1 ಪೇತ್ರ 2:24 - ದೇವ್ನಿ ಖ್ಹಾಚಿ ವಚನ್

²⁴ ಅಪ್ಣೆ ಅಪ್ಣ ಪಾಪ್ನ ಭಾಗ್ನ ಮರೀನ್ ನೀತಿವಾಳ ಹುಯಿನ್ ಬಚಾ಼ನಿತರ ಅಪ್ಣ ಪಾಪ್ನ ಯೋಸ್ ಇನ ಶರೀರ್‌ಪರ್‌ ಢೊಯ್ಲಿನ್ ಶಿಲ್‌ಬೆಪರ್ ಮರಿಗೊ. ಇನ ಘಾವ್‍ಥಿ ತುಮುನ ಅಛ್ಛು಼ಹುಯು.

1 ಪೇತ್ರ 2:24 ပူးပေါင်းရင်းမြစ်များ

ಮತ್ತಾಯ 27:26

ತದೆ ಪಿಲಾತನೆ ಬರಬ್ಬಾನ ಇವ್ಣುನ ಮ್ಹೇಲಿದಿದೊ, ಅಜು಼ ಯೇಸುನ ಕೊಳ್ಡೇಥಿ ಮರೈನ್, ಶಿಲ್‌ಬೆಪರ್ ನಾಖಾನ ದಿನಾಖ್ಯೊ.

ಮತ್ತಾಯ 5:20

ಮೇ ತುಮೂನ ಶಾತ್‌ ಬೋಲುಸ್‌ಕತೊ, ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳು ಪಂಡಿಥ್ಥಿಬಿ ಅಜು಼ ಫರಿಸಾಯರ್‌ನಿ ನೀತಿಥೀಬಿ ತುಮಾರಿ ನೀತಿ ಜಾ಼ಖ್ಹತ್ ನಾ ಹುಯಿರ‍್ಹೀಕತೊ, ತುಮೆ ಸೊರ್ಗ ರಾಜ್ಯಮ ಜಾ಼ಶುಕೊಯ್ನಿ.

ಮತ್ತಾಯ 8:17

ಅನೇಥಿ, “ಖ್ಹುದ್ ಇನೇಸ್‌ ಅಪ್ಣು ರೋಗ್‌-ರಾಯನ ಪಾಡಿಲಿದೊ, ಅಜು಼ ಅಪ್ಣ ಅಜಾ಼ನ ಢೊಯಿಲಿದೊ” ಕರಿ ಯೆಶಾಯ ಪ್ರವಾದಿಥಿ ಬೋಲೈತೆ ವಾತೆ ಚಾ಼ಲಾನಖ್ಹಾಜೆ ಯೇಸುನೆ ಆ ಖ್ಹಾರು ಕರ‍್ಯೊ.

ಮಾರ್ಕ 15:15

ತದೆ ಪಿಲಾತನೆ ಅದ್ಮಿನ ದಿಲ್ನ ಖ್ಹುಶಿ ಕರಾವ್ಣು ಕರಿ ಬರಬ್ಬಾನ ಇವ್ಣಖ್ಹಾಜೆ ಮ್ಹೇಲಿದಿದೊ. ಅಜು಼ ಯೇಸುನ ಮೇಕ್‌ನ ಕೊಳ್ಡೇಥಿ ಮರೈನ್ ಶಿಲ್‌ಬೆಪರ್ ನಾಖಾನ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:18

ಪ್ರಭುನು ಆತ್ಮ ಮಾರಪರ್ ಛಾ಼, ಗರೀಬ್‌ನ ಸುವಾರ್ತೆ ಬೋಲಾನಟೇಕೆ ದೇವ್ನೆ ಮನ ಅಬಿಷೇಕ್ ಕರಿರಾಖ್ಯೋಸ್, ಧರೈಗೂತೆ ಅದ್ಮಿನ, “ತುಮೆ ಛು಼ಟಿಗಯ ಕರಿ ಅಜು಼ ಕಾಣಾವ್ನ, ತುಮುನ ಡೋಳ ದೆಖಾವ್‌ಶೆ’ ಕರಿ ಬೋಲಾನಟೇಕೆ, ಅಜು಼ ಖ್ಹತಾವ್ಣಿಮ ಛಾ಼ತೆ ಇವ್ಣುನ ಛೋ಼ಡಾವನಟೇಕೆ,

ಯೋಹಾನ 1:29

ಇನವ್ಹಾಣೆ ಯೋಹಾನನೆ ಇನಾಖನ್ನೆ ವಳ್ಯಾವ್‍ತೊಥೋತೆ ಯೇಸುನ ದೇಖಿನ್, “ದೇವ್ನ ಮೇಂಢಾನ ಚೆಲ್ಕಾನ ದೇಖೊ, ಯೊ ಜಗತ್‌ನು ಪಾಪ್ನ ದೂರ್ ಕರ್ಶೆ.”

ಯೋಹಾನ 19:1

ತದೆ ಪಿಲಾತನೆ ಯೇಸುನ ಲೀಜೈ಼ನ್, ಕೊಳ್ಡೇಥಿ ಮರಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:35

ಇನ ಆರಾದನೆ ಕರಾಮ ಖಿವು ಅದ್ಮಿನರ‍್ಹವೊ ನೀತಿಥಿ ಅಜು಼ ಇನಾಮ ಡರಿನ್ ಚಾ಼ಲಸ್ಕಿ ಇವ್ಣುನ ದೇವ್ ಪಸಂದ್ ಕರಾಸ್‌ಕರಿ ಬೋಲಾನು ಮನ ಹಮ್ಕೆ ಗುಮಾನಿಕೊಂತೆ ಮಾಲುಮ್‌ಪಡುಕರಸ್. ಯೊ ಖೆವ ಜಾ಼ತ್ಜ಼ಮಾತ್ ಕರಿ ಬೋಲಾನು ಹಜ್ಜಾ಼ ಖ್ಹಾಯಿಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:39

ಯೆಹೂದ್ಯವಾಳನ ತಬರ್‌ಖಾಮ ಅಜು಼ ಯೆರೂಸಲೇಮ್ಮ ಯೇಸುನೆ ಕರ‍್ಯೊತೆ ಅಖ್ಖಾಸ್ ಕಾಮ್ನ ಹಮೆ ದೇಖ್ಯ. ಇನ ಹಮೆ ಸಾಕ್ಷಿ ಹುಯಿರ‍್ಹಾಸ್ ಕತೋಬಿ ಯೇಸು ಮರೈಗಯೊ. ಇವ್ಣೆ ಇನ ಶಿಲ್‌ಬೆಪರ್ ಮೇಕೆಮರಾಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:29

ಪವಿತ್ರ ಪುಸ್ತಕ್‌ಮ ಲೀಖೈರುತೆ ಪರಕ್ಮ ಯೇಸುನ ಹುವಾನುಥೂತೆ ಅಖ್ಖೀಸ್ ಖ್ಹತಾಪ್ಣಿನ ಯೆಹೂದ್ಯರ್‌ನೆ ಇನ ದಿದು. ಇನಪಾರ್ ಇವ್ಣೆ ಶಿಲ್‌ಬೆಪರ್‌ಥು ಯೇಸುನ ಹೇಟ್ ಉತಾರಿನ್‌ ಘವಿಮ ಘಾಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:30

ತುಮೆ ಶಿಲ್‌ಬೆಪರ್ ಠಂಗೈನ್ ಮಾರ‍್ಯಾತೆ ಯೇಸುನ ಹಮಾರ ಗುರುಗುರಬ್‍ಲ್ಯನ ದೇವ್ನೆ ಮರಣ್‌ಥು ಉಠಾಡ್ಯೊ!

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:11

ಯೋಸ್‍ಪರಕ್ಮ ತುಮೂಬಿ ಪಾಪ್ನಭಾಗ್‍ನ ಮರ‍್ಯಹುಯಕರಿಬಿ ಕ್ರಿಸ್ತಯೇಸುಥಿ ದೇವ್ನಖ್ಹಾಜೆ ಬಚಾ಼ವಾಳುಕರಿ ಗಣ್ತಿಕರಿಲೆವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:13

ತುಮಾರ ಶರೀರ್‌ನು ಭಾಗ್ನ ನೀಚ್ ಕಾಮ್ನ ಚ಼ಲಾವವಾಳು ಕಫ್ಫನ್ನಿತರ ಪಾಪ್ನ ದಿನಾಖೊನಕೊ, ಕತೋಬಿ ಇನ ಬದಲ್ ಮರಣ್‌ಥು ಜಿವ್ತುಹುಯಿನ್ ತುಮೂನ ದೇವ್ನ ಸಮರ್ಪಣ್‌ ಕರಿನಾಖೊ. ತುಮಾರ ಶರೀರ್‌ನ ಭಾಗ್ನ ನೀತಿನು ಕಫ್ಫನ್ ಹುಯಿರ‍್ಹವಾನಖ್ಹಾಜೆ ದೇವ್ನ ಸಮರ್ಪಣ್‌ ಕರೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:16

ತುಮೆ ತುಮುನಾಸ್ ಗುಲಾಮ್‌ಹುಯಿನ್ ಕಿನಾತೋಬಿ ದೆವೈಜಾ಼ವಾನಿ ವಖ್ಹತ್‌ಮ ತುಮೆ ಯಜಮಾನ್ನ ವಿಧೇಯ ಹುಯಿರ‍್ಹವಾಳ ಸೇವಕ್ ಹುಯಿರ‍್ಹೆಸ್‍ಕರಿ ತುಮೂನ ಮಾಲುಮ್‌ ಛಾ಼. ಪಾಪ್‌ಮ ಪಡ್ಯುತೊ ಮರಣಸ್ ಫಲ್,ದೇವ್ನ ಭರೋಖ್ಹಾನ ದಾಸಹುಯಾತೊ ನೀತಿ ಮಳ್‍ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:2

ಇಮ್‌ ಕದೇಬಿ ನಾ ಹೋಣು. ಅಪ್ಣೆ ಪಾಪ್ನ ಭಾಗ್ನ ಮರಿಗಯ, ಅಪ್ಣೆ ಬಿಜೂ಼ಬಿ ಪಾಪ್‌ಮ ಬಚಾ಼ನು ಕಿಮ್?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:22

ಕತೋಬಿ ಹಮ್ಕೆ ತುಮೆ ಪಾಪ್‌ಥಿ ಛುಟ್ಕಾರ್ ಲ್ಯವಾಳಹುಯಿನ್, ದೇವ್ನ ಗುಲಾಮ್‌ ಹುಯಿರಾಸ್. ತುಮೂನ ಮಳಾನು ಫಾಯಿದೊ ಪರಿಶುದ್ ಭಣಿ ಲೀಜಾ಼ಸ್ ಇನು ಫಲ್ ಹಮೇಶಾನಿ ಜಿ಼ಂದ್‌ಗಿ ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:7

ಶನಕತೊ ಕೋಣ್ ಮರಿರ‍್ಹುಸ್ಕಿ ಇವ್ಣೆ ಪಾಪ್‌ಥಿ ಛುಟ್ಕಾರ್‌ ಹುಯಿರೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:6

ಹಮ್ಕೆತೋಬಿ ಅಪ್ಣುನ ಬಂಧೈರುಥುತೆ ಧರ್ಮಶಾಸ್ತ್ರನ ಭಾಗ್‌ಮ ಮರ‍್ಯಹುಯ ಹುಯಿನ್, ಯೊ ಧರ್ಮಶಾಸ್ತ್ರಥಿ ಛುಟ್ಕಾರ್ ಲೀರಾಖ್ಯಸ್. ಅಮ್ ಲೀಖೈರ‍್ಹೂತೆ ಫಾಚ಼್‌ಲಿ ನಿಯಮ್‌ನಿ ಪರಕ್ಮ ಅಪ್ಣೆ ದೇವ್ನ ಸೇವೆ ಕರ‍್ಯಕೊಂತೆ, ಪವಿತ್ರಾತ್ಮಥಿ ನವಿ ಪರಕ್ಮ ಚಾ಼ಲವಾಳ ಹುಯಿರ‍್ಹಾಸ್.

1 ಕೊರಿಂಥ 15:3

ಶನಕತೊ ಮೇಬಿ ಜಿನು ಶಿಕ್ಯೋತೆ ಪಹಿಲಿ ವಾತೆಮಾಥು ಮುಖ್ಯ ವಾತ್ನಸ್ ತುಮೂನ ಖ್ಹಮ್‌ಜಾ಼ಡ್ ರಾಖ್ಯೋಸ್. ಯೋ ಶಾತ್‍ಕತೊ ಧರ್ಮಶಾಸ್ತ್ರಮ ಖ್ಹಮ್‍ಜಾ಼ಡಿರಾಖ್ಯೊತೆ ತಿಮ್ ಕ್ರಿಸ್ತ ಅಪ್ಣ ಪಾಪ್ನಖ್ಹಾಜೆ ಮರ‍್ಯೊ.

2 ಕೊರಿಂಥ 6:17

“ಇನಾಖ್ಹಾಜೆ ಅಲ್ಹಾವ್‌ ಅದ್ಮಿವೋನಿ ಬೀಚ್ಮಾಥ ತುಮೆ ಭಾರ್‌ ಆಯಿನ್ ತನಿಯ ಜಿವ್ಣುಕರೊ, ಕಚಿಂಡ್‌ ರ‍್ಹೆಯಿತೆ ಇನ ಛೀಮ್‍ಶುನಕೊ ಕರಿ ಪ್ರಭು ಬೋಲಸ್, ತದೆ ತುಮೂನ ಮಳೈಲಿಶ್.

ಗಲಾತ್ಯ 3:13

ಯೇಸು ಕ್ರಿಸ್ತ ಅಪ್ಣುನ ಶಾಪ್‌ಥು ಛೋ಼ಡಾವನ ಇನುಯೋಸ್ ಶಾಪ್‌ವಾಳೊ ಹುಯಿಗೊ. ಶನಕತೊ ಮೋಶೇನು ಧರ್ಮಶಾಸ್ತ್ರಮ ಬೋಲಸ್ತೆ ಪರಕ್ಮ “ಖಂಬಾಪರ್‌ ಠಂಗಾಯುಹುಯು ಹರೇಕ್‍ಜ಼ಣು ಶಾಪ್‌ವಾಳು ಹುಯಿರ‍್ಹುಸ್” ಕರಿ ಲೀಖೈರ‍್ಹುಸ್.

ಎಫೆಸ 5:9

ಉಜಾ಼ಳನು ಫಲ್ ಅಛ್ಛಾ಼ಮಾಬಿ ನೀತಿಮಾಬಿ ಅಜು಼ ಖ್ಹಾಚಿಮ ದೆಖಾವಸ್.

ಫಿಲಿಪ್ಪಿ 1:11

ಯೇಸು ಕ್ರಿಸ್ತಮ ಛಾ಼ತೆ ಅಛ್ಛು಼ಗುಣ್‌ನ ಭರೈರ‍್ಹವಾಳ ಹುಯಿನ್ ರ‍್ಹೇವ್ಣುಕರಿ ದೇವ್ನ ಮಹಿಮೆ ಅಜು಼ ದನ್ಯವಾದ್‌ನ ದೇವ್ಣುಕರಿ ಬಿಂತಿಕರಿಲೇವುಸ್.

ಕೊಲೊಸ್ಸೆ 2:14

ಅಪ್ಣಪರ್ ಗಲತ್‌ನಾಖ್ಯೂತೆ ಹುಕುಮ್‌ನಿ ರೂಪ್ಮಥೂತೆ ಲೀಖಾಪಟ್ನ ದೇವ್ನೆ ನೂಛಿನಾಖಿನ್ ಇನ ಶಿಲ್‌ಬೆಪರ್ ಠೋಕೈನ್ ಕೊಂತೆ ತಿಮ್ ಕರ‍್ಯೊ.

ಕೊಲೊಸ್ಸೆ 2:20

ಏಕ್‌ಬಾರ್ ತುಮೆ ಕ್ರಿಸ್ತನಿ ಜೋ಼ಡ್ಮ ಜಗತ್ನ ಆತ್ಮಮ ಮರ‍್ಹೀರ ಉಶೇತೊ, ಅಜೂ಼ಬಿ ಜಗತ್‍ವಾಳನಿತರಸ್ ಬಚಿನ್ ತುಮೆ ಶನ ಜಿವ್ಣುಕರುಕರಸ್? ಅಮ್ನಿ ಹುಕುಮ್‌ನಲೀನ್ ಶನ ಚಾ಼ಲವಾಳ ಹುಯಿರ‍್ಹಾಸ್?

ಕೊಲೊಸ್ಸೆ 3:3

ಶನಕತೊ ತುಮೆ ಮರಿರ‍್ಹಾಸ್ನಿ ತುಮಾರೊ ಜಾನ್‌ ಕ್ರಿಸ್ತನಿ ಜೋ಼ಡ್ಮ ದೇವ್‌ಮ ಓಠೆ ಹುಯಿರ‍್ಹುಸ್.‌

ಇಬ್ರಿ 10:10

ಶನಕತೊ ಕ್ರಿಸ್ತಯೇಸು ಎಕ್ಕಸ್ ಬಾರ್ ಅಖ್ಖಾನಖ್ಹಾಜೆ ಇನ ಶರೀರ್‌ನ ಸಮರ್ಪಣ್‌ ಕರಿನ್ ದೇವ್ನಿಖ್ಹೂಜ್‍಼ನ ಚ಼ಲಾಯೊತೆ ಇನಖ್ಹಾಜೆ ಅಪ್ಣೆ ಅಖ್ಖಾ ಪಾಪ್‌ಥಿ ಪಾಕ್‌ಹುಯಿಗ.

ಇಬ್ರಿ 10:5

ಇನಖ್ಹಾಜೆ ಕ್ರಿಸ್ತ ಜಗತ್ಮ ಆವಾನಿವಖ್ಹ್‌ತೆ ಇನೆ ಅಮ್ ಬೋಲ್ಯೊಕಿ, “ದೇವ್ ತುನ ಬಲಿ ಛ಼ಡಾವನು ಅಜು಼ ಕಾಣ್ಕೆ ದ್ಯವಾನು ಪಸಂದ್ ಕೋಥೂನಿ, ಕತೋಬಿ ಮನ ಏಕ್‍ ಶರೀರ್‌ನ ತಯಾರ್ ಕರೀನ್ ದೀರಾಖ್ಯೊಸ್.

ಇಬ್ರಿ 12:13

ತುಮೆ ಚಾ಼ಲಾನಿ ವಾಟ್ನ ಖ್ಹತ್ತಡ್‍ ಕರಿಲೆವೊ. ತದೆ ಲಂಗ್ಡಾವ್ನೊ ಗೋಡೊ ಮಚ಼ಕ್ಷೆಕೊಂತೆ ಅಛ್ಛುಉಷೆ.

ಇಬ್ರಿ 7:26

ಇನಖ್ಹಾಜೆ ಅಪ್ಣುನ ಹೋಣುತೆ ಇನ ಪೂರಕರಾವಳೊ ಮಹಾಯಾಜಕ ಹುಯಿರ‍್ಹೊಸ್ ಪರಿಶುದ್‌ಬಿ ದೋಷ್‍ಕೊಯ್ನಿತೇಬಿ, ಮೈಲಾಪ್‍ಕೊಯ್ನಿತೆಬಿ, ಪಾಪಿಮ ಮಳಾಕೊಂತೆ ನಿರ‍್ವಾಳೊಬಿ ಹುಯಿರ‍್ಹವಾಳೊಬಿ ಆಕಾಶ್ ಮಂಡಲ್‍ಥೀಬಿ ಊಚಾ಼ಮ ರ‍್ಹವಾಳೊ.

ಇಬ್ರಿ 9:28

ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್‌ ಹುಯೊ. ಯೋ ಬೇನೆ ಹಲ್ಲ ದೆಖಾವ್‌ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ‍್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್‌ಶೇತೆ.

ಯಾಕೋಬ 5:16

ಅಮ್‍ರ‍್ಹವಾಪರ್ ತುಮೆ ಗುಣ್ ಹೋಣುಕತೊ ತುಮಾರಿ ಪಾಪ್ನಅಖ್ಖಾನ ಏಕ್‌ಥಿಏಕ್ ಹರ್‌ಕೆ ಕರಿನ್ ಏಕ್‍ ಜ಼ಣಾನಖ್ಹಾಜೆ ಏಕ್‍ಜ಼ಣು ಪ್ರಾರ್ಥನೆಕರೊ. ನೀತಿವಂತಾನು ಪ್ರಾರ್ಥನೆ ಘಣು ಶಕತ್ನು ಹುಯಿರ‍್ಹುಸ್.

1 ಯೋಹಾನ 2:29

ಕ್ರಿಸ್ತ ಯೇಸು ನೀತಿವಾಳೊ ಹುಯಿರ್‍ಹೊಸ್ ಕರಿ ತುಮೂನ ಮಾಲುಮ್‌ ರ‍್ಹಿಯುತೊ ನೀತಿನ ಮಾರಗ್‌ಪರ್ ಚಾ಼ಲವಾಳು ಹರೇಕ್‍ಜ಼ಣುಬಿ ಇನೇಥಿ ಪೈದಹುಯಿರ‍್ಹುಸ್‍ ಕರಿ ತುಮೆ ಮಾಲುಮ್‌ ಕರಿರಾಖವಾಳ ಹುಯಿರ‍್ಹಾಸ್.

1 ಯೋಹಾನ 3:7

ಪ್ಯಾರ್‌ನ ಲಡ್ಕಾವೊ, ಕೋಣ್‌ಬಿ ತುಮುನ ಠಗಾವ್ಣುನಾತೆ ತಿಮ್ ರ‍್ಹವೊ. ಕ್ರಿಸ್ತ ಕಿಮ್ ನೀತಿವಾಳೊ ಹುಯಿರೋಸ್ಕಿ ತಿಮ್‍ ನೀತಿಥಿ ಚಲಾವಾಳೊ ಹರೇಕ್‍ಜ಼ಣೋಬಿ ನೀತಿವಾಳೊ ಹುಯಿರ‍್ಹೋಸ್.

ಪ್ರಕಾಶಿತ್ 22:2

ಖ್ಹಯೇರ‍್ನಿ ಮೋಟಿ ಗಲ್ಲೀನ ಇಚ಼್‌ಮ ವ್ಹವ್‌ಕರ‍್ತುಥು. ಯೊ ನದ್ದೀನು ಭೇ ಕನಾರಿಪರ್ ಜಾನ್ನು ಝಾ಼ಡುಖ್ಹಾರು ಥು. ಯೊ ವರಖ್ಹ್‌ನ ಭಾರ ಮಹಿನಾಬಿ ಫಲ್ ದೇತುಹುಯಿನ್ ಭಾರ ಮಹಿನಾಬಿ ಭಾರ ಥರಾನು ಪಂಡುಖ್ಹಾರು ದೇಸ್. ಯೊ ಝಾ಼ಡನ ಪಾಂದ್ಡಾನ ದವೈಥಿ ಖ್ಹಾರ ಜ಼ಗ್‌ಜಾ಼ತ್‌ವಾಳಾನ ಖ್ಹುದ್ರಾವಸ್.