1 ಯೋಹಾನ 4:14 - ದೇವ್ನಿ ಖ್ಹಾಚಿ ವಚನ್

¹⁴ ಬಾನೆ ಇನ ಛಿಯ್ಯಾನ ಜಗತ್ನೊ ರಕ್ಷಕ್ ಕರೀನ್ ಮೋಕ್ಲಿರಾಖ್ಯೊತೆ ಅಪ್ಣೆ ದೇಖಿರಾಖ್ಯಸ್. ಅಜು಼ ಇನಿ ಬಾರೇಮ ಅಪ್ಣೆ ಸಾಕ್ಷಿ ಬೋಲಿಯೇಸ್.

1 ಯೋಹಾನ 4:14 ပူးပေါင်းရင်းမြစ်များ

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಯೋಹಾನ 1:29

ಇನವ್ಹಾಣೆ ಯೋಹಾನನೆ ಇನಾಖನ್ನೆ ವಳ್ಯಾವ್‍ತೊಥೋತೆ ಯೇಸುನ ದೇಖಿನ್, “ದೇವ್ನ ಮೇಂಢಾನ ಚೆಲ್ಕಾನ ದೇಖೊ, ಯೊ ಜಗತ್‌ನು ಪಾಪ್ನ ದೂರ್ ಕರ್ಶೆ.”

ಯೋಹಾನ 10:36

ಬಾನೇಸ್ ಇನು ಶೊಂತ್‍ಛಿಯ್ಯೊನ ಚೂ಼ಣಿಲೀನ್, ಜಗತ್‌ಮ ಬೋಲಿ ಮೋಕ್‌ಲೈರ‍್ಹೋತೆ ಇನ ತುಮೆ ‘ಮೇ ದೇವ್‌ನೊ ಛಿಯ್ಯೊ ಹುಯಿರ‍್ಹೋಸ್ ಕರಿ ಬೋಲ್ತಾನ, ‘ತೂ ದೇವ್ನಿ ದೂಷಣೆ ಕರಾಸ್’ ಕರಿ ಬೋಲಸ್ತೆ ಶನ?

ಯೋಹಾನ 12:47

ಕೋಣ್‌ತೋಬಿ ಮಾರಿ ವಾತೆಅಖ್ಖಾನ ಖ್ಹಮ್‌ಜಿನ್‌ಬಿ, ಇನಲೀನ್ ಚಾ಼ಲ್ಯನಾತೊ, ಇನ ಮೇ ತೀರ್ಪ್‌ ಕರುಕೊಯ್ನಿ. ಜಗತ್ನ ತೀರ್ಪ್ ಕರಾನಖ್ಹಾಜೆ ಮೇ ಆಯೊ ಕೊಯ್ನಿ, ಪಣ್ಕಿ ಆ ಜಗತ್ನ ಬಚಾ಼ಡಾನಖ್ಹಾಜೆ ಆಯೊತೆ.

ಯೋಹಾನ 3:11

ಮೇ ತುನ ಖ್ಹಾಚ ಬೋಲುಕರುಸ್: ಹಮೂನ ಮಾಲುಮ್‌ ಛಾ಼ತೆ ಇನಿ ಬಾರೇಮ ಹಮೆ ಬೋಲೆಸ್, ಅಜು಼ ಹಮೆ ದೆಖೇಸ್ತೆ ಇನಿ ಬಾರೇಮ ಸಾಕ್ಷಿ ಬೋಲೆಸ್, ಕತೋಬಿ ತುಮೆ ಹಮೆ ಬೋಲೆಸ್ತೆ ಇನ ಮಾನಕೊಯ್ನಿ.

ಯೋಹಾನ 3:32

ಯೋ ಶಾತ್‌ ದೇಖ್ಯೋಕಿ ಅಜು಼ ಖ್ಹಮ್‌ಜೋಕಿ ಇನಿ ಬಾರೇಮ ಸಾಕ್ಷಿ ಬೋಲಾಸ್, ತೋಬಿ ಇನಿ ಸಾಕ್ಷಿನ ಕೋಣ್‌ಬಿ ಮಾನಕೊಯ್ನಿ.

ಯೋಹಾನ 3:34

ಶನಕತೊ,ಕಿನದೇವ್‍ನೆ ಮೋಕ್ಲಿ ರಾಖ್ಯೋಸ್ಕಿ, ಯೋ ದೇವ್ನಿ ವಾತೇನ ಬೋಲಾಸ್. ಇನ ದೇವ್ನೆ ಆತ್ಮಥಿ ಭರ್‌ಪೂರ್‌ ಕರಾಸ್.

ಯೋಹಾನ 4:42

ಇವ್ಣೆ ಯೊ ತಯೇಡಾನ, ಹಮೆ ಇನ ನಂಬ್ಯಾತೆ ಅಜೂ಼ಬಿ ತಾರಿ ವಾತ್ನ ಉಪ್ಪರ್ ಕಾಹೆ. ಹಮೇಸ್ ಕಾನ್‍ಥಿ ಖ್ಹಮ್‌ಜಿನ್‌ ಇನ ಯೋಸ್ ಖ್ಹಾಚೇಥಿ ಜಗತ್ನ ಬಚಾ಼ಡವಾಳೊಕರಿ ಮಾಲುಮ್ ಕರಿರಾಖ್ಯಾಸ್ ಕರಿ ಬೋಲ್ಯು.

ಯೋಹಾನ 5:39

ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:5

ಇಮ್ಮಸ್ ಮೆಕೆದೋನ್ಯಮ ಥಾತೆ ಸೀಲ ಅಜು಼ ತಿಮೊಥೆ ಇವ್ಣೆ ಪೌಲಕನ ಆಯ. ಇನಪಾರ್ ಅದ್ಮಿಖ್ಹಾರಾನ ಇವ್ಣಿವಾತೆನ ಬೋಲಿ ಖ್ಹಮ್‌ಜಾ಼ಡಮ ಪೌಲನೆ ಇನಿ ವಖ್ಹತ್‍ಖ್ಹಾರು ಕಾಡಿನಾಖ್ಯೊ. ಯೇಸುಸ್ ಮೆಸ್ಸಿಯಕರಿ ಬೋಲಾನು ಇನೆ ಯೆಹೂದ್ಯರ್‌ನ ದೇಖಾಡಿದಿದೊ.

1 ಪೇತ್ರ 5:12

ಮೇ ತುಮೂನ ಹುಮ್ಮಖ್ಹ್ ದೆವಾನಾಬಿ ಅಜು಼ ದೇವ್ನಿ ಖ್ಹಾಚಿಕೃಪೆ ಕರಿ ಸಾಕ್ಷಿ ಬೋಲಾನಾಬಿ ಮೇ ನ್ಹಾನೇಥಿ ಚಿಟ್ಟಿ ಲೀಖಿನ್, ವಿಶ್ವಾಸ್‌ನೊ ಭೈಕರಿ ಗಣ್ತಿಕರಿರಾಖ್ಯೊತೆ ಸಿಲ್ವಾನನ ಹಾತ್‌ಮ ಮೋಕ್ಲಿರಾಖ್ಯೊಸ್. ಆ ಖ್ಹಾಚಿ ಕೃಪೆಥಿ ಭೀರೆವೊ.

1 ಯೋಹಾನ 4:10

ಅಪ್ಣೆ ದೇವ್ನ ಪ್ಯಾರ್ ಕರ‍್ಯಕೊಯ್ನಿ, ಕತೋಬಿ ಯೋ ಅಪ್ಣುನ ಪ್ಯಾರ್ ಕರೀನ್ ಅಜು಼ ಅಪ್ಣ ಪಾಪ್ನ ಪರಿಹಾರ‍್ನಖ್ಹಾಜೆ ಇನ ಛಿಯ್ಯಾನ ಮೋಕ್‍ಲ್ಯೊತೆ ಇನಾಮಸ್ ಪ್ಯಾರ್‌ನಿ ಖ್ಹಾಚಿಗುಣ್‍ ದೆಖೈಜಾ಼ಸ್.

1 ಯೋಹಾನ 5:9

ಅಪ್ಣೆ ಅದ್ಮೇವ್‌ನಿ ಸಾಕ್ಷಿನ ಮಾನಿಲಿಯೇಸ್‍ನಿ ಇಮ್ಮಸ್ ದೇವ್ನಿ ಸಾಕ್ಷಿ ಇನೇಥಿಬಿ ಘಣು ಮಹಾನ್ ಹುಯಿರ‍್ಹುಸ್‍. ಶನಕತೊ ದೇವ್ನೆ ದೀರಾಖ್ಯೋತೆ ಸಾಕ್ಷಿ ಇನ ಛಿಯ್ಯಾನಿ ಬಾರೇಮ ಹುಯಿರ‍್ಹುಸ್‍.