Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 ಯೋಹಾನ 5:20 - ದೇವ್ನಿ ಖ್ಹಾಚಿ ವಚನ್

20 ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

အခန်းကိုကြည့်ပါ။ ကော်ပီ




1 ಯೋಹಾನ 5:20
53 ပူးပေါင်းရင်းမြစ်များ  

ಯೇಸುನೆ ಇವ್ಣುನ, “ಸೊರ್ಗ ರಾಜ್ಯನಿ ಬಾರೇಮಾನಿ ಖ್ಹಾಚಿನ ಮಾಲುಮ್‌ ಕರಿಲ್ಯವಾನು ಕಿಮ್ ಕರಿ ಬೋಲಾನು ತುಮೂನ ದೆವೈರ‍್ಹೂಸ್‌, ಪಣ್ಕಿ ಇವ್ಣ ಕಾಹೆ.


ಶನಕತೊ ತುಮಾರು ದುಶ್‌ಮನ್‌ ಖ್ಹಾರು, ತುಮಾರ ವಿರೋದ್ ಭೀರ‍ವಾನ ಅಜು಼ ವಾತೆ ಫರೈನ್ ಬೋಲಾನ ಕೋ ಹುವ್ವಾನಿತೆ ಇಮ್ನಿ ವಾತೆ, ಅಜು಼ ಗ್ಯಾನ್ನ ಮೇ ತುಮೂನ ದಿಶ್.


ಅನ ಬಾದ್‌ಮ ಇವ್ಣೆ ವಚನ್‍ಮ ಲೀಖೈರ‍್ಹೂತೆ ಇನ ಪರ್ಖಿಲವಾನಿಮತ್, ಯೇಸುನೆ ಇವ್ಣಿ ಅಕ್ಕಲ್‍ನ ಛೋ಼ಡ್ಯೊ.


ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.


ಬಾಬಿ, ಮೇ ಎಕ್ಕಸ್ ಹುಯಿರ‍್ಹಾಸ್‌” ಕರಿ ಬೋಲ್ಯೊ.


ಯೋ ದನ್ಮ ಮೇ ಮಾರ ಬಾಮಾಬಿ, ತುಮೆ ಮಾರಮಬಿ, ಇಮ್ಮಸ್ ಮೇ ತುಮಾರಮಬಿ ಛೂ಼ತೆ ಮಾಲುಮ್‌ ಕರಿಲಿಶು.


ಯೇಸುನೆ ಇನ, “ಕೋಣ್ ಮನ ಪ್ಯಾರ್ ಕರಾಸ್ಕಿ, ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್‌ಷೆ. ಮಾರೊ ಬಾ ಇನ ಪ್ಯಾರ್ ಕರ್ಶೆ, ಅಜು಼ ಮಾರೊ ಬಾಬಿ ಮೇ ಭೇಜ಼ಣ ಇನಾಕನ ಐನ್, ಇನಜೋ಼ಡೆ ಜಿವ್‌ಶು.


ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ.


ಯೇಸುನೆ ಜ಼ವಾಬ್ ದೇತೊ ಹುಯಿನ್, “ಫಿಲಿಪ್ಪ, ಮೇ ಅತ್ರಾದನ್‌ ತುಮಾರ ಜೋ಼ಡೆ ರ‍್ಹಯೊತೋಬಿ, ತುನೆ ಮನ ಮಾಲುಮ್‌ ಕರಿಲಿದೊಕೊಯ್ನಿಕಿ ಶು? ಕೋಣ್ ಮನ ದೇಖ್ಯುಕಿ, ಇವ್ಣೆ ಬಾನಾಬಿ ದೇಖಿರಾಖ್ಯುಸ್‌. ಅಮ್ ರ‍್ಹವಾಪರ್, ತೂ, “ಹಮೂನ ಬಾನ ವತಾಳ್” ಕರಿ ಪುಛಾ಼ವಸ್ತೆ ಶನ?


ತುಮೆ ಮಾರಾಮ ರ‍್ಹವೊ, ಮೇ ತುಮಾರಾಮ ರ‍್ಹೀಶ್. ಡಾಳಿಯೆ ವೇಲಾನ ಜೋ಼ಡೆ ನಾ ರ‍್ಹಿಯುತೊ, ಇನುಯೋಸ್ ಪಂಡು ದ್ಯವಾನ ಕೋ ಹುವ್ವಾನಿಕಿ, ಇಮ್ಮಸ್ ತುಮೆ ಮಾರಾಮ ನಾ ರ‍್ಹಯಾತೊ, ಫಲ್‍ದ್ಯವಾನ ಕೋ ಉಶೇನಿ.


ಮೇ ತಾರಿ ಸಂದೇಶ್ ಅವ್ಣುನ ದೀರಾಖ್ಯೊಸ್, ಮೇ ಆ ಜಗತ್ನ ಮಳ್ಯೊಹುಯೊ ಕಾಹೆತೆ ಇಮ್ಮಸ್, ಅವ್ಣೇಬಿ ಆ ಜಗತ್ನ ಮಳ್ಯುಹುಯು ಕಾಹೆ, ಅನಖ್ಹಾಜೆಸ್ ಆ ಜಗತ್‌ ಅವ್ಣುನ ವಹೇರ್‌ ಕರಾಸ್.


ಧರ್ಮಿ ಹುಯಿರ‍್ಹೋತೆ ಬಾ! ಆ ಜಗತ್‌ ತುನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಕತೋಬಿ ಮೇ ತುನ ಮಾಲುಮ್‌ ಕರಿರಾಖ್ಯೋಸ್, ಅಜು಼ ತುನೆ ಮನಮೋಕ್ಲಿರಾಖ್ಯೋಸ್‌ ಕರಿ ಅವ್ಣೆ ಮಾಲುಮ್‌ ಕರಿರಾಖೂಸ್.


ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ.


ತೋಮನೆ ಯೇಸುನ, “ಮಾರೊ ಪ್ರಭು, ಮಾರೊ ದೇವ್!” ಕರಿ ಜವಾಬ್‌ ದಿದೊ.


ಯೇಸುನೆ ಯೆಹೂದ್ಯರ್‌ನ, “ಖ್ಹಾಚಮಾಬಿ ದೇವಸ್ ತುಮಾರೊ ಬಾ ಹುಯಿರ‍್ಹೊಹೋತ್ತೊ, ತುಮೆ ಮನ ಪ್ಯಾರ್ ಕರ‍್ಯಾಹೋತ್‌, ಶನಕತೊ ಮೇ ದೇವ್‌ಕಂಥೊ ಆಯೊ ಅಜು಼ ಹಮ್ಕೆ ಹಜ್ಜಾ಼ ಛು಼. ಮೇ ಆಯೋತೆ ಮಾರಿ ಶೊಂತ್‌ ಅದಿಕಾರ್‌ಪರ್‌ ಕಾಹೆ, ಪಣ್ಕಿ ದೇವ್ನೇಸ್ ಮನ ಮೋಕ್‌ಲ್ಯೊ.


ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.


ಗುರುಗುರಬ್‍ಲ್ಯೊಬಿ ಇವ್ಣುನ ಮಳ್ಯಹುಯ. ಕ್ರಿಸ್ತ ಅದ್ಮಿಹುಯಿನ್ ಇವ್ಣಿ ಖೂಮ್ಮ ಪೈದಹುಯೊ. ಆ ಖ್ಹಾರಸ್ನ ಉಪ್ಪರ್ ಛಾ಼ತೆ ದೇವ್ ಕದೆಕದೇಬಿ ಸ್ತುತಿ ಹುವಾದೆ ಆಮೆನ್.


ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.


“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.


ಇನಖ್ಹಾಜೆ ಕೋಣ್‌ತೋಬಿ ಕ್ರಿಸ್ತಮ ರ‍್ಹಯುತೊ, ಯೊ ನವೇಥಿ ಉಬ್ಜಿರ‍್ಹೋಸ್. ಹಂದೇಖೊ, ಜೂ಼ನು ಚಾ಼ಲ್ಯೂತೆ ಅಖ್ಖೂಸ್ ನೂಛೈ಼ಗಯು; ನವೇಥಿ ಜ಼ಲಮ್‍ಲಿದು.


ತುಮೆ ಪ್ಯಾರ್‌ಮ ತಳ್‌ಗಾಠಿ ಭೀರೇವ್ಣು. ದೇವ್ನ ಅದ್ಮಿನ ಜೋ಼ಡೆ ಕ್ರಿಸ್ತನು ಪ್ಯಾರ್ ಕೆತ್ರೆ ಚೌ಼ಡು, ಲಾಂಬು, ಊಚು಼ ಗಧಾರ್, ಛಾ಼ಕರಿ ಮಾಲುಮ್ ಕರಾನಿ ಶಕತ್ ತುಮಾರಮ ರ‍್ಹವಾದೆ.


ಅನಾಮ ಮಾರಿ ಖ್ಹೂಜ಼್ ಶಾತ್‌ಕತೊ, ಮೆ ಕ್ರಿಸ್ತಾನ ಕಮೈಕರೀನ್, ಧರ್ಮಶಾಸ್ತ್ರನು ಫಲ್ ಹುಯಿರ‍್ಹುತೆ ಶೊಂತ್ ನೀತಿಕಾಹೆ, ಕ್ರಿಸ್ತಮ ವಿಶ್ವಾಸ್‌ಕರಾಥಿ ಮಳಾತೆ ಕತೊ ಕ್ರಿಸ್ತಪರ್‌ನಿ ವಿಶ್ವಾಸ್‌ನಿ ಆಧಾರ್‌ಥಿ ದೇವ್ ದೇಸ್ತೆ ನೀತಿನಾಸ್ ಲೀನ್ ಕ್ರಿಸ್ತಮ ರ‍್ಹೇವ್ಣುಕರಿ ಬೋಲಾನುಸ್.


ಅಪ್ಣ ದೇವ್‌ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ‍್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್‌ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್‌ಥಿ ದೆಖೈಗು. ಅಲ್ಹಾವ್‌ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್‌ ಇನಾಪರ್ ವಿಶ್ವಾಸ್ ಕರ‍್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.


ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.


ಕತೋಬಿ ಛಿಯ್ಯಾನಿ ಬಾರೇಮ ಅಮ್ ಬೋಲ್ಯೊ: “ದೇವ್ ತಾರು ಸಿಂಹಾಸನ್ ಜ಼ಗ್‌ಜ಼ಮಾನಮಾಬಿ ರ‍್ಹಿಶೆ. ನೀತಿನು ಡಂಡೊಸ್‌ ತಾರು ರಾಜ಼ನು ಡಂಡೊ ಹುಯಿರ‍್ಹುಸ್.


ಕೋಣ್ ದೇವ್ನ ಛಿಯ್ಯಾನ ಝಿಟ್ಕಾರವಾಳೊಕಿ ಯೋ ದೇವ್ನ ಮಳ್ಯೊಹುಯೊ ಕಾಹೆ. ಕೋಣ್ ಛಿಯ್ಯಾನ ಮಾನಿಲೇಸ್ಕಿ ಯೋ ಬಾಹುಯಿರೋತೆ ದೇವ್ನ ಮಳ್ಯೊಹುಯೊ ಹುಯಿರ‍್ಹೊಸ್.


ಪಹಿಲೆಥೂಬಿ ತುಮೆ ಖಿವಿ ಸುವಾರ್ತೆನ ಖ್ಹಮ್‍ಜ್ಯಾಕಿ ಯೊ ತುಮಾರಮ ರ‍್ಹಿಶೆ. ಇನಖ್ಹಾಜೆ ತುಮೇಬಿ ಪಹಿಲೆಥೀಬಿ ಖ್ಹಮ್‍ಜ್ಯಾತೆ ಅಛ್ಛಿ ಸಮಾಚಾರ್ ತುಮಾರಮ ರ‍್ಹಯುತೊ ಛಿಯ್ಯಾಮಾಬಿ ಬಾಹುಯಿರೋತೆ ದೇವ್‍ಮಾಬಿ ತುಮೆ ಘಟ್‍ಥಿ ರ‍್ಹಿಶು.


ದೇವ್‌ಮ ತಳ್‍ಗಾಠಿನ್ ಛೂ಼ಕರಿ ಬೋಲವಾಳೊ ಯೇಸು ಚಾ಼ಲಿಲಿದೋತೆ ತಿಮ್ಮಸ್ ಯೋಬಿ ಜಿವ್ಣು ಕರ‍್ನು.


ಬಾನೆ ಇನ ಛಿಯ್ಯಾನ ಜಗತ್ನೊ ರಕ್ಷಕ್ ಕರೀನ್ ಮೋಕ್ಲಿರಾಖ್ಯೊತೆ ಅಪ್ಣೆ ದೇಖಿರಾಖ್ಯಸ್. ಅಜು಼ ಇನಿ ಬಾರೇಮ ಅಪ್ಣೆ ಸಾಕ್ಷಿ ಬೋಲಿಯೇಸ್.


ಅಮ್ಮಸ್ ದೇವ್ ಅಪ್ಣಾಮ ರಾಖಿರಾಖ್ಯೊತೆ ಪ್ಯಾರ್‌ನ ಅಪ್ಣೆ ಮಾಲುಮ್ ಕರಿರಾಖ್ಯಸ್. ಇನ ಅಪ್ಣೆ ವಿಶ್ವಾಸ್ ಕರಿಯೇಸ್. ದೇವ್ ಪ್ಯಾರ್‌ವಾಳೊ ಹುಯಿರ‍್ಹೊಸ್. ಪ್ಯಾರ್‌ಮ ರ‍್ಹವವಾಳೊ ದೇವ್‌ಮ ರ‍್ಹವಾಳೊ ಹುಯಿರೇಸ್‌. ದೇವ್ ಇವ್ಣಾಮ ರ‍್ಹವಾಳೊ ಹುಯಿರ‍್ಹೊಸ್ ದೇವ್ ಪ್ಯಾರ್ ಹುಯಿರ‍್ಹೊಸ್.


ದೇವ್ನ ಆತ್ಮಥು ಆಯುತೆ ಹುಮ್ಮಖ್ಹ್‌ನ ತುಮೆ ಕಿಮ್ ಖ್ಹಣೇದ್ ಕರೇಜಾ಼ಯ್‍ಕತೊ; ಅದ್ಮಿಹುಯಿನ್ ಆಯೊತೆ ಯೇಸುಕ್ರಿಸ್ತನ ಮಾನಿಲ್ಯವಾನು ಆತ್ಮ ದೇವ್‍ಥೀಸ್‍ ಆವಸ್ತೆ.


ಯೇಸುಸ್ ಪ್ರಭು ಕರಿ ನಂಬವಾಳ ಹರೇಕ್ ಜ಼ಣಾಬಿ ದೇವ್ನ ಲಡ್ಕಾ ಹುಯಿರ‍್ಹಾಸ್. ಕೋಣ್ ಇನ ಪೈದಕರ‍್ಯೊತೆ ಬಾನ ಪ್ಯಾರ್ ಕರಸ್ಕಿ ಅಥ್ರಾನವಾಳು ಹರೇಕ್ ಜ಼ಣು ಇನ ಛಿಯ್ಯಾನ ಜಿನುಕು ಪ್ಯಾರ್‌ಕರಸ್‍.


ಅಪ್ಣೆ ಶಾತ್‍ ಬೋಲಿಲಿದಾತೋಬಿ ಅಪ್ಣಿ ಬಿಂತೀನಿವ್ಹಾರ್‌ನ ದೇವ್ ಖ್ಹಮ್‍ಜಾ಼ಸ್‍ಕರಿ ಅಪ್ಣುನ ಮಾಲುಮ್ ರ‍್ಹಯುತೋ ಅಪ್ಣೆ ಬಿಂತಿಕರ‍್ಯುಹುಯು ಇನೇಥಿ ಅಪ್ಣುನ ಮಳ್‌ಶೆಕರಿ ಅಪ್ಣಿ ಭರೋಖ್ಹಾಥಿ ಮಾಲುಮ್‌ಪಡಸ್‍.


ದೇವ್‍ಥಿ ಉಬ್‍ಜಾ಼ವಾಳೊ ಪಾಪ್‍ಕರವಾಳೊ ಕಾಹೆ ಕರಿ ಅಪ್ಣುನ ಮಾಲುಮ್ ಛೆ. ದೇವ್‍ಥಿ ಪೈದಹುವವಾಳೊ ಇನುಯೋಸ್ ಬಚಾ಼ಡಿಲಿಶೆ. ಕೇಡ್‌ ಕರಾವಾಳೊ ಇನ ಛೀಮ್‍ಶೆ ಕೊಯ್ನಿ.


ಯೇಸುಸ್ ದೇವ್‌ನೊ ಛಿಯ್ಯೊ ಕರಿ ವಿಶ್ವಾಸ್ ಕರವಾಳೋಸ್ ಜಗತ್ನ ಜುತಾನ ಉಶೆಪಣ್ಕಿ ಜಗತ್ನ ಜುತಾನ ಅಜು಼ ಕಿನೇಥಿ ಉಶೆ?


ಇವ್ಣೆ ದೇವ್‌ನೊ ಸೇವಕ್ ಹುಯಿರೋತೆ ಮೋಶೆನ ಗೀದ್‌ನ ಮೇಂಢಾನು ಚೆಲ್ಕಾನು ಗೀದ್‌ನ ಬೋಲ್ತೊಹುಯಿನ್, ಪ್ರಭು ಹುಯಿರೋತೆ ದೇವ್ ತೂ ಸರ್ವಶಕತ್‌ನೊ, ತಾರು ಕಾಮ್‌ಖ್ಹಾರು ಮಹಿಮೆನಾಬಿ, ಆಶ್ಚರ್ಯನೂಬಿ ಹುಯಿರುಸ್.ಅಖ್ಖೀಸ್ ಜ಼ಗ್‌ಜಾ಼ತ್‌ನೊ ರಾಜ಼. ತಾರೊ ಮಾರಗ್‌ಖ್ಹಾರು ನ್ಯಾವ್ನುಬಿ ಖ್ಹಾಚೂ಼ಬಿ ಹುಯಿರುಸ್ ಕರಿ ಮಾಲುಮ್ ಕರಾವಸ್.


ಇನಪಾರ್ ಪರ್‌ಲೋಕ್ ನಿಕ್ಳಿರ‍್ಹಾವನು ಮೇ ದೇಖ್ಯೊ. ತದೆ ದೇಕ್, ಧೋಳೊ ಘೋಡೊ ಮನ ದೆಖಾಯು. ಇನಾಪರ್‌ ಬೆಠೊರ‍್ಹವಾಳಾನ ವಿಶ್ವಾಸ್‌ವಾಳೊ, ಖ್ಹಾಚೊ಼ಕರಿ ನಾಮ್. ಯೊ ನೀತಿಥಿ ನ್ಯಾವ್‌ನ ಫೇಡವಾಳೊ, ನೀತಿಥಿ ಜಂಗ್‌ಭೀಡವಾಳೊ ಹುಯಿರೊಸ್.


ಲವೊದಿಕೀಯಮ ಛಾ಼ತೆ ಸಬೆನ ದೂತನ ಲೀಕ್, ವಿಶ್ವಾಸ್ ಯೋಗ್ಯಬಿ, ಖ್ಹಾಚಿ ಸಾಕ್ಷಿಬಿ, ದೇವ್ನಿ ಬಣಾವಟ್ನ ರಾಜ಼ ಹುಯಿರೋತೆ ‘ಆಮೆನ್’ ಕರಿ ರ‍್ಹವಾಳೊ ಶಾತ್‌ ಬೋಲಸ್‍ಕತೊ,


ಫಿಲಿಡೇಲ್ಫಿಯಾಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ಪರಿಶುದ್ಧಬಿ, ಖ್ಹಾಚೊ಼ಹುಯಿರ‍್ಯವಾಳೊಬಿ, ದಾವೀದನು ಬೀಗಾನು ಕೀಲಿ ಲೀರಾಖವಾಳೋಬಿ, ಕಿನೇಥೀಬಿ ನಾ ಮೂಚ಼ನಹೋಣುತೆ ಇಮ್‌ ಕಾಡವಾಳೊ, ಖೆವಾಥೀಬಿ ಉಖ್ಡಾನ ನಾ ಹೋಣುತೆ ಇಮ್‌ ಮೂಚಾ಼ವಾಳೊ ಹುಯಿರೋತೆ ಶಾತ್‌ ಬೋಲಾಸ್‍ಕತೊ,


ಇವ್ಣೆ ತೂಸ್ ಪ್ರಭು, ಪರಿಶುದ್‌ಬಿ ಖ್ಹಾಚೋ಼ಬಿ ಹುಯಿರ‍್ಹವಾಳೊ. ಹಮಾರ ಲ್ಹೋಯಿನ ರಂಚ್ಯೂತೆ ಧರ್ತಿನು ಅದ್ಮಿಖ್ಹಾರಾನ ಬಿಜು಼ ಕಬ್ಲಗು ನ್ಯಾವ್‌ಫೇಡಾವ ಕೊಯ್ನಿತೇಬಿ, ನ್ಯಾವ್‌ನು ತೀರ್ಪ್ ಕರಾಕೊಂತೇಬಿ ನಿಶತ್‌ ದೇಸ್ ಕೊಂತೆ ರ‍್ಹೇಸ್? ಕರಿ ಮೋಟಿ ಅವಾಜ಼್‌ಥಿ ಚಿಕ್‌ರ‍್ಯು.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ