1 ಯೋಹಾನ 5:10 - ದೇವ್ನಿ ಖ್ಹಾಚಿ ವಚನ್

¹⁰ ದೇವ್ನ ಛಿಯ್ಯಾಮ ವಿಶ್ವಾಸ್ ಕರಾವಾಳೊ ಆ ಸಾಕ್ಷಿನ ಇನಾಮ ಲೀರಾಖಸ್. ದೇವ್ನ ನಂಬಕೊಂತೆ ಯೋ ಇನ ಝು಼ಟೊಕರಿ ಬಣೈರಾಖ್ಯೊಸ್. ಕಿಮ್‌ಕತೊ ದೇವ್ ಇನ ಛಿಯ್ಯಾನಿ ಬಾರೇಮ ದಿದೋತೆ ಸಾಕ್ಷಿಮ ಇನೆ ವಿಶ್ವಾಸ್ ಕರ‍್ಯೊಕೊಯ್ನಿ.

1 ಯೋಹಾನ 5:10 ပူးပေါင်းရင်းမြစ်များ

ಯೋಹಾನ 3:16

ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ.

ಯೋಹಾನ 3:18

ಇನ ನಂಬವಾಳಾನ ತೀರ್ಪ್‌ ಕೋ ಹೊಯ್ನಿ, ಕತೋಬಿ ನಂಬಕೊಂತೆ ಇನ ತದೇಸ್‌ ತೀರ್ಪ್‌ ಹುಯ್ಗಿ. ಶನಕತೊ ಇನೆ ದೇವ್ನ ಎಕ್ಕಸ್ ಛಿಯ್ಯಾನ ನಾಮ್ನ ಉಪ್ಪರ್ ಭರೋಖ್ಹೊ ಕರ‍್ಯೊಕೊಯ್ನಿ.

ಯೋಹಾನ 3:33

ಕತೋಬಿ ಕೋಣ್ ಇನಿ ಸಾಕ್ಷಿನ ಮಾನಿಲೇಸ್ಕಿ, ಯೋ ಅಮ್ ಕರಾಥಿ ದೇವ್ ಖ್ಹಾಚು಼ ಕರಿ ಸಾಬಿತ್ ಕರಸ್.

ಯೋಹಾನ 5:38

ಅಜು಼ ಇನಿ ವಾಕ್ಯಾಬಿ ತುಮಾರಾಮ ಕೊಯ್ನಿ, ಶನಕತೊ ಬಾ ಮೋಕ್‌ಲ್ಯೊತೆ ಇನ ತುಮೆ ನಂಬಾಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:37

ತದೆ ಫಿಲಿಪ್ಪನೆ ಇನ “ತೂ ಖ್ಹಾಚ ದಿಲ್‌ಥಿ ವಿಶ್ವಾಸ್ ಕರಾವಾಳೊ ಉಷೇತೊ ಅಡ್ಡಿಕೊಯ್ನಿ” ಕರಿ ಬೋಲ್ಯೊ. ತದೆ ಅದಿಕಾರಿನೆ, “ಯೇಸುಕ್ರಿಸ್ತಾಸ್ ದೇವ್‌ನೊ ಛಿಯ್ಯೊಕರಿ ವಿಶ್ವಾಸ್ ಕರುಸ್” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:16

ಅಪ್ಣೆ ದೇವ್ನ ಛಿಯ್ಯಾ ಹುಯಿರ‍್ಹಾಸ್, ಕರಿ ಬೋಲಾನ ಪವಿತ್ರಾತ್ಮಸ್ ಅಪ್ಣ ಆತ್ಮನಿಜೋ಼ಡ್ಮ ಸಾಕ್ಷಿ ದೇಸ್.

ಗಲಾತ್ಯ 4:1

ಕತೋಬಿ ಮೇ ಶಾತ್‌ಬೋಲುಸ್ ಕತೊ ಹಕ್‍ದಾರ್ ರ‍್ಹವಾಳೊ ಯೋ ಇನು ಧನ್‌ದೌಲತ್ನ ಯಜಮಾನ್ ಹುಯಿರ‍್ಹೊತೋಬಿ ಅಡ್ಡಾಣಿ ರ‍್ಹಾವಾಲಗು ಇನು ರ‍್ಹಯುತೋಬಿ ಯೊ ಆಳ್‌ನಿತ್ರಾಸ್ ರ‍್ಹೇಸ್.

ಗಲಾತ್ಯ 4:6

ತುಮೆ ಛಿಯ್ಯಾಹುಯಿರ‍್ಹಾತೆ ಖ್ಹಾಜೆ ದೇವ್ನೆ, “ಬಾ! ಬಾ!” ಕರಿ ಚಿಕ್ರಾಸ್ತೆ ಇನ ಛಿಯ್ಯಾನ ಆತ್ಮಾನ ಅಪ್ಣ ದಿಲ್ಮ ಮೋಕ್‌ಲ್ಯೊ.

ಕೊಲೊಸ್ಸೆ 3:3

ಶನಕತೊ ತುಮೆ ಮರಿರ‍್ಹಾಸ್ನಿ ತುಮಾರೊ ಜಾನ್‌ ಕ್ರಿಸ್ತನಿ ಜೋ಼ಡ್ಮ ದೇವ್‌ಮ ಓಠೆ ಹುಯಿರ‍್ಹುಸ್.‌

ಇಬ್ರಿ 3:12

ಮಾರ ಭೈಯೇ ಭೇನೇವೊ ತುಮಾರಮ ಖರಾಬ್ ರ‍್ಹವೊ ಜಿವ್ತೊ ಜಾನ್ನೊ ದೇವ್ನ ಮ್ಹೇಲಾನು ಅವಿಶ್ವಾಸ್‌ನೊ ದಿಲ್‌ ಕಿನಾಮಬಿ ನಾರ‍್ಹೇವ್ಣುತೆ ಹೊಷಾರ್‌ಥಿ ದೇಖಿಲೆವೊ.

2 ಪೇತ್ರ 1:19

ಅತ್ರೇಸ್ ಕಾಹೆತೆ, ಪ್ರವಾದ್‌ನೆನಿ ವಚನ್ ಬೋಲಿರಾಖ್ಯತೆ ವಾತೆ ಅಪ್ಣುನಖ್ಹಾರು ಖ್ಹಾಚ ಕರಿ ಬಿಜೂ಼ಬಿ ಘಟ್‍ಥಿ ಮಳಿರ‍್ಹೂಸ್‌. ಶನಕತೊ ಇವ್ಣೆ ಬೋಲಿರಾಖ್ಯುತೆ ವಾತೆ ಅಂಧಾರಾಮ ಉಜಾ಼ಖ್ಹ್‌ ದ್ಯವಾನು ದೀವೊ ಹುಯಿರ‍್ಹುಸ್‍ ತುಮಾರ ದಿಲ್ಮ ಖ್ಹಾರು ವ್ಹಾಣು ಹುವ್ವಾತೋಡಿ ಅಜು಼ ವ್ಹಾಣೆ ವೇಳಿನೊ ಶುಕ್ಕರ್ ನಿಕ್ಳಾತೋಡಿ ಯೋ ಉಜಾ಼ಳು ಝ಼ಮ್‌ಕವಾಳು ಹುಯಿರ‍್ಹುಸ್‍.

1 ಯೋಹಾನ 1:10

ಅಪ್ಣೆ ಪಾಪ್ ಕರ‍್ಯಾಕೊಯ್ನಿಕರಿ ಬೊಲ್ಯಾತೊ ದೇವ್ನ ಝೂ಼ಟೊ ಕರಾನಿತರ ಉಶೆ. ಅಜು಼ ಇನಿವಚನ್ ಅಪ್ಣಾಮ ಜ಼ಡ್‍ಗಾಠಿ ರ‍್ಹಿಶೆಕೊಯ್ನಿ.

1 ಯೋಹಾನ 5:1

ಯೇಸುಸ್ ಪ್ರಭು ಕರಿ ನಂಬವಾಳ ಹರೇಕ್ ಜ಼ಣಾಬಿ ದೇವ್ನ ಲಡ್ಕಾ ಹುಯಿರ‍್ಹಾಸ್. ಕೋಣ್ ಇನ ಪೈದಕರ‍್ಯೊತೆ ಬಾನ ಪ್ಯಾರ್ ಕರಸ್ಕಿ ಅಥ್ರಾನವಾಳು ಹರೇಕ್ ಜ಼ಣು ಇನ ಛಿಯ್ಯಾನ ಜಿನುಕು ಪ್ಯಾರ್‌ಕರಸ್‍.

ಪ್ರಕಾಶಿತ್ 12:17

ತದೆ ಅರ್ಝ಼ನ ಯೊ ತಯೇಡಾಪರ್ ಘಣು ಖಿಜೈ಼ನ್, ಇನಿ ಪಿಳ್ಗಿಮ ಥೂತೆ ಇವ್ಣಾಪರ್ ಕತೊ, ದೇವ್ನಿ ಹುಕುಮ್‌ನ ಪಾಡಿ ಚಾ಼ಲಿನ್ ಯೇಸುನಿ ಬಾರೇನಿ ಸಾಕ್ಷಿ ಹುಯಿರ‍್ಹವಾಳನಪರ್ ಜಂಗ್ ಭೀಡಿನ್,

ಪ್ರಕಾಶಿತ್ 2:17

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಕೋಣ್ ಜೂತಾಸ್ಕಿ ಇನ ಲಪಾಡಿರಾಖ್ಯೊಸ್ತೆ ಮನ್ನ ಕರಿ ಖಾಣನ ದಿಶ್. ಅತ್ರೇಸ್ ಕಾಹೆತೆ ಮೆ ಇನ ಏಕ್‌ ಧೋಳ ಬಂಡಾನ ದಿಶ್, ಯೋ ಬಂಡಾಪರ್ ನವು ನಾಮ್ನ ಟಕೈನ್‌ಲೀಖೈಷ್‍ ಯೋ ನಾಮ್ ಲೀರಾಖವಾಳನ ಮಾಲುಮ್ ಪಡ್‌ಶೆ, ಪಣ್ಕಿ ಯೋ ಬಿಜು಼ ಕಿನಾಬಿ ಮಾಲುಮ್‍ ಕೋಪಡ್ಷೇನಿ.

ಪ್ರಕಾಶಿತ್ 2:28

ಮೆ ಇನ ಉಜಾ಼ಳು ದೆಖಾಡನ ಶುಕ್ಕರ‍್ನ ದಿಶ್.