1 ಯೋಹಾನ 4:12 - ದೇವ್ನಿ ಖ್ಹಾಚಿ ವಚನ್

¹² ದೇವ್ನ ಕೋಣ್‌ಬಿ ಕದೇಬಿ ದೇಖ್ಯುಕೊಯ್ನಿ. ಅಪ್ಣೆ ಏಕ್‌ಥಿಏಕ್ ಪ್ಯಾರ್‌ಕರ‍್ಯತೊ ದೇವ್ ಅಪ್ಣಾಮ ರ‍್ಹೇಸ್, ಅಜು಼ ಇನಿ ಪ್ಯಾರ್ ಅಪ್ಣಾಮ ಭರ್‌ಪೂರ್‌ಥಿ ರ‍್ಹೇಸ್.

1 ಯೋಹಾನ 4:12 ပူးပေါင်းရင်းမြစ်များ

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

1 ಕೊರಿಂಥ 13:13

ಅನಖ್ಹಾಜೆ ಹಮ್ಕೆ ವಿಶ್ವಾಸ್, ಟಿವೈರ‍್ಹವಾನು, ಪ್ಯಾರ್ ಆ ತೀನಸ್ ಬಚಿರ‍್ಹೇಸ್. ಆ ಅಖ್ಖಾಮ ಮೋಟು ಪ್ಯಾರಸ್.

1 ತಿಮೊ 1:17

ಅಖ್ಖ ಜ಼ಮಾನಾನೊ ರಾಜ಼ಬಿ, ಕದೇಬಿ ರ‍್ಹವಾಳೊಬಿ ದೆಖಾವಕೊಂತೆ ಹುಯಿರೋತೆ ಎಕ್ಕಸ್ ದೇವ್ನ ಇಜ಼್ಜತ್‌ಬಿ ಮಹಿಮೆಬಿ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ. ಆಮೆನ್.

1 ತಿಮೊ 6:16

ಇನ ಎಕ್ಕಸ್ ಜ಼ಣಾನ ಮರಣ್‌ಕೊಂತೆ. ಕೋಣ್‌ಬಿ ಖನ್ನೆ ಜಾ಼ವಾನ ಕೋ ಹುವ್ವಾನಿತೆ ಉಜಾ಼ಳಾಮ ರ‍್ಹವಾಳೊ ಹುಯಿರ‍್ಹೋಸ್; ಹಂಕೆತೋಡಿ ಕೋಣ್‌ಬಿ ಇನ ದೇಖಿರಾಖ್ಯುಕೊಯ್ನಿ; ದೇಖಾನ ಉಶೇಬಿ ಕೊಯ್ನಿ.ಇನು ಇಜ಼್ಜತ್ ಅಜು಼ ಮಟಾನುಕೊಂತೆ ಶಕತ್ ಕೆದೇಬಿ ಇನಾಸ್ ರ‍್ಹವಾದೆ! ಆಮೆನ್.

ಇಬ್ರಿ 11:27

ವಿಶ್ವಾಸ್‌ಥೀಸ್ ಇನೆ ರಾಜಾ಼ನ ಇರಾದನ ಡರ‍್ಯೊಕೊಂತೆ ಈಜಿಪ್ಟ್ ದೇಖ್ಹ್‌ನ ಮ್ಹೇಲಿನ್ ಗಯೊ. ಶನಕತೊ ಇನೆ ದೇಖವಾಳೊ ಕಾಹೆತೆಯಿನ ದೇಖಾನಿಘೋಣಿ ಘಟ್ ದಿಲ್‌ವಾಳೊ ಹುಯೊ.

1 ಯೋಹಾನ 2:5

ಕೋಣ್‍ತೋಬಿ ಇನಿ ವಚನ್ನ ಲೀನ್ ಚಾ಼ಲ್ಯೋತೊ ಇನಾಮ ಖ್ಹಚ಼ಂಬಿ ದೇವ್‌ಪರ್‌ನ ಪ್ಯಾರ್ ಭರ್‌ಪೂರ್‌ ಹುಯಿರ‍್ಹುಸ್. ಅಥ್ರಾನ ಕಾಮ್‍ಥಿ ಅಪ್ಣೆ ಇನಾಮ ಛಿಯೆಕರಿ ಮಾಲುಮ್ ಕರಿಲಿಯೇಸ್.

1 ಯೋಹಾನ 3:24

ದೇವ್ನಿ ಹುಕುಮ್‌ನ ಪಾಡಿಚಾ಼ಲವಾಳೊ ಇನಾಮ ತಳ್‍ಗಾಠಿನ್ ರ‍್ಹೇಸ್. ದೇವ್ ಇವ್ಣಾಮ ತಳ್‌ಗಾಠಿ ರ‍್ಹೇಸ್‍. ದೇವ್ ಅಪ್ಣಾಮ ತಳ್‍ಗಾಠಿ ಛಾ಼ಕರಿ ಯೋ ಅಪ್ಣುನ ಕೃಪೆಥಿ ದೀರಾಖ್ಯೋತೆ ಪವಿತ್ರಾತ್ಮಥೀಸ್ ಮಾಲುಮ್ ಕರಿಲಿಯೇಸ್.

1 ಯೋಹಾನ 4:16

ಅಮ್ಮಸ್ ದೇವ್ ಅಪ್ಣಾಮ ರಾಖಿರಾಖ್ಯೊತೆ ಪ್ಯಾರ್‌ನ ಅಪ್ಣೆ ಮಾಲುಮ್ ಕರಿರಾಖ್ಯಸ್. ಇನ ಅಪ್ಣೆ ವಿಶ್ವಾಸ್ ಕರಿಯೇಸ್. ದೇವ್ ಪ್ಯಾರ್‌ವಾಳೊ ಹುಯಿರ‍್ಹೊಸ್. ಪ್ಯಾರ್‌ಮ ರ‍್ಹವವಾಳೊ ದೇವ್‌ಮ ರ‍್ಹವಾಳೊ ಹುಯಿರೇಸ್‌. ದೇವ್ ಇವ್ಣಾಮ ರ‍್ಹವಾಳೊ ಹುಯಿರ‍್ಹೊಸ್ ದೇವ್ ಪ್ಯಾರ್ ಹುಯಿರ‍್ಹೊಸ್.

1 ಯೋಹಾನ 4:20

ಏಕ್‍ಜ಼ಣೊ ಮೇ ದೇವ್ನ ಪ್ಯಾರ್‌ಕರುಸ್‍ಕರಿ ಬೋಲಿನ್ ಇನ ಭೈನ ವಹೇರ್‌ಕರ‍್ಯೊತೊ ಯೋ ಝೂ಼ಟೊ ಹುಯಿರ‍್ಹೊಸ್.‌ ಶನಕತೊ ಇನ ಜೋ಼ಡ್ಮ ರ‍್ಹವಾಳ ಭೈಯೆ ಭೇನೇನ ಪ್ಯಾರ್ ನಾಕರ‍್ಯೊತೊ ಯೋ ದೇಖಕೊಂತೆ ದೇವ್ನ ಕಿಮ್ ಪ್ಯಾರ್ ಕರ್ಶೆ?

1 ಯೋಹಾನ 4:6

ಅಪ್ಣೆತೋಬಿ ದೇವ್‌ಮ ಮಳ್ಯಹುಯ. ದೇವ್ನ ಮಾಲುಮ್‌ ಕರಿರಾಖವಾಳೊ ಅಪ್ಣಭಣಿ ಕಾನ್‍ದೇಸ್. ದೇವ್‌ಮ ಮಳಿರ‍್ಹೆಯಿಕೊಂತೆ ಅಪ್ಣುನ ಕಾನ್‍ದೇಯ್‍ ಕೊಯ್ನಿ. ಅನಖ್ಹಾಜೆಥೀಸ್ ಖ್ಹಾಚ಼ನ ಬೋಲಾನು ಆತ್ಮಖಿವು ಅಜು಼ ಝೂ಼ಟು ಬೋಲಾತೆ ಆತ್ಮ ಖಿವುಕರಿ ಅಪ್ಣುನ ಮಾಲುಮ್‌ ಹುವ್ವಾಸ್‌.