತೊ ಮಾರಿ ಸೇವೆ ಬಿಣ್‌ಫಾಯಿದಾನು ಕಾಹೆ, ಮೇ ವದೇಖ್ಹ್‌ ಪಡ್ಯೋತೆ ಫಾಯಿದೊಸ್‌ಕರಿ ಬೋಲಾನಿ ಖ್ಹರಾವ್ಣಿ ಕ್ರಿಸ್ತಾನ ದನ್ಮ ಮನಮಳ್‌ಷೆ.

ಫಿಲಿಪ್ಪಿ 4:1

ಅಮ್‌ರ‍್ಹವಾಪರ್, ಮಾರ ಪ್ಯಾರ್‌ನ ಭೇನೆ ಭೈಯೇವೊ ಅಜು಼ ಸಾಥಿವೊ, ಮನ ಶಂತೋಖ್ಹ್‌ಬಿ ಕಿರೀಟ್‌ಬಿ ಹುಯಿರ‍್ಹವವಾಳವೊ, ಮೇ ಬೋಲಾನಿತರ ಪ್ರಭುಮ ಘಟ್‍ಥಿ ಭೀರ‍್ಹೆವೊ.

1 ಥೆಸ 2:20

ಖ್ಹಾಚಮಾಬಿ ತುಮೇಸ್ ಹಮಾರಿ ಇಜ಼್ಜತ್‌ಬಿ, ಖ್ಹುಶಿಬಿ ಹುಯಿರ‍್ಹಾಸ್‌.

1 ಥೆಸ 3:13

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ಇನು ಪರಿಶುದ್ದ ಪರಿವಾರ್‌ನಿ ಖ್ಹಮೇದ್ ಆವಾನಿ ವಖ್ಹತ್‌ಮ, ಬಾ ದೇವ್ನ ಖ್ಹಾಮ್ಣೆ ತುಮೆ ಪವಿತ್ರಥಿ ಅಜು಼ ಗಲ್ತಿಕೊಂತೆ ಇಮ್‌ ರ‍್ಹವಾನಿಮತ್ ತುಮಾರ ದಿಲ್ನ ಖ್ಹಾರು ಘಟ್ ಕರಾದೆ.

1 ಥೆಸ 4:15

ಹಮ್ಕೆ ಹಮೆ ಶಿಕಾಡುಕರೇತೆ ಆ ವಾತೆ ಪ್ರಭೂನೀಸ್ ಉಪದೇಶ್ ಹುಯಿರ‍್ಹೀಸ್. ಪ್ರಭು ಪಾಛೊ಼ ಆವ್‌ಶೇತೆ ವಖ್ಹತ್‌ಮ, ಜಿವ್ತಾ ಛಿಯ್ಯೇತೆ ಅಪ್ಣೆ ಮರಿಗಯೂತೆ ಇವ್ಣೇಥಿ ಪಹಿಲೆ ಕೋ ಜಾ಼ಶುನಿ.

1 ಥೆಸ 5:23

ಶಾಂತಿ ದೆವಾಳೊ ದೇವಸ್ ತುಮೂನ ಪೂರಿ ತರಿಕಾಥಿ ಪವಿತ್ರ ಕರಾದೆ. ತುಮಾರು ಆತ್ಮ, ಜಾನ್‌ ಅಜು಼ ಶರೀರ್ ಖ್ಹಾರು ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ದೆಖಾವಾನಿ ವಖ್ಹತ್‌ಲಗು ಪೂರ ದೋಷ್‌ಕೊಂತೆ ರಾಖಿಮ್ಹೇಲೊ.

2 ಥೆಸ 1:4

ಶನಕತೊ ತುಮೆ ಖ್ಹಮಾಳಮಾಬಿ ಖ್ಹತಾಪ್ಣಿಮಾಬಿ ತುಮಾರಮ ದೆಖಾಯುತೆ ವಿಶ್ವಾಸ್ನಖ್ಹಾಜೆಥಿ ದೇವ್ನಿ ಅದ್ಮಿನಿ ಸಬೇಮ ಕಮ್‌ಠೋಕಿ ವಾತೆ ಬೋಲಿಯೇಸ್.

2 ಥೆಸ 1:7

ಅಜು಼ ವಾಖ್ಯೊ ಛಾ಼ತೆ ತುಮುನಾಬಿ ಹಮೂನ ಪರಿಹಾರ್ ಕರ್ಶೆ. ಪ್ರಭು ಹುಯಿರ‍್ಹೋತೆ ಯೇಸು ಮಹಾ ಶಕತ್‌ವಾಳೊ ದೇವ್‌ದೂತರ್‌ನ ಜೋ಼ಡೆ ಸೊರ್ಗಥೊ ದೆಖಾವಾನಿ ವಖ್ಹತ್‌ಮ, ಇನ ಸಮಾಧಾನ್ ದಿಶೆ.

2 ಥೆಸ 2:1

ಭೈಯೆ ಭೇನೊ, ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ಆವಾನಿ ಬಾರೇಮ ಅಜು಼ ಅಪ್ಣೆ ಖ್ಹಾರು ಎಕ್ಟು ಹುಯಿನ್ ಇನ ಮಳಾನಿ ಬಾರೇಮ ತುಮೂನ ಬೋಲಿಲಿಯೇಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13

ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಯಾಕೋಬ 5:7

ಭೇನೆ ಭೈಯೇವೊ, ಪ್ರಭು ಆವಾಲಗು ಖ್ಹಮಾಳಿರ‍್ಹವೊ. ಪಿಕಾವವಾಳಾನ ದೇಖೊ, ಯೋ ಜ಼ಮೀನ್ನು ಮೋಲ್ನ ಜಾ಼ವಾನು ಫಲ್ನಖ್ಹಾಜೆ ಟಿವೈರ‍್ಹೀನ್ ಮುಂಗಾರ‍್ನೊ. ಹಿಂಗಾರ‍್ನೊ ಪಾಣಿಅಖ್ಖು ಆವಾಲಗು ಖ್ಹಮಾಳಿನ್ ರ‍್ಹೇಸ್.

ಯಾಕೋಬ 5:8

ತುಮೇಬಿ ಖ್ಹಮಾಳಿರ‍್ಹವೊ, ತುಮಾರ ದಿಲ್ನ ಘಟ್‍ಕರಿಲೆವೊ. ಶನಕತೊ ಪ್ರಭು ಆವಾನದನ್‍ ಖನ್ನೆ ಹುಯಿಗು.

1 ಪೇತ್ರ 5:4

ಮೋಟೊ ಕುರುಬ ದೆಖಾವನಿ ವಖ್ಹ್‌ತೆ ತುಮೆ ಕದೇಬಿ ಮಹಿಮೆನಿ ಕಿರೀಟ್ನ ಲೀಲಿಶು.

2 ಪೇತ್ರ 1:16

ಅಪ್ಣೊ ಪ್ರಭು ಯೇಸು ಕ್ರಿಸ್ತನಿ ಶಕತ್ನಿ ಬಾರೇಮ ಅಜು಼ ಯೋ ಆವ್‌ಶೇತೆ ಬಾರೇಮ ತುಮೂನ ಬೋಲಿವತಾಳಿ ರಾಖ್ಯಸ್‌. ಯೋ ಅದ್ಮಿಥಿ ಬೋಲೈಹುಯಿ ಖೇಣಿಯೇನಿ ಆಧಾರ್‌ಪರ್ ಬೋಲಿವತಾಳ್ಯಾತೆ ಕಾಹೆ ಯೋ ಕೆತ್ರ ಮಹಾನ್ ಕರಿ ಹಮೆ ಖ್ಹುದ್ ಹಮಾರ ಡೋಳೆಖ್ಹು ದೇಖಿರಾಖ್ಯಸ್.

2 ಪೇತ್ರ 3:4

“ಯೋ ಫಾಚೊ಼ಫರಿನ್ ಆವ್‌ಶೆ ಕರಿ ಬೋಲಾನು ವಾಗ್ದಾನ್ ಶಾತ್‍ಹುಯು? ಅಪ್ಣೊ ಗುರುಗುರುಬ್‍ಲ್ಯೊ ಖ್ಹಾರು ಮರಿಗಯು; ಖ್ಹಾರುಸ್ ಜಗತ್‌ ಉಬ್‍ಜ್ಯುಥಪ್‍ತುಬಿ ಕಿಮ್‍ಥೂಕಿ ತಿಮ್ಮಸ್ ಛಾ಼ನಿ” ಕರಿ ಬೋಲಸ್.

1 ಯೋಹಾನ 2:28

ಪ್ಯಾರ್‌ನ ಲಡ್ಕಾವೊ, ಯೋ ದೆಖಾವನಿ ವಖ್ಹ್‌ತೆ. ಅಪ್ಣೆ ಇನಖ್ಹಾಮ್ಣೆ ಭಿರಾವನ ಖ್ಹರ್‌ಮಾವ್ಣುನಾತೆ ಭಾಲಿಥಿ ರ‍್ಹಾವನಿಘೋಣಿ ಇನಾಮ ತಳ್‍ಗಾಠಿನ್ ರ‍್ಹಿಯೆ.

ಯೂದನೆ ಲೀಖ್ಯೋತೆ ಚಿಟ್ಟಿ 1:24

ದೇವ್ ತಾಖತ್‌ವಾಳೊ ಹುಯಿರ‍್ಹೋಸ್. ತುಮೆ ಠೋಕರ್ ನಾ ಖಾವ್ಣುತೆತಿಮ್ ಮದತ್ ಕರಾವಾಳೊ ಹುಯಿರ‍್ಹೊಸ್. ಯೋ ತುಮಾರಮ ಶನೂ ಕಳಂಕ್‌ಕೊಂತೆ ತಿಮ್‍ಕರೀನ್ ಇನು ಮಹಿಮೆ ಝ಼ಗೋಕನ ಲ್ಯಾವಾನಾಬಿ ತುಮುನ ಮಹಾಖ್ಹುಷಿನ ದ್ಯವಾನಾಬಿ ಶಕತ್‌ವಾಳೊ ಹುಯಿರ‍್ಹೊಸ್.

ಪ್ರಕಾಶಿತ್ 1:7

“ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.

ಪ್ರಕಾಶಿತ್ 22:12

‘ದೇಖ್ ಮೇ ಜ಼ಲ್ದೀಸ್ ವಳ್ಯಾವ್‌ಸ್. ಮೆ ಹರೇಕ್ ಜ಼ಣಾನ ಇವ್ಣ ಇವ್ಣ ಚಾ಼ಲ್‌ನಿತರಸ್ ದ್ಯವಾನಿತರಾನು ಪ್ರತಿಫಲ್ ಮಾರಕನ ಛಾ಼.