11 ಪ್ಯಾರ್ನ ದೋಸ್ತಿವೊ, ದೇವ್ ಅಪ್ಣುನ ಅಮ್ ಪ್ಯಾರ್ ಕರಾಪರ್ ಅಪ್ಣೇಬಿ ಏಕ್ಥಿಏಕ್ ಪ್ಯಾರ್ಕರ್ನುಸ್ ಕರ್ನು.
ತದೆ ಯೋ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ, “ಇನಾಪರ್ ಗೋರ್ ಕರ್ಯೊತೆ ಯೋಸ್” ಕರಿ ಜವಾಬ್ ದಿದೊ. ತದೆ ಯೇಸುನೆ ಇನ, “ಜಾ಼, ತೂಬಿ ಇಮ್ಮಸ್ ಕರ್” ಕರಿ ಬೋಲ್ಯೊ.
ಹಮ್ಕೆ ಮೇ ತುಮೂನ ಏಕ್ ನವಿ ಹುಕುಮ್ ದೆವುಸ್ ತುಮೆ ಏಕ್ಥಿ-ಏಕ್ ಲಾಡ್ ಕರೊ. ಮೇ ತುಮೂನ ಲಾಡ್ ಕರ್ಯೊತೆ ತಿಮ್ಮಸ್, ತುಮೇಬಿ ಏಕ್ಥಿ-ಏಕ್ ಲಾಡ್ ಕರ್ನುಸ್ಕರ್ನು.
ಖ್ಹಾರು ವಹೇರ್, ಇರಾದೊ, ಖೀಜ಼್, ಝ಼ಗ್ಡೊ, ಚಾ಼ವ್ಣ್ಯ ಅನಖ್ಹಾರನಬಿ ಹರೇಕ್ ಥರಾನು ಖರಾಬ್ ಕಾಮ್ನ ತುಮಾರೇಥಿ ಕಾಡಿನಾಖೊ.
ಏಕ್ಥಿ ಏಕ್ ಖ್ಹಮಾಳಿರ್ಹವೊ. ಕಿನಾಖ್ಹಾಜೆಬಿ ಫಿರಾದ್ ಮಾಂಡಾನು ಉಶೇತೋಬಿ, ಪ್ರಭು ತುಮುನ ಮಾಪ್ ಕರ್ಯೊತೆ ತಿಮ್ಮಸ್ ತುಮೇಬಿ ಮಾಪ್ ಕರೊ.
ಮಾರ ಪ್ಯಾರ್ನ ಭೈಯೇ ಭೇನೆವೊ, ಮೇ ತುಮೂನ ಲೀಖುಕರುತೆ ನವಿ ಹುಕುಮ್ ಕಾಹೆ, ಹೈರಿತೆ ಜೂ಼ನಿ ಹುಕುಮ್ ಹುಯಿರ್ಹಿಸ್. ಆ ಜೂ಼ನಿ ಹುಕುಮ್ ತುಮೆ ಖ್ಹಮ್ಜ್ಯಾತೆ ವಚನಸ್.
ಅಪ್ಣೆ ಏಕ್ಥಿಏಕ್ ಪ್ಯಾರ್ಕರ್ನು ಕರಿ ಬೋಲಾನು ಸಂದೇಶ್ನಾಸ್ ತುಮೆ ಪಹಿಲೆಥು ಖ್ಹಮ್ಜಿರಾಖ್ಯಸ್ತೆ.
ದೇವ್ನಿ ಹುಕುಮ್ ಶಾತ್ಕತೊ ಅಪ್ಣೆ ದೇವ್ನೊ ಛಿಯ್ಯೊ ಪ್ರಭು ಯೇಸುನ ನಾಮ್ಪರ್ ವಿಶ್ವಾಸ್ಕರೀನ್ ಇನೆ ಹುಕುಮ್ ಕರಿರಾಖ್ಯೊತೆ ಇಮ್ಮಸ್ ಏಕ್ಥಿಏಕ್ ಪ್ಯಾರ್ಕರ್ನು ಕರಿ ಬೋಲಾನುಸ್.
ಪ್ಯಾರ್ನ ದೋಸ್ತಿವೊ ಅಪ್ಣೆ ಏಕ್ಥಿಏಕ್ ಪ್ಯಾರ್ ಕರಿಯೆ ಶನಕತೊ ಪ್ಯಾರ್ ದೇವ್ಥಿ ಆಯುಹುಯು ಹುಯಿರ್ಹೂಸ್ ಅಜು಼ ಪ್ಯಾರ್ ಕರಾವಾಳೊ ಹರೇಕ್ಬಿ ದೇವ್ಥಿ ಪೈದ ಹುವವಾಳೊ ಹುಯಿರ್ಹೋಸ್ ಯೋ ದೇವ್ನ ಮಾಲುಮ್ ಕರಾಖವಾಳೊ ಹುಯಿರ್ಹೋಸ್.
ಆಯಾವೊ, ಮೆ ನವಿ ಹುಕುಮ್ನ ಲೀಖುಕರುಕೊಂತೆ ಪಹಿಲೆಥೀಸ್ ಛಾ಼ತೆ ಹುಕುಮ್ನಾಸ್ ಲಿಖಾವಾಳೊ ಹುಯಿರೋಸ್. ಅಪ್ಣೆ ಏಕ್ಥಿಏಕ್ ಪ್ಯಾರ್ಕರವಾಳ ಹುಯಿರ್ಹಿಯೆಕರಿ ತುಮಾರಮ ಬೋಲಿಲೇವುಸ್.