1 ಯೋಹಾನ 3:22 - ದೇವ್ನಿ ಖ್ಹಾಚಿ ವಚನ್

²² ಅಪ್ಣೆ ದೇವ್ನಿ ಹುಕುಮ್‌ನ ಅಖ್ಖುಲೀನ್ ಚಾ಼ಲ್ಯಾತೊ ಇನು ಪಸಂದ್‌ನು ಕಾಮ್‍ಕರವಾಳ ಹುಯಿರ‍್ಹಾತೊ ಅಪ್ಣೆ ಶಾತ್ಬಿ ಮಾಂಗಿ ಲಿಯೆಜಾ಼ಯ್‍.

1 ಯೋಹಾನ 3:22 ပူးပေါင်းရင်းမြစ်များ

ಮತ್ತಾಯ 17:5

ಯೋ ಅಮ್ ಬೋಲುಕರಾನಿ ವಖ್ಹತ್‌ಮಾಸ್‌, ಏಕ್‌ ಉಜಾ಼ಖ್ಹ್‌ನು ವಾದ್‌ಳು ಐನ್, ಇವ್ಣಾಪರ್ ಢಪಾಯು, ಅಜು಼ ಯೋ ವಾದ್ಳಾನ ಮಹಿಥು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನೇಥಿ ಮೇ ಘಣು ಖ್ಹುಶಿ ಛೂ಼!” ಕರಿ ಏಕ್‌ ಅವಾಜ಼್ ಆಯೊ.

ಮತ್ತಾಯ 21:22

ತುಮೆ ನಂಬಿನ್, ಪ್ರಾರ್ಥನೆಮ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳ್‌ಶೆ” ಕರಿ ಬೋಲ್ಯೊ.

ಮಾರ್ಕ 11:24

ಇನಾಖ್ಹಾಜೆಸ್ ಮೇ ತುಮೂನ ಬೋಲುಸ್ಕಿ: ತುಮೆ ಪ್ರಾರ್ಥನೆ ಕರಿನ್‌ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳೀರ‍್ಹುಸ್ ಕರಿ ನಂಬೊ, ತದೆ ತುಮೆ ಶಶ್ಶಾತ್ ಮಾಂಗಿಲಿದಾಕಿ ಯೋ ತುಮುನ ಮಳ್‌ಶೆ.

ಯೋಹಾನ 14:13

ಅಜು಼ ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದಾತೋ, ಮೇ ತುಮಾರಖ್ಹಾಜೆ ಯೋ ಖ್ಹಾರುಸ್ ಚ಼ಲೈಶ್‌, ಅನಖ್ಹಾಜೆ ಛಿಯ್ಯಾಥಿ ಬಾನ ಮಹಿಮೆ ಉಶೆ.

ಯೋಹಾನ 15:10

ಮೇ ಮಾರ ಬಾನಿ ಹುಕುಮ್‌ನ ಪಾಡಿ ಚಾ಼ಲಿನ್, ಇನಿ ಲಾಡ್ಮ ಛೂ಼ತೆ ಇಮ್ಮಸ್, ತುಮೆ ಮಾರಿ ಹುಕುಮ್‌ನ ಪಾಡಿ ಚಾ಼ಲ್ಯಾತೊ, ಮಾರಿ ಲಾಡ್ಮ ಏಕ್‌ ಹುಯಿರ‍್ಹೀಶು.

ಯೋಹಾನ 15:7

ತುಮೆ ಮಾರಾಮಬಿ ಮಾರಿ ವಚನ್ ತುಮಾರಾಮ ರ‍್ಹಯೀತೊ, ಶಾತ್‌ ಮಾಂಗಿಲಿದಾತೋಬಿ ಯೋ ತುಮೂನ ಮಳ್‌ಶೆ.

ಯೋಹಾನ 6:29

ಯೇಸುನೆ,ಇವ್ಣುನ “ದೇವ್ನೆ ಮೋಕ್‌ಲ್ಯೊತೆ, ತುಮೆ ವಿಶ್ವಾಸ್‌ ಕರ‍್ನು ಕರಿ ಬೋಲಾನುಸ್ ದೇವ್ ತುಮಾರೇಥಿ ಆಖ್ಹ್ ಕರಾಸ್ತೆ ಕಾಮ್” ಕರಿ ಜ಼ವಾಬ್ ದಿದೊ.

ಯೋಹಾನ 8:29

“ಮನ ಮೋಕ್‌ಲ್ಯೊತೆ ಯೋ ಮಾರ ಜೋ಼ಡೆ ಛಾ಼; ಮನ ಎಕ್ಲೋಸ್ ಕೋ ಮ್ಹೇಲ್ಯೋನಿ, ಇನಖ್ಹಾಜೇಥಿ ಮೆ ಕೆದೇಬಿ ಇನ ಇಷ್ಟನಿತರಾಸ್ ಕರುಸ್ತೆ” ಕರಿ ಬೋಲ್ಯೊ.

ಯೋಹಾನ 9:31

ಹಮೂನ ಮಾಲುಮ್‌ ಪಾಪಿನು ಪ್ರಾರ್ಥನೇನ ದೇವ್ ಖ್ಹಮ್‌ಜಾ಼ಕೊಯ್ನಿ, ಕತೋಬಿ ಕೋಣ್ ದೇವ್ನಿ ಮರ್ಜಿನಿಘೋಣಿ ಚಾ಼ಲಾಸ್ಕಿ ಇನಿ ಪ್ರಾರ್ಥನೆ ಖ್ಹಮ್‌ಜಾ಼ಸ್‌ ಕರಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:30

ಗಯೂತೆ ಹಗಾಮ್ಮ ಅದ್ಮಿಖ್ಹಾರು ದೇವ್ನ ಮಾಲುಮ್ ಕರ‍್ಯುಕೊಯ್ನಿ. ಕತೋಬಿ ದೇವ್ನೆ ಯೊ ಶಾತ್ಬಿ ಕರ‍್ಯೊಕೊಯ್ನಿ. ಹಮ್ಕೆತೋಬಿ ಜಗತ್ನಿ ಅಖ್ಖಿಬಾಜು಼ಮ ರ‍್ಹವಾಳು ಅದ್ಮಿಖ್ಹಾರು ಖರಾಬ್ ಮಾರಗ್‌ನ ಮ್ಹೇಲಿನ್ ಇನಾಭಣಿ ಫರ್‌ನುಕರಿ ಹುಕುಮ್ ದೆವುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:21

ಯೆಹೂದ್ಯರ್‌ನ ಅಜು಼ ಗ್ರೀಕ್‍ವಾಳು ಪಾಪ್ನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣು ಅಜು಼ ಪ್ರಭು ಯೇಸುನ ನಾಮ್‌ಪರ್‌ ವಿಶ್ವಾಸ್ ರಾಕ್ಣುಕರಿ ಮೇ ಬೋಲಿರಾಖ್ಯೊಸ್.

ಫಿಲಿಪ್ಪಿ 4:18

ಹೋಣುತೆ ಅಖ್ಖೂಸ್ ಮನ ಛಾ಼, ಚೆಹೆಳ್ ಹುಯಿರ‍್ಹೋಸ್. ಎಪಫ್ರೊದೀತ್‌ನ ತುಮೆ ದೀನ್ ಮೋಕ್‌ಲ್ಯಾತೆ ಇನಾಮ್ ಮನ ಪೋಚಾ಼ನಿ ವಖ್ಹ್‌ತೆ ಮೆ ಭರೈನ್ ಚೆಹಳ್‌ವಾಳೊ ಹುಯಿರ‍್ಹೋಸ್. ಯೊ ತುಮಾರು ಕಾಣ್‌ಕೆ ದೇವ್ನ ಢಪ್ಕಾರ‍್ನು ವಾ ಹುಯಿರ‍್ಹುಸ್, ಯೊ ದೇವ್ನ ಲ್ಹಾಯಕ್‌ನು ಬಲಿ ಹುಯಿರ‍್ಹುಸ್.

ಕೊಲೊಸ್ಸೆ 1:10

ಪ್ರಭುನ ಪಸಂದ್ ಹುವಾನಿ ಪರಕ್ಮ ಖ್ಹಾರಿಸ್ ತರಾಮ ತುಮೆ ಲ್ಹಾಯೇಕ್ ಹುಯಿನ್ ಜಿವ್ಣುಕರ‍್ನು ಕರೀಬಿ ಹರೇಕ್‍ಥರಾನು ಅಛ಼್ಛುಕಾಮ್ನ ಕರ್ತುಹುಯಿನ್ ದೇವ್ನಿ ಅಕ್ಕಲ್‌ಮ ಭಡ್ತುಜಾ಼ವ್ಣು ಕರಿ,

ಇಬ್ರಿ 13:21

ತುಮೆ ಇನಿ ಮರ್ಜಿನ ಚ಼ಲಾವನಿತರ ಹರೇಕ್ ಅಛ್ಛಿ ಫಣೈಮಾಬಿ ಭರ್‌ಪೂರ್‌ ಕರಾದೆ, ಯೊ ಅಪ್ಣ ಬೀಚ್ಮ ಯೇಸು ಕ್ರಿಸ್ತಥಿ ಇನ ನಜ಼ರ‍್ಮ ಪಸಂದ್ ಹುವಾನಿತರ ಕಾಮ್ ಕರಸ್ ಇನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಹುವಾದೆ! ಇಮ್ಮಸ್ ಹುವಾದೆ. ಆಮೆನ್.

ಯಾಕೋಬ 1:5

ಕತೋಬಿ ತುಮಾರಮ ಕಿನಾತೋಬಿ ಗ್ಯಾನ್‍ಕಮ್ ರ‍್ಹಯೂತೊ ಯೋ ದೇವ್ನ ಗಿಂಗೈಲ್ಯವಾದೆ, ದೇವ್ ಚಿಂಘಾವ್‍ಶೆಕೊಂತೆ ಖ್ಹಾರಸ್ನ ದಿಲ್‌ ಛೋ಼ಡಿನ್ ದಿಶೆ.

ಯಾಕೋಬ 4:3

ಬಿಂತಿ ಕರಿಲಿದತೋಬಿ ಯೋ ತುಮುನ ಮಳಕೊಯ್ನಿ. ಶನಕತೊ ತುಮಾರಿ ಬಿಂತಿ ಖರಾಬ್ ಖ್ಹೂಜ್‍ನು ಹುಯಿರ‍್ಹೆಸ್. ಭೋಗ್ನಿ ಆಖ್ಹ್‌ನ ಚ಼ಲೈಲ್ಯಾವನು ತುಮಾರಿ ಶುಶತ್ ಹುಯಿರ‍್ಹೆಸ್.

ಯಾಕೋಬ 5:16

ಅಮ್‍ರ‍್ಹವಾಪರ್ ತುಮೆ ಗುಣ್ ಹೋಣುಕತೊ ತುಮಾರಿ ಪಾಪ್ನಅಖ್ಖಾನ ಏಕ್‌ಥಿಏಕ್ ಹರ್‌ಕೆ ಕರಿನ್ ಏಕ್‍ ಜ಼ಣಾನಖ್ಹಾಜೆ ಏಕ್‍ಜ಼ಣು ಪ್ರಾರ್ಥನೆಕರೊ. ನೀತಿವಂತಾನು ಪ್ರಾರ್ಥನೆ ಘಣು ಶಕತ್ನು ಹುಯಿರ‍್ಹುಸ್.

1 ಯೋಹಾನ 2:3

ಅಪ್ಣೆ ಇನಿ ಹುಕುಮ್‌ನ ವಿಧೇಯ ಹುಯಿನ್ ಚಾ಼ಲಿಲ್ಯವಾನುಸ್ ಅಪ್ಣೆ ಇನ ಮಾಲುಮ್ ಕರಿಲಿದಾಕರಿ ಖ್ಹಮ್‍ಜಿಲಿಯೇಸ್.

1 ಯೋಹಾನ 5:14

ಅಜು಼ ದೇವ್ನ ಖ್ಹೂಜ಼್‍ಥಿ ಶಾತ್ತೋಬಿ ಮಾಂಗಿಲಿದಾತೊ ಯೋ ಅಪ್ಣಿ ಬಿಂತಿನ ಖ್ಹಮಜ಼್‌ಶೆ ಕರಿ ಅಪ್ಣುನ ಭರೋಖ್ಹೊ ಛಾ಼.