1 ಯೋಹಾನ 5:1 - ದೇವ್ನಿ ಖ್ಹಾಚಿ ವಚನ್

¹ ಯೇಸುಸ್ ಪ್ರಭು ಕರಿ ನಂಬವಾಳ ಹರೇಕ್ ಜ಼ಣಾಬಿ ದೇವ್ನ ಲಡ್ಕಾ ಹುಯಿರ‍್ಹಾಸ್. ಕೋಣ್ ಇನ ಪೈದಕರ‍್ಯೊತೆ ಬಾನ ಪ್ಯಾರ್ ಕರಸ್ಕಿ ಅಥ್ರಾನವಾಳು ಹರೇಕ್ ಜ಼ಣು ಇನ ಛಿಯ್ಯಾನ ಜಿನುಕು ಪ್ಯಾರ್‌ಕರಸ್‍.

1 ಯೋಹಾನ 5:1 ပူးပေါင်းရင်းမြစ်များ

ಮತ್ತಾಯ 16:16

ತದೆ ಸೀಮೋನ ಪೇತ್ರನೆ, “ತೂ ಆವ್ಣುತೆ ಕ್ರಿಸ್ತ, ಜಿವ್ತೊ ದೇವ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:5

ಯೋ ಅಪ್ಣ ಅದ್ಮಿನ ಪ್ಯಾರ್ ಕರಾವಾಳೊ ಹುಯಿರ‍್ಹೋಸ್ ಅಜು಼ ಇನೇಸ್‌ ಅಪ್ಣಖ್ಹಾಜೆ ಸಬೆ ಭರಾವನು ಮಂದಿರ್‌ನ ಭಂದೈದಿದೊತೆ” ಕರಿ ಬೋಲಿನ್ ಯೇಸುನ ಗಿಂಗಾವಲಗಾಖ್ಹತರ್‌,

ಯೋಹಾನ 1:3

ಇನೇಥಿಸ್ ದೇವ್ನೆ ಅಖ್ಖೂಸ್ ಬಣಾಯೊ, ಬಣಾಯೋತೆ ಯೋ ತಮಾಮ್‌ ರಾಛಾ಼ಮ, ಏಕ್‌ಬಿ ಯೋ ಕೊಂತೆ ಉಬ್‍ಜ್ಯುಕೊಯ್ನಿ.

ಯೋಹಾನ 15:23

ಮಾರಪರ್ ವಹೇರ್‌ ಕರಾವಾಳು ಮಾರ ಬಾಪರ್‌ಬಿ ವಹೇರ್‌ ಕರಾವಾಳು ಹುಯಿರ‍್ಹುಸ್‍.

ಯೋಹಾನ 3:3

ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್‌ತೋಬಿ ಏಕ್‌ ಜ಼ಣು ದೇವ್ನಿ ರಾಜ್ಯಮ ಪಾಛು಼ ಪೈದಾ ನಾ ಹುಯೂತೊ, ದೇವ್‌ನು ರಾಜ಼್‌ನ ದೇಖಾನ ಕೋ ಹುವಾನಿ?” ಕರಿ ಬೋಲ್ಯೊ.

ಯೋಹಾನ 6:69

ಹಮೆ ತಾರಾಮ ವಿಶ್ವಾಸ್‌ ಕರಿಯೇಸ್, ಅಜು಼ ತೂ ದೇವ್‍ಥಿ ಆಯೋತೆ ಪರಿಶುದ್ ಅದ್ಮಿ” ಕರಿ ಬೋಲ್ಯೊ.

ಯೋಹಾನ 8:42

ಯೇಸುನೆ ಯೆಹೂದ್ಯರ್‌ನ, “ಖ್ಹಾಚಮಾಬಿ ದೇವಸ್ ತುಮಾರೊ ಬಾ ಹುಯಿರ‍್ಹೊಹೋತ್ತೊ, ತುಮೆ ಮನ ಪ್ಯಾರ್ ಕರ‍್ಯಾಹೋತ್‌, ಶನಕತೊ ಮೇ ದೇವ್‌ಕಂಥೊ ಆಯೊ ಅಜು಼ ಹಮ್ಕೆ ಹಜ್ಜಾ಼ ಛು಼. ಮೇ ಆಯೋತೆ ಮಾರಿ ಶೊಂತ್‌ ಅದಿಕಾರ್‌ಪರ್‌ ಕಾಹೆ, ಪಣ್ಕಿ ದೇವ್ನೇಸ್ ಮನ ಮೋಕ್‌ಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:36

ಇವ್ಣೆ ವಳ್ಯಜಾ಼ತಥಾತೆ ವಾಟೆ ಪಾಣಿನಿ ಝ಼ಗೋಕನ ಆಯ. ಅಜು಼ ಅದಿಕಾರಿನೆ, ಹಂದೇಕ್ ಪಾಣಿ ಹೈರು ಮೇ ಬ್ಯಾಪ್ತಿಸ್ಮ ಲ್ಯಾವಾನ ಅಡ್ಡಿಶಾತ್‍? ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:37

ತದೆ ಫಿಲಿಪ್ಪನೆ ಇನ “ತೂ ಖ್ಹಾಚ ದಿಲ್‌ಥಿ ವಿಶ್ವಾಸ್ ಕರಾವಾಳೊ ಉಷೇತೊ ಅಡ್ಡಿಕೊಯ್ನಿ” ಕರಿ ಬೋಲ್ಯೊ. ತದೆ ಅದಿಕಾರಿನೆ, “ಯೇಸುಕ್ರಿಸ್ತಾಸ್ ದೇವ್‌ನೊ ಛಿಯ್ಯೊಕರಿ ವಿಶ್ವಾಸ್ ಕರುಸ್” ಕರಿ ಬೋಲ್ಯೊ.

ಯಾಕೋಬ 1:18

ದೇವ್ ಇನಿ ಅಛ್ಛಿ ಖ್ಹೂಜ಼್‌ನಿ ಪರಕ್ಮ ಖ್ಹಾಚಿವಚನ್‍ಥಿ ಅಪ್ಣುನ ಜಾನ್‍ದೀರಾಖ್ಯೊತೆ ಇನಖ್ಹಾಜೆ ಅಪ್ಣೆ ಇನಿ ಖ್ಹಾರಿಸ್ ಉಬ್‌ಜಾ಼ವ್ಣಿಮ ಫಹಿಲಫಲ್‍ ಹುಯಿರ‍್ಹಾಸ್.

1 ಪೇತ್ರ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ಬಾಬಿ ದೇವ್‌ಬಿ ಹುಯಿರ‍್ಹವಾಳನ ಧನ್ಯವಾದ್ ಹುವಾದೆ! ಶನಕತೊ ಯೋ ಯೇಸು ಕ್ರಿಸ್ತನ ಮರ‍್ಯಾಹುಯಾಮಾಥು ಜಿವ್ತೊಕರಿನ್, ಇನಿ ಮೋಟಿ ಗೋರ್‌ಥೀಸ್ ಅಪ್ಣುನ ನವೊ ಜ಼ಲಮ್ ಅಜು಼ ಜಾನ್ನ ಭರೋಖ್ಹಾನ ದಿರಾಖ್ಯೊಸ್.

1 ಯೋಹಾನ 2:10

ಇನ ಭೈಯೇ ಭೇನೆನ ಪ್ಯಾರ್ ಕರಾವಾಳೊ ಉಜಾ಼ಳಾಮ ಜಿವ್ಣುಕರವಾಳೊ ಹುಯಿರ‍್ಹೊಸ್ ಅಜು಼ ಪಾಪ್‌ಮ ಧೊಕ್‌ಡೈನ್ ಪಡಾನು ಶಾತ್ಬಿ ಇನಾಮ ಕೊಯ್ನಿ.

1 ಯೋಹಾನ 2:29

ಕ್ರಿಸ್ತ ಯೇಸು ನೀತಿವಾಳೊ ಹುಯಿರ್‍ಹೊಸ್ ಕರಿ ತುಮೂನ ಮಾಲುಮ್‌ ರ‍್ಹಿಯುತೊ ನೀತಿನ ಮಾರಗ್‌ಪರ್ ಚಾ಼ಲವಾಳು ಹರೇಕ್‍ಜ಼ಣುಬಿ ಇನೇಥಿ ಪೈದಹುಯಿರ‍್ಹುಸ್‍ ಕರಿ ತುಮೆ ಮಾಲುಮ್‌ ಕರಿರಾಖವಾಳ ಹುಯಿರ‍್ಹಾಸ್.

1 ಯೋಹಾನ 3:14

ಅಪ್ಣೆ ಅಪ್ಣ ಭೈಯೇ ಭೇನೆವೊನ ಪ್ಯಾರ್ ಕರಾಥಿ ಮರಣ್‍ಥಿ ನಿಕ್ಳಿನ್ ಕದೇಬಿ ರ‍್ಹವಾನ ಜಾನ್‌ಮ ಛಿಯೆ ಕರಿ ಅಪ್ಣುನ ಮಾಲುಮ್ ಛಾ಼. ಕೋಣ್ ಇವ್ಣ ಭೈಯೇ ಭೇನೇನ ಪ್ಯಾರ್ ಕರಾಕೊಯ್ನಿಕಿ ಇವ್ಣೆ ಮರಣ್‍ಮಾಸ್‍ ಛಾ಼.

1 ಯೋಹಾನ 3:17

ಅಜು಼ ಆ ಲೋಕ್‌ನು ಧನ್‌ದೌಲತ್‌ ರ‍್ಹವಾಳೊ ಕೋಣ್‌ತೋಬಿ ವದೆಖ್ಹ್‌ಮರ‍್ಹಾವಳ ಇನ ಭೈನ ದೇಖಿನ್‍ ಗೋರ್‌ನ ಕರ‍್ಯತೊ ದೇವ್ನಿ ಪ್ಯಾರ್ ಇನಾಮ ರ‍್ಹಾವನ ಉಶೇಕಿ ಶು?

1 ಯೋಹಾನ 3:9

ದೇವ್‍ಥಿ ಪೈದ ಹುಯಿರ‍್ಹವವಾಳೊ ಕೋಣ್‌ಬಿ ಪಾಪ್ ಕರ್ಶೆ ಕೊಯ್ನಿ. ಶನಕತೊ ದೇವ್ನಿ ಸ್ವಭಾವ್ ಇನಾಮ ಛಾ಼. ಯೋ ದೇವ್‍ಥಿ ಪೈದ ಹುಯಿರ‍್ಹೊಸ್ತೆ ಇನಖ್ಹಾಜೆ ಪಾಪ್ ಕರಾನ ಕೋ ಉಶೇನಿ.

1 ಯೋಹಾನ 4:2

ದೇವ್ನ ಆತ್ಮಥು ಆಯುತೆ ಹುಮ್ಮಖ್ಹ್‌ನ ತುಮೆ ಕಿಮ್ ಖ್ಹಣೇದ್ ಕರೇಜಾ಼ಯ್‍ಕತೊ; ಅದ್ಮಿಹುಯಿನ್ ಆಯೊತೆ ಯೇಸುಕ್ರಿಸ್ತನ ಮಾನಿಲ್ಯವಾನು ಆತ್ಮ ದೇವ್‍ಥೀಸ್‍ ಆವಸ್ತೆ.

1 ಯೋಹಾನ 4:20

ಏಕ್‍ಜ಼ಣೊ ಮೇ ದೇವ್ನ ಪ್ಯಾರ್‌ಕರುಸ್‍ಕರಿ ಬೋಲಿನ್ ಇನ ಭೈನ ವಹೇರ್‌ಕರ‍್ಯೊತೊ ಯೋ ಝೂ಼ಟೊ ಹುಯಿರ‍್ಹೊಸ್.‌ ಶನಕತೊ ಇನ ಜೋ಼ಡ್ಮ ರ‍್ಹವಾಳ ಭೈಯೆ ಭೇನೇನ ಪ್ಯಾರ್ ನಾಕರ‍್ಯೊತೊ ಯೋ ದೇಖಕೊಂತೆ ದೇವ್ನ ಕಿಮ್ ಪ್ಯಾರ್ ಕರ್ಶೆ?

1 ಯೋಹಾನ 4:7

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಏಕ್‌ಥಿಏಕ್ ಪ್ಯಾರ್ ಕರಿಯೆ ಶನಕತೊ ಪ್ಯಾರ್ ದೇವ್‍ಥಿ ಆಯುಹುಯು ಹುಯಿರ‍್ಹೂಸ್ ಅಜು಼ ಪ್ಯಾರ್ ಕರಾವಾಳೊ ಹರೇಕ್‍ಬಿ ದೇವ್‍ಥಿ ಪೈದ ಹುವವಾಳೊ ಹುಯಿರ‍್ಹೋಸ್ ಯೋ ದೇವ್ನ ಮಾಲುಮ್ ಕರಾಖವಾಳೊ ಹುಯಿರ‍್ಹೋಸ್.

1 ಯೋಹಾನ 5:18

ದೇವ್‍ಥಿ ಉಬ್‍ಜಾ಼ವಾಳೊ ಪಾಪ್‍ಕರವಾಳೊ ಕಾಹೆ ಕರಿ ಅಪ್ಣುನ ಮಾಲುಮ್ ಛೆ. ದೇವ್‍ಥಿ ಪೈದಹುವವಾಳೊ ಇನುಯೋಸ್ ಬಚಾ಼ಡಿಲಿಶೆ. ಕೇಡ್‌ ಕರಾವಾಳೊ ಇನ ಛೀಮ್‍ಶೆ ಕೊಯ್ನಿ.

1 ಯೋಹಾನ 5:4

ಶನಕತೊ ದೇವ್‍ಥಿ ಪೈದ ಹುಯೋತೆ ಹರೇಕ್ ಜ಼ಣುಬಿ ಜಗತ್ನ ಜುತಿಲೇಸ್. ಜಗತ್ನಜುತಾನು ಅಪ್ಣಿ ವಿಶ್ವಾಸ್‌ಥೀಸ್.

1 ಯೋಹಾನ 5:5

ಯೇಸುಸ್ ದೇವ್‌ನೊ ಛಿಯ್ಯೊ ಕರಿ ವಿಶ್ವಾಸ್ ಕರವಾಳೋಸ್ ಜಗತ್ನ ಜುತಾನ ಉಶೆಪಣ್ಕಿ ಜಗತ್ನ ಜುತಾನ ಅಜು಼ ಕಿನೇಥಿ ಉಶೆ?