1 ಯೋಹಾನ 2:28 - ದೇವ್ನಿ ಖ್ಹಾಚಿ ವಚನ್

²⁸ ಪ್ಯಾರ್‌ನ ಲಡ್ಕಾವೊ, ಯೋ ದೆಖಾವನಿ ವಖ್ಹ್‌ತೆ. ಅಪ್ಣೆ ಇನಖ್ಹಾಮ್ಣೆ ಭಿರಾವನ ಖ್ಹರ್‌ಮಾವ್ಣುನಾತೆ ಭಾಲಿಥಿ ರ‍್ಹಾವನಿಘೋಣಿ ಇನಾಮ ತಳ್‍ಗಾಠಿನ್ ರ‍್ಹಿಯೆ.

1 ಯೋಹಾನ 2:28 ပူးပေါင်းရင်းမြစ်များ

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಮತ್ತಾಯ 16:28

ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಹಜ್ಜಾ಼ ಭಿಯುತೆ ಇವ್ಣಾಮ ಥೋಡು ಜ಼ಣು ಅದ್ಮಿನೊ ಛಿಯ್ಯೊ ಇನ ರಾಜ್ಯಮ ಆವ್‌ಶೇತೆ ದೇಖಲಗೂಬಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.

ಮಾರ್ಕ 8:38

ವ್ಯಭಿಚಾರಣಿ ಘೋಣಿ ಛಾ಼ತೆ, ಆ ಪಾಪ್‍ಭರಿ ಪಿಳ್ಗಿಮ ಕೋಣ್‌ತೋಬಿ, ಮಾರಖ್ಹಾಜೆ ಅಜು಼ ಮೇ ಬೋಲಿಶಿಕಾಡುತೆ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಅದ್ಮಿನೊ ಛಿಯ್ಯೋಬಿ ಇನ ಬಾನಿ ಶಕತ್‌ಥೀಬಿ ಅಜು಼ ಉಜಾ಼ಖ್ಹ್‌ಥಿ ಭರೈನ್, ಅದಿಕಾರ್‌ಥಿ ಪವಿತ್ರ ದೇವ್‌ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಅದ್ಮಿನಿ ಬಾರೇಮ ಖ್ಹರ್‌ಮಾವ್‌ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:30

ಅದ್ಮಿನೊ ಛಿಯ್ಯೊ ದೆಖಾವ್‌ಶೇತೆ ದನ್‌ಮಾಬಿ ಅಮ್ಮಸ್ ರ‍್ಹಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:33

ಧರ್ಮಶಾಸ್ತ್ರಮ ಅಮ್‌ಲೀಖೈರುಸ್ಕಿ, “ಹಂದೇಕ್, ಚೀಯೋನ್‌ಮ ಮೇ ಅದ್ಮಿವ್ ಧೊಕ್‌ಡಾವನ ಬಂಡನಾಬಿ ಠೊಕ್ರವಾನ ಬಂಡಾನಾಬಿ ಮ್ಹೇಲುಸ್. ಇನ ವಿಶ್ವಾಸ್‍ಕರವಾಳನ ನಿರಾಶ್‍ ಕೊಉಷೇನಿ”

1 ಕೊರಿಂಥ 1:7

ಅಮ್‍ರ‍್ಹವಾಪರ್, ಅಪ್ಣೊ ಪ್ರಭು ಯೇಸುಕ್ರಿಸ್ತ ಪಾಛೊ಼ ಆವಾನುಸ್ ಟಿವೈ ದೇಖುಕರಾತೆ ತುಮೆ, ದೇವ್‍ಥಿ ಆವಾತೆ ಹರೇಕ್ ವರಾನ ಲೀಲ್ಯಾವಾಳ ಹುಯಿರಾಸ್.

1 ಕೊರಿಂಥ 15:23

ಕತೋಬಿ ಕ್ರಿಸ್ತ ಖ್ಹಾರೇಥಿ ಪಹಿಲೆ ಇನಪಾರ್ ಕ್ರಿಸ್ತ ಆವಾನಿ ವಖ್ಹ್‌ತೆ ಇನು ಅದ್ಮಿಖ್ಹಾರು ಏಕ್‌ನ ಕೇಡೆಥು ಏಕ್‌ ಬರೋಬರ್‌ನಿ ಪರಕ್ಮ ಉಠೀನ್ ಆವ್‌ಶೆ.

ಎಫೆಸ 3:12

ಕ್ರಿಸ್ತನ ಗಳ್‍ಜೋ಼ಡ್ಮಾಬಿ ಅಜು಼ ಇನಾಪರ್ ರಾಖಿರಾಖ್ಯತೆ ಅಪ್ಣಿ ವಿಶ್ವಾಸ್‍ಥಿ ಅಪ್ಣೆ ದೇವ್ನ ಖ್ಹಾಮ್ಣೆ ಭಾಲಿಥಿ ಅಜು಼ ಆತ್ಮ ವಿಶ್ವಾಸ್‍ಥಿ ಜಾ಼ವನಿತರ ಹುಯು.

ಕೊಲೊಸ್ಸೆ 3:4

ತುಮುನ ಜಾನ್‌ ಹುಯಿರ‍್ಹೋತೆ ಕ್ರಿಸ್ತ ದೆಖಾವನಿ ವಖ್ಹ್‌ತೆ ತುಮೇಬಿ ಇನಿ ಜೋ಼ಡ್ಮ ಮಹಿಮೆಮ ದೆಖಾವ್‌ಶು.

1 ಥೆಸ 2:19

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಆವಾನಿ ವಖ್ಹತ್‌ಮ, ಇನಖ್ಹಾಮ್ಣೆ ಹಮಾರಿ ಭರೋಖ್ಹೊ, ಲ್ಹಾಯಕ್, ಖ್ಹುಶಿ, ಅಜು಼ ಹಮೆ ಖ್ಹರಾವನಿ ಕಿರೀಟ್‌ಬಿ ಕೋಣ್? ತುಮೇಸ್ ಕಾಹೆಕಿ ಶು.

1 ಥೆಸ 3:13

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ಇನು ಪರಿಶುದ್ದ ಪರಿವಾರ್‌ನಿ ಖ್ಹಮೇದ್ ಆವಾನಿ ವಖ್ಹತ್‌ಮ, ಬಾ ದೇವ್ನ ಖ್ಹಾಮ್ಣೆ ತುಮೆ ಪವಿತ್ರಥಿ ಅಜು಼ ಗಲ್ತಿಕೊಂತೆ ಇಮ್‌ ರ‍್ಹವಾನಿಮತ್ ತುಮಾರ ದಿಲ್ನ ಖ್ಹಾರು ಘಟ್ ಕರಾದೆ.

1 ಥೆಸ 5:23

ಶಾಂತಿ ದೆವಾಳೊ ದೇವಸ್ ತುಮೂನ ಪೂರಿ ತರಿಕಾಥಿ ಪವಿತ್ರ ಕರಾದೆ. ತುಮಾರು ಆತ್ಮ, ಜಾನ್‌ ಅಜು಼ ಶರೀರ್ ಖ್ಹಾರು ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ದೆಖಾವಾನಿ ವಖ್ಹತ್‌ಲಗು ಪೂರ ದೋಷ್‌ಕೊಂತೆ ರಾಖಿಮ್ಹೇಲೊ.

1 ತಿಮೊ 6:14

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ದೆಖಾವತೋಡಿ, ತೂ ಯೋ ಹುಕುಮ್‌ನ ಮೈಲಾಪ್‌ ಕೊಯ್ನಿತೇಬಿ ಚಿಂಘಾವ್ಣಿ ಕೊಯ್ನಿತೇಬಿ ಜ಼ತನ್ ಕರಿಲೇವ್ಣು.

2 ತಿಮೊ 4:8

ದೇವ್ನ ಖ್ಹಾಜಾ಼ನಿಮತ್ ಜಿವವಾಳಾನ ಮಳಾಸ್ತೆ ಜಯಾನಿ ಹಾರ್ ಹಮ್ಕೆ ಮಾರಖ್ಹಾಜೆ ತೈಯಾರ್ ಛಾ಼. ಯೋ ನೀತಿವಾಳೊ ನ್ಯಾವ್‍ನೊ ಅದಿಪತಿ ಹುಯಿರ‍್ಹೋತೆ ಪ್ರಭು, ಯೋ ದನ್ಮ ಮನ ದಿಶೆ, ಮನಾಸ್ ಕಾಹೆತೆ, ಯೋ ಆವ್‌ಶೇತೆ ದೇಕ್ಣು ಕರಿ ಪ್ಯಾರ್‌ಥಿ ಜ಼ಪಿರ‍್ಹೂತೆ ಇವ್ಣುನಾಬಿ ದಿಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13

ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಇಬ್ರಿ 9:28

ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್‌ ಹುಯೊ. ಯೋ ಬೇನೆ ಹಲ್ಲ ದೆಖಾವ್‌ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ‍್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್‌ಶೇತೆ.

1 ಪೇತ್ರ 1:7

ನಾಶಹುಯಿಜಾ಼ವಾನುಬಿ, ಆಗ್‌ಥಿ ಛ಼ಣೈನ್ ಹುಯಿರ‍್ಹುತೆ ಖ್ಹೋನ್ನೇಥಿಬಿ ಘಣು ಮೋಲ್ನು ಹುಯಿರ‍್ಹುತೆ ತುಮಾರಿ ವಿಶ್ವಾಸ್ ಆ ವದೇಖ್ಹ್‌ಥಿ ತರೀಪ್‌ಶ ಹುಯಿನ್ ಯೇಸುಕ್ರಿಸ್ತ ಆವಾನಿ ವಖ್ಹತ್ ತುಮುನ ಕೀರ್ತಿ, ಮಾನ್, ಮಹಿಮೆ ಅಖ್ಖು ಉಬ್ಜಿ ಆವಾನಿತರಾನು ಹುಯಿರ‍್ಹುಸ್.

1 ಪೇತ್ರ 5:4

ಮೋಟೊ ಕುರುಬ ದೆಖಾವನಿ ವಖ್ಹ್‌ತೆ ತುಮೆ ಕದೇಬಿ ಮಹಿಮೆನಿ ಕಿರೀಟ್ನ ಲೀಲಿಶು.

1 ಯೋಹಾನ 2:1

ಮಾರ ಪ್ಯಾರ್‌ನ ಲಡ್ಕಾವೊ, ತುಮೆ ಪಾಪ್ ನಾಕರ‍್ನುತೆ ರ‍್ಹೇವ್ಣು ಮೇ ಆ ಅಖ್ಖು ತುಮೂನ ಲೀಖುಕರುಸ್. ಏಕ್‍ ವೇಳ್ಮ ಕೋಣ್‌ತೋಬಿ ಪಾಪ್ ಕರ‍್ಯುಸ್‍ಉಶೇತೊ ಅಪ್ಣ ಭಣೀಥು ಬಾಕನ ಬೋಲಿಲ್ಯವಾನ ಏಕ್‍ಜ಼ಣೊ ಛಾ಼. ಯೋಸ್ ನೀತಿವಾಳೊ ಯೇಸುಕ್ರಿಸ್ತ ಮದತ್‌ಕರಾವಾಳು ಹುಯಿರೋಸ್.

1 ಯೋಹಾನ 3:2

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.

1 ಯೋಹಾನ 3:21

ಪ್ಯಾರ್‌ನ ಭೈಯೇ ಭೇನೆವೊ ಅಪ್ಣ ದಿಲ್ನಿ ಸಾಕ್ಷಿ ಅಪ್ಣುನ ಗುರ್‌ಕಾಯುನಾತೊ, ಅಪ್ಣೆ ದೇವ್ನ ಖ್ಹಾಮ್ಣೆ ಹಿಮ್ಮಥಿರ‍್ಹವಾನ ಉಶೆ.

1 ಯೋಹಾನ 4:17

ನ್ಯಾವ್‌ತೀರ್ಪ್‌ನ ದನ್ಮ ಅಪ್ಣೆ ಹಿಮ್ಮಥ್ಥಿ ರ‍್ಹವಾನಖ್ಹಾಜೆ ಇನಿ ಪ್ಯಾರ್ ಅಪ್ಣಾಮ ಛಾ಼. ಆ ಜಗತ್‌ಮ ಅಪ್ಣು ಜಿವ್ಣು ಕ್ರಿಸ್ತಯೇಸುನ ಜಿವ್ಣನಿಘೊಣಿ ರ‍್ಹೇಸ್ತೆ ಇನಖ್ಹಾಜೇಸ್ ಆ ಭರೋಖ್ಹೊ ಅಪ್ಣಾಮ ಭರ್‌ಪೂರ್‌ಥಿ ರ‍್ಹೇಸ್ತೆ.

1 ಯೋಹಾನ 5:14

ಅಜು಼ ದೇವ್ನ ಖ್ಹೂಜ಼್‍ಥಿ ಶಾತ್ತೋಬಿ ಮಾಂಗಿಲಿದಾತೊ ಯೋ ಅಪ್ಣಿ ಬಿಂತಿನ ಖ್ಹಮಜ಼್‌ಶೆ ಕರಿ ಅಪ್ಣುನ ಭರೋಖ್ಹೊ ಛಾ಼.

ಪ್ರಕಾಶಿತ್ 1:7

“ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.