1 ಯೋಹಾನ 2:7 - ದೇವ್ನಿ ಖ್ಹಾಚಿ ವಚನ್

⁷ ಮಾರ ಪ್ಯಾರ್‌ನ ಭೈಯೇ ಭೇನೆವೊ, ಮೇ ತುಮೂನ ಲೀಖುಕರುತೆ‍ ನವಿ ಹುಕುಮ್ ಕಾಹೆ, ಹೈರಿತೆ ಜೂ಼ನಿ ಹುಕುಮ್ ಹುಯಿರ‍್ಹಿಸ್. ಆ ಜೂ಼ನಿ ಹುಕುಮ್ ತುಮೆ ಖ್ಹಮ್‍ಜ್ಯಾತೆ ವಚನಸ್.

1 ಯೋಹಾನ 2:7 ပူးပေါင်းရင်းမြစ်များ

ಮತ್ತಾಯ 5:43

“ತಾರ ಭೀಡೆವಾಳಾನ ಪ್ಯಾರ್ ಕರ್‌ ಅಜು಼ ತಾರ ದುಶ್‌ಮನ್ನ ವಹೇರ್‌ ಕರ‍್ನು’ ಕರಿ ಬೋಲಿರಾಖ್ಯುಸ್ತೆ ಇನ ತುಮೆ ಖ್ಹಮ್‌ಜಿರಾಖ್ಯಾಸ್‌ ಎತ್ರೇಸ್.

ಯೋಹಾನ 13:34

ಹಮ್ಕೆ ಮೇ ತುಮೂನ ಏಕ್‌ ನವಿ ಹುಕುಮ್‌ ದೆವುಸ್ ತುಮೆ ಏಕ್‌ಥಿ-ಏಕ್‌ ಲಾಡ್‌ ಕರೊ. ಮೇ ತುಮೂನ ಲಾಡ್‌ ಕರ‍್ಯೊತೆ ತಿಮ್ಮಸ್, ತುಮೇಬಿ ಏಕ್‌ಥಿ-ಏಕ್‌ ಲಾಡ್‌ ಕರ್ನುಸ್‍ಕರ‍್ನು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:19

ಇವ್ಣೆ ಪೌಲನ ಅರಿಯೊಪಾಗನಿ ನ್ಯಾವ್‍ನಿ ಸಭೆಮ ಬುಲೈಲಿಗಯು. ಅವ್ಣೆ ಇನ “ತೂ ಶಾತ್ ಬೋಲಿ ವತಾಳ್ಣು ಕರಿ ಛಾ಼ಕಿ ಯೊ ನವಿ ಬೋಧನ್ನಿ ನಿಯಮ್ನ ಹಮುನಾಬಿ ವತಾಳ್.

ಇಬ್ರಿ 6:9

ಕತೋಬಿ ಪ್ಯಾರ್‌ನ ದೋಸ್ತಿವೊ ಅಮ್ನಿ ಪರಕ್‍ಥಿ ಹಮೆ ವಾತೆಬೋಲ್ಯತೋಬಿ ತುಮಾರಿ ವಿಚಾರ್‌ಮ ರಕ್ಷಣೆನ ಹೋಣುತೆ ಯೋ ಖ್ಹಾರಾಮ ತುಮೆ ಛಾ಼ಕರಿ, ಹಮೇ ಖ್ಹಾಚಾಮ ವಿಶ್ವಾಸ್ ಕರಿಯೇಸ್;

1 ಯೋಹಾನ 2:24

ಪಹಿಲೆಥೂಬಿ ತುಮೆ ಖಿವಿ ಸುವಾರ್ತೆನ ಖ್ಹಮ್‍ಜ್ಯಾಕಿ ಯೊ ತುಮಾರಮ ರ‍್ಹಿಶೆ. ಇನಖ್ಹಾಜೆ ತುಮೇಬಿ ಪಹಿಲೆಥೀಬಿ ಖ್ಹಮ್‍ಜ್ಯಾತೆ ಅಛ್ಛಿ ಸಮಾಚಾರ್ ತುಮಾರಮ ರ‍್ಹಯುತೊ ಛಿಯ್ಯಾಮಾಬಿ ಬಾಹುಯಿರೋತೆ ದೇವ್‍ಮಾಬಿ ತುಮೆ ಘಟ್‍ಥಿ ರ‍್ಹಿಶು.

1 ಯೋಹಾನ 3:11

ಅಪ್ಣೆ ಏಕ್‌ಥಿಏಕ್ ಪ್ಯಾರ್‌ಕರ‍್ನು ಕರಿ ಬೋಲಾನು ಸಂದೇಶ್‌ನಾಸ್‍ ತುಮೆ ಪಹಿಲೆಥು ಖ್ಹಮ್‍ಜಿರಾಖ್ಯಸ್ತೆ.

1 ಯೋಹಾನ 3:2

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.

1 ಯೋಹಾನ 3:21

ಪ್ಯಾರ್‌ನ ಭೈಯೇ ಭೇನೆವೊ ಅಪ್ಣ ದಿಲ್ನಿ ಸಾಕ್ಷಿ ಅಪ್ಣುನ ಗುರ್‌ಕಾಯುನಾತೊ, ಅಪ್ಣೆ ದೇವ್ನ ಖ್ಹಾಮ್ಣೆ ಹಿಮ್ಮಥಿರ‍್ಹವಾನ ಉಶೆ.

1 ಯೋಹಾನ 3:23

ದೇವ್ನಿ ಹುಕುಮ್ ಶಾತ್‍ಕತೊ ಅಪ್ಣೆ ದೇವ್‌ನೊ ಛಿಯ್ಯೊ ಪ್ರಭು ಯೇಸುನ ನಾಮ್‍ಪರ್ ವಿಶ್ವಾಸ್‍ಕರೀನ್‍ ಇನೆ ಹುಕುಮ್ ಕರಿರಾಖ್ಯೊತೆ ಇಮ್ಮಸ್ ಏಕ್‌ಥಿಏಕ್ ಪ್ಯಾರ್‌ಕರ‍್ನು ಕರಿ ಬೋಲಾನುಸ್.

1 ಯೋಹಾನ 4:1

ಪ್ಯಾರ್‌ನ ಅದ್ಮಿವೊ “ಅಪ್ಣಾಮ ಪವಿತ್ರಾತ್ಮ ಛಾ಼” ಕರಿ ಬೋಲಿಲ್ಯಾವಾಳ ಅಖ್ಖಾಸ್ನ ವಿಶ್ವಾಸ್ ನಾಕರ‍್ನು. ಯೊ ಹುಮ್ಮಖ್ಹ್‌ ದೇವ್‍ಥಿ ಆಯು ಕಿಶು ಕರಿ ತರೀಪ್‌ಶ ಕರಿನ್ ದೇಖೊ. ಶನಕತೊ ಜಗತ್‌ಮ ಕೆತ್ರುಕ್ಕಿ ಝೂ಼ಟು ದೇವ್ನಿ ಸಮಾಚಾರ್ ಬೋಲವಾಳು ಕಿಜ಼್ಜ ಕಿಜ್ಜಾ಼ಬಿ ಫೈಲೈಗು.

1 ಯೋಹಾನ 4:11

ಪ್ಯಾರ್‌ನ ದೋಸ್ತಿವೊ, ದೇವ್ ಅಪ್ಣುನ ಅಮ್ ಪ್ಯಾರ್ ಕರಾಪರ್ ಅಪ್ಣೇಬಿ ಏಕ್‌ಥಿಏಕ್ ಪ್ಯಾರ್‌ಕರ‍್ನುಸ್‍ ಕರ‍್ನು.

1 ಯೋಹಾನ 4:21

ದೇವ್ನ ಪ್ಯಾರ್‌ಕರವಾಳೊ ಇನ ಭೈ ಭೇನೇನ ಪ್ಯಾರ್‌ಕರ‍್ನು ಕರಿ ಕ್ರಿಸ್ತಯೇಸು ಅಪ್ಣುನ ಹುಕುಮ್ ಕರ‍್ಯೊ.

1 ಯೋಹಾನ 4:7

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಏಕ್‌ಥಿಏಕ್ ಪ್ಯಾರ್ ಕರಿಯೆ ಶನಕತೊ ಪ್ಯಾರ್ ದೇವ್‍ಥಿ ಆಯುಹುಯು ಹುಯಿರ‍್ಹೂಸ್ ಅಜು಼ ಪ್ಯಾರ್ ಕರಾವಾಳೊ ಹರೇಕ್‍ಬಿ ದೇವ್‍ಥಿ ಪೈದ ಹುವವಾಳೊ ಹುಯಿರ‍್ಹೋಸ್ ಯೋ ದೇವ್ನ ಮಾಲುಮ್ ಕರಾಖವಾಳೊ ಹುಯಿರ‍್ಹೋಸ್.