10 ಅಪ್ಣೆ ದೇವ್ನ ಪ್ಯಾರ್ ಕರ್ಯಕೊಯ್ನಿ, ಕತೋಬಿ ಯೋ ಅಪ್ಣುನ ಪ್ಯಾರ್ ಕರೀನ್ ಅಜು಼ ಅಪ್ಣ ಪಾಪ್ನ ಪರಿಹಾರ್ನಖ್ಹಾಜೆ ಇನ ಛಿಯ್ಯಾನ ಮೋಕ್ಲ್ಯೊತೆ ಇನಾಮಸ್ ಪ್ಯಾರ್ನಿ ಖ್ಹಾಚಿಗುಣ್ ದೆಖೈಜಾ಼ಸ್.
ಹಮ್ಕೆ ಮೇ ತುಮೂನ ಏಕ್ ನವಿ ಹುಕುಮ್ ದೆವುಸ್ ತುಮೆ ಏಕ್ಥಿ-ಏಕ್ ಲಾಡ್ ಕರೊ. ಮೇ ತುಮೂನ ಲಾಡ್ ಕರ್ಯೊತೆ ತಿಮ್ಮಸ್, ತುಮೇಬಿ ಏಕ್ಥಿ-ಏಕ್ ಲಾಡ್ ಕರ್ನುಸ್ಕರ್ನು.
ತುಮೆ ಮನ ಚೂ಼ಣಿನ್ ಕಾಡಿರಾಖ್ಯಕೊಯ್ನಿ; ಮೇ ತುಮೂನ ಚೂ಼ಣಿನ್ ಕಾಡಿರಾಖ್ಯೊಸ್, ತುಮೆ ಜೈ಼ನ್, ಪಂಡು ದೇವ್ಣುಕರಿ ಅಜು಼ ಯೋ ಪಂಡು ಕೆದೇಬಿ ದ್ಯವಾನು ಹುಯಿರ್ಹೇಣು ಕರಿ, ಮೇ ತುಮೂನ ನೇಮ್ಶೈರಾಖ್ಯೋಸ್. ಅನಖ್ಹಾಜೆಸ್ ಮಾರ ನಾಮ್ಥಿ ತುಮೆ ಶಾತ್ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ.
ದೇವ್ನೆ ಆ ಜಗತ್ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್ಬಿ ಮರ್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್ಗಿ ಮಳ್ಣು ಕರಿ ಇನ ದಿದೊ.
ಕತೋಬಿ ಸೊರ್ಗಾಥು ಉತ್ರಿ ಆಯೋತೆ ರೋಟೊ ಕೋಣ್ ಖಾಸ್ಕಿ ಯೊ ಮರಕೊಯ್ನಿ. ಹರ್ಹಮೇಶ ಜಿವ್ತು ರ್ಹಿಶೆ; ಅಜು಼ ಮೇ ದೆವ್ಸ್ತೆ ರೋಟೊ ಮಾರಿ ಬೋಟಿಸ್, ಆ ಜಗತ್ ಜಿವಾದೆ ಕರಿ ಮೇ ಅನ ದೀಶ್ತೆ” ಕರಿ ಬೋಲ್ಯೊ.
ಇನಖ್ಹಾಜೆ ಯೊ ಹರೇಕ್ ವಿಚಾರ್ಮಾಬಿ ಇನ ಭೈಯೇ ಭೇನೆನ ತಕ್ಕೆರ್ಹವಾನು ಜ಼ರೂರತ್ ಥು. ಅಮ್ ಇನೆ ಅದ್ಮಿಯೇವ್ನು ಪಾಪ್ ಅಖ್ಖು ಕ್ಷಮಾಪಣ್ ಕರಾನಖ್ಹಾಜೆ ದೇವ್ನ ಕಾಮ್ಮ ಗೋರ್ಬಿ ವಿಶ್ವಾಸ್ಬಿ ಹುಯಿರ್ಹಾವಳೊ ಮಹಾಯಾಜಕ್ ಹುಯೊ.
ಅಪ್ಣೆ ಅಪ್ಣ ಪಾಪ್ನ ಭಾಗ್ನ ಮರೀನ್ ನೀತಿವಾಳ ಹುಯಿನ್ ಬಚಾ಼ನಿತರ ಅಪ್ಣ ಪಾಪ್ನ ಯೋಸ್ ಇನ ಶರೀರ್ಪರ್ ಢೊಯ್ಲಿನ್ ಶಿಲ್ಬೆಪರ್ ಮರಿಗೊ. ಇನ ಘಾವ್ಥಿ ತುಮುನ ಅಛ್ಛು಼ಹುಯು.
ಕ್ರಿಸ್ತಬಿ ನೀತಿವಾಳೊ ಹುಯಿರ್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್ದೀನ್ ಅಪ್ಣುನ ದೇವ್ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್ಮರ್ಹೀನ್ ಆತ್ಮಮ ಜಿವವಾಳೊ ಹುಯೊ.
ಯೋ ಅಪ್ಣ ಪಾಪ್ನ ಕ್ಷಮಾಪಣ್ನಖ್ಹಾಜೆ ಪರಿಹಾರ್ನೊ ಬಲಿಹುಯಿರ್ಹೊಸ್. ಅಪ್ಣ ಪಾಪ್ನಕರಿ ಖಲಿಕಾಹೆ ಅಖ್ಖಾ ಜಗತ್ನ ಖ್ಹಾರ ಅದ್ಮಿನ ಪಾಪ್ನಖ್ಹಾಜೆಬಿ ಪರಿಹಾರ್ ಹುಯಿರ್ಹೊಸ್.
ಅಪ್ಣೆ ದೇವ್ನ ಲಡ್ಕಾ ಕರಿ ಬೋಲೈಲೇವ್ಣುಕತೊ ಬಾ ಅಪ್ಣುನ ಕೆಥ್ರಾನಿ ಪ್ಯಾರ್ ಕರಿರಾಖ್ಯೊಸ್ ದೇಖೊ; ಖ್ಹಚಂಬಿ ಅಪ್ಣೆ ದೇವ್ನ ಲಡ್ಕಾ ಹುಯಿರಾಸ್. ಆ ಜಗತ್ ಇನ ಮಾಲುಮ್ಕರ್ಲಿದುಕೊಂತೆ ಇನಾಖ್ಹಾಜೆ ಅಪ್ಣುನಾಬಿ ಮಾಲುಮ್ ಕರ್ಲೆಯ್ಕೊಯ್ನಿ.
ದೇವ್ ಅಪ್ಣುನ ಪಹಿಲೆ ಪ್ಯಾರ್ ಕರ್ಯೊತೆ ಇನಖ್ಹಾಜೆ ಅಪ್ಣೆ ಇನ ಪ್ಯಾರ್ ಕರಿಯೇಸ್.
ಯೋ ಸಾಕ್ಷಿ ಖಿವಿಕತೊ ದೇವ್ ಅಪ್ಣುನ ಕೆದೇಬಿ ರ್ಹವಾನು ಜಾನ್ನ ದಿರಾಖ್ಯೊಸ್. ಯೊ ಜಾನ್ ಇನ ಛಿಯ್ಯಾಮ ಛಾ಼.