1 ಪೇತ್ರ 2:18 - ದೇವ್ನಿ ಖ್ಹಾಚಿ ವಚನ್

¹⁸ ಸೇವಕ್ ಹುಯಿರ‍್ಹಾತೆ, ತುಮೆ ತುಮಾರ ಯಜಮಾನ್ನ ಪೂರ ಮರ್ಯಾದಿಥಿ ಅಧೀನ್ ಹುಯಿರ‍್ಹೇವೊ. ಶೇದೇವ್ ರ‍್ಹವಾಳಾಬಿ ಅಛ್ಛಿ಼ಸೋಚ್‌ರ‍್ಹವಾಳನ ಖಲಿ ಕಾಹೆತೆ ಮೊಂಡಿ ಬುದ್ದಿವಾಳನಾಬಿ ವಿಧೇಯ ಹುಯಿರೇವೊ.

1 ಪೇತ್ರ 2:18 ပူးပေါင်းရင်းမြစ်များ

2 ಕೊರಿಂಥ 10:1

ಪೌಲ ಅಪ್ಣಕನ ರ‍್ಹಾವಾನಿ ವಖ್ಹತ್‌ಮ ಶೇದೆವ್‌ನಿತರ ಚಾ಼ಲಿಲ್ಯವಾಳೊಬಿ, ತುಮಾರೇಥಿ ದೂರ್‌ರ‍್ಹಾವಾನಿ ವಖ್ಹತ್‌ಮ ಕಠಣ್‌ಥಿಬಿ ಚಾ಼ಲಿಲ್ಯವಾಳೊ ಹುಯಿರ್‍ಹೊಸ್ ಕರಿ ಬೋಲೈಲ್ಯಾವಳೊ ಯೋ ಪೌಲ ಕರಿ ಮೇ ಕ್ರಿಸ್ತನಿ ಶಾಂತಿನದಿಲ್‍ನಾಬಿ ಗೋರ್‌ನಾಬಿ ಯಾದ್‍ಕರ‍್ಲಿನ್,

ಗಲಾತ್ಯ 5:22

ಕತೋಬಿ ದೇವ್ನ ಆತ್ಮಾಥಿ ಉಬ್‌ಜಾ಼ನು ಫಲ್ ಶಾತ್‌ಕತೊ, ಪ್ಯಾರ್, ಶಂತೋಖ್ಹ್‌, ಸಮಾಧಾನ್, ಖ್ಹಮಾಳಿ ರ‍್ಹವಾನು, ದಯಾ, ಬಿಜೇಕ್ನ ಮದತ್‌ಕರಾನು, ವಿಶ್ವಾಸ್, ಆಸ್‌ಹುಯಿರ‍್ಹುಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:2

ಇವ್ಣುನ ಬೋಲ್, ಇವ್ಣೆ ಕಿನಿ ಬಾರೇಮಾಬಿ ದೂಷಣೆ ನಾ ಬೋಲ್‌ನು, ಕತೋಬಿ ಕಿನ ಜೋ಼ಡೇಬಿ ಸಮಾಧಾನ್‌ಥಿ, ದೋಸ್ತಿಥಿ ಅಜು಼ ತಮಾಮ್‌ನ ಜೋ಼ಡೆ ಶೇದೇವ್‌ನಿ ಮತ್‌ರ‍್ಹೇಣು.

ಯಾಕೋಬ 3:17

ಕತೋಬಿ ದೇವ್‍ಥಿ ಆವಾನಿ ಗ್ಯಾನ್ ಪಹಿಲೆ ಪರಿಶುದ್ ಹುಯಿರ‍್ಹವಾಳು ಇನಪಾರ್ ಸಮಾಧಾನ್‍ವಾಳು, ಶೇದೇವ್‌ ಹುಯಿರ‍್ಹವಾಳು, ವಿಧೇಯ ರ‍್ಹವಾಳುಬಿ, ಗೋರ್‌ಥೀಬಿ ಅಜು಼ ಅಛ್ಛಿ಼ಫಲ್‍ಥೀಬಿ ಭರೈರ‍್ಹವಾಳು, ಶುದ್ಧಮನ್‌ಥಿ ಬೋಲವಾಳು, ಖ್ಹಾಚು಼ ಬೋಲವಾಳುಕರಿ ಖುಷಿಥಿ ಮಾನಿಲ್ಯಾವನು ಹುಯಿರ‍್ಹುಸ್.