1 ಯೋಹಾನ 3:8 - ದೇವ್ನಿ ಖ್ಹಾಚಿ ವಚನ್

⁸ ಪಾಪ್ ಕರಾವಾಳೊ ಶೈತಾನ್‍ನಿ ಪಿಳ್ಗಿವಾಳೊ. ಶೈತಾನ್‍ ಜ಼ಮಾನೇಥುಬಿ ಪಾಪ್ ಕರವಾಳೋಸ್. ಇನಖ್ಹಾಜೆ ಇನು ಖರಾಬ್ ಕಾಮ್‍ಖ್ಹಾರಾನ ನಾಶ್ ಕರ್ನುಸ್ ಕರಿ, ದೇವ್‌ನೊ ಛಿಯ್ಯೊ ಆಯೋತೆ.

1 ಯೋಹಾನ 3:8 ပူးပေါင်းရင်းမြစ်များ

ಮತ್ತಾಯ 12:28

ಮೇ ಬೆಲ್ಜೆಬೂಲ್‌ನಿ ಶಕಥ್ಥಿ ಕಾಹೆ, ಕತೋಬಿ ದೇವ್ನಿ ಆತ್ಮಾನಿ ಶಕಥ್ಥಿ ಭೂತ್‌ಖ್ಹಾರನ ಕಾಡ್ತೊ ಉಶೇತೊ, ದೇವ್ನಿ ರಾಜ್ಯ ತುಮಾರ ಖನ್ನೆ ಆಯಿಗೈಯು ಕರಿ ಆ ವತಾಳಸ್‍.

ಮತ್ತಾಯ 13:38

ಖೇತರ್‌ಕತೊ ಆ ಜಗತ್‌; ಅಛ್ಛು಼ ಪಂಡುಕತೊ ದೇವ್ನಿ ರಾಜ್ಯನು ಅದ್ಮಿಖ್ಹಾರು; ಶತ್ತೆಕತೊ ಶೈತಾನ್‍ ಭಣಿವಾಳು ಕರಿ;

ಮತ್ತಾಯ 4:3

ತದೆ ಶೈತಾನ್‍ ಯೇಸುಕನ ಆಯಿನ್, “ತೂ ದೇವ್‌ನೊ ಛಿಯ್ಯೊ ಉಶೇತೊ, ಆ ಬಂಡಾವ್‍ನ ರೋಟೊ ಹುವಾನಿಘೊಣಿ ಹುಕುಮ್‌ ದೇ” ಕರಿ ಬೋಲ್ಯೊ.

ಮಾರ್ಕ 1:24

ಯೋ ಚಿಕ್ರಿನ್, “ನಜ಼ರೇತ್‌ನೊ ಯೇಸು, ಹಮಾರೇಥಿ ತುನ ಶಾತ್‌ ಛಾ಼? ಹಮೂನ ಬರ್ಬಾತ್ ಕರಾನ ಆಯೊಕಿ ಶು? ತು ಕೋಣ್ ಕರಿ ಮನ ಮಾಲುಮ್; ತೂ ದೇವ್‌ನೊ ಪವಿತ್ರ್‌ ಛಿಯ್ಯೊ ಹುಯಿರ‍್ಹೋಸ್” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:18

ತದೆ ಯೇಸುನೆ ಇವ್ಣುನ, “ಶೈತಾನ್ ವಿಜ಼್‌ಳೀನಿಮತ್‌ ಪರ್‌ಲೋಕ್‌ಥು ಹೇಟ್ ಪಡಾತೆ ಮೇ ದೇಖ್ಯೊ.

ಯೋಹಾನ 12:31

ಆ ಜಗತ್ನ ತೀರ್ಪ್ ಹುವಾನಿ ಘಡಿ ಆಸ್; ಯೊ ಆ ಜಗತ್ನ ರಾಜ಼್‌ಭಾರ್‌ ಚ಼ಲಾಯೊತೆ ಆ ಅದಿಪತಿನ ಭಾರ್‌ ಧಕೇಲ್‌ಶೆ.

ಯೋಹಾನ 16:11

ನ್ಯಾವ್‌ನಿ ಬಾರೇಮ ಆ ಜಗತ್ನ ಅದಿಪತಿನ ನ್ಯಾವ್‍ನಿ ತೀರ್ಪ್ ಹುಯಿಗಯು.

ಯೋಹಾನ 8:44

ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:20

ಅಜು಼ ಸಮಾಧಾನ್ನೊ ದೇವ್ ವಗ್ಗಿಸ್ ಶೈತಾನ್ನ ತುಮಾರ ಗೋಡ ಹೇಟ್‍ನಾಖಿನ್ ಚ಼ಗ್‌ದಿನಾಕ್‍ಶೆ. ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸುನಿ ವಾರ್‌ಖ್ಹೊ ತುಮಾರ ಜೋ಼ಡ್ಮ ರ‍್ಹವಾದೆ.

ಎಫೆಸ 2:2

ಅಗ್ಗಳ್ ತುಮೆ ಆ ಜಗತ್ನಿ ರೀತಿಥೀಬಿ, ವಹಿರಾನ ಗೋಳಾಮ ಅದಿಕಾರ್ ಚ಼ಲಾವತೆ ಅದಿಪತಿನ ಕತೊ ವಿಧೇಯ ಕೊಹುವಾಂತೆ ಲಡ್ಕಾವ್‌ಮ ಹಮ್ಕೆ ಚ಼ಲಾವತೆ ಆತ್ಮನಿಘೊಣಿ ಜಿವ್ಣು ಚಾ಼ಲಾಯ.

ಕೊಲೊಸ್ಸೆ 2:15

ದೇವ್ ಇನ ವಿರೋದ್ ಹುಯಿರ‍್ಹುಥೂತೆ ರಾಜ್‍಼ನಾಬಿ, ಅದಿಕಾರ್‌ನಾಬಿ, ಯೋ ಅಖ್ಖಾನ ಬಿಣ್‍ ಖಪ್ಫನ್‌ವಾಳ ಬಣೈನ್ ಶಿಲ್‌ಬೇನು ಜೀತ್ಮ ಯೋ ಅಖ್ಖಾನ ಹಿಡಿ ಜಗತ್ನ ಖ್ಹಾಮ್ಣೆ ವತಾಳ್ಯೊ.

1 ತಿಮೊ 3:16

ಅಪ್ಣ ದೇವ್‌ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ‍್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್‌ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್‌ಥಿ ದೆಖೈಗು. ಅಲ್ಹಾವ್‌ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್‌ ಇನಾಪರ್ ವಿಶ್ವಾಸ್ ಕರ‍್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.

ಇಬ್ರಿ 2:14

ಅತ್ರೇಸ್ ಕಾಹೆತೆ ಲಡ್ಕಾವ್‌ಖ್ಹಾರು ಲ್ಹೊಯಿಥಿಬಿ ಬೋಟಿಥಿ ಹುಯಿರುತೆ ಇಮ್ಮಸ್ ಯೇಸು ಜಿನು ಇವ್ಣಿನಿತರಸ್ ಲ್ಹೋಯಿಬಿ ಬೋಟಿಥಿಹುಯೊ. ಇನಿ ಮರಣ್‌ಥೀಸ್ ಮರಣ್ಣಿ ಅಧಿಕಾರ್‌ ಲೀರಾಖವಾಳ ಶೈತಾನ್ನ ಮಟಾಯೊ.

ಇಬ್ರಿ 9:26

ಇಮ್‌ ಸಮರ್ಪಣ್‌ ಕರಾನು ರ‍್ಹಯು ಹೋತ್ತೊ, ಜಗತ್‌ ಉಬ್‍ಜಾ಼ವ್ಣಿಥುಬಿ ಕೈಯೇಕ್ ವಖ್ಹತ್ ಖ್ಹತಾಪ್ಣಿಲೇವ್ಣು ಪಡ್ಯುಥು. ಕತೋಬಿ ಖ್ಹಾರನಖ್ಹಾಜೆ ಎಕ್ಕಸ್ ಹಲ್ಲ ಜ಼ಗ್‍ಜ಼ಮಾನನಿ ಖ್ಹರ್ತಿಲಗೂಬಿ, ಯೋ ಪಾಪ್ನ ಕಾಡಿನಾಖನಿ ಉದ್ದೇಶ್‌ಥಿ ಇನುಯೋಸ್ ಬಲಿದಾನ್‌ ಹುವಾನ ದೆಖೈಲಿದೊ.

2 ಪೇತ್ರ 2:4

ಕಿಮ್‌ಕತೊ ದೇವ್‌ನು ದೂತಖ್ಹಾರು ಪಾಪ್ ಕರ್ತಾನ ದೇವ್ನೆ ಇವ್ಣುನ ಖ್ಹೊಪೊ ಮ್ಹೇಲ್ಯೊಕೊಂತೆ, ನರಕ್ಮ ಧಕೆಲೀನ್ ನ್ಯಾವ್ನತೀರ್ಪ್‌ನ ಲಿಲ್ಯಾವನಖ್ಹಾಜೆ ಖ್ಹಂಕಳ್‍ಥಿ ಭಂದೈನ್‌ ಅಂಧಾರಿನ ಪಾಳ್ಯಮ ದಿನಾಖಿದಿದೊ.

1 ಯೋಹಾನ 1:2

ಯೋ ಜಾನ್‌ ಹಮೂನ ದೆಖಾಯು. ಹಮೆ ಇನ ದೇಖ್ಯಾತೆ ಇನಖ್ಹಾಜೇಸ್ ಇನಿ ಬಾರೇಮ ಸಾಕ್ಷಿ ಬೋಲಾನಿತರ ಹುಯು. ಯೋ ಬಾ ಜೋ಼ಡ್ಮ ರ‍್ಹೀನ್ ಹಮುನ ದೆಖಾಯುತೆ ಹರ್‌ಹಮೇಶಾನೊ ಜಾನ್‌ ತುಮುನ ಬೋಲಿವತಾಳೆಸ್‍.

1 ಯೋಹಾನ 3:10

ಅಜು಼ ನೀತಿನ ವಾಟ್‌ಮ ನಾಚಾ಼ಲವಾಳೊ, ಇವ್ಣ ಭೈಯೇ ಅಜು಼ ಭೇನೇನ ಲಾಡ್‌ ನಾಕರವಾಳೊ ದೇವ್‍ಥಿ ಪೈದಹುಯೊ ಕೊಯ್ನಿ. ಅಮ್ ದೇವ್ನ ಲಡ್ಕಾ ಕೋಣ್ ಅಜು಼ ಶೈತಾನ್ನ ಲಡ್ಕಾ ಕೋಣ್‌ಕರಿ ಮಾಲುಮ್ ಕರಿಲೆಯೆಜಾ಼ಯ್‍.

1 ಯೋಹಾನ 3:5

ಪಾಪ್ ಖ್ಹಾರುಸ್ ಕಾಡ್ಣುಕರಿ ಕ್ರಿಸ್ತ ಆಯೊಕರಿ ಬೋಲಾನುಬಿ, ಅಜು಼ ಇನಾಮ ಪಾಪಸ್ ಕೊಯ್ನಿಕರಿಬಿ ತುಮೂನ ಮಾಲುಮ್ ಛಾ಼.

1 ಯೋಹಾನ 5:19

ಹಿಡಿ ಜಗತ್ತಸ್ ಕೇಡ್‌ ಕರವಾಳನ ಕಬ್‌ಜಾ಼ಮ ರ‍್ಹಯುತೋಬಿ ಅಪ್ಣೆ ದೇವ್ನ ಮಳಿರ‍್ಹವಾಳ ಕರಿ ಅಪ್ಣುನ ಮಾಲುಮ್ ಛಾ಼.

ಯೂದನೆ ಲೀಖ್ಯೋತೆ ಚಿಟ್ಟಿ 1:6

ಇವ್ಣಿ ಅಧಿಕಾರ‍್ನಿ ಝ಼ಗೋನ ಮ್ಹೇಲಿದಿನ್, ಇನ ಶೊಂತ್ ಝ಼ಗೋನ ಮ್ಹೆಂದಿದಾತೆ ದೇವ್‌ದೂತರ್‌ನ ದೇವ್ನೆ ಕದೇಬಿ ರ‍್ಹವಾನಿ ಖ್ಹಂಕಳ್‌ನ ಜ಼ಡ್‍ಕಿನ್ ಮಹಾದನ್ಮ ಉಷೇತೆ ತೀರ್ಪ್‌ನಖ್ಹಾಜೆ ಇವ್ಣುನ ಅಂಧಾರಿನ ಪಾಳ್ಯಮ ಟಿವಾಡಿರಾಖ್ಯೊಸ್.

ಪ್ರಕಾಶಿತ್ 20:10

ಅತ್ರೇಸ್ ಕಾಹೆತೆ ಇವ್ಣುನ ಠಗಾಯೊತೆ ಶೈತಾನ್ ಆಗ್ ರಂಜ಼ಕ್‌ಖ್ಹಾರು ಲಾಗುಕರಾನ ತಲಾವ್ಮ ನಾಖಿದಿದು ಹಿಜ್ಜಾ಼ ಜಾನ್ವರ್‌ಬಿ ಝೂ಼ಟುಪ್ರವಾದಿ ಖ್ಹಾರೂಬಿ ಹಿಜ್ಜಾ಼ ಥು. ಇವ್ಣೆ ರಾತ್‌ದನ್ ಜ಼ಗ್‌ಜ಼ಮಾನಮಾಬಿ ಖ್ಹತಾಪ್ಣಿ ಪಡುಕರ್ಷೆ.

ಪ್ರಕಾಶಿತ್ 20:15

ಯೋ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುನಾಮ್‍ ಲೀಖೈರ‍್ಹಾವನು ದೆಖಾಯು ಕೊಯ್ನಿಕಿ ಇನ ಆಗ್ನ ತಲಾವ್ಮ ಭಿರ್ಕಾಯು.