1 ಯೋಹಾನ 3:6 - ದೇವ್ನಿ ಖ್ಹಾಚಿ ವಚನ್

⁶ ಇನಾಮ ತಳ್‍ಗಾಠಿನ್ ರ‍್ಹೇವವಾಳೊ ಪಾಪ್ನಕರಕೊಯ್ನಿ; ಪಾಪ್‍ಕರವಾಳೊ ಇನ ದೇಖಿರಾಖ್ಯುಬಿ ಕೊಯ್ನಿ. ಮಾಲುಮ್ ಕರ‍್ಯುಬಿ ಕೊಯ್ನಿ;

1 ಯೋಹಾನ 3:6 ပူးပေါင်းရင်းမြစ်များ

2 ಕೊರಿಂಥ 3:18

ಕತೋಬಿ ಅಪ್ಣೆಖ್ಹಾರು ಮುಚೈರ‍್ಹೇಯ್‌ಕೊಂತೆ ಮ್ಹೋಡೇಥಿ ಪ್ರಭುನಿ ಮಹಿಮೆನ ಐನಾಮ ದೆಖಾವನಿತರ ಇನ ದೆಕ್ತಹುಯಿನ್ ಅಪ್ಣೆಖ್ಹಾರು ಪ್ರಭುನಿ ಆತ್ಮನಿ ಮಹಿಮೆಥಿ ಜಾ಼ಖ್ಹತ್‌ಹುಯಿನ್ ಯೊ ಮಹಿಮೆನ ರೂಪ್ ಲ್ಯವಾಳ ಹುಯೆಸ್. ಆ ಆತ್ಮ ಹುಯಿರ‍್ಹೋತೆ ಪ್ರಭುನು ಕಾಮಸ್.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

1 ಯೋಹಾನ 2:28

ಪ್ಯಾರ್‌ನ ಲಡ್ಕಾವೊ, ಯೋ ದೆಖಾವನಿ ವಖ್ಹ್‌ತೆ. ಅಪ್ಣೆ ಇನಖ್ಹಾಮ್ಣೆ ಭಿರಾವನ ಖ್ಹರ್‌ಮಾವ್ಣುನಾತೆ ಭಾಲಿಥಿ ರ‍್ಹಾವನಿಘೋಣಿ ಇನಾಮ ತಳ್‍ಗಾಠಿನ್ ರ‍್ಹಿಯೆ.

1 ಯೋಹಾನ 2:3

ಅಪ್ಣೆ ಇನಿ ಹುಕುಮ್‌ನ ವಿಧೇಯ ಹುಯಿನ್ ಚಾ಼ಲಿಲ್ಯವಾನುಸ್ ಅಪ್ಣೆ ಇನ ಮಾಲುಮ್ ಕರಿಲಿದಾಕರಿ ಖ್ಹಮ್‍ಜಿಲಿಯೇಸ್.

1 ಯೋಹಾನ 2:4

ಏಕ್‍ಜ಼ಣೊ, ಮನ ಯೊ ಮಾಲುಮ್ ಕರಿ ಬೋಲಿನ್ ಇನ ಹುಕುಮ್‍ನಿತರ ನಾ ಚಾ಼ಲಿಲೀದೊತೊ ಯೋ ಝೂ಼ಟೊ ಹುಯಿರ‍್ಹೊಸ್. ಖ್ಹಾಚು಼ಕರಿ ಬೋಲಾನು ಇನಾಮ ಕೊಯ್ನಿ.

1 ಯೋಹಾನ 3:2

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.

1 ಯೋಹಾನ 3:9

ದೇವ್‍ಥಿ ಪೈದ ಹುಯಿರ‍್ಹವವಾಳೊ ಕೋಣ್‌ಬಿ ಪಾಪ್ ಕರ್ಶೆ ಕೊಯ್ನಿ. ಶನಕತೊ ದೇವ್ನಿ ಸ್ವಭಾವ್ ಇನಾಮ ಛಾ಼. ಯೋ ದೇವ್‍ಥಿ ಪೈದ ಹುಯಿರ‍್ಹೊಸ್ತೆ ಇನಖ್ಹಾಜೆ ಪಾಪ್ ಕರಾನ ಕೋ ಉಶೇನಿ.

1 ಯೋಹಾನ 4:8

ಪ್ಯಾರ್ ನಾಕರವಾಳೊ ದೇವ್ನ ಮಾಲುಮ್ ಕರಿರಾಖ್ಯಕೊಂತೆ ಹುಯಿರ‍್ಹೊಸ್. ಶನಕತೊ ದೇವ್ ಪ್ಯಾರ್‌ವಾಳೊ ಹುಯಿರ‍್ಹೊಸ್.

1 ಯೋಹಾನ 5:18

ದೇವ್‍ಥಿ ಉಬ್‍ಜಾ಼ವಾಳೊ ಪಾಪ್‍ಕರವಾಳೊ ಕಾಹೆ ಕರಿ ಅಪ್ಣುನ ಮಾಲುಮ್ ಛೆ. ದೇವ್‍ಥಿ ಪೈದಹುವವಾಳೊ ಇನುಯೋಸ್ ಬಚಾ಼ಡಿಲಿಶೆ. ಕೇಡ್‌ ಕರಾವಾಳೊ ಇನ ಛೀಮ್‍ಶೆ ಕೊಯ್ನಿ.

3 ಯೋಹಾ 1:11

ಮಾರ ಪ್ಯಾರ್‌ನೊ ಭೈ ತು ಖರಾಬ್ ಚಾ಼ಲ್ ನಾ ಚಾ಼ಲ್ನುತೆ, ಅಛ್ಛಿ ಚಾ಼ಲ್‍ಚ಼ಲಣ್‍ ಚಾ಼ಲವಾಳೊ ಹುಯಿರ‍್ಹೆ; ಅಛ್ಛಾ಼ನ ಕರಾವಾಳೊ ದೇವ್‌ಭಣಿವಾಳೊ ಹುಯಿರೋಸ್. ಖರಾಬ್‌ನ ಕರಾವಾಳೊ ಕದೇಬಿ ದೇವ್ನ ದೇಖ್ಯೊಕೊಯ್ನಿ.