1 ಯೋಹಾನ 3:12 - ದೇವ್ನಿ ಖ್ಹಾಚಿ ವಚನ್

¹² ಕೇಡ್‍ಕರವಾಳೊ ಹುಯಿರಿನ್ ಇನ ಭೈನಾಸ್‍ ಭೋಕಿ ಮಾರ‍್ಯೋತೆ ಕಾಯಿನನಿಘೋಣಿ ಅಪ್ಣೆ ನಾರ‍್ಹೇವ್ಣು. ಯೋ ಶನ ನ್ಹಾನಭೈನ ಮಾರಿನಾಖಿದಿದೊತೆ? ಇನು ಕಾಮ್‌ಖ್ಹಾರು ಖರಾಬ್ ಅಜು಼ ಇನ ಭೈನು ಕಾಮ್ ನೀತಿನು ಹುಯಿರ‍್ಹುಥೂತೆ ಇನಖ್ಹಾಜೇಸ್.

1 ಯೋಹಾನ 3:12 ပူးပေါင်းရင်းမြစ်များ

ಮತ್ತಾಯ 13:19

ಪರ್‌ಲೋಕ್ ರಾಜ್ಯನಿ ಖಬರ್‌ನ ಖ್ಹಮ್‌ಜಿನ್‌, ಪರ್ಖಿ ನಾಲಿದುತೊ, ಶೈತಾನ್‍ ಆಯಿನ್, ಯೋ ಅದ್ಮಿನ ಮನ್‌ಮ ಪಡ್ಯುತೆ ಇನ ಕಾಡಿನಾಖಸ್‌, ಆ ಅದ್ಮಿಸ್‌ ಪಂಡಾ ಪಡ್ಯುತೆ ವಾಟ್ನಿ ಶೇಡೆನು ಝ಼ಗೊ ಹುಯಿರ‍್ಹುಸ್‍.

ಮತ್ತಾಯ 13:38

ಖೇತರ್‌ಕತೊ ಆ ಜಗತ್‌; ಅಛ್ಛು಼ ಪಂಡುಕತೊ ದೇವ್ನಿ ರಾಜ್ಯನು ಅದ್ಮಿಖ್ಹಾರು; ಶತ್ತೆಕತೊ ಶೈತಾನ್‍ ಭಣಿವಾಳು ಕರಿ;

ಮತ್ತಾಯ 23:35

ಅಮ್ ನೀತಿವಾಳೊ ಹುಯಿರ‍್ಹೋತೆ ಹೇಬೆಲ್‍ನು ಲ್ಹೊಯಿಥಿ ಧರೀನ್, ತುಮೆ ಮಂದಿರ್‌ನಾಬಿ ಅಜು಼ ಚಾ಼ಚ಼ರ್‌ನ ಇಚ಼್‌ಮ ಮಾರಿನಾಖ್ಯಾತೆ ಬರಕೀಯಾನೊ ಛಿಯ್ಯೊ ಜಕರೀಯಾನು ಲ್ಹೋಯಿತೋಡಿ, ಧರ್ತಿಪರ್ ರಂಚಾ಼ಯುತೆ ಹರೇಕ್ ನೀತಿವಾಳಾನು ಲ್ಹೋಯಿನು ಮಾರ್ ತುಮಾರ ಮುಡ್‌ಕ್ಯಪರ್ ಆವ್‌ಶೆ.

ಮತ್ತಾಯ 27:23

ಕತೋಬಿ ಪಿಲಾತನೆ, “ಶನ? ಅನೆ ಶನಿ ಗಲ್ತಿ ಕರಿರಾಖ್ಯೋಸ್?” ಕರಿ ಬೋಲ್ಯೊ. ತದೆ ಇವ್ಣೆ, “ಇನ ಶಿಲ್‌ಬೆಪರ್ ಮರಾವ್!” ಕರಿ ಬಿಜೂ಼ಬಿ ಜೋ಼ರೇಖ್ಹು ನಳ್ಡೊ ತಾಣಿನ್ ಬೋಲ್ಯು.

ಮತ್ತಾಯ 5:37

ಕತೋಬಿ ತುಮಾರಿ ವಾತೆ ಹೋ ಕತೊ ಹೋ, ಕೊಯ್ನಿಕತೊ, ಕೊಯ್ನಿ ಕರಿ ರ‍್ಹೇವಾದೆ. ಅನೇಥಿ ಜಾ಼ಖ್ಹತ್ ಬೋಲ್ಯಾತೊ, ಯೋ ಶೈತಾನ್‌ಥಿ ಆಯುಹುಯು ಕರಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:51

ಹೇಬೆಲ್‌ಥು ಧರೀನ್, ಬಲಿನಿ ಚಾ಼ಚ಼ರ್‌ ಅಜು಼ ಮಂದಿರ್‌ನ ಇಚ಼್‌ಮ ಮರೈ ನಾಖ್ಯುತೆ ಜಕರೀಯನು ಮೋತ್‍ತೋಡಿನು ದಂಡ್‌ ತುಮೂನ ಮಳ್‌ಶೆ. ಒಹೊ, ಮೇ ತುಮೂನ ಬೋಲುಸ್ಕಿ ಯೋ ಖ್ಹಾರಾವ್‍ನಟೇಕೆ ಆ ಜ಼ಗ್‌ನು ಅದ್ಮಿನ ದಂಡ್‌ ಮಳ್‌ಶೆ!

ಯೋಹಾನ 10:32

ತದೆ ಯೇಸುನೆ ಇವ್ಣುನ, “ಬಾನೆ ದಿದೋತೆ ಕೈಯೆಕ್ಕಿ ಅಛ್ಛು಼ ಕಾಮ್ನ ಮೇ ತುಮಾರ ಖ್ಹಾಮ್ಣೆ ಕರಿವತಾಳ್ಯೊ; ಯೋ ಖ್ಹಾರು ಕಾಮ್ಮಾಥು ಕೆಹು ಕಾಮ್ನಟೇಕೆ ಮಾರಪರ್ ತುಮೆ ಬಂಡಾ ಫೇಕ್‌ಣು ಕರಿ ಛಾ಼?” ಕರಿ ಪುಛಾ಼ಯೊ.

ಯೋಹಾನ 8:40

ಮೇ ದೇವ್‍ಥಿ ಖ್ಹಮ್‌ಜೋತೆ ಖ್ಹಾಚಿನ ತುಮುನ ಬೋಲಿವತಾಳ್ಯೋತೆ ಏಕ್ಜ಼ಣೊ ಮೆ ಹುಯಿರೊಸ್, ತೋಬಿ ತುಮೆ ಮನ ಮರ್‌ನಾಕ್ಣು ಕರಿ ದೇಖೊಸ್‍. ಅಬ್ರಹಾಮ್‌ನೆ ಅಮ್ ಶಾತ್ ಕೋ ಕರ‍್ಯೋನಿ!

ಯೋಹಾನ 8:41

ತುಮೆ ತುಮಾರ ಬಾನ ಕಾಮ್ನ ಅಖ್ಖು ಕರುಕರಸ್ ಕರಿಬೋಲ್ಯೊ. ತದೆ ಇವ್ಣೆ, ಹಮೆ ಪಾಪೇಲ ಕಾಮ್‍ಥಿ ಪೈದಕೊಹುಯಾನಿ. ಹಮೂನ ಎಕ್ಕಸ್ ಜ಼ಣೊ ಬಾ, ಯೋ ದೇವಸ್ ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:52

ಜಿವ್ತಥಾತೆ ಪ್ರವಾದಿಮ ಖ್ಹಾರಜ಼ಣನ ತುಮಾರ ಗುರುಖ್ಹಾರು ಖ್ಹತಾಯು. ನೀತಿವಾಳೊ ಎಕ್ಕಸ್‍ಜ಼ಣೊ ಹುಯಿರೋತೆ ಯೊ ಪಹಿಲೆಸ್ ಆವ್‍ಶೆಕರಿ ಖ್ಹಮ್‍ಜಾ಼ಯುಥು. ಕತೋಬಿ ತುಮಾರು ಗುರುಖ್ಹಾರು ಯೋ ಪ್ರವಾದಿಖ್ಹಾರನ ಮಾರಿನಾಖ್ಯು. ಹಮ್ಕೆ ತುಮೆ ಧರಿದೀನಸ್ ಇನ ಮರೈನಾಖ್ಯ.

1 ಥೆಸ 2:14

ಹಮಾರ ಭೈಯೇ ಭೇನೆವೊ, ತುಮೆ ಯೂದಾಯಮ ಕ್ರಿಸ್ತ ಯೇಸುಮ ಛಾ಼ತೆ ದೇವ್ನಿ ಖ್ಹಾಚಿ ಸಬೇನಿಮತ್‌ ಚಾ಼ಲಿರಾಖ್ಯಾಸ್‌. ಇವ್ಣೆ ಯೆಹೂದ್ಯರ್‌ಥಿ ಖ್ಹಮಾಳ್ಯುತೆ ಖ್ಹತಾಪ್ಣಿನ, ತುಮೆ ತುಮಾರ ಶೊಂತ್‌ ಅದ್ಮಿಥಿ ಖ್ಹಮಾಳಿರಾಖ್ಯಾಸ್‌.

ಇಬ್ರಿ 11:4

ವಿಶ್ವಾಸ್‌ಥೀಸ್ ಹೇಬೆಲನೆ ಕಾಯಿನಾನು ಬಲಿಥೀಬಿ ಮಹಾನ್ ಬಲೀನ ದೇವ್ನ ಸಮರ್ಪಣ್‌ ಕರ‍್ಯೊ. ಯೋ ಪರಕ್‍ಥಿ ಯೋ ನ್ಯಾವ್‌ವಾಳೊ ಕರಿ ಸಾಕ್ಷಿಹುಯಿಗೊ. ದೇವ್ನೆ ಇನಿ ಕಾಣ್ಕೆನ ಸ್ವೀಕಾರ್ ಕರ‍್ಯೊ. ಯೋ ಮರಿಗಯೊ ತೋಬಿ ಇನಿ ವಿಶ್ವಾಸ್‌ನಿ ಪರಕ್‍ಥಿ ಬಿಜೂ಼ಬಿ ವಾತೆ ಬೋಲವಾಳೊ ಹುಯಿರ‍್ಹೋಸ್.

ಇಬ್ರಿ 12:24

ನವ ಒಪ್ಪಂದಾನ ಇಚ಼್‌ಮ ರ‍್ಹವಾಳೊ ಯೇಸುಕನಬಿ ಹೇಬೆಲನ ಲ್ಹೋಯಿಥೀಬಿ ಮಹಾನ್ ವಾತೆ ಬೋಲಾಸ್ತೆ ಛಿಡ್‌ಕಾಯುತೆ ಲ್ಹೋಯಿಕನಾಬಿ ಐರ‍್ಹಾಸ್.

1 ಪೇತ್ರ 4:4

ಇವ್ಣೆ ಕರಾಸ್ತೆ ಹೋಯಿಕೊಂತೆಯೆತ್ರೆ ಜಿವ್ಣಮ ತುಮೆ ಮಳಕೊಂತೆ ಇನಖ್ಹಾಜೆ ಇವ್ಣೆ ಆಶ್ಚರ್ಯಪಡಿನ್ ತುಮುನ ಚಿಂಘಾವ್ಣಿ ಕಾಡಸ್‌.

1 ಯೋಹಾನ 3:8

ಪಾಪ್ ಕರಾವಾಳೊ ಶೈತಾನ್‍ನಿ ಪಿಳ್ಗಿವಾಳೊ. ಶೈತಾನ್‍ ಜ಼ಮಾನೇಥುಬಿ ಪಾಪ್ ಕರವಾಳೋಸ್. ಇನಖ್ಹಾಜೆ ಇನು ಖರಾಬ್ ಕಾಮ್‍ಖ್ಹಾರಾನ ನಾಶ್ ಕರ್ನುಸ್ ಕರಿ, ದೇವ್‌ನೊ ಛಿಯ್ಯೊ ಆಯೋತೆ.

ಯೂದನೆ ಲೀಖ್ಯೋತೆ ಚಿಟ್ಟಿ 1:11

“ಇವ್ಣಿ ಹಾಲ್ನ ಮೇ ಶಾತ್‌ಬೋಲು! ಶನಕತೊ ಅವ್ಣೆ ಕಾಯಿನನು ಮಾರಗ್‍ಧರೀನ್ ಚಾ಼ಲಾವಾಳೂಬಿ, ಧನ್‌ ದೌಲತ್ನ ಕಮಾವನಖ್ಹಾಜೆ ಬಿಳಾಮಾನೊ ಗಲತ್‌ ಮಾರಗ್‌ಪರ್ ಚಾ಼ಲಾವಾಳೂಬಿ, ಕೋರಹನಿತರ ವಿರೋದ್‌ ಆಡ್‌ಫೇಡ್ ಬೋಲಿನ್ ನಾಶಹುವವಾಳು ಹುಯಿರ‍್ಹುಸ್”.

ಪ್ರಕಾಶಿತ್ 17:6

ಯೋ ತಯೇಡ ನೀತಿವಾಳನ ಲ್ಹೋಯಿನ ಅಜು಼ ಯೇಸುನ ಖ್ಹಾಜೆ ಸಾಕ್ಷಿದೀನ್ ಮರ‍್ಯಹುಯಾನ ಲ್ಹೋಯಿನ ಪೀನ್ ಕಯೇಪ್ ಹುಯಿರ‍್ಹವಾಳಿನ ದೇಖ್ಯೊ. ಮೇ ಇನ ದೇಖಿನ್ ಘಣು ಆಶ್ಚರ್ಯ ಹುಯೊ.