1 ಯೋಹಾನ 4:19 - ದೇವ್ನಿ ಖ್ಹಾಚಿ ವಚನ್

¹⁹ ದೇವ್ ಅಪ್ಣುನ ಪಹಿಲೆ ಪ್ಯಾರ್ ಕರ‍್ಯೊತೆ ಇನಖ್ಹಾಜೆ ಅಪ್ಣೆ ಇನ ಪ್ಯಾರ್ ಕರಿಯೇಸ್.

1 ಯೋಹಾನ 4:19 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:47

ಇನಖ್ಹಾಜೆ ಮೇ ಬೋಲುಸ್ಕಿ, ಅನೆ ವತಾಳಿತೆ ಜಾ಼ಫ ಪ್ಯಾರ್ ದೇಖ್ಯೂತೆ, ಅನು ಪಾಪ್ ಘಣು ರ‍್ಹಯುತೋಬಿ ಮಾಪ್‌ ಹುಯಿಗಯು. ಕತೋಬಿ ಕಿನ ದರ್ರಾಖ್ಹು ಪಾಪ್ ಮಾಪ್‌ ಹುಯುಕಿ, ಯೋ ದರ್ರಾಖ್ಹು ಪ್ಯಾರ್ ಕರಾಸ್.

ಯೋಹಾನ 15:16

ತುಮೆ ಮನ ಚೂ಼ಣಿನ್ ಕಾಡಿರಾಖ್ಯಕೊಯ್ನಿ; ಮೇ ತುಮೂನ ಚೂ಼ಣಿನ್ ಕಾಡಿರಾಖ್ಯೊಸ್, ತುಮೆ ಜೈ಼ನ್‌, ಪಂಡು ದೇವ್ಣುಕರಿ ಅಜು಼ ಯೋ ಪಂಡು ಕೆದೇಬಿ ದ್ಯವಾನು ಹುಯಿರ‍್ಹೇಣು ಕರಿ, ಮೇ ತುಮೂನ ನೇಮ್‌ಶೈರಾಖ್ಯೋಸ್‌. ಅನಖ್ಹಾಜೆಸ್ ಮಾರ ನಾಮ್‍ಥಿ ತುಮೆ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ.

ಯೋಹಾನ 3:16

ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ.

ಗಲಾತ್ಯ 5:22

ಕತೋಬಿ ದೇವ್ನ ಆತ್ಮಾಥಿ ಉಬ್‌ಜಾ಼ನು ಫಲ್ ಶಾತ್‌ಕತೊ, ಪ್ಯಾರ್, ಶಂತೋಖ್ಹ್‌, ಸಮಾಧಾನ್, ಖ್ಹಮಾಳಿ ರ‍್ಹವಾನು, ದಯಾ, ಬಿಜೇಕ್ನ ಮದತ್‌ಕರಾನು, ವಿಶ್ವಾಸ್, ಆಸ್‌ಹುಯಿರ‍್ಹುಸ್.

1 ಯೋಹಾನ 4:10

ಅಪ್ಣೆ ದೇವ್ನ ಪ್ಯಾರ್ ಕರ‍್ಯಕೊಯ್ನಿ, ಕತೋಬಿ ಯೋ ಅಪ್ಣುನ ಪ್ಯಾರ್ ಕರೀನ್ ಅಜು಼ ಅಪ್ಣ ಪಾಪ್ನ ಪರಿಹಾರ‍್ನಖ್ಹಾಜೆ ಇನ ಛಿಯ್ಯಾನ ಮೋಕ್‍ಲ್ಯೊತೆ ಇನಾಮಸ್ ಪ್ಯಾರ್‌ನಿ ಖ್ಹಾಚಿಗುಣ್‍ ದೆಖೈಜಾ಼ಸ್.

1 ಯೋಹಾನ 4:20

ಏಕ್‍ಜ಼ಣೊ ಮೇ ದೇವ್ನ ಪ್ಯಾರ್‌ಕರುಸ್‍ಕರಿ ಬೋಲಿನ್ ಇನ ಭೈನ ವಹೇರ್‌ಕರ‍್ಯೊತೊ ಯೋ ಝೂ಼ಟೊ ಹುಯಿರ‍್ಹೊಸ್.‌ ಶನಕತೊ ಇನ ಜೋ಼ಡ್ಮ ರ‍್ಹವಾಳ ಭೈಯೆ ಭೇನೇನ ಪ್ಯಾರ್ ನಾಕರ‍್ಯೊತೊ ಯೋ ದೇಖಕೊಂತೆ ದೇವ್ನ ಕಿಮ್ ಪ್ಯಾರ್ ಕರ್ಶೆ?