1 ಪೇತ್ರ 3:17 - ದೇವ್ನಿ ಖ್ಹಾಚಿ ವಚನ್

¹⁷ ಖರಾಬ್ ಕಾಮ್ ಕರಾಥೀಬಿ ದೇವ್ನಿ ಮರ್ಜಿನಿ ಘೋಣಿ ಅಛ಼್ಛಚಾ಼ಲ್ ಚಾ಼ಲವಾಳ ಹುಯಿರ‍್ಹಿನ್, ಖ್ಹತಾಪ್ಣಿ ಪಡಾನುಸ್ ಅಛ್ಛು಼.

1 ಪೇತ್ರ 3:17 ပူးပေါင်းရင်းမြစ်များ

ಮತ್ತಾಯ 26:39

ಅನಕೇಡೆಥು ಯೋ ಜ಼ರ ಖ್ಹಾಮ್ಣೆ ಜೈ಼ನ್, ಜ಼ಮೀನ್‌ಪರ್ ಆಡೊ ಪಡೀನ್, “ಮಾರೊ ಬಾ, ಹೋತು ಉಶೇತೊ, ಆ ವದೇಖ್ಹಾನಿ ಕಟೋರಿ ಮನ ಮ್ಹೆಂದಿನ್ ಜಾ಼ವಾನಿಘೋಣಿ ಕರ್‌! ತೋಬಿ ಮಾರಿ ಮರ್ಜಿನಿಘೋಣಿ ಕಾಹೆ, ತಾರಿ ಮರ್ಜಿನಿ ಘೊಣಿಸ್ ಹುವಾದೆ” ಕರಿ ಪ್ರಾರ್ಥನೆ ಕರ‍್ಯೊ.

ಮತ್ತಾಯ 26:42

ಬಿಜು಼ ಪಾಛೊ಼ ಭೇನೆಹಲ್ಲ ಜೈ಼ನ್, “ಮಾರೊ ಬಾ, ಮೇ ಆ ವದೇಖ್ಹಾನಿ ಕಟೋರಿನ ಪಿಯ್ಯಾಶೆ, ಆ ಮನ ಮ್ಹೆಂದಿನ್ ನಾ ಜಾ಼ವ್ಣುಕರಿ ತಾರಿ ಮರ್ಜಿ ಉಶೇತೊ, ತಾರಿ ಮರ್ಜಿನಿಘೋಣಿಸ್ ಹುವಾದೆ” ಕರಿ ಬೋಲಿನ್, ಪ್ರಾರ್ಥನೆ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:21

ಅನಬದಲ್ ಇನೆ ಇವ್ಣುನ “ದೇವ್ನಿ ಮರ್ಜಿ ರ‍್ಹಿಯಿತೊ ಮೆ ತುಮಾರಕನ ಪಾಛೊ಼ ಐಶ್‌”. ಕರಿ ಬೋಲ್ತೊಹುಯಿನ್ ಎಫೆಸಥು ಜ಼ಹಾಜ಼್‍ನಿ ಚಾ಼ಲ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:14

ಯೋ ಖ್ಹಮ್‍ಜ್ಯೊಕೊಂತೆ ದೇಖಿನ್ ಪ್ರಭುನಿ ಮರ್ಜಿ ಕಿಮ್ ಛಾ಼ಕಿ ತಿಮ್ ಚಾ಼ಲಾದೆ ಕರಿ ಹಮೆ ಖ್ಹೊಪ್‌ ರ‍್ಹೀಗಯ.

1 ಪೇತ್ರ 1:6

ಇನಾಖ್ಹಾಜೆ ತುಮೆ ತಬ್‍ತೋಡಿ ಥೋಡದನ್ ಹೋಣು ಉಷೇತೊ ಕೈಯೇಕ್‌ ಥರಾನಿ ವದೇಖ್ಹ್‌ಮ ದುಖಿ ಹುವಾಳರ‍್ಹಯಾತೋಬಿ, ಖ್ಹುಶಿಕರಾವಾಳ ಹುಯಿರ‍್ಹಾಸ್.

1 ಪೇತ್ರ 2:15

ತುಮೆ ಅಛ್ಛು಼ಕರಾನಿ ವಖ್ಹ್‌ತೆ ತುಮಾರಿ ಬಾರೇಮ ಖರಾಬ್ ವಾತೆಬೋಲಾನು ಬಿಣ್‍ಅಕ್ಲಿ ಅದ್ಮಿವ್‌ನ ಮ್ಹೋಡು ಮುಚಾ಼ನಿತರ ಕರಾನುಸ್ ದೇವ್ನಿ ಖ್ಹೂಜ಼್ ಹುಯಿರ‍್ಹಿಸ್.

1 ಪೇತ್ರ 2:20

ಗಲತ್‍ಕರೀನ್ ಘುಖ್ಹ್‌ತ ಖಾವಾಮ ತುಮೆ ಖ್ಹಮಾಳಿಲಿದಾತೊ ಇಂಥಿ ಶನಿ ಕೀರತ್ ಮಳ್ಯು? ಕತೋಬಿ ಅಛ್ಛು಼ಕರಿನ್ ಖ್ಹತ್‍ವಾಮ ತುಮೆ ಖ್ಹಮಾಳಿಲಿದಾತೊ ಆ, ದೇವ್ನ ಖುಷಿ ಕರಾವಸ್. ದೇವ್ ತುಮುನ ಪಸಂದ್‌ ಕರ್ಶೆ.

1 ಪೇತ್ರ 3:14

ಏಕ್‌ ವಖ್ಹತ್ ತುಮೆ ನೀತಿನ ಖ್ಹಾಜೆಸ್ ಖ್ಹತಾಪ್ಣಿ ಪಡ್ಯಾತೊ ತುಮೆ ಧನ್ಯ ಹುಯಿರ‍್ಹಾಸ್. ಖಿವಿ ಧಮ್ಕಿನ ತುಮೆ ಡರೊನಕೊ, ಅಜು಼ ವೇಚ಼್‌ಣೆ ನಕೊಕರೊ.

1 ಪೇತ್ರ 4:15

ತುಮಾರಮ ಕೋಣ್‌ತೋಬಿ ಖೂನಿ, ಚೋ಼ರ್, ಖರಾಬ್, ಬಿಜಾ಼ನ ಕಾಮ್ಮ ಮುಡ್‌ಕ್ಯು ಘಾಲವಾಳೊ ಹುಯಿನ್ ನಿಶತ್‍ಖಾವಳೊ ನಾಹುಯಿರ‍್ಹೇವ್ಣು.

1 ಪೇತ್ರ 4:19

ಅಮ್‍ರ‍್ಹವಾಪರ್ ದೇವ್ನಿ ಮರ್ಜಿನಿ ಘೋಣಿ ಖ್ಹತಾವಾಳು ಅಛ್ಛಾ಼ನ ಕರಾವಳುಹುಯಿನ್, ಇವ್ಣು ಇವ್ಣೇಸ್ ಆತ್ಮಾವ್‌ಮ ವಿಶ್ವಾಸ್ ಉಬ್‌ಜಾ಼ವವಾಳೊ ಪ್ರಭುನ ದಿನಾಖದೆ.