1 ಯೋಹಾನ 2:24 - ದೇವ್ನಿ ಖ್ಹಾಚಿ ವಚನ್

²⁴ ಪಹಿಲೆಥೂಬಿ ತುಮೆ ಖಿವಿ ಸುವಾರ್ತೆನ ಖ್ಹಮ್‍ಜ್ಯಾಕಿ ಯೊ ತುಮಾರಮ ರ‍್ಹಿಶೆ. ಇನಖ್ಹಾಜೆ ತುಮೇಬಿ ಪಹಿಲೆಥೀಬಿ ಖ್ಹಮ್‍ಜ್ಯಾತೆ ಅಛ್ಛಿ ಸಮಾಚಾರ್ ತುಮಾರಮ ರ‍್ಹಯುತೊ ಛಿಯ್ಯಾಮಾಬಿ ಬಾಹುಯಿರೋತೆ ದೇವ್‍ಮಾಬಿ ತುಮೆ ಘಟ್‍ಥಿ ರ‍್ಹಿಶು.

1 ಯೋಹಾನ 2:24 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:44

“ಮೇ ಬೋಲುಕರುಸ್ತೆ ವಾತೇನ ಭೈಕ್‌ಶು ನಕೊ; ಅದ್ಮಿನ ಛಿಯ್ಯಾನ ಅದ್ಮಿಖ್ಹಾರಾನ ಹಾತ್‌ಮ ದೆವೈಜಾಶೆ”

ಯೋಹಾನ 14:23

ಯೇಸುನೆ ಇನ, “ಕೋಣ್ ಮನ ಪ್ಯಾರ್ ಕರಾಸ್ಕಿ, ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್‌ಷೆ. ಮಾರೊ ಬಾ ಇನ ಪ್ಯಾರ್ ಕರ್ಶೆ, ಅಜು಼ ಮಾರೊ ಬಾಬಿ ಮೇ ಭೇಜ಼ಣ ಇನಾಕನ ಐನ್, ಇನಜೋ಼ಡೆ ಜಿವ್‌ಶು.

ಯೋಹಾನ 15:7

ತುಮೆ ಮಾರಾಮಬಿ ಮಾರಿ ವಚನ್ ತುಮಾರಾಮ ರ‍್ಹಯೀತೊ, ಶಾತ್‌ ಮಾಂಗಿಲಿದಾತೋಬಿ ಯೋ ತುಮೂನ ಮಳ್‌ಶೆ.

ಯೋಹಾನ 6:56

ಮಾರಿ ಬೋಟಿನ ಖೈನ್, ಮಾರೂ ಲ್ಹೋಯಿನ ಪಿಯ್ಯಾವಾಳು ಯೊ ಮಾರಾಮ ರ‍್ಹೇಸ್‌, ಅಜು಼ ಮೇ ಇವ್ಣಾಮ ಜಿವಿರ‍್ಹೀಶ್‌.

ಯೋಹಾನ 8:25

ತದೆ ಇವ್ಣೆ ಇನ, “ತೂ ಕೋಣ್?” ಕರಿ ಪುಛಾ಼ಯು. ಯೇಸುನೆ, “ಮೇ ಕೋಣ್ ಕರಿ ಪಹಿಲೇಥೋಸ್‌ ತುಮೂನ ಬೋಲ್ತೊ ಆಯೊತೇಸ್ ಮೆ.

ಫಿಲಿಪ್ಪಿ 4:15

ಅಜು಼ ಫಿಲಿಪ್ಪಿವಾಳೊ, ಮೇ ಶುರುವಾತ್ನ ತುಮಾರಮ ಸುವಾರ್ತೆನ ಪ್ರಚಾರ್ ಕರೀನ್, ಮೆಕೆದೋನ್ಯನ ಗಯೋತೆ ತದೆ ದ್ಯವಾನು, ಲ್ಯಾವಾನಿ ಬಾರೇಮ ತುಮುನ ಮ್ಹೇಲ್ಯೂತೊ ಬಿಜು಼ ಖಿವು ಸಬೇಬಿ ಮನ ಮದತ್ ಕೊದಿದೂನಿಕರಿ ತುಮುನಾಬಿ ಮಾಲುಮ್ ಛಾ಼.

ಕೊಲೊಸ್ಸೆ 3:16

ಕ್ರಿಸ್ತನು ವಚನ್ ತುಮಾರಮ ಭಡ್ತುಹುಯಿನ್ ಜಿವಾದೆ. ಹರೇಕ್ ಅಕ್ಕಲ್‌ಮ ಏಕ್‌ಥಿ ಏಕ್‌ ಶಿಕ್ತಹುಯಿನ್ ಉಪದೇಶ್ ಕರತಾಹುಯಿನ್, ಅಕ್ಕಲ್ ಬೋಲ್ತಹುಯಿನ್ ಕೀರ್ತನೆಥೀಬಿ, ಸ್ತುತಿನು ಗೀದ್‍ಥೀಬಿ ಆತ್ಮೀಕ್ ಗೀದ್‍ಥೀಬಿ ಅಜು಼ ತುಮಾರ ದಿಲ್ಮ ದೇವ್ನ ಧನ್ಯವಾದ್ನು ಗೀದ್‌ ಬೋಲೊ.

ಇಬ್ರಿ 2:1

ಇನಖ್ಹಾಜೆ ಅಪ್ಣೆ ಖ್ಹಮ್‍ಜ್ಯಾತೆ ಬಾರೇನು ನಾ ಛು಼ಕಿಜಾ಼ವ್ಣುತೆ ಯೊ ಅಖ್ಖಾನ ಜಾ಼ಖ್ಹತ್ ಧ್ಯಾನ್ ದ್ಯಾವಾಳ ಹುಯಿರ‍್ಹೇಣು.

ಇಬ್ರಿ 3:14

ಶನಕತೊ ಪಹಿಲೆಥೂ ಖ್ಹರ್ತಿಲಗೂಬಿ ಭರೋಖ್ಹಾನ ಘಟ್‌ರಾಖ್ಯಾತೊ ಅಪ್ಣೆ ಕ್ರಿಸ್ತನ ಗಳ್‌ಜೋ಼ಡ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಷು.

1 ಯೋಹಾನ 1:3

ಬಾ ಹುಯಿರೋತೆ ದೇವ್ನ ಅಜು಼ ಇನೊ ಛಿಯ್ಯೊ ಹುಯಿರೋತೆ ಯೇಸುಕ್ರಿಸ್ತನಿ ಜೋಡ್ಮರ‍್ಹವಾನುಬಿ ಹಮುನ ಛಾ಼ತೆ ಗಳ್‌ಜೋ಼ಡ್ಮ ತುಮೆಜಿನು ಭಾಗ್‌ಲೀಲ್ಯವಾಳ ಹುಯಿರ‍್ಹೇವ್ಣುಕರಿ ಹಮೆ ದೇಖಿರಾಖ್ಯತೆ, ಖ್ಹಮ್‍ಜಿರಾಖ್ಯತೆ ತುಮೂನ ಬೋಲಿವತಾಳೆಸ್‍.

1 ಯೋಹಾನ 1:7

ಕತೋಬಿ ದೇವ್ ಉಜಾ಼ಳಮ ರ‍್ಹಾವನಿತರಸ್‍ ಅಪ್ಣೇಬಿ ಉಜಾ಼ಳಮ ಚಾ಼ಲ್ಯಾತೊ ಅಪ್ಣೆ ಏಕ್‌ಥಿಏಕ್ ಗಳ್‍ಜೋ಼ಡ್‍ಥಿ ರ‍್ಹಯೇಜಾ಼ಯ್ ತದೆ ಇನೊ ಎಕ್ಕಸ್ ದೇವ್‌ನೊ ಛಿಯ್ಯೊ ಯೇಸುನು ಲ್ಹೋಯಿ ಅಪ್ಣುನ ಅಖ್ಖಾ ಪಾಪ್‌ಥಿ ಛೋ಼ಡೈನ್ ಪಾಕ್‍ಕರಾಸ್.

1 ಯೋಹಾನ 2:7

ಮಾರ ಪ್ಯಾರ್‌ನ ಭೈಯೇ ಭೇನೆವೊ, ಮೇ ತುಮೂನ ಲೀಖುಕರುತೆ‍ ನವಿ ಹುಕುಮ್ ಕಾಹೆ, ಹೈರಿತೆ ಜೂ಼ನಿ ಹುಕುಮ್ ಹುಯಿರ‍್ಹಿಸ್. ಆ ಜೂ಼ನಿ ಹುಕುಮ್ ತುಮೆ ಖ್ಹಮ್‍ಜ್ಯಾತೆ ವಚನಸ್.

1 ಯೋಹಾನ 3:24

ದೇವ್ನಿ ಹುಕುಮ್‌ನ ಪಾಡಿಚಾ಼ಲವಾಳೊ ಇನಾಮ ತಳ್‍ಗಾಠಿನ್ ರ‍್ಹೇಸ್. ದೇವ್ ಇವ್ಣಾಮ ತಳ್‌ಗಾಠಿ ರ‍್ಹೇಸ್‍. ದೇವ್ ಅಪ್ಣಾಮ ತಳ್‍ಗಾಠಿ ಛಾ಼ಕರಿ ಯೋ ಅಪ್ಣುನ ಕೃಪೆಥಿ ದೀರಾಖ್ಯೋತೆ ಪವಿತ್ರಾತ್ಮಥೀಸ್ ಮಾಲುಮ್ ಕರಿಲಿಯೇಸ್.

1 ಯೋಹಾನ 4:13

ದೇವ್ ಇನಿ ಆತ್ಮಾನ ಅಪ್ಣಾಮ ದೀರಾಖ್ಯೋತೆ ಇನಖ್ಹಾಜೇಸ್ ಅಪ್ಣೆ ಇನಾಮ ಛಿಯೆಕರಿ ಮಾಲುಮ್ ಕರಿಲಿಯೇಸ್.

1 ಯೋಹಾನ 4:15

ಯೇಸುಕ್ರಿಸ್ತ ದೇವ್‌ನೊ ಛಿಯ್ಯೊಕರಿ ಕೋಣ್ ಮಾನಿಲೇಸ್ಕಿ ಇವ್ಣಾಮ ದೇವ್ ರ‍್ಹೇಸ್, ಅಜು಼ ಇವ್ಣೆ ದೇವ್‌ಮ ರ‍್ಹವಾಳ ಹುಯಿರಾಸ್.

1 ಯೋಹಾನ 4:16

ಅಮ್ಮಸ್ ದೇವ್ ಅಪ್ಣಾಮ ರಾಖಿರಾಖ್ಯೊತೆ ಪ್ಯಾರ್‌ನ ಅಪ್ಣೆ ಮಾಲುಮ್ ಕರಿರಾಖ್ಯಸ್. ಇನ ಅಪ್ಣೆ ವಿಶ್ವಾಸ್ ಕರಿಯೇಸ್. ದೇವ್ ಪ್ಯಾರ್‌ವಾಳೊ ಹುಯಿರ‍್ಹೊಸ್. ಪ್ಯಾರ್‌ಮ ರ‍್ಹವವಾಳೊ ದೇವ್‌ಮ ರ‍್ಹವಾಳೊ ಹುಯಿರೇಸ್‌. ದೇವ್ ಇವ್ಣಾಮ ರ‍್ಹವಾಳೊ ಹುಯಿರ‍್ಹೊಸ್ ದೇವ್ ಪ್ಯಾರ್ ಹುಯಿರ‍್ಹೊಸ್.

2 ಯೋಹಾ 1:2

ಅಪ್ಣಾಮ ಜ಼ಡ್‍ಗಾಠಿಛಾ಼ತೆ ಅಜು಼ ಕದೇಬಿ ಅಪ್ಣ ಜೋ಼ಡೆ ಛೇತೆ ಖ್ಹಾಚ಼ನಖ್ಹಾಜೆ, ಮೆ ತುಮುನ ಖ್ಹಾಚಮಾಬಿ ಪ್ಯಾರ್‌ಕರೂಸ್. ಮೇಸ್ ಕಾಹೆತೆ ಖ್ಹಾಚಿನ ಪ್ಯಾರ್‌ಕರವಾಳು ಖ್ಹಾರುಸ್ ತುಮುನ ಪ್ಯಾರ್‌ಕರಾಸ್‌.

2 ಯೋಹಾ 1:9

ಕ್ರಿಸ್ತನಿ ಉಪದೇಶ್‍ಮ ನಾರ‍್ಹೀನ್ ಇನ ಮಿತ್‌ಮೀರಿನ್ ಜಾವಾಳಮ ದೇವ್ ಕೊರ‍್ಹೇಯಿನಿ. ಯೊ ಉಪದೇಶ್‍ಮ ಜ಼ಡ್‍ಗಾಠಿನ್ ರ‍್ಹಾವವಾಳಮ ಬಾನಿಬಿ ಛಿಯ್ಯಾನಿಬಿ ಜೋ಼ಡೆ ಗಳ್‍ಜೋ಼ಡ್ ರ‍್ಹಿಶೆ.

3 ಯೋಹಾ 1:3

ಭೈಯೇಖ್ಹಾರು ಕದೆಕದೇಬಿ ಮಾರಕನ ಐನ್ ತಾರಮಛಾ಼ತೆ ಖ್ಹಾಚ಼ನಿ ಬಾರೇಮ ತೂ ಖ್ಹಾಚೊ಼ಹುಯಿನ್‌ ಜಿವವಾಳೊ ಕರಿ ಬೋಲಾನು ಖ್ಹಮ್‍ಜಾ಼ನಿ ವಖ್ಹ್‌ತೆ, ಮೇ ಘಣು ಖುಷಿಕರ‍್ಯೊ.

ಪ್ರಕಾಶಿತ್ 3:11

ಮೇ ಒಗ್ಗಿಸ್‌ಮ ವಳ್ಯಾವುಸ್. ತಾರಿ ಕಿರೀಟ್ನ ಕೋಣ್‌ಬಿ ನಾ ಛಿನಾವ್ಣುತೆ ಇಮ್‌ ತುನೆ ಲೀರಾಖ್ಯೊಸ್ತೆ ಇನ ಘಟ್ ಧರಿರಾಕ್.

ಪ್ರಕಾಶಿತ್ 3:3

ಇನಖ್ಹಾಜೆ ತೂ ಲೀರಾಖ್ಯೊಸ್ತೆ ಬೋಧನೆನ ಯೋ ಖ್ಹಮ್‍ಜ್ಯೊತೆ ಪರಕ್ನ ಖ್ಹಯಾಲ್ಮ ಲೈನ್‌ ಇನ ಬಚಾ಼ಡಿಲೆ, ಮನ್ ಫರಾವೊ, ದೇವ್‌ಭಣಿ ಫರಿಜಾ಼, ತೂ ಹೊಷಾರ್ ನಾಹುಯೋತೊ, ಚೋ಼ರ್ ಆವಾನಿಘೋಣಿ ಆಯಿಶ್. ಮೇ ಖಿವಿ ವಖ್ಹತ್‌ಮ ತಾರಕನ ಐಶ್‌ಕರಿ ಬೋಲಾನು ತುನ ಮಾಲುಮ್‌ಪಡ್‌ಶೇಸ್ ಕೊಯ್ನಿ.