15 ಕತೋಬಿ ಕ್ರಿಸ್ತನ ಪ್ರಭುಕರಿ ತುಮಾರ ದಿಲ್ಮ ಜ಼ತನ್ಕರೊ. ತುಮಾರಮ ಛಾ಼ತೆ ಭರೋಖ್ಹಾನ ಆಧಾರಶಾತ್ಕರಿ ತುಮುನ ಪುಛಾ಼ವವಾಳ ಹರೇಕ್ ಜ಼ಣಾನ ಜ಼ವಾಬ್ದ್ಯವಾನ ಕದೇಬಿ ತಯಾರ್ ರ್ಹವೊ. ಕತೋಬಿ ಅನ ಶೇದೇವ್ ಹುಯಿರ್ಹಿನ್ ಮರ್ಯಾದಿಥಿ ಬೋಲೊ.
ಇನ ಪೌಲನೆ, “ಮೆ ಏಕ್ ಯೆಹೂದ್ಯವಾಳೊ ಅಜು಼ ಕಿಲಿಕ್ಯ ತಬರ್ಖಾನು ತಾರ್ಸಕರಿ ಪ್ರಸಿದ್ದಿನು ಹುಯಿರ್ಹುತೆ ಖ್ಹಯೇರ್ವಾಳೊ, ಗೋರ್ಕರೀನ್ ಆ ಅದ್ಮಿನಿ ಜೋ಼ಡೆ ವಾತೆಬೋಲಾನ ಮನ ಹುಕುಮ್ ದೆ” ಕರಿ ಬೋಲ್ಯೊ.
ಕತೋಬಿ ಪೌಲನೆ, ನೀತಿ,ಅಜು಼ ಇನುಯೋ ದಾಬುಕ್ ರ್ಹವಾನು, ಅಜು಼ ಖ್ಹಾಮ್ಣೆ ಉಳ್ಯಾವತೆ ನ್ಯಾಯತೀರ್ಪ್ನಿ ಬಾರೇಮ ಬೋಲಾಮ ಫೇಲಿಕ್ಸನೆ ಡರಿನ್, “ಹಮ್ಕೆ ತೂ ಜಾ಼ ಮನ ವಖ್ಹತ್ ಮಳಾದಿನ್ ತುನ ಬುಲೈಮಂಗೈಷ್” ಕರಿಬೋಲ್ಯೊ.
ಆಕಾಶ್ನ ಹೇಟ್ಛಾ಼ತೆ ತಮಾಮ್ ಉಬ್ಜಾ಼ವ್ಣಿನ ಅಜು಼ ತುಮೆ ಬೋಲಿರಾಖ್ಯಥಾತೆ ಸುವಾರ್ತೆನಿ ಆಖ್ಹ್ಥಿ ಧಕೇಲೈ ನಾಜಾ಼ವ್ಣುತೆ ಘಟ್ಥಿ ವಿಶ್ವಾಸ್ಮ ಭೀರ್ಯಾವಾಳ ಹುಯಿರ್ಹಾತೊ, ತುಮೆ ಹದಿಪಾಯ ಅಜು಼ ಘಟ್ಥಿ ಭೀರಿಶು. ಆಸ್ ಸುವಾರ್ತೆನ ಪೌಲಕರಿ ಮೆ ಸೇವಕ್ ಹುಯಿರ್ಹೋಸ್.
ಯೆಹೂದ್ಯರ್ಕಾಹೆತೆ ಅದ್ಮೆವ್ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್ನ ಭಡ್ಕಾವನ ಖ್ಹೂಜ಼್ ಕರ್ಯೊ. ಆ ಮಾಯ್ನೊ ಶಾತ್ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.
ಪರ್ಲೋಕ್ಮ ತುಮಾರಖ್ಹಾಜೆ ಭರೋಖ್ಹಾನಿ ಬಾರೇಮ ಸುವಾರ್ತೆ ಖ್ಹಾಚಿ ವಚನ್ಥಿ ತುಮೆ ಪಹಿಲೇಸ್ ಖ್ಹಮ್ಜಿರಾಖ್ಯಾಸ್.
ತುಮೆ ವಾತೆಬೋಲಾನಿ ವಖ್ಹತ್ಮ ಕದೇಬಿ ವಾರ್ಖ್ಹಾನಿ ತರಾಬಿ ಅಜು಼ ರುಚ಼್ನಿತರ ರ್ಹವಾದೆ. ಅಮ್ನಿಪರಕ್ ತುಮೆ ಹರೇಕ್ ಜ಼ಣನಾಬಿ ಕಿಮ್ ಜ಼ವಾಬ್ದೇವ್ಣು ಕರಿಬೋಲಾನು ಮಾಲುಮ್ ಕರಿಲಿಶು.
ಆಹೈರುತೆ ಖ್ಹಾಚ ಜಿ಼ಂದ್ಗೀನ ಭರೋಖ್ಹಾಪರ್ ಆಧಾರ್ ಹುಯಿರ್ಹೂಸ್. ದೇವ್ ಕೆದೇಬಿ ಝೂ಼ಟಿ ಬೋಲಾಕೊಯ್ನಿ. ಯೋ ಜಿವ್ಣಾನಿ ಬಾರೇಮ ಅಪ್ಣುನ ದಿಶೆ ಕರಿ ಹಗಾಮ್ನ ಪಹಿಲೆಥೂಸ್ ವಾಗ್ದಾನ್ ಕರಿರಾಖ್ಯೋಸ್.
ಕತೋಬಿ ಕ್ರಿಸ್ತತೋಬಿ ಛಿಯ್ಯೊಹುಯಿನ್ ದೇವ್ನ ಘರ್ಪರ್ ಹಕ್ವಾಳೊ ಹುಯಿರ್ಹೋಸ್. ಅಪ್ಣೆ ಹಿಮ್ಮತ್ಬಿನ್ ಭರೋಖ್ಹಾಥಿಬಿ ಖ್ಹರ್ತಿಲಗು ಘಟ್ಥಿ ಧರಿರಾಖವಾಳ ಹುಯಾತೊ ಅಪ್ಣೆಸ್ ದೇವ್ನ ಘರ್ ಹುಯಿರ್ಹಿಷು.
ಇನಖ್ಹಾಜೆ ಕ್ರಿಸ್ತನಿ ಬಾರೇನು ಶುರುವಾತ್ನು ಶಿಕಾಡಾನು ಮ್ಹೇಲಿನ್, ಜಾನ್ಕೊಂತೆ ಕಾಮ್ಥಿ ಮನ್ ಫರಿಜಾ಼ವಾನುಬಿ, ದೇವ್ಮ ಭರೋಖ್ಹೊ ರಾಖಿನ್, ದೇವ್ಮ ವಿಶ್ವಾಸ್ ರಾಖೊ,
ಹರೇಕ್ ಜ಼ಣಾನಿ ಚಾ಼ಲ್ನ ದೇಖಿನ್ ಯೋ ಬೇದ್ಬಾವ್ಕೊಂತೆ ತೀರ್ಪ್ಕರಾವಾಳನ ತುಮೆ ಬಾಕರಿ ಪುಕಾರವಾಳ ಹುಯಿರ್ಹಾತೆ ಇನಾಖ್ಹಾಜೆ ಆ ಲೋಕ್ಮ ತುಮಾರು ಅರಾಮ್ನು ಜಿವ್ಣನ ದನ್ನ ಡರ್ಭಕ್ತಿಥಿ ಕಾಡೊ.
ಶನಕತೊ ಇವ್ಣೆ ತುಮಾರಿ ಪರಿಶುದ್ ಅಜು಼ ಇಜ಼್ಜತ್ನಿ ಚಾ಼ಲ್ಥೀಸ್ ಅಛ್ಛಿವಾಟ್ಪರ್ ಆವ್ಶೆ.
ಕತೋಬಿ ಅನಬದಲ್ ದೇವ್ನ ಡೋಳಾಮ ಘಣ ಮೋಲ್ನುಬಿ ಅಜು಼ ಕದೇಬಿ ರ್ಹವಾನುಬಿ ಹುಯಿರ್ಹುತೆ ಶೇದೇವ್ಬಿ ಶಾಂತಿನೊ ಮನ್ ತುಮಾರ ಮಹಿನ ದಿಲ್ನು ಶನ್ಗಾರ್ ಹುಯಿರ್ಹವಾದೆ.