1 ಯೋಹಾನ 3:5 - ದೇವ್ನಿ ಖ್ಹಾಚಿ ವಚನ್

⁵ ಪಾಪ್ ಖ್ಹಾರುಸ್ ಕಾಡ್ಣುಕರಿ ಕ್ರಿಸ್ತ ಆಯೊಕರಿ ಬೋಲಾನುಬಿ, ಅಜು಼ ಇನಾಮ ಪಾಪಸ್ ಕೊಯ್ನಿಕರಿಬಿ ತುಮೂನ ಮಾಲುಮ್ ಛಾ಼.

1 ಯೋಹಾನ 3:5 ပူးပေါင်းရင်းမြစ်များ

ಮತ್ತಾಯ 1:21

ಯೋ ಏಕ್‌ ಪರ್ಖ್ಹೊ ಲಡ್ಕಾನ ಜ಼ಣ್‌ಶೆ, ತೂ ಇನ ಯೇಸುಕರಿ ನಾಮ್ ಮ್ಹೇಲ್ನು. ಶನಕತೊ, ಯೋ ಇನ ಅದ್ಮಿಯೇವ್ನ ಪಾಪ್‌ಮಾಥು ಬಚಾ಼ವ್‍ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:41

ಅಪ್ಣುನತೋಬಿ, ನಿಶತ್ ಮಳಿರ‍್ಹೀಸ್ತೆ ಇನಾಮ ನ್ಯಾವ್‌ ಛಾ಼; ಶನಕತೊ ಅಪ್ಣೆ ಕರ‍್ಯಾತೆ ಗಲತ್‌ನಖ್ಹಾಜೆ, ಅಪ್ಣುನ ನಿಶತ್ ಮಳಿರ‍್ಹಿಸ್‌. ಕತೋಬಿ ಅನೆ ಶನೀಬಿ ಗಲತ್‌ ಕೋ ಕರ‍್ಯೋನಿ!”

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:47

ತದೆ ಖ್ಹೋಶಿಪಾಯಿನೊ ಮೋಟಾನೆ ಚಾ಼ಲ್ಯುತೆ ಇನ ದೇಖಿನ್‌, “ಖ್ಹಾಚಮಾಬಿ ಆ ಅದ್ಮಿ ನೀತಿವಾಳೊಸ್‌ ಹುಯಿರ‍್ಹೋಥೊ!” ಕರಿ ದೇವ್ನ ಖ್ಹರಾಯೊ.

ಯೋಹಾನ 1:29

ಇನವ್ಹಾಣೆ ಯೋಹಾನನೆ ಇನಾಖನ್ನೆ ವಳ್ಯಾವ್‍ತೊಥೋತೆ ಯೇಸುನ ದೇಖಿನ್, “ದೇವ್ನ ಮೇಂಢಾನ ಚೆಲ್ಕಾನ ದೇಖೊ, ಯೊ ಜಗತ್‌ನು ಪಾಪ್ನ ದೂರ್ ಕರ್ಶೆ.”

ಯೋಹಾನ 1:31

ಅಜು಼ ಯೋಹಾನನೆ ಇನಿ ಸಾಕ್ಷಿದಿದೊ, “ಯೋ ಕೋಣ್ ಕರಿ ಮನಾಬಿ ಮಾಲುಮ್ ಕೋ ಥೂನಿ, ಕತೋಬಿ ಇಸ್ರಾಯೇಲ್ ಅದ್ಮಿನ ಯೋ ಕೋಣ್ ಕರಿ ಮಾಲುಮ್‌ ಕರಾವಾನಖ್ಹಾಜೆ, ಮೇ ಪಾಣಿನು ಬ್ಯಾಪ್ತಿಸ್ಮ ದೆವಾಳೊ ಹುಯಿನ್ ಆಯೋತೆ” ಕರಿ ಬೋಲ್ಯೊ.

ಯೋಹಾನ 14:30

ಬಿಜು಼ ಮೇ ತುಮಾರ ಜೋ಼ಡೆ ಜಾ಼ಖ್ಹತ್ ವಾತೆ ಕೋ ಬೋಲೂನಿ, ಶನಕತೊ ಆ ಜಗತ್ನ ಅದಿಕಾರಿ ವಳ್ಯಾವಸ್. ಇನ ಮಾರಪರ್ ಖೆವಿಸ್ ಹಕ್‌ ಕೊಯ್ನಿ.

ಯೋಹಾನ 8:46

ಮಾರಾಮ ಪಾಪ್ನ ವತಾಳವಾಳೊ ತುಮಾರಮ ಕೋಣ್‌ತೋಬಿ ಛಾ಼? ಮೇ ಖ್ಹಾಚಿ ಬೋಲ್ಯೊತೋಬಿ, ತುಮೆ ಮನ ಶನ ವಿಶ್ವಾಸ್‌ ಕರಾಕೊಯ್ನಿ?

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

1 ತಿಮೊ 1:15

ಕ್ರಿಸ್ತ ಯೇಸು ಪಾಪಿ ಖ್ಹಾರಾನ ಬಚಾ಼ಡನಖ್ಹಾಜೆ ಆ ಜಗತ್‌ಮ ಆಯೊ ಕರಿ ಬೋಲಾನಿ ವಾತೆ ಖ್ಹಾಚಿ ಹುಯಿರ‍್ಹಿಸ್, ಆ ವಿಶ್ವಾಸ್‌ ಕರಾಖ್ಹರ್ಕುಬಿ ಸ್ವಿಕಾರ್‌ಕರಾನ ಲ್ಹಾಯೇಕ್ನುಬಿ ಹುಯಿರ‍್ಹುಸ್. ಶನಕತೊ ಇಮ್ನ ಪಾಪಿಮ ಮೇಸ್ ಪಹಿಲೊ.

1 ತಿಮೊ 3:16

ಅಪ್ಣ ದೇವ್‌ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ‍್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್‌ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್‌ಥಿ ದೆಖೈಗು. ಅಲ್ಹಾವ್‌ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್‌ ಇನಾಪರ್ ವಿಶ್ವಾಸ್ ಕರ‍್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಇಬ್ರಿ 1:3

ಯೋಸ್ ದೇವ್ನು ಮಹಿಮೆನು ಉಜಾ಼ಖ್ಹ್‌ಬಿ, ದೇವ್ನಿ ಪ್ರತಿರೂಪ್‌ಬಿ, ಇನಿ ವಚನ್ ಶಕಥ್ಥಿ ಅಖ್ಖಾಸ್ನ ಆಧಾರ್ ಹುಯಿನ್ ಯೋಸ್ ಅದಮ್‍ಜ಼ಮಾನನಿ ಪಾಪ್ನ ಶುದ್ದಿಕರಿನ್ ಸೊರ್ಗಾಮ ಮಹಾನ್ ದೇವ್ನು ಖಾವಿಬಾಜು಼ಮ ಬೇಶಿಗಯೊ.

ಇಬ್ರಿ 4:15

ಶನಕತೊ ಅಪ್ಣುನ ಛಾ಼ತೆ ಮಹಾಯಾಜಕ್ ಅಪ್ಣಿ ಕಮ್‍ಜೋ಼ರಿಮ ಅಪ್ಣುನ ಗೋರ್‌ ವತಳಾಕೊಂತೆ ರ‍್ಹೆಯಿಕೊಯ್ನಿ. ಯೊ ಹರೇಕ್ ವಾತೆನಿ ಬಾರೇಮ ಅಪ್ಣಿನಿತರಸ್ ಶೋದನೆ ಪಡ್ಯೊಹುಯೊ. ಕತೋಬಿ ಇನೆ ಪಾಪ್ ಕರ‍್ಯೊಸ್ ಕೊಯ್ನಿ.

ಇಬ್ರಿ 7:26

ಇನಖ್ಹಾಜೆ ಅಪ್ಣುನ ಹೋಣುತೆ ಇನ ಪೂರಕರಾವಳೊ ಮಹಾಯಾಜಕ ಹುಯಿರ‍್ಹೊಸ್ ಪರಿಶುದ್‌ಬಿ ದೋಷ್‍ಕೊಯ್ನಿತೇಬಿ, ಮೈಲಾಪ್‍ಕೊಯ್ನಿತೆಬಿ, ಪಾಪಿಮ ಮಳಾಕೊಂತೆ ನಿರ‍್ವಾಳೊಬಿ ಹುಯಿರ‍್ಹವಾಳೊಬಿ ಆಕಾಶ್ ಮಂಡಲ್‍ಥೀಬಿ ಊಚಾ಼ಮ ರ‍್ಹವಾಳೊ.

ಇಬ್ರಿ 9:26

ಇಮ್‌ ಸಮರ್ಪಣ್‌ ಕರಾನು ರ‍್ಹಯು ಹೋತ್ತೊ, ಜಗತ್‌ ಉಬ್‍ಜಾ಼ವ್ಣಿಥುಬಿ ಕೈಯೇಕ್ ವಖ್ಹತ್ ಖ್ಹತಾಪ್ಣಿಲೇವ್ಣು ಪಡ್ಯುಥು. ಕತೋಬಿ ಖ್ಹಾರನಖ್ಹಾಜೆ ಎಕ್ಕಸ್ ಹಲ್ಲ ಜ಼ಗ್‍ಜ಼ಮಾನನಿ ಖ್ಹರ್ತಿಲಗೂಬಿ, ಯೋ ಪಾಪ್ನ ಕಾಡಿನಾಖನಿ ಉದ್ದೇಶ್‌ಥಿ ಇನುಯೋಸ್ ಬಲಿದಾನ್‌ ಹುವಾನ ದೆಖೈಲಿದೊ.

ಇಬ್ರಿ 9:28

ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್‌ ಹುಯೊ. ಯೋ ಬೇನೆ ಹಲ್ಲ ದೆಖಾವ್‌ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ‍್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್‌ಶೇತೆ.

1 ಪೇತ್ರ 1:18

ತುಮಾರ ಗುರುಗುರಬ್‍ಲ್ಯಥಿ ಆಯೂತೆ ಕಾಮ್‌ಕೊಂತೆ ರೀತಿರಿವಾಜ್‍ಮ ಚಾ಼ಲ್‌ಚ಼ಲಣ್‌ಥಿ ತುಮುನ ಛುಟ್ಕಾರ್‌ ಕರ‍್ಯುತೆ, ರೂಪು, ಖ್ಹೊನ್ನನಿತರಾನು ಮಟಿಜಾ಼ವಾನು ರಾಛ಼ವ್‌ಥಿಕಾಹೆ.

1 ಪೇತ್ರ 1:20

ಯೊ ಜಗತ್‌ ಉಬ್‌ಜಾ಼ನ ಅಗಾಡಿಸ್ ದೆವೈಜಾ಼ವಾಳೂ ಹುಯಿರ‍್ಹಿನ್, ಆ ಖ್ಹರ್ತಿನ ಹಗಾಮ್ಮ ತುಮಾರಖ್ಹಾಜೆ ದೆಖಾಯೊ.

1 ಪೇತ್ರ 2:22

ಯೋ ಶನು ಪಾಪ್‌ಬಿ ಕರ‍್ಯೊಕೊಯ್ನಿ, ಇನ ಮ್ಹೋಡಾಮಾಥಿ ಖೆವಿ ಠಗಾವಾನಿ ವಾತ್‍ಬಿ ಮಳಿಕೊಯ್ನಿ.

1 ಪೇತ್ರ 2:24

ಅಪ್ಣೆ ಅಪ್ಣ ಪಾಪ್ನ ಭಾಗ್ನ ಮರೀನ್ ನೀತಿವಾಳ ಹುಯಿನ್ ಬಚಾ಼ನಿತರ ಅಪ್ಣ ಪಾಪ್ನ ಯೋಸ್ ಇನ ಶರೀರ್‌ಪರ್‌ ಢೊಯ್ಲಿನ್ ಶಿಲ್‌ಬೆಪರ್ ಮರಿಗೊ. ಇನ ಘಾವ್‍ಥಿ ತುಮುನ ಅಛ್ಛು಼ಹುಯು.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

1 ಯೋಹಾನ 1:2

ಯೋ ಜಾನ್‌ ಹಮೂನ ದೆಖಾಯು. ಹಮೆ ಇನ ದೇಖ್ಯಾತೆ ಇನಖ್ಹಾಜೇಸ್ ಇನಿ ಬಾರೇಮ ಸಾಕ್ಷಿ ಬೋಲಾನಿತರ ಹುಯು. ಯೋ ಬಾ ಜೋ಼ಡ್ಮ ರ‍್ಹೀನ್ ಹಮುನ ದೆಖಾಯುತೆ ಹರ್‌ಹಮೇಶಾನೊ ಜಾನ್‌ ತುಮುನ ಬೋಲಿವತಾಳೆಸ್‍.

1 ಯೋಹಾನ 1:7

ಕತೋಬಿ ದೇವ್ ಉಜಾ಼ಳಮ ರ‍್ಹಾವನಿತರಸ್‍ ಅಪ್ಣೇಬಿ ಉಜಾ಼ಳಮ ಚಾ಼ಲ್ಯಾತೊ ಅಪ್ಣೆ ಏಕ್‌ಥಿಏಕ್ ಗಳ್‍ಜೋ಼ಡ್‍ಥಿ ರ‍್ಹಯೇಜಾ಼ಯ್ ತದೆ ಇನೊ ಎಕ್ಕಸ್ ದೇವ್‌ನೊ ಛಿಯ್ಯೊ ಯೇಸುನು ಲ್ಹೋಯಿ ಅಪ್ಣುನ ಅಖ್ಖಾ ಪಾಪ್‌ಥಿ ಛೋ಼ಡೈನ್ ಪಾಕ್‍ಕರಾಸ್.

1 ಯೋಹಾನ 2:1

ಮಾರ ಪ್ಯಾರ್‌ನ ಲಡ್ಕಾವೊ, ತುಮೆ ಪಾಪ್ ನಾಕರ‍್ನುತೆ ರ‍್ಹೇವ್ಣು ಮೇ ಆ ಅಖ್ಖು ತುಮೂನ ಲೀಖುಕರುಸ್. ಏಕ್‍ ವೇಳ್ಮ ಕೋಣ್‌ತೋಬಿ ಪಾಪ್ ಕರ‍್ಯುಸ್‍ಉಶೇತೊ ಅಪ್ಣ ಭಣೀಥು ಬಾಕನ ಬೋಲಿಲ್ಯವಾನ ಏಕ್‍ಜ಼ಣೊ ಛಾ಼. ಯೋಸ್ ನೀತಿವಾಳೊ ಯೇಸುಕ್ರಿಸ್ತ ಮದತ್‌ಕರಾವಾಳು ಹುಯಿರೋಸ್.

1 ಯೋಹಾನ 2:2

ಯೋ ಅಪ್ಣ ಪಾಪ್ನ ಕ್ಷಮಾಪಣ್‍ನಖ್ಹಾಜೆ ಪರಿಹಾರ‍್ನೊ ಬಲಿಹುಯಿರ‍್ಹೊಸ್. ಅಪ್ಣ ಪಾಪ್ನಕರಿ ಖಲಿಕಾಹೆ ಅಖ್ಖಾ ಜಗತ್ನ ಖ್ಹಾರ ಅದ್ಮಿನ ಪಾಪ್ನಖ್ಹಾಜೆಬಿ ಪರಿಹಾರ್ ಹುಯಿರ‍್ಹೊಸ್.

1 ಯೋಹಾನ 2:29

ಕ್ರಿಸ್ತ ಯೇಸು ನೀತಿವಾಳೊ ಹುಯಿರ್‍ಹೊಸ್ ಕರಿ ತುಮೂನ ಮಾಲುಮ್‌ ರ‍್ಹಿಯುತೊ ನೀತಿನ ಮಾರಗ್‌ಪರ್ ಚಾ಼ಲವಾಳು ಹರೇಕ್‍ಜ಼ಣುಬಿ ಇನೇಥಿ ಪೈದಹುಯಿರ‍್ಹುಸ್‍ ಕರಿ ತುಮೆ ಮಾಲುಮ್‌ ಕರಿರಾಖವಾಳ ಹುಯಿರ‍್ಹಾಸ್.

1 ಯೋಹಾನ 3:8

ಪಾಪ್ ಕರಾವಾಳೊ ಶೈತಾನ್‍ನಿ ಪಿಳ್ಗಿವಾಳೊ. ಶೈತಾನ್‍ ಜ಼ಮಾನೇಥುಬಿ ಪಾಪ್ ಕರವಾಳೋಸ್. ಇನಖ್ಹಾಜೆ ಇನು ಖರಾಬ್ ಕಾಮ್‍ಖ್ಹಾರಾನ ನಾಶ್ ಕರ್ನುಸ್ ಕರಿ, ದೇವ್‌ನೊ ಛಿಯ್ಯೊ ಆಯೋತೆ.

ಪ್ರಕಾಶಿತ್ 1:5

ಯೇಸು ವಿಶ್ವಾಸ್‌ನಿ ಸಾಕ್ಷಿ ಹುಯಿರ್‍ಹೊಸ್, ಮರ‍್ಯಹುಯಾಮಥು ಪಹಿಲೆ ಉಠ್ಯೊತೆ ಧರ್ತಿನ ರಾಜಾ಼ವ್ನೊ ಮಾಲಿಕ್ ಹುಯಿರ‍್ಹವವಾಳೊ ಯೇಸು ಕ್ರಿಸ್ತಥಿ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ. ಅಪ್ಣುನ ಪ್ಯಾರ್‌ಕರವಾಳೊ ಇನು ಪವಿತ್ರ ಲ್ಹೋಯಿಥಿ ಅಪ್ಣುನ ಪಾಪ್‌ಥಿ ಛೋ಼ಡಾಯೊ.