1 ಯೋಹಾನ 3:15 - ದೇವ್ನಿ ಖ್ಹಾಚಿ ವಚನ್

¹⁵ ಕೋಣ್‌ಬಿ ಇವ್ಣ ಭೈಯೇ ಭೇನೇನ ವಹೇರ್‌ ಕರಾವಾಳೊ ಖೂನಿಹುಯಿರ‍್ಹೊಸ್. ಅಜು಼ ಖೆವ ಖೂನಿಮಾಬಿ ಕೆದೇಬಿ ರ‍್ಹವಾನು ಜಾನ್‌ ಕೋರ‍್ಹಿಶೇನಿ ಕರಿ ತುಮೂನ ಮಾಲುಮ್.

1 ಯೋಹಾನ 3:15 ပူးပေါင်းရင်းမြစ်များ

ಮತ್ತಾಯ 5:28

ಕತೋಬಿ ಮೇ ತುಮೂನ ಬೋಲುಸ್ಕಿ, ಕೋಣ್‌ತೋಬಿ ಬಿಜಿ ತಯೇಡಾನ ದೇಖಿನ್‌, ಇನಾಪರ್ ಆಖ್ಹ್ ಕರ‍್ಯೋತೊ, ಯೋ ತದ್ದೇಸ್ ಇನ ಮನ್‌ಮ ಯೋ ತಯೇಡಾನಿ ಜೋ಼ಡೆ ವ್ಯಬಿಚಾರ್‌ ಕರಾವಾಳೊ ಹುಯಿರ‍್ಹೋಸ್.

ಮಾರ್ಕ 6:19

ಅನಖ್ಹಾಜೆ ಹೆರೋದ್ಯಬಿ ಯೋಹಾನಪರ್ ದಾವೊ ರಾಖಿನ್, ಇನ ಮರೈನಾಕ್ಣು ಕರಿ ಕೆತ್ರು ಕರಿತೋಬಿ ಇನೊ ಹಾತ್‌ ಕೋ ಹುಯುನಿ.

ಯೋಹಾನ 4:14

ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.

ಯೋಹಾನ 8:44

ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:12

ಇನವ್ಹಾಣೆ ಥೋಡು ಯೆಹೂದ್ಯರ್‌ಖ್ಹಾರು ಎಕಾಡಿ ಐನ್ ಎಕ್ಟುಹುಯು ಅಜು಼ ಮಹಿ ಮಹಿಸ್ ಮಶ್ಲತ್ ಭಂದೈನ್ ಹಮೆ ಪೌಲನ ಮರಾಲಗು ಖಾಣುಪಾಣಿ ಛಿಮ್‍ಶುಕೊಯ್ನಿ. ಕರಿ ಆಣ್‌ಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:14

ಅವ್ಣೆ ಗಲ್‌ಢಯಾಜಕರ್‌ನ ಬಿಜು಼ ಗಲ್‌ಢಖ್ಹಾರಾಕನ ಜೈ಼ನ್, “ಪೌಲನ ಖೂನ್ ಕರಾಲಗು ಹಮೆ ಮ್ಹೋಡಾಮ ಶಾತ್ಬಿ ಘಾಲ್‍ಶುಕೊಯ್ನಿಕರಿ ಕಠಣ್‍ಥಿ ಆಣ್ ಲೀರಾಖ್ಯಸ್ ಕರಿ ಬೋಲ್ಯು.

ಯಾಕೋಬ 1:15

ಇನಪಾರ್ ನಿಕ್‍ಳ್ಯಜಾನ್ ಬೇಜೂನುಹುಯಿನ್ ಪಾಪ್ನ ಜ಼ಣಸ್. ಪಾಪ್ ಪೂರಹುಯಿನ್ ಭಡೀನ್ ಇನಪಾರ್ ಮರಣ್‍ಲ್ಯವಾಸ್.

1 ಪೇತ್ರ 1:23

ಶನಕತೊ ತುಮೆ ನವೇಥಿ ಪೈದಾ ಹುಯಿರ‍್ಹಾಸ್ತೆ ನಾಶ್ ಹುಯಿಜಾ಼ವಾನ ವಚನ್‍ಥಿಕಾಹೆ, ಕತೋಬಿ ನಾಶಹುವಾಕೊಂತೆ ವಚನ್‌ಥೀಸ್. ಯೋ ಕೆದೇಬಿ ಜಿವ್ತಜಾನ್‍ರ‍್ಹವಾಳ ದೇವ್ನಿ ವಚನ್‌ಥೀಸ್ ಉಬ್‌ಜ್ಯುತೆ.

1 ಯೋಹಾನ 2:11

ಕತೋಬಿ ಇನ ಭೈಯೇ ಕೊಯಿನ್ತೊ ಭೇನೇನ ವಹೇರ್‌ಕರವಾಳೊ ಅಂಧಾರಮ ಛಾ಼ ಅಜು಼ ಅಂಧಾರಮ ಚಾ಼ಲವಾಳೊ ಹುಯಿರ‍್ಹೊಸ್. ಅಂಧಾರು ಇನ ಡೋಳಾನ ಕಾಣುಕರಿನಾಖಿದಿದುತೆ ಇನಖ್ಹಾಜೆ ಯೊ ಕಿಜ್ಜಾ಼ ವಳೆಜ಼ವುಸ್ ಕರಿ ಇನ ಮಾಲುಮ್‌ ಕೊಯ್ನಿ.

1 ಯೋಹಾನ 2:9

ಮೇ ಉಜಾ಼ಳಾಮ ಛೂ಼ ಕರಿ ಬೋಲಿಲೀನ್ ಇನ ಭೈಯೇ ಭೇನೇನ ವಹೇರ್‌ಕರವಾಳೊ ಹಮ್ಕೆಲಗೂಬಿ ಅಂಧಾರಮ ಛಾ಼.

ಪ್ರಕಾಶಿತ್ 21:8

ಕತೋಬಿ ಡರ್‌ಪೋಕ್‌ಖ್ಹಾರು, ವಿಶ್ವಾಸ್‌ಕೊಂತೆ ಖ್ಹಾರು, ಗಲೀಜ಼್ ಕಾಮ್ ಕರವಾಳು, ಖೂನಿಖ್ಹಾರು, ವ್ಯಬಿಚಾರ್ ಕರವಾಳು, ಜಾ಼ದುಕರಾವಳು, ಮೂರತ್ನ ಆರಾದನೆ ಕರವಾಳು, ಅಖ್ಖೂಸ್ ಜ್ಹೂ಼ಟು ಬೋಲವಾಳು ಅವ್ಣುನ ಮಳ್‌ಶೇತೆ ವಾಟೊ ಆಗ್ ರಂಜ಼ಕ್‌ಥಿ ಬಳ್ವಾನು ತಲಾವಸ್; ಯೋ ಬೇನು ಮರಣ್” ಕರಿ ಮನ ಬೋಲ್ಯೊ.