1 ಯೋಹಾನ 5:9 - ದೇವ್ನಿ ಖ್ಹಾಚಿ ವಚನ್

⁹ ಅಪ್ಣೆ ಅದ್ಮೇವ್‌ನಿ ಸಾಕ್ಷಿನ ಮಾನಿಲಿಯೇಸ್‍ನಿ ಇಮ್ಮಸ್ ದೇವ್ನಿ ಸಾಕ್ಷಿ ಇನೇಥಿಬಿ ಘಣು ಮಹಾನ್ ಹುಯಿರ‍್ಹುಸ್‍. ಶನಕತೊ ದೇವ್ನೆ ದೀರಾಖ್ಯೋತೆ ಸಾಕ್ಷಿ ಇನ ಛಿಯ್ಯಾನಿ ಬಾರೇಮ ಹುಯಿರ‍್ಹುಸ್‍.

1 ಯೋಹಾನ 5:9 ပူးပေါင်းရင်းမြစ်များ

ಮತ್ತಾಯ 17:5

ಯೋ ಅಮ್ ಬೋಲುಕರಾನಿ ವಖ್ಹತ್‌ಮಾಸ್‌, ಏಕ್‌ ಉಜಾ಼ಖ್ಹ್‌ನು ವಾದ್‌ಳು ಐನ್, ಇವ್ಣಾಪರ್ ಢಪಾಯು, ಅಜು಼ ಯೋ ವಾದ್ಳಾನ ಮಹಿಥು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನೇಥಿ ಮೇ ಘಣು ಖ್ಹುಶಿ ಛೂ಼!” ಕರಿ ಏಕ್‌ ಅವಾಜ಼್ ಆಯೊ.

ಯೋಹಾನ 10:38

ಕತೋಬಿ “ಮೇ ಅಮ್ ಕರ‍್ಯೊತೆ ಇನಖ್ಹಾಜೆ ಮನ ತುಮೆ ವಿಶ್ವಾಸ್‌ ಕೊ ಕರಾನಿ, ಆ ಕಾಮ್ನ ದೇಖಿನ್‌ ತೋಬಿ ನಂಬೊ. ತದೆ ಮಾರ ಮಹಿ ಬಾ ಛಾ಼ ಕರೀಬಿ, ಅಜು಼ ಬಾನ ಮಹಿ ಮೇ ಛೂ಼ ಕರೀಬಿ ತುಮೆ ಮಾಲುಮ್‌ ಕರಿಲಿಶು” ಕರಿ ಬೋಲ್ಯೊ.

ಯೋಹಾನ 5:39

ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:31

ಜಗತ್ನ ಅದ್ಮಿಖ್ಹಾರಾನು ನ್ಯಾಯನ ಫೆಡಾವನಖ್ಹಾಜೆ ದೇವ್ನೆ ಏಕ್‍ದನ್ನ ಖ್ಹಣೇದ್ ಕರಿರಾಖ್ಯೋಸ್. ತದೆ ನ್ಯಾವ್‌ನ ಫೇಡಾವನಖ್ಹಾಜೆ ಇನೆ ಏಕ್‍ಜ಼ಣಾನ ಕೇತ್ರಾಕಿ ವರಖ್ಹ್‌ನ ಪಾರಸ್ ಚೂ಼ಣಿರಾಖ್ಯೊಸ್. ಅನ ಹರೇಕ್‌ಜ಼ಣಾನ ಮಾಲುಮ್ ಕರಾವನಖ್ಹಾಜೆ ಆ ಏಕ್‍ಜ಼ಣಾನ ಮರ‍್ಯಹುಯಮಾಥು ಜಿವ್ತು ಉಠಾಡಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:32

ಆ ಕಾಮ್ನ ಹಮೇಸ್ ಸಾಕ್ಷಿ; ಹಮೇಸ್ ಕಾಹೆತೆ ವಿಧೇಯ ಹುವಾತೆ ಅಖ್ಖಾಸ್ ಅದ್ಮಿನ ದೇವ್ನೆ ದೀರಾಖ್ಯೋತೆ ಪವಿತ್ರಾತ್ಮಸ್ ಸಾಕ್ಷಿ ಹುಯಿರೋಸ್” ಕರಿ ಬೋಲ್ಯೊ.

ಇಬ್ರಿ 2:4

ಖ್ಹಣೇದ್‍ನು ಕಾಮ್‍ಥೀಬಿ, ಅದ್ಭುತ್‌ಕಾಮ್ ಖ್ಹಾರಥಿಬಿ, ಕೈಯೇಕ್ ಥರಾನು ಮಹಾನ್ ಕಾಮ್‍ಥೀಬಿ ಅಜು಼ ಇನಿ ಸೋಚ್‌ನಿತರ ಪವಿತ್ರಾತ್ಮನು ವರಾನ ವಾಟಪಾಡಿ ದ್ಯವಾಥಿ ದೇವ್ನೇಸ್ ಇನ ವತಾಳಿಲಿದೊ.

ಇಬ್ರಿ 6:18

ದೇವ್ನಿ ವಾಗ್ದಾನ್ ಅಜು಼ ಆಣ್. ಆ ಭೇಬಿ ಕೆದೆಕೆದೇಬಿ ರ‍್ಹವಾನಿ ಆಧಾರ್ ಖ್ಹಾರು. ಶನಕತೊ ಅನಿಬಾರೇಮ ದೇವ್ ಅಪ್ಣುನ ಠಗಾವವಾಳೋಸ್ ಕಾಹೆ. ಇನಖ್ಹಾಜೆ ಆಖ್ಹ್‌ರೊ ಲೀಲೆವ್ಣುಕರಿ ನಾಶಿ ಆಯಿನ್ ಅಪ್ಣ ಖ್ಹಾಮ್ಣೆ ಮ್ಹೆಲಿರಾಖ್ಯೋತೆ ಭರೋಖ್ಹಾನ ಧರಿರಾಖ್ಯತೆ ಅಪ್ಣುನ ಘಣು ಹುಮ್ಮಖ್ಹ್‌ ಮಳನಿತರಹುಯು.

1 ಯೋಹಾನ 5:10

ದೇವ್ನ ಛಿಯ್ಯಾಮ ವಿಶ್ವಾಸ್ ಕರಾವಾಳೊ ಆ ಸಾಕ್ಷಿನ ಇನಾಮ ಲೀರಾಖಸ್. ದೇವ್ನ ನಂಬಕೊಂತೆ ಯೋ ಇನ ಝು಼ಟೊಕರಿ ಬಣೈರಾಖ್ಯೊಸ್. ಕಿಮ್‌ಕತೊ ದೇವ್ ಇನ ಛಿಯ್ಯಾನಿ ಬಾರೇಮ ದಿದೋತೆ ಸಾಕ್ಷಿಮ ಇನೆ ವಿಶ್ವಾಸ್ ಕರ‍್ಯೊಕೊಯ್ನಿ.

1 ಯೋಹಾನ 5:8

ಅಮ್‍ ಪವಿತ್ರಾತ್ಮ, ಪಾಣಿ ಅಜು಼ ಲ್ಹೋಯಿಕರಿ ತೀನ್ ಸಾಕ್ಷಿಖ್ಹಾರು ಛಾ಼. ಆ ತೀನ್ಹೇಬಿ ಎಕ್ಕಸ್ ಸಾಕ್ಷಿ ದೇಸ್.