1 ಪೇತ್ರ 3:14 - ದೇವ್ನಿ ಖ್ಹಾಚಿ ವಚನ್

¹⁴ ಏಕ್‌ ವಖ್ಹತ್ ತುಮೆ ನೀತಿನ ಖ್ಹಾಜೆಸ್ ಖ್ಹತಾಪ್ಣಿ ಪಡ್ಯಾತೊ ತುಮೆ ಧನ್ಯ ಹುಯಿರ‍್ಹಾಸ್. ಖಿವಿ ಧಮ್ಕಿನ ತುಮೆ ಡರೊನಕೊ, ಅಜು಼ ವೇಚ಼್‌ಣೆ ನಕೊಕರೊ.

1 ಪೇತ್ರ 3:14 ပူးပေါင်းရင်းမြစ်များ

ಮತ್ತಾಯ 10:28

ಅತ್ರೇಸ್ ಕಾಹೆತೆ, ಶರೀರ್‌ನ ಮರ್‌ನಾಖಿನ್ ಆತ್ಮನ ಮಾರಾನ ಕೋ ಹುವ್ವಾನಿತೆ ಅದ್ಮಿನ ದೇಖಿನ್‌ ನಕೊ ಡರೊ; ಕತೋಬಿ ಆತ್ಮಾನ ಅಜು಼ ಶರೀರ್‌ನ ಭೇನ ನರಕ್ಮ ನಾಖಿನ್ ಬರ್ಬಾತ್ ಕರಾವಾಳೊ ದೇವ್ನ ದೇಖಿನ್ ಡರೊ.

ಮತ್ತಾಯ 10:31

ಇನಖ್ಹಾಜೇಸ್ ಡರೊ ನಕೊ; ಕೈಏಕ್ಕಿ ಚು಼ರಕ್‌ಲಿಯೇಥೀಬಿ ತುಮೇಸ್ ಘಣ ಮೋಟ ಹುಯಿರ‍್ಹಾಸ್‌.

ಮತ್ತಾಯ 10:39

ಇನು ಶೊಂತ್‌ ಜಾನ್ನ ಬಚಾ಼ಡಿಲೇವ್ಣು ಕರಿ ಕರಾವಾಳೊ ಇನ ಗುಮೈಲಿಶೆ; ಕತೋಬಿ ಮಾರಖ್ಹಾಜೆ ಇನು ಶೊಂತ್‌ ಜಾನ್ನ ಗುಮೈಲ್ಯವಾಳೊ ಇನ ಬಚಾ಼ಡಿಲಿಶೆ.

ಮತ್ತಾಯ 16:25

ಇನೊ ಜಾನ್ನ ಬಚಾ಼ಡಿಲೇವ್ಣು ಕರಿ ಕರಾವಾಳು ಇನ ಗುಮೈಲಿಶೆ; ಕತೋಬಿ ಮಾರಖ್ಹಾಜೆ ಇನ ಜಾನ್ನ ಗುಮೈಲ್ಯಾವಾಳು ಇನ ಬಚಾ಼ಡಿಲಿಶೆ.

ಮತ್ತಾಯ 19:29

ಅಜು಼ ಮಾರ ನಾಮ್‍ಪರ್ ಘರ್‌ನರ‍್ಹೆವೊ, ಭೈಯೇನ ರ‍್ಹವೊ, ಭೇನೇನ ರ‍್ಹವೊ, ಬಾನ ರ‍್ಹವೊ, ಆಯಾನ ರ‍್ಹವೊ, ಲಡ್ಕಾವ್ನ ರ‍್ಹವೊ, ಖೇತರ್‌ನ ರ‍್ಹವೊ ಮ್ಹೇಲಿದಿದೂತೆ ಹರೇಕ್ನ ಖ್ಹೋ ಪಟ್ ಜಾ಼ಖ್ಹತ್ ಮಳ್‌ಶೆ ಅಜು಼ ಹರ್‌ಹಮೇಶಾನಿ ಜಿ಼ಂದ್‌ಗೀಬಿ ಮಳ್‌ಶೆ.

ಮಾರ್ಕ 10:29

ತದೆ ಯೇಸುನೆ, “ತುಮೂನ ಖ್ಹಾಚ ಬೋಲುಸ್ಕಿ, ಕೋಣ್‌ತೋಬಿ ಮಾರಖ್ಹಾಜೆಬಿ ಅಜು಼ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ ಇನ ಘರ್‌ನರ‍್ಹೆವೊ, ಭೈಯೇನ ರ‍್ಹವೊ, ಭೇನೇನ ರ‍್ಹವೊ, ಆಯಾನ ರ‍್ಹವೊ, ಬಾನ ರ‍್ಹವೊ, ಲಡ್ಕಾವ್ನ ರ‍್ಹವೊ, ಖೇತರ್‌ನ ರ‍್ಹವೊ ಮ್ಹೆಂದಿದೊ ಉಶೇತೊ,

ಮಾರ್ಕ 8:35

ಕೋಣ್‌ತೋಬಿ ಏಕ್‌ ಜ಼ಣು ಇನು ಜಾನ್‌ ಬಚಾ಼ಡಿಲೇವ್ಣು ಕರಿ ಕರ‍್ಯುತೊ, ಯೋ ಇನು ಜಾನ್‌ ಗುಮೈಲಿಶೆ; ಕತೋಬಿ ಮಾರಖ್ಹಾಜೆಬಿ ಅಜು಼ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ, ಕೋಣ್‌ತೋಬಿ ಜಾನ್‌ ದಿದುತೊ, ಯೊ ಇನ ಬಚಾ಼ಡಿಲಿಶೆ.

ಯೋಹಾನ 14:1

ಯೇಸುನೆ ಇವ್ಣುನ, “ತುಮಾರೊ ದಿಲ್‌ ಕಲಾವ್ಣಿ ನಕೊ ಹುವಾದೆ, ದೇವ್‌ಪರ್‌ ವಿಶ್ವಾಸ್‌ ಕರೊ ಅಜು಼ ಮಾರಪರ್‌ಬಿ ವಿಶ್ವಾಸ್‌ ಕರೊ.

ಯೋಹಾನ 14:27

ಮೆ ಶಾಂತಿನ ತುಮಾರಮ ಮ್ಹೇಲಿನ್ ವಳ್ಯೊಜ಼ವುಸ್‌, ಮಾರಾಮ ಛಾ಼ತೆ ಶಾಂತಿನ ತುಮೂನ ದೆವುಸ್‌; ಆ ಜಗತ್‌ ದೇಸ್ತೆ ಇಮ್‌ ಕಾಹೆ, ಮೇ ತುಮೂನ ದೆವ್‍ಸ್ತೆ, ತುಮಾರೊ ದಿಲ್‌ ಕಲಾವಾದೆ ನಕೊ, ಅಜು಼ ತುಮೆ ಡರೊ ನಕೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:16

ಯೊ ಮಾರ ನಾಮ್ನಖ್ಹಾಜೆ ಕೆತ್ರು ಲತಾಡ ಲಿಶೆಕರಿ ಮೇಸ್ ಇನ ವತಾಳಿಶ್.” ಕರಿ ಬೋಲ್ಯೊ.

2 ಕೊರಿಂಥ 12:10

ಇನಖ್ಹಾಜೇಥಿ ಕ್ರಿಸ್ತನಖ್ಹಾಜೆ ಮನ ಕಮ್‍ಜೋ಼ರಿಬಿ, ಝಿಟ್ಕಾರ್‌ನಬಿ, ಶಾತ್‍ಕೊಂತೇಬಿ, ಖ್ಹತಾಪ್ಣಿಬಿ, ವದೇಖ್ಹ್‌ಬಿ ಆಯೂತೆ ಖ್ಹುಶಿಕರೂಸ್. ಮೇ ಕೆದೆ ಕಮ್‍ಜೋ಼ರಿ ರ‍್ಹೆವುಸ್‍ಕಿ ತದೇಸ್‌ ತಾಖತ್‌ವಾಳೊ ಹುಯಿರ‍್ಹೇವುಸ್.

ಫಿಲಿಪ್ಪಿ 1:29

ಕ್ರಿಸ್ತನವಾಳಾನ ಹಾತ್‌ ಫೈಲೈನ್ ದ್ಯವಾಳ ಹುಯಿರೇವೊ. ಕ್ರಿಸ್ತಪರ್ ವಿಶ್ವಾಸ್‌ರಾಖಾನು ಖಲಿ ಕಾಹೆ ಇನಖ್ಹಾಜೆ ವದೇಖ್ಹ್‌ಪಡಾನುಬಿ ಅಛ್ಛು಼ ವರ ಮಳಿರ‍್ಹೂಸ್‌.

ಯಾಕೋಬ 1:12

ಕೋಣ್ ತರೀಪ್ಷನ ಖ್ಹಮಾಳಿಲೇಸ್ಕಿ ಯೋ ಧನ್ಯ. ಯೋ ಇನಿ ಶೋದನೆನ ಜುತಿಲಿದೊತೊ ಪ್ರಭು ಇನ ಪ್ಯಾರ್‌ಕರಾವಾಳನ ವಾಗ್ದಾನ್ ಕರ‍್ಯೊತೆ, ಜಾನ್ನು ಕಿರೀಟ್‍ನ ಲೀಲಿಶೆ.

ಯಾಕೋಬ 5:11

ಹಂದೇಖೊ, ಖ್ಹಮಾಳಿಲ್ಯಾವಾಳನ ಧನ್ಯಕರಿ ಅಪ್ಣೆ ಗಣ್ತಿ ಕರಿಯೇಸ್ ಕೊಯ್ನಿಕಿಶು, ತುಮೆ ಯೋಬಮ ಥೂತೆ ಖ್ಹಮಾಳಿಲ್ಯವಾನಿ ಬಾರೇಮ ಖ್ಹಮ್‍ಜೊ, ಪ್ರಭು ಇನ ಖ್ಹರ್ತಿಮ ಕರ‍್ಯೊತೆ ದೇಖೊ. ಪ್ರಭು ಗೋರ್‌ವಾಳೋಬಿ ಅಜು಼ ದಯಾಕರವಾಳೊಬಿ ಹುಯಿರ್‍ಹೊಸ್ ಕರಿ ಖ್ಹಮ್‌ಜಿರಾಖ್ಯಾಸ್‌.

1 ಪೇತ್ರ 3:6

ಸಾರ ಅಬ್ರಹಾಮ್‌ನ ವಿಧೇಯ ಹುಯಿರ‍್ಹಿನ್ ಇನ ಯಜಮಾನ್‍ಕರಿ ಬೋಲಿ. ತುಮೆ ಅಛ್ಛು಼ಕರಾವಾಳಿ ಹುಯಿರ‍್ಹಿನ್ ಶನಿ ಡರ್‌ ಝ಼ಪಕ್ಣಿಮ ನಾಪಡವಳಿ ರ‍್ಹೀಯೆತೊ ತುಮೆ ಸಾರನಿ ಛೋ಼ರಿಯೇ ಹುಯಿರ‍್ಹಿಶು,